海老名沾麵

營業中

休息中

夏日炎炎，週六不想在家裡做飯，刷openrice時，剛好看到家附近一間收藏極多，評價也還不錯的沾麵館。趁興致尚未消退，馬上叫上媽媽換裝出發。沾麵館的位置不顯眼，位於麥當勞旁邊，沒有招牌，如果不是看到有人排隊，我第一時間完全無法留意到。館裡空間有限，同時能容納10餘人入座，和媽媽在門外排隊，等了二十分鐘，終於能進去了。剛進小館，被侍應的態度噁心到了。一進門，先掃店方安心出行二維碼，由於店方的手機擺放地點不起眼，加上侍應也沒有第一時間引導掃描顧客的二維碼，我直接前往不遠的空位，準備坐下。漏了第二步的掃描，本來只是一件小事，補上就是。但侍應卻再三陰陽怪氣得說，「我沒聽到‘嘟’的一聲，出來吃飯的人都知道會有‘嘟’的一聲。」啥意思？責任在誰，尚有待商榷，可是，我被噁心到了！這態度，是服務業的地板吧！剛坐下，沾麵已經做好，湯底看起來極為漂亮，賣相拉滿，用來打卡一流。迫不及待地把麵條放進去，第一口，咦，不知道該怎麼形容，第二口，額，似乎沒什麼味道。有點失望，本人雖然稱不上美食家，但在中環工作的幾年，把大大小小的拉麵、沾麵館都試過無數次，霸嗎拉麵、一風堂、立體派、一幻、麵鮮醬油房…以同價位的麵鮮醬油房

對於小編黎講日本菜係經常性選擇之一，但當中其實都可以分為好多款，例如日本和食、刺身、壽司、拉麵、沾麵、鍋物等等…基本上樣樣都係小編既至愛❤️今日就同大家分享一間比較隱世既沾麵店，3款不同口味沾麵都以主打蝦汁湯底為基底，比起一般湯底來說，呢個湯頭算係重口味既! 但小篇心思思又經常返去encore食既…所以就開心share俾大家喇😋🍽海老名沾麵🍜🍜蝦汁味噌沾麵($89)味噌湯底夠濃郁而且再配上蝦汁，令到整個湯底大大提升左蝦香味，而沾麵方面就用上粗身既麵條，麵條夠彈牙有咬口而湯汁都夠稠身令到麵條都做到掛汁既效果。當然幸好既係湯底只是濃而不是咸，呢樣係抵讚既! 另外配料方面分別有幾塊薄薄既叉燒、溏心蛋及醃漬筍，浸係濃濃既湯底下有少少遮蓋左配料原本既味道，整體上就不過不失啦!沾麵食完後仲可以叫店員加上清湯再享受剩餘湯底。💡小知識：等小編分享下傳統沾麵既食法啦! 第一口應該嘗試食一啖冇沾上湯汁既麵條，就可以品嚐到本身麵條既麥香。第二就可以將麵條浸進湯汁裡，建議大概沾二分一長度，這樣可以令味道唔會太濃剛剛好。最後問店員加上清湯再一口氣飲用熱湯。🍜 海老名沾麵 Ebina Tsukemen🏡 長沙灣元州

🔸牡蠣之怪🦪🍜呢款期間限定嘅拉麵每日限定10碗，湯底好特別，蠔又大隻又鮮甜🥰🔸海老味噌沾麵🦐🍜蝦沾麵更加唔洗講，咁多年都一樣咁出色，麵質爽口一流，湯底超濃yuk！📍#海老名沾麵 (#長沙灣美食)長沙灣元州街213號美居中心20號舖

🌟長沙灣隱世沾麵店🌟海老名沾麵 (長沙灣)$89蝦汁味噌沾麵（8⭐️/10)湯底非常濃郁，🍜沾麵落湯會食到好突出既蝦味，味噌味就唔算明顯，湯唔會太咸，食落啱啱好😋。麵條粗身，相對硬身同煙靭，麵容易索湯。糖心雞蛋🥚都做得出色，微微流心。食完麵之後可以叫店員幫你加湯，加少少湯之後可以飲，飲落好似龍蝦湯🦞，好鮮甜，蝦味🦐十足，正😋。$99蝦汁番茄沾麵(8⭐️/10)🍅番茄湯食落番茄味重，酸酸甜甜，最重要係湯底都食到明顯既🦐櫻花蝦味，所以唔係單純既番茄湯，而係番茄加櫻花蝦熬制既湯底間唔中食到粒粒番茄肉，湯底出色👍🏻🌟。叉燒薄身，燒得好香口，好味😋食物：9/10環境：5/10性價比：8/10📝另外，見到店有貼notes話6月13號起會裝修，到7月頭再同大家見面～所以想試既朋友們，就記得7月先去啦！😙😙📍長沙灣元州街213號美居中心20號舖#長沙灣美食 #長沙灣沾麵 #海老名沾麵 #櫻花蝦湯底 #糖心蛋 #味噌バター #番茄湯拉麵 #番茄濃湯 #香港美食 #隱世小店 #小店 #沾麵 #cheungshawanfood #tsukemen #sakurashrimp #tamatosoup #hkfoo

搵食搵到黎呢度真係好犀利多謝識食既帶我黎到呢間食沾麵🧡門面好有特色 而且都要排左陣隊不過好快就入得 可以開心專心食店中有3款沾麵可選擇•蝦汁番茄沾麵🍜見到佢有番茄🍅已經被吸引了熱辣辣既番茄湯 酸酸甜甜既湯底 連埋櫻花蝦🦐 令到成碗湯都好香 番茄湯中仲有番茄肉 同埋火炙過既叉燒 唔肥膩麵條軟硬剛剛好 而且食完個沾麵仲可以叫店員加湯 變成番茄豬骨湯♨️伴隨仲有塊紫菜同脆脆米鍾意食沾麵既 呢間隱世沾麵店絕對要黎食🧡

一開門5分鐘內已坐滿需要排隊好彩都唔洗排好耐就有位鋪頭店面只有一少個招牌, 會有少少難搵但細心一睇日式門簾隻蝦就會發現鋪頭選用既係日本蛋~入面裝修非常日式, 但坐位不多只有8-10個位,坐得都比較迫不過唔會因為廚房係前面而全間店都好熱,亦無笠痴痴咁坐低之後就有前菜紫菜包卜卜脆粒粒. 好似紫菜天婦羅咁既味,又幾得意簡單滋味menu有3款沾麵, 今日3款都試試每碗沾麵已跟筍半隻流心蛋同兩片肥叉燒, 唔夠亦都可以追加1/蝦汁醬油沾麵 $79三款中最平既但性價比依然高2/蝦汁味增沾麵 $89湯底最濃, 重口味人士先駕馭到3/蝦汁蕃茄沾麵 $99價錢最高但真係有原因, 蕃茄提鮮左成個湯d麵可以掛到湯汁, 軟硬亦適中無平時出面既沾麵咁硬最後, 剩低既沾麵汁可以加上清湯 當湯飲埋,唔會浪費不過我就怕太油膩唔敢飲晒成碗了

想知多啲嘅 可以睇以前啲相 睇得出烏賊炸玉少咗櫻花蝦少咗 (以前有大蝦, 宜家咩都冇)Even係加錢嗌櫻花蝦 份量都係比前少一半冇加價但係份量愈嚟愈少 質素愈嚟愈低宜家湯汁愈食愈口渴以前我可以飲晒成碗 但上次去 飲唔晒 因為太鹹亦冇咁好味可惜

如果大家食嘢習慣食淡味，海老名沾麵未必啱你。試咗佢哋嘅限定𧐢拉麵，見到店家有用心，煮湯有剪隻蠔落煲一齊滾，不過湯膽太咸。出到嚟啲餸同麵各自為政，食唔到個湯同蠔有任何關係，只有個咸字。。。俾百二蚊嚟當打卡算

沾麵食過好多間，但呢一間真係一次難忘，冇辦法唔再encore舖頭細細，大概只有八至10個位，所以長期都會有幾個人喺門口需要等位，但等位嘅時間唔算好長建議叫最普通最平嘅沾麵，性價比極高，啲面嘅份量剛剛好，麵質可以令到湯汁掛麵，湯底亦都有蝦皮，非常濃郁配菜方面有筍，日式叉燒，糖心蛋，非常豐富。另外會配左一個紫菜加天婦羅粒粒，呢一個非常特別，喺其他沾麵舖亦都少見，我自己會將佢用紫菜包起，點啲湯汁先食食完之後，我建議先直接飲一啖湯，先至再加湯將成碗飲晒

經過舊居附近 記得街邊有一間不太顯眼的拉麵秘店之前路過見到總有不少人慕名排隊今次終於有時間可以去嚐嚐這家的蝦汁沾麵難得地等了5分鐘左右 便可以入座店內裝修如日本傳統拉麵店 牆上的衣架留給客人入店時掛上外套店員入座時送上的紫菜加上卜卜脆米 作為開胃小前菜 感覺幾有趣(掛住食忘了拍照•́ .̫ •̀ )餐牌上只有三款沾麵選擇‣‣ 醬油 味噌 蕃茄 平時對蕃茄口味的食物情有獨鍾今次也不例外地點了蕃茄沾麵 再加一個醬油沾麵蕃茄湯底比想像中濃郁 酸甜中帶蝦香 炙熱過的叉燒片放在湯頭中 令湯底也有微微焦香味麵條也是有嚼勁的 粗幼適中嚐過蕃茄口味的 醬油沾麵頓時顯得較濃味油膩然而蝦味吸收了醬油的咸香 海鮮味變得更加突岀不管是蕃茄或是醬油口味的 都各有各風味 在微涼的傍晚下 食完更是大滿足⸜❤︎⸝ ⚑ 食完沾麵後 可通知店員在剩下的沾麵湯中加上豬骨湯 直接當湯飲用⚑ 店舖吧枱位的冷氣特別大 沾麵上枱要快點進食(不然會被吹得冷掉了⌯᷄︎ὢ⌯᷅︎)𓇠𖤥 海老名沾麵長沙灣元州街213號美居中心20號舖༶ 蝦汁蕃茄拉麵₉₉༶ 蝦汁醬油沾麵₇₉𓇠

餐廳得11個位左右，就算等12點開門都要11點幾去到排隊等，餐廳得3個職員，但食物質素絕對補償到排隊既時間。餐廳得3款沾麵再加一款限定麵，蝦味增沾麵係3款沾麵入面最濃味既。當等待既時候見到燒緊既豚肉已經覺得好香好吸引，湯底係超濃，啲麵超掛湯，食果陣加少少醋落個湯度就會無咁咸，更加好味。店員見到你食晒個麵會主動幫你加湯，加佐湯之後攪勻佢就好飲係飲緊好多隻蝦煲既蝦湯咁，超好飲。特別要提既係餐單有個追加選擇係$12既(炸烏玉)，類似咁既名啦…原來係前菜黎。店員見到你加左會主動提你係咩黎，問你係咪真係仲要加，好貼心。呢個價錢食到呢種質素既沾麵絕對值得！！

今次係我第二次嚟食。之所以會令我再嚟食就係因為佢哋個質素同埋味道OK, 今次再食令我可以再confirm佢哋連quality control 都做得唔錯。先講一吓, 呢間小店外觀豪不起眼, 店內大約可以容納八至十個食客, 環境一定唔叫得做好。但就係呢啲咁嘅一間小店都經常門前大排長龍, 尤其放飯時間, 真係客如輪轉,就更加令我好奇!結果試過真係唔錯!目測店員只有3位...兩個師父同埋一個樓面, 三個都做到踢哂腳!食物其實得三種唔同嘅蝦湯沾麵+/-期間限定拉麵（宜家做緊牡蠣拉麵）, 做得好專! 呢方面個人感覺係正面嘅! 因為小弟一向覺得一間食店唔須要個餐牌有過百樣嘢食, 只要有幾味做得好嘅撚手嘢就一定會有回頭客!今次點咗蝦湯醬油沾麵, 非常好味! 但味道比之前食嘅蝦湯味噌沾麵嘅蝦味嚟得相對較淡。個人認為蝦味噌湯真心係正啲!但其實蝦味醬油湯都係濃嘅!（咁冇理由兩次都試同一種㗎嘛~!）麵底麥味香濃而麵質又做到al dente, 正呀!唔好睇張相好似麵量唔多,其實食吓食吓相當飽肚! 抱住個肚腩離開Overall, 呢間小店絕對係有心有熱誠去做好自己嘅食物去服務大眾。絕對值得大家去支持!❤️尤其係喺

呢間位於深水埗同長沙灣交界既沾麵小店 都算係我平日既沾麵飯堂黎 周不時都會黎食下今次我地就食左佢既醬油蝦沾麵 湯底好濃蝦味 飲落唔會話過鹹 而味道亦濃郁 而係麵方面 店家既麵條好掛湯 咬落亦有彈牙既感覺 麵同湯既配搭非常好食! 而叉燒就相對比較薄切 但店家係有火炙過 感覺更有誠意! 肉咬落唔會話好鞋口 而火炙既味道都出 但就係略嫌薄切 至於蛋黎講就不過不失 冇咩太大驚喜 但都唔差!總括而言 佢係一個價錢相宜 味道又好食既沾麵店 而位置都比較隱世! 大家想食就要搵搵路!

係長沙灣附近搵野食見到依間「海老名沾麵」都有唔少人排隊，見仲有啲時間先有野做，同埋都有一段時間無食過沾麵既關係，所以就排左一陣隊試下依間沾麵。因為自己一個食，好快就有得入去，舖頭大細同大家平時係日本食拉麵既舖頭差唔多，得大約十個位，牆上既裝修都似日本，有衣架俾大家掛褸。菜單基本上得三種麵揀，今次就揀左「蝦汁味噌沾麵」($89)，黎沾麵之前有前菜「特製烏賊炸玉」 ，初初睇名唔太知係咩黎，用紫菜包住一炸細細粒炸米咁既脆粒，食落幾重魷魚味，加埋紫菜味好好食，食完中意食既朋友仔可以追加。而個沾麵初初都驚會過咸，因為沾麵湯底會比平時拉麵湯底濃。蝦油夠香，而櫻花蝦都夠香口，不得不讚係個叉燒，你會見到廚師不繼係廚房用火槍燒叉燒，所以食落會有陣焦香味，又唔會太油，麵都夠彈牙👍🏻

海老名沾麵📍長沙灣元州街213號美居中心20號舖拉麵就食得多，今次黎試下呢間一向出名既沾麵！店鋪空間唔大，只有吧檯既坐位，唔適合想坐得舒服既朋友，而且可以容納十個左右既人，所以好多時都要排隊等位架。上拉麵之前，店員會比一塊紫菜你，上面有啲米脆脆，只要好似手卷咁包住黎食就可以。米脆脆咸咸香香，加埋紫菜都幾特別。✨蝦汁味噌拉麵質地好厚好creamy，十分掛麵。飲落去蝦既鮮味非常突出，我就加左啲櫻花蝦醋落去，所以有少少酸酸地吊味，減輕個油膩感。麵既份量都幾多，煮得啱啱好，食落有咬口。碗麵仲有叉燒同温泉蛋，叉燒唔算肥，經火槍燒過食得出有火炙既香氣，至於温柔蛋本身就有啲咸，加埋個咁咸既湯底，食完即刻飽左，非常滯。✨蝦汁番茄拉麵相對味噌拉麵，番茄拉麵實在清新好多。雖然佢既蝦味比味噌拉麵冇咁突出，但係湯底飲到一種番茄既甜味，加埋本身番茄就酸酸地，即刻冇咁滯，而且仲食到啖啖既番茄肉，所以比較推介呢款拉麵。食完拉麵記得請店員加湯，加湯之後有唔少櫻花蝦會浮返起面，可以一邊飲湯一邊食埋啲櫻花蝦架！