海老名沾麵

營業中

休息中

原本諗住食lunch嘅時候同同事去食泰國菜慶祝生日，點知冇開門咁就search下附近有咩好食，見到附近有沾麵，咁就試下啦！去到舖頭門前，見到細細一間裝入去望一望，滿座，但係間舖細細，裝修就同日本嘅居酒屋好似，食落都有feel d啊！係門口等左一陣，好快就有位，本身見到佢有個蠔拉麵，點知賣哂，咁就試下佢個櫻花蝦醬油沾麵。因為係吧枱形式嘅餐廳，所以可以睇住廚房師傅嘅製造過程。睇到師傅會一碗一碗咁煮，唔會一次過為左快就出好多碗。每一碗都會有叉燒，叉燒會即刻燒一燒去油，都係會一份一份燒，吾會燒定放係到。拉麵會一份一份放系面前自己拎落位，唔係因店員送比你，呢個位係想令成個氣氛更加似係日本食緊一樣。個麵比較硬身，我個人覺得冇咩問題。同事叫左個味增湯，試左一啖，都唔錯，唔會好咸，因為味增本身比我嘅印象係食完要飲十杯水嘅咸，但呢個就岩岩好。講反自己個醬油湯，個味道係偏甜，但又會食到櫻花蝦嘅香味，成個味道係好夾都好新鮮（可能係我見識少😂）。枱上會有其他調味料比你加：山葵檸檬、櫻花蝦醋、七味粉..咁我就加左七味粉，加小小辣味同埋加左山葵檸檬，加左個湯係另一種味，用個檸檬酸味中和左個甜味，都幾好食。不過同事

呢一間沾麵，可以說是比較早期小小嘅沾麵，開咗咁多年，仍然屹立不倒，一定有佢原因。上幾次經過深水埗，我都特登過嚟呢間餐廳，但係幾次都見好多人排隊所以放棄，今晚放工再比次機會佢，見佢出面得五六個人所以就排隊，排咗大約30分鐘已經有位。入到去好有日本小店嘅味道，只有吧枱，大家可以望到師傅喺度煮麵，店舖面積很細，如果我冇記錯應該得10個位左右，可能呢度因為煮麵嘅關係，店舖安裝左四部冷氣機，入到去好似雪房一樣，而且仲有兩三把風扇喺度運行中。呢度只有一個樓面同兩個廚房 ，應該係一個大師傅和一個師傅仔，師傅仔就準備面上的 topping，如果師傅就係淥麵同埋煮湯。今晚我叫咗個味增沾麵，店舖入邊有一個水杯比你自己裝水，應該係一般嘅過濾水，但，係如果係正式嘅拉麵店舖，應該係凍水。一入座，有一個小食俾你，未到正常，但唔知點解佢用一個不鏽鋼碟，賣相一般。等緊食麵期間，見到呢度嘅沾麵係熱食，另外有一點愕然，因為地道的沾麵應該係凍食，咁樣嘅話可以食到麵嘅爽彈，可能因為要遷就香港人的原因，所以佢就 default 出熱麵，我見到咁嘅情況即刻問師傅可唔可以凍食，師傅話可以，咁樣嘅話梗係轉啦。因為呢間麵嘅湯底係蝦湯，

本身係呢到附近返工睇到拉麵關注group 竟然有間正野係附近即刻約朋友去試下我就叫左醬油沾麵 但湯好好好飲 唔味精 麵質都彈牙朋友就叫左蠔拉麵 蠔好鮮甜 大家都飲晒d湯我個日閒日夜晚去都要排左一陣先坐低因為小店坐位有限

呢到主打三款蝦湯沾麵🦐蝦汁醬油、蝦汁味噌、蝦汁番茄✨位置偏僻 店面座位不多 只容納到10位客人左右～6點開門黎到唔洗等😚食飽就見到門口要排隊了🍅海老トマトつけ麺 $99 (8/10)先送上每人一份紫菜夾脆脆٩(˃̶͈̀௰˂̶͈́)و浸湯或者就咁食都得 脆卜卜～沾汁非常足料豐富！有兩塊叉燒、半熟蛋、櫻花蝦、味荀、蔥花、洋蔥碎、番茄肉✨蝦味香濃 聞落好香 同時又有酸甜開胃既番茄🍅兩者幾夾 味道鮮甜💕叉燒係師傅即場用火槍燒到焦香 畫面十分誘人～😍充滿灸燒香味 肥瘦均勻 肉質軟稔😋粗身麵條好有嚼勁 掛湯能力強係我鍾意既麵質 爽滑彈牙 煙煙韌韌 👍🏻隻蛋非常出色 蛋味重 流心效果強 😍🦐海老味噌つけ麺 $89 (8/10)呢款係比蝦汁番茄味道更香濃 蝦味更突出 口味亦會更重😋想試真啲蝦味可以揀呢款！整體黎講值得一試٩(˃̶͈̀௰˂̶͈́)و麵條、沾汁、溏心蛋和配角各方面表現唔錯冇乜挑剔位～而且呢間都有推出限定限量廣島蠔拉麵🦪都幾多人推介 有興趣都可以試埋😍

開頭看見有不少食評都推介這間沾麵店，所以決定一試。我叫了蝦汁蕃茄沾麵。（桌上貼了沾麵的正確食法）這個介紹貼紙和另一間沾麵舖的介紹貼紙是一模一樣，相信是同一公司的沾麵店。沾麵未上之前他們提供了前菜。看到這個前菜有點不開胃。可能是我認識少，不認識這個前菜的意義，所以我都試了一口，但食下去的味道就如眼所見的，不怎樣。「蝦汁蕃茄沾麵」吃得出沾麵本身的麵是不錯的，和另一家沾麵店的的口感是一樣的。但問題麵煮得太硬，不及另一家沾麵店的火喉控制的好，浪費了。沾麵汁我本身想像是會有新鮮蕃茄加鮮蝦的味道，但一口吃下去只有濃濃的罐頭蕃茄醬味……蝦味就更加吃不到。唯一的好是沾麵汁中附送的肉片，有用火槍先輕輕燒過去除油膩感。從好多小細節可以發現這家店的不專業。雖然店舖不一定要有華麗的裝修，但作為一間食店最起碼要整齊清潔。跟何況是日本沾麵店。當我對着前面的牆進食時，看見牆角上有大量的塵，真是很不開胃。🤢完全沒有日本沾麵店的對自己店舖的尊重。在抬頭一看見到雞粉，感覺不太好。另外食麵的途中看見黑色T-shirt的廚師，將一個貝類海鮮放入煮麵的篩中烚熟，再用手直接取出，再拉開他的口罩，放入口中品嘗……之後都没有見到他洗

之前聽朋友講，食過長沙灣有一間好食嘅蠔拉麵，所以專程去試下，我大约13:30去到，呢個時段都唔算太多人排隊，店舖好細，裝修簡單，座位唔多，等了15分鐘左右已經有位了呢度🦪蠔拉麵係海老名限定拉麵🥣每日只限10碗😮我好好彩午市去可以食到😋🦪蠔唔算大隻但都足足有5隻😋肥嘟嘟脹卜卜，食落好creamy新鲜，湯底蠔味不算濃郁，但配以柚子同肉碎，味道都幾特別至於🍜麵底配菜有: 肉碎,燒京葱，翡翠苗，昆布同抽子，仲有半熟流心蛋係用日本蛋🥚蛋味香濃麵底都彈牙同幾好咬口，而且份量都幾足🍜拉麵足料👍呢個價錢我覺得係值得食

成年冇得去旅行嘅情況下終於比我係香港搵到一間好似日本拉麵嘅拉麵其實呢間舖頭我都搵咗好耐先搵到舖頭外觀裝修得好低調😹😹😹經過左兩次都見唔到餐牌簡單，得幾款拉麵選擇不過越簡單就越可以證明師傅既本事🤔🦐汁味增沾麵 💰89叫得味增就知我係一個重口味嘅人湯底濃郁，🦐味十足麵可選擇要硬定軟每一啖麵都沾上湯汁，超滿足食完麵之後，唔好以為就收工店員超細心，會行埋過來幫你加水落碗度然後變湯湯加左水之後就無咁鹹比較容易入口，但可能我真係好飽最後都係飲左小半碗

今天去了這間小店，未到一時已有人龍，我們二人等了約20分鐘，期間店員會給紙仔我們點餐，以致縮短等候時間！朋友點了海老名味增沾麵，我點了蠔拉麵！份量很足夠，朋友的沾麵湯則不會太鹹，很好味，但只是櫻花蝦不是原隻蝦，有少點失望，但兩片豚肉也很好味⋯⋯蠔拉麵亦很大份，配料相當足夠，還有四隻蠔，一點也不吝嗇！吃到最後，拉麵碗底的湯是比拉麵還要熱，感覺是拉麵和湯底是分開煮，以致有這種溫度不協調。不過整體來說，是十分令人滿足的午餐！

睇YouTube 介紹咗一段時間都未有機會試吓，今日lunch 行行吓見到佢，就想起之前的介紹咁就跟大隊一齊排，我排咗5個兩、三個字左右啦，在排隊等候時期，店員給我紙仔填order ！都坐低後等咗一陣間碗沾麵就到啦，紅色滿滿蝦油響湯底嘅上面，心想大鑊食完呢餐跑返20K都補唔番！熱辣辣試吓啖湯先，又真係喊咗啲喎，但就因為沾麵呀嘛咁梗係鹹啲㗎啦！（佢比起銅鑼灣登龍街嗰間沾麵店已經唔算得乜嘢，銅鑼灣嗰間食完真係要去洗腎）湯上有2片腩肉、蔥花、櫻花蝦、筍、全隻溫泉蛋，麵條相當煙韌有咬口！一啖一口流利順口湯汁濃濃！食到最尾記得要店員加上湯，由溫暖嘅濃湯立即變得熱立立，咁就冇咁咸！總結又肥又喊！試一次無所謂，再食就可免

醬油沾麵（$78）呢間鋪絕對係我食過最好食嘅一間，餐牌上只有3款沾麵（醬油、味增、蕃茄）我最鍾意食嘅就係醬油味。首先講呢3款共同之間嘅味道先。3款其實都係濃蝦湯底，係有大量櫻花蝦、加上蒜、紅蔥頭、日本大蔥嘅配料而成嘅湯。我相信鍾意食蒜/重口味嘅人就會愛上佢。跟住講下3款湯嘅分別。味增食落係咸啲，通常我食到最尾1/4就會開始覺得膩；蕃茄食落個蕃茄味搶左個櫻花味，變左成碗野個味失焦。而醬油帶少少甜，我覺得可以溝落個濃蝦湯係岩岩好！整體個湯個濃稠度岩岩好。我食過其他店嘅湯係偏稀，好似普通湯咁，搞到啲麵掛唔到汁另外講下個麵，粗幼岩岩好，我覺得跟佢本身個軟硬到都適中，可以掛到好多汁。

蠔拉麵係海老名限定拉麵，每日只有10碗左右，午市、晚市各5碗星期日晚約5點50分到（晚市6點開始），已有3、4個人排隊，剛好食到最後一碗！師傅先將蠔煎至金黃，逼出蠔香味之餘，內裏仍然非常creamy 🦪廣島蠔新鮮濃甜，雖然唔算大隻但足足有6隻湯底方面蠔味不算濃郁，配以肉碎及柚子，有種日本海邊的清新淡麗嘅味道同場加映主打的蝦味噌湯沾麵，湯底濃稠惹味，蝦味比味噌更突出，掛汁力強，個人更偏好呢款咸香味不過叉燒稍薄偏鞋，數量偏少，稍為失色。至於麵底彈牙有咬口，而且份量十足店家亦喺主食前，提供紫菜同脆脆做小食，亦主動提供消毒搓手液，都好細心

喜歡呢間舖嘅海老味噌つけ麺, 今次試呢個出名嘅限定蠔拉麵 $128 只為還個心願, 因為之前去咗兩次都賣晒.少食蠔, 覺得OK好食但唔知有幾好. 個人唔中意個湯底, 以為係広島牡蠣拉麺嗰種蠔出汁味道但唔係, 有啲奇怪, 加咗柚子 (唔知仲有冇其甜酸嘅嘢?) , 味道更加格格不入, 食完又有啲怪怪嘅 after taste. $128 唔平但絕對交足料, 啲具多到幾乎食唔晒, 五隻肥蠔加溏心蛋已經值回票價, 燒白葱同加咗黑椒嘅肉碎有啲驚喜.我唔係特別中意係我個人口味問題但碗嘢係有心機兼超值. 仍然會再去海老名食我中意嘅海老味噌つけ麺.少少意見 - Lunch hour 搞個噉複雜嘅麵令等位等嘢食時間長咗佢又做少咗生意, 横掂唔夠賣點解唔喺兩點後冇噉多客先至賣？

我一直都好鍾意食拉麵同沾麵，有朋友介紹所以即刻衝左過嚟食佢門面係一間好唔起眼嘅舖頭，真係要好細心留意先搵到佢哋間鋪叫咗個沾麵(味增味)，上到嚟勁香，個湯底超級濃郁，啲麵啱啱好，唔硬又唔軟非常適中，成個湯底我都超級鍾意，完全超乎我嘅想像，原本諗住係普普通通嘅，點知食落去之後超級鍾意之後叫咗個期間限定，蠔拉麵，呢個絕對超級驚喜，蠔嘅份量都幾多，有五粒，但係個湯底超級清甜，一啲腥嘅味道都冇，超級推介，但問過好似佢夜晚淨係賣10碗左右，所以如果想食嘅話就要早啲去食，如果唔係好快就賣晒🤩🤩🤩🤩🤩

長沙灣一間沾麵小店門面唔算太當眼，但就經常有一小撮熟客係到排隊，所以一直吸引我想試吓🥸！/小店只有三款用蝦汁做主打嘅沾麵🦐分別係醬油、味噌、蕃茄，同一款其間限定，食完之後我都深深愛上咗😍～～因為係激重口味！勁濃郁！食唔慣濃味嘅人可能會覺咸，但我自己就覺啱啱好，不論麵質定湯底🙊！/🏮蝦汁味噌沾麵 $ 89🏮蝦汁醬油沾麵 $ 79兩款湯底都無敵香濃，食落有幾分相似😂，兩者比較的話味噌味會較香濃，醬油味鮮甜味較重～～兩款湯面都放咗不少櫻花蝦令湯底提升咗🤩湯底比較上會較濃稠所以每條麵條都能夠超掛湯！每啖都食得出🦐湯嘅味道，而且麵質係比較Q彈有咬口個隻🤭，個人超啱口味沾麵會配上一隻流心糖心蛋😍叉燒亦都見到師傳即場燒得焦香～係半肥瘦腩肉的叉燒，超正😛！食完沾麵最後可以加埋個清湯，就變咗超濃郁的美味蝦湯👅～～/⚠️每碗麵都會有齊追加上嘅配料，份量超足料都可以唔洗特別加，最初我以為佢個《特製鳥賊炸玉》係一款小食，所以就✅咗到後期店員同我講其實係個啲炸脆脆😹，好彩幫我取消返

朋友叫醬油對比之下比較淡帶少許酸味，我叫咗味噌，蝦味明顯濃好多，因用石頭鍋盛湯，湯夠熱，食完成個麵都仲keep到唔凍。三大🙅🏻‍♀️✖️之點1.紫菜太淋，木兜有點唔衛生2.腩肉雖然係即燒，但我同朋友都覺得有點柴同埋有雪味3.我覺得蝦味夠濃，湯都算好食既，但太咸，食完成個鐘都真係好口渴，我唔太接受到食拉麵會口渴晚市排隊排左50分鐘🙂，不得之了。隔離間麻辣川好鬼香，搞到更餓。知道要排甘耐我唔會去😂不過算啦反正無下次🤪