海港薈

營業中

休息中

今日去尖沙咀行街，媽媽話想舒舒服服飲下茶，即刻上黎呢度，時間尚早，早上11點幾，好彩有窗口位。海景景色令人心曠神怡，環境十分舒適。翡翠荀蝦餃王皇 － 有4粒，包著滿滿的蝦，彈牙爽口夠新鮮。五香繽紛 － 一次過可以試5款點心，打咭一流松露野菌餃 － 香香的松露味，入口滿口野菌香。西班牙黑毛豬叉燒包 － 叉燒包比一般的大，裡面的黑毛豬叉燒份量很多，好吃。鮑魚花膠灌湯餃 － 鮑魚有咬口，花膠份量也頗多，熱熱的湯喝下去很暖胃。避風塘炸粉果 － 炸得很香口，內裡煙韌。這裡是一個好地方，大大的窗望著維多利亞港的美景，呷一口茶，享受人生。

今天帶家人到尖沙咀飲茶，找到了這間在北京道1號飽覽維港海景的酒樓酒樓內非常寬敞，而且對住全海景，環境一流西班牙黑毛豬叉燒包 - 必點點心，一籠三個大大個的，即叫即蒸熱騰騰那裏是黑毛豬叉燒，大大舊，非常足料原粒帶子腸 - 腸粉真的非常香滑，每舊都有原粒帶子避風塘炸粉果 - 第一次食到，外皮炸得非常香脆鬆化，內裡是蝦肉，配上避風塘炸蒜來吃十分惹味鮑魚花膠灌湯餃 - 灌湯餃大大個十分足料，還帶兩粒鮑魚和花膠，十分高質五彩繽紛 - 有鮑魚燒賣，蝦餃，千層奶黃糕，流沙包和黑松露餃，十分適合每樣都想試的我們最推介是鮑魚燒賣，燒賣是豬肉和冬菇切粒，十分有咬口這間酒樓食物質素好，而且環境舒適飽覽維港海景，性價比十分高

兩星期前因為係尖沙咀行開街, 唔知想去邊飲茶, 就撞左上呢度, 今次就係專登走過來, 估唔到今次同上次係有好大分別, 上次客人唔多, 可以即時入座, 但今次係滿哂, 要係門口等一陣, 本來都有個路邊二人枱, 但呢度有咁大既窗可以望到維港, 所以就想等多一陣要個窗口位, 最好都係等左 10分鐘左右就有, 感覺今次個點心單好似轉左, 無上一次咁多野食, 但有兩樣就一定要叫, 松茸花膠燉雞湯, 西班牙叉燒包好快就點左幾樣點心, 都係自己比較想食, 安格斯牛肉腸粉, 牛肉嫩滑, 腸粉皮薄又滑, 西藏牛肉球, 夠大粒, 鮑魚燒賣, 不過不失, 釀青椒, 魚肉爽口, 不過得 4隻就好似唔夠喉唔知係咪來得密左 D , 感覺上次來好似好食好多, 哈哈Anyway, 其實都唔係差,  仍然係有水準又唔係太貴既中餐廳

長輩們很久沒出來嘆茶，今日跟他們來到尖沙咀北京道一號「海港薈」嘆茶！店內有個面對維港的靚靚景，一邊嘆茶，一邊嚐點心，休閒寫意。桂花鮮准山$點心紙上好多肉食點心，特意點碟健康小食。切成粒狀蒸過後的鮮淮山，口感爽口中帶點粉，配上清甜的桂花蜜甜甜地，感覺又健康又好味。腐皮素鵝腐皮外層沾了粉漿，炸得脆脆，咬開內餡豐富，甘荀雜菌填得滿滿，再配上喼汁，又惹味又香脆。原隻鮑魚燒賣皇一客有三件，頂層的鮑魚仔好鮮味腍滑，下層的鮮肉燒賣，口感扎實又足料，真係抵食。蟹粉小籠包內餡的鮮肉和蟹粉混合後，不但有鮮肉的甜味還增添多份蟹粉的香味，這個配搭真係贏晒。明爐即燒叉燒腸晶瑩通透的粉皮透出紅紅的叉燒，十分吸睛， 不但賣相好，口感幼滑煙韌，叉燒甜度剛好，真係想叫多碟。流心椰汁球看似煎堆的小甜品，但外層有一粒粒的米粒 ，炸得十分香脆，咬開後，流出香濃椰汁西米，十分香甜，是一個有驚喜的小甜品乾炒植系(雞)河餐牌上有一系列植系小菜和粉麵，我覺得十分新鮮便點了用植系雞球來配炒河粉。上檯時都己有陣陣香氣，份量很大，雞球用上黃豆制成，咬下去跟鮮雞的口感好相近，配上鑊氣十足的乾炒河粉一起食，是一個不錯的配搭。

爸爸最愛飲茶，這裡環境一流，望著整個大海（維港），景色開揚舒服，整個人也感到很悠閒放鬆～靈芝菇蒸牛肉球～牛肉的比例比平日酒樓吃到的較多，加入靈芝菇很香，油脂感亦剛剛好香煎臘味蘿蔔糕～臘味足料，蘿蔔糕能吃到蘿蔔絲，清甜可口西班牙黑毛豬叉燒包～ 矜貴之作，比平日傳統的叉燒更有豬肉味，肥油不多，但肉的油脂充滿鮑魚花膠灌湯餃～超好味😍有2片厚厚的花膠，吃後很黏口;鮑魚有咸香，灌湯餃很多料，蝦肉結實新鮮，湯清好喝👍五彩繽紛～鮑魚燒賣豬肉釀滿很大粒，鮑魚咸香有鮑味；黑金流沙奶黃包，流心奶黃超正；蝦餃蝦肉飽滿，啖啖彈牙蝦肉；松露野菌餃很香松露味；奶皇千層糕，奶黃味香濃，有數層，必吃鮮蝦炸春捲～香脆已不油膩，蝦肉亦釀的很飽滿

早前到海港薈參加婚宴，在維港海景下進膳，令人心曠神怡。今日適逢母親放假，一於邀請她來飲個早茶😻沙嗲金錢肚金錢肚入味又煙韌，配上沙嗲汁，更是惹味。最喜歡是襯底的芋頭👍🏼西班牙黑毛豬叉燒包媽媽喜歡吃叉燒包，難得這裏有黑毛豬叉燒包，黑毛豬一向以肥瘦均稱和肉質鮮甜見稱，一於來一客。吃下來有驚喜，肥肉不多，肉質結實，餡量多，滿足。大澳原粒帶子腸吃得多叉燒和蝦腸等等，這裏有帶子腸，立刻令人眼前一亮。帶子鮮味十足，配上滑溜溜的腸粉，再加一點醬油提鮮，美味。翡翠筍蝦餃王蝦餃粒粒飽滿，在晶瑩剔透的外皮裏，看到有不少的蝦仁和筍，用料非常大方👍🏼

今天與另一位同事在尖沙咀辦妥了一點事務，正是午飯時间我建議到北京道一号擁有無敵維港靚景的午餐。 到達酒樓未食巳心曠神怡了！幾個月沒來了，發現多了一份新菜單～十多款的植系肉菜式，有雞肉，牛肉等。現在都市人都注重健康，這款植系肉可提供了多一項選擇。 很有興趣試一試～金磚豆腐 42元炸得外脆內嫩滑！在十多款中選了～菠蘿咕嚕植系鷄肉 118元賣相與真肉無分別，口感～外皮作得香脆內軟，肉的質感像真度甚高，醬汁酸甜惹味！頗有新鮮感！蟹肉瑤桂蛋白炒飯 128元十足份量的炒飯～炒得很爽口，飯粒分明，蝦肉爽口，一絲絲的蟹肉鮮味十足！美景，美食，两個大男人飽足的一餐！

今日同朋友去尖沙咀行街行街之前緊係要食飽飽先啦佢話不如去海港薈飲茶可以望住海景食飯我本身以為海港薈好貴原來又唔係好貴咋喎全個落地玻璃，望住個海景飲茶🫖真係幾爽見到餐牌有植系肉我成日都想試下到底係咪食落真係同肉無分別所以就叫咗個菠蘿咕嚕植系雞球試下有菠蘿、青椒、洋蔥、士多啤梨，酸酸甜甜雞肉炸得好脆口，食落去真係好似食緊雞肉咁再叫多咗幾款點心翡翠筍蝦餃皇一籠有四粒，粒粒都好大粒，皮薄通透，大大隻蝦，爽口彈牙鮮蝦炸春卷炸得好香脆，成隻鮮蝦配埋青芹粒，好清爽豉椒炒虎皮椒加入咗豆豉、蒜粒一齊炒嘅虎皮尖椒，又香又辣，好惹味仲有招牌點心黑毛豬叉燒包叉燒肥瘦適中，肉質軟腍，甜甜地嘅醬汁，配埋包一齊食好滋味

休閒嘅地方，嘢食好味，風景靚，今次黎仍然係不失水準。本想黎海港食蟹，點知話冇，叫咗個二人餐，龍蝦都算啖啖肉，整體都算新鮮，花膠湯不過不失，反而叉燒要讚，真係好淋好香，整體仍然不失水準

今日行經尖沙咀， 去到 海港薈，本身打算簡簡單單 午餐一番，點知見到他們 "植系肉" 新系列 ，估唔到又比到 新驚喜 我。我們點左 蜜汁欖角植系雞肉， 一上菜已經有一股濃郁香味散發。咬落口感同 真肉 十分相近， 外皮鬆脆，欖角野味。味道調配得十分剛好 ，非常推薦。甘香啤梨果， 一上台已經非常吸睛，加上百力滋配搭，令普通的鹹水角 以嶄新奪目嘅啤梨果形像示人。鹹水角內涵出眾，冬菇蝦米肉粒非常香口野味，外皮酥脆鬆化，好味到我都忍唔住食完一隻接一隻。今次都有叫 蟹粉小籠包。每次都不會令我失望。肉質鮮嫩多汁。湯汁十足，絶對可以用皮薄餡靚嚟形容。五彩繽紛 就第一次 點， 擺盤一流，可以一次過試到幾款不同點心。黑金流沙包，奶皇千層糕，十分鬆軟，鹹蛋黃和奶黃味道濃郁，味道一試難忘。松露野菌餃，一咬開已經有陣陣松露香，包著滿滿的雜菌，完全係絕配。包原隻鮑魚燒賣，鮑魚比燒賣大。口感十足。最後，蝦餃實在做得太出色。蝦餃皮薄得嚟又晶瑩剔透，多粒原隻蝦仁，很彈牙而且鮮味十足，因為太好味的關係，所以再額外叫多一籠蝦餃，實在吃不停口。蒸排骨，食得出係新鮮豬肉整，鮮甜肉嫩，仲有墊底的芋頭蒸得粉淋，又吸收咗排骨和金銀蒜

同家人起身去啖個早茶！講到飲茶🫖點心係好重要的，海港薈的點心食物真係好好味。又可以望住港島的海景。每次去到尖沙咀飲茶都必到的酒樓！海景檯係我家人最愛坐！腸粉必試牛肉腸粉，因為佢係用安格斯牛肉，所以口感好爽。松露野菌餃外面粉好透明好薄，入口松露的香味好香好味。牛肉球更加特別，放左靈芝菇配新鮮牛肉，粉不多，好濃的牛肉味。叫左個小菜，三杯植系雞，味道好濃，配料入曬個汁的味道，雞肉好快就食晒。再黎一個主食迷你南瓜焗飯，好得意，細細個原隻南瓜外面流晒芝士內裡係飯，入口有南瓜加上芝士的飯，好香，好味！食物盡在不言中⋯⋯

飲菜呢樣咁輕鬆既活動，配埋靚景就更加完美，仲要價錢合理，性價比高，一家人或者同朋友去都好啱😍 呢度既點心好岀色！-脆皮吊燒雞 ($68/半隻)菠蘿咕嚕植系雞肉 ($118)原隻鮑魚燒賣皇 ($38)翡翠筍蝦餃王($38)三鄉蒸蘿蔔糕($26)西班牙黑毛豬叉燒包($48)金沙脆皮鮮蝦腸($38)-呢度既點心款式好多，蝦餃同埋燒賣都大大隻，用左新鮮既大蝦，食落爽口彈牙。金沙脆皮鮮蝦腸，蒸完出黎仲保持到入邊脆嘅部份，加埋入面大大隻嘅蝦好正🤩 點心要介紹埋呢一籠黑毛豬叉燒包，大大粒叉燒肥瘦適中，幾特別都幾推介～仲有都有好特色嘅素食，呢一碟咁吸引既菠蘿咕嚕雞肉其實係一碟素食，食既時候完全唔覺得唔係肉😹 而且都好多鍋氣，一食食左好多舊🥰

難得平日放假梗係瞓到自然醒再chill下，於是同屋企人揀左呢間酒樓飲茶。餐廳景觀非常開揚，可以望住維港慢慢嘆茶！中午大約12點人流不算多，可以直接入座。一坐底職員會詢問你想飲咩茶，枱上已放有點心紙，除左點心外可以揀小菜等小炒。黃金植系雞肉燴伊麵材料素雞肉和南瓜而成，素雞肉肉質有點似真雞肉，味道偏重口味，而南瓜中和了幾分鹹味，2者配搭不錯。三鄉蒸蘿蔔糕個人比較喜歡吃蒸蘿蔔糕，少了油膩感更易入口！黑金流沙包流沙包有鹹香味，而且非常鬆軟！明爐即燒叉燒腸飲茶必點腸粉類，叉燒質素高，推介！

隨便在尖沙咀搵食, 行到北京道 1號, 上去望下個水牌睇下有咩餐廳酒樓, 見到個招牌好大粒原隻鮑魚燒賣, 非常吸引, 就上來 9樓睇睇, 上到去反而係被落地大玻璃既全海景吸引住, 看看點心紙, 估唔到以尖沙咀價呢個位居來講, 呢個價錢又唔算幾經濟, 點心都係即叫即做, 所以來到面前都要先等一段時間, 但就肯定好夠熱好新解, 要讚既係蝦餃, 大大粒, 皮薄而入面最少有三隻好爽脆既蝦, 另外要讚既係西班牙叉燒包, 叉燒個汁好好味, 叉燒好 juicy, 一 D 都唔, 跟住就係個花膠松茸響螺燉湯, 好香既松茸味, 清清地既燉湯而又不失響螺味, 有 2塊花膠,  再來就係招牌既原隻鮑魚燒賣, 比一般燒賣大粒, 鮑魚再加上少少鮑汁配合, 味道剛好, 燒賣入面既豬肉一樣係好 Juicy 好入味, 呢度絕對可以再來, 服務亦都唔錯, 好有禮貌

這間店位於北京道一號九樓，全層落地玻璃窗陽光☀️充足，向著文化中心方向，可以飽覽整個維港。中午時間窗邊的枱已經滿座，不過坐入一行的枱都可以望到海景。四喜烤麩 | $48有蟲草花、木耳、冬菇、烤麩、姬松茸，份量十足甜又帶少少酸，烤麩更是吸滿了醬汁的味道，十分開胃。原隻鮑魚燒賣皇 | 特點$38燒賣上有原隻鮑魚，鮑魚煮得夠腍。夾起鮑魚，才看見燒賣釀得十分飽滿燒賣內包了大蝦及豬肉，蝦肉爽口。翡翠筍蝦餃皇 | 特點$38一籠有四隻，晶凝通透，蝦餃的蝦好大隻😆爽口彈牙，有少許筍。松露野菌餃 | 中點$26野菌餃賣相精緻，有不同的雜菌在內，饀料較油身，充滿了松露的味道。金莎脆皮鮮蝦腸 | 特點$38每一舊腸粉內都包着大蝦，脆皮炸得香脆豉油分開上碟，避免令到脆皮變淋。菠蘿咕嚕植系雞球 | $118咕嚕雞球色彩豐富配料有蜜桃、新鮮菠蘿、青椒、車厘茄。青椒多汁，蜜桃及菠蘿甜，雞肉炸得脆口，沾上醬汁酸甜得宜，與真雞肉差不多。餐具乾淨，點心價錢不貴，整個環境氣氛都相當舒服。