海港薈

營業中

休息中

朋友放假緊係要約見面傾傾近況啦，最好就約飲茶嘆嘆傾，呢間喺尖沙咀北京道，景觀都好開揚又舒適先叫小食四川麻辣口水雞，呢個真係好惹味，濃濃嘅川式麻辣醬，雞件皮爽帶點見，肉身嫩滑仲好入口蝦餃皇皮厚薄剛好，口感煙韌，入面隻蝦好大隻又爽口彈牙，仲有荀喺入面㗎麻辣醬蒸鳳爪但一啲都唔會好麻辣，只係多咗一層麻辣香，好惹味好好食，口感食落微爽口好易吐骨西班牙黑先豬叉燒包一定要叫，個包好軟熟，入面嘅餡好多，叉燒醬調得好好，用上黑毛豬肉夠嫩諗美味珍珠雞嘅糯米飯好軟糯，又帶點煙韌，乾濕度控制得好好最後個XO醬炒腸粉都很惹味，呢個都要叫喔

餐廳裝修十分華麗， 座位舒適寬敞， 透過落地大玻璃可以欣賞到迷人的維港海景， 景觀一流， 令人心情開朗，食指大動。原隻鮑魚燒賣皇三件$38原隻一口size 鮑魚放在燒賣上 ， 變得矜貴 ， 色澤明亮 ，賣相吸睛， 鮮甜入味， 口感彈牙， 十分回味。翡翠筍蝦餃皇(四隻)$38蝦餃皇是飲茶必點的點心， 巨型蝦餃皇， 粉皮晶瑩剔透 ， 入口煙煙靭靭 ， 包裹著滿滿 彈牙鮮蝦和爽脆翡翠筍粒， 最佳拍檔， 令人津津回味。椒鹽鮮魷(小食)$58即叫即製的椒鹽鮮魷 ， 炸到金黃色， 上枱時， 熱呼呼，散發陣陣誘人蒜香味 ， 原來 外皮灑上豐富炸香蒜蓉和辣椒， 內裏包著彈牙鮮魷魚， 外脆內軟， 口感濕潤， 十分惹味， 舐舐脷爆燈。金磚豆腐(小食)$42熱燙燙的金磚豆腐， 迷你 size ， 外皮炸到金黃色， 令人垂涎，大口咬下， 外脆內軟， 豆腐滑溜細緻 ， 滿滿的豆香在口中綻放， 令人難忘。西班牙黑毛豬叉燒包$48西班牙黑毛豬叉燒包， 是餐廳招牌點心， 叉燒肥瘦適中， 醬汁帶有甜甜的味道， 十分誘人， 配埋鬆軟的包皮， 特別滋味。黑金流沙包$26黑金流沙包，外型金光閃閃，外皮十分鬆軟，我也不理會熱燙

近排少了出外吃飯，所以好珍惜每次外出吃飯的時刻，會揀選好一點的地方來，今次同朋友去飲茶就選擇這裡，因為地方舒服而又可以望到海景。原隻鮑魚燒賣皇平常酒樓大多只是蝦肉燒賣，但這裡的燒賣是原隻鮑魚放在燒賣上，很名貴啊！鮑魚彈牙鮮甜內裡燒賣蝦同豬肉比例剛剛好。澳洲帶子鳳眼餃原粒帶子很搶眼，鳳眼餃皮晶凝通透很好吃，帶子鮮嫩香甜。西班牙黑毛豬叉燒包在這裡西班牙黑毛豬叉燒包是必點的點心，包很軟熟而黑毛豬叉燒很厚肉醬汁濃郁惹味。羊肚菌鮮竹卷高級版鮮竹卷，內裡包著鮮甜的羊肚菌，吃一口味道香而鮮。脆米龍蝦湯泡飯龍蝦湯底非常香濃，泡飯吸收晒湯的精華再配合脆米食法很特別，口感層次很豐富。恩愛天鵝酥這天鵝酥像真度高的造型很可愛，鵝頭是用餅乾做成，而鵝身是非常鬆脆的酥皮整成，入口鬆化即融餡料像平常吃的咸水角般一樣美味。

吸睛的黑金流沙包餐牌上沒有了，不知以後還有沒有。恩愛天鵝酥造得美名字也很感人，讓人如何能殘忍吃下。終於吃了不過覺得較油膩。叫了兩盅鮑魚花膠灌湯餃不過太讓人失望，罐頭小鮑魚看來只放進湯滾一下硬也沒味，花膠是一般煲湯級數也預了，問題是還味發冧吃起來爽爽的

自從疫症爆發，已經很少到酒樓飲茶，始終人群聚集會增加感染風險。但這次來到海港薈卻令我有一番新的體驗。環境簡直一流，細看著維多利亞港兩峽，品嚐各種美食，別有一番風味。桌子之間十分闊落，令人更加飲得放心食得安心。而且有別於一般茶樓嘈雜，這裡可以更適應地享受美食。飲茶當然有叉燒包，這裡的叉燒包使用西班牙黑毛豬，特別煙韌多汁，比起一般叉燒包更勝一籌。黑毛豬配上醒胃蜜汁，份外香口甜美。接著有金莎脆皮鮮蝦腸，份量十足，每隻蝦都新鮮彈牙，被脆皮包裹著份外有咬口，而且腸份皮也十分嫩滑皮薄，每塊都有多重口感，實在念念不忘。之後更有鮑魚花膠灌湯餃，非常之足料，花膠大隻有咬口又不會有腥味，配上鮮味湯底十分養生，小鮑魚彈牙煙韌，餃子也十分足料，加分。另外也一嚐豐料珍珠雞。有別於一般珍珠雞，餐廳混合紅米，相當健康，而且餡料十足，惹味又不會油膩。之後也嚐一嚐松露野菌餃，十分健康美味，松露香味十足，配上皮薄餡靚的餃，值得一嚐。牛肉球也肉味十足，牛肉香味配上腐皮十分香口，體積也相當驚人，經典美味菜式。最後也有點了個XO醬炒腸粉，非常惹味，腸粉嫩滑有口感，適合多人分享。

呢度嘅位置同埋裝修令到我唔以為佢會好貴，原來又同一般茶樓嘅點心價錢相若，咁又好抵食喎。蝦春卷入面真係全🦐肉，一啲豬肉雞肉或者菜都冇，外面脆卜卜熱辣辣，裏面嘅蝦肉又鮮甜彈牙，做得好好。鴨舌係一般點心茶樓比較少見嘅，份量大之餘，非常惹味。 適逢燒鵝做特價，半價優惠，呢一碟燒鵝例牌只係需要$50左右，真係抵到爛，而且最緊要佢都真係好 juicy, 肉嫩， 有鴨味， 皮脆。 蝦餃晶凝通透，蝦餃皮超薄，冇得輸。黑毛豬叉燒包係店員推介！ 要試

原本諗住同朋友去樓上鋪食西餐漢堡包，但朋友話好耐冇去過飲茶，於是即刻打電話去海港薈book枱。由於未去過海港薈飲茶，所以一上到去，即刻被無敵嘅海景吸引住，再加上時間尚早，11:30剛開門，只得三幾台客，酒樓知客原本想帶我哋坐近門口位，我同朋友俓自走去坐近窗口第二行坐下。海港薈嘅環境真係無得輸，落地大玻璃，再加上限聚令下枱同枱之間間得十分濶落，空間感十足，但我同朋友都覺得點心紙嘅食物選擇並不十分豐富。南美花膠螺頭湯。呢個湯係足料嘅，有數片花膠同小螺頭，但師傅唔知係咪重手得滯，落多咗鹽個湯好鬼鹹。鮑魚花膠灌湯餃。而家酒樓都好少有灌湯餃叫，再加上有鮑魚同花膠，有啲期待，但好可惜呢個同螺頭湯啱啱相反，好淡味，最後我同朋友決定將兩個湯撈埋一齊飲，味道反而啱啱好🤣🤣🤣黑毛豬叉燒包。見OpenRice好多人都叫，所以試吓，個包皮雖然唔夠軟熟，但個叉燒肉質好嫩滑，肉汁豐富，用黑毛豬做果然唔同啲。蟹粉小籠包。小籠包個皮比較厚，內裏的蟹粉只有少許，同普通嘅小籠包冇乜分別。XO醬炒腸粉。腸粉雖然用煲仔上，但覺得師傅炒得唔夠鑊氣，食落唔夠熱辣辣，有少少失望。另外仲叫咗澳洲帶子鳳眼餃同鮮蝦錦滷雲吞，兩者味道都普

經常到荃灣及大埔的海港集團酒樓飲茶及吃晚餐, 尖沙咀這間第一次到訪, 裝潢典雅, 座位間格甚為濶落, 非常舒服, 更可飽覽維港景色及俯瞰1881. 服務亦相當好. 食物方面, 西班牙黑毛豬🐖叉燒包 $58一大驚喜, 從小也喜歡吃叉燒包, 但第一次吃到醬汁滿滿, 包也新鮮軟熟, 加上內餡為肉質鮮嫩的西班牙黑毛豬, 香味四溢, 一試難忘, 簡直令人回味無窮😋桂花鮮淮山 $48又是另一意想不到的驚喜, 賣相精美, 桂花金光閃閃的撒在鮮淮山以及碟上的蜜糖, 就像金黃色的落花撒在清澈的河道上, 意境燦爛奪目, 第一次焦上蜜糖吃鮮淮山, 感覺清新, 這道美食可以當作一份特色甜點👍上湯珍菌🍄浸菜遠 $58珍菌的味道非常清香鮮甜, 連上湯也給我喝掉了👍鮮竹牛肉球 (小點) $22雖是小點, 也絕不馬虎, 牛肉球加了葱花, 肉質細嫩原隻鮑魚燒賣王 (特點) $38燒賣上的原隻鮑魚很精緻, 軟腍度剛好👍田園南瓜🎃腸粉 (大點) $30饀料豐富, 除了南瓜, 還有些菇菌, 腸粉皮滑溜👍品嚐美食之餘又可欣賞美景, 一樂也~

今日做孝順女同爸爸去咗北京道一號嘅海港薈飲茶，餐廳座擁維港美景，環境優雅，喺度嘆茶好舒適。兩個人叫咗六樣嘢：❤️鮑魚燒賣 $38 一籠三隻，燒賣入面有幾隻蝦，大大粒。❤️燕窩蛋撻$33 超多燕窩，新鮮出爐，熱辣辣。❤️雞油萵筍絲$48 萵筍絲爽脆，清新健康。❤️鮑魚花膠灌湯餃$48 鮑魚幾大隻，入面有兩篇花膠。❤️ 西班牙黑毛豬叉燒包$48 非常美味，黑豚肉夠香甜。❤️蒸排骨$30排骨肥美，調味入味， 底下有幾嚿芋頭，索曬排骨味道。

朋友話我知尖沙咀的海港薈可以欣賞到維港的海景！！今日放假無咩做當然約埋屋企人一起試下對住個海景齊齊飲早茶。我以爲對著這個美的景色飲早茶價錢一定好貴，但發現海港薈的價錢非常合理！有景有質數真的很低食。西班牙黑毛豬义燒包：這個叉燒包使用了西班牙的黑毛豬，豬肉肉質鮮嫩，口感鬆軟！有微微橡果香的甜味，值得一試。鮑汁鳳爪：鳳爪炆得很軟腍，加上鮑汁令鳳爪更入味！鮑汁鮮味而且不會太咸，味道剛剛好，令人食不停口。XO醬炒腸粉：XO醬加上芽菜等材料爆炒後，味道鹹辣鮮香非常惹味！！師傅控制火候剛剛好，令到腸粉乾身之餘沒有焦燶。最後還叫了一些冷盤的開胃小菜！對著景色宜人的海景，就休閑的過了一個早上。

180度海景下的精緻富貴早茶～～～本來約咗星期日同爹哋媽咪飲茶 點知佢哋臨時約咗麻雀友打麻雀 放我飛機 所以最後我就同大嚿兩個人去咗飲茶～～～呢間維港海景茶樓 之前一直都好想黎 今日就藉住呢個機會你試一試 我哋大概朝頭早11:30嚟到 已經好多人 非常旺場 酒樓環境非常漂亮 180度海景盡收眼前 令人陶醉～～～坐低之後 我地就叫咗6個點心 分別有西班牙🇪🇸黑毛豬叉燒包 金箔賽螃蟹餃 原隻鮑魚燒賣皇 金莎脆皮鮮蝦腸 鮑魚花膠灌湯餃 及蟹粉小籠包～～～黑毛豬叉燒包：同普通叉燒包唔同嘅係佢哋用咗西班牙嘅黑毛豬 豬肉味道特別濃郁 加上鬆軟嘅包 熱辣辣地送上檯 令人忍唔住食完又食～～～金箔賽螃蟹餃：金箔裝飾底下顯得特別高貴 而中間嘅餡亦係非常足料 外皮QQ 內裏紮實 正～～～原隻鮑魚燒賣皇：淨係個樣已經非常吸睛 鮑魚雖然細細粒 但好重鮑魚味 燒賣食落又實又多汁 無可挑剔～～～金莎脆皮鮮蝦腸：鮮蝦分量非常多 腸粉外皮唔厚唔薄 但好有米味 整體香香脆脆加少少甜豉油非常好食～～～鮑魚花膠灌湯餃：鮑魚好彈牙 花膠分量亦唔少 灌湯餃味道亦是啱啱好 整個配搭好豪華又好食～～～蟹粉小籠包：蟹粉味唔算好重 但係

自從疫情影響，我幾乎與酒樓絕緣，現在疫情稍為緩和，這天就帶著媽媽到尖沙咀喝茶~其實我在揀選酒樓時，是經過嚴選的，除了食物要有質素，最重要就是衞生良好，坐位要「 闊落」，而海港薈就能一一做到。星期六食客非常多，坐下後待應很快到茶，我亦立即點菜。豐料珍珠雞珍珠雞size適中，共有2隻，非常足料，以白米及紅米製成，比傳統糯米做的輕盈，不易飽肚。蟹粉小籠包小籠包皮薄有彈性，不易穿破，內裏裝著蟹黃及肉碎，入口時小龍包湯汁爆破出來，味道鮮甜，餘韻悠長。沙爹金錢肚金錢肚煮得非常入味，口感爽脆得來，又有咬口，沙嗲味香濃，但味道不辣，下層墊上芋頭條，超粉糯。西班牙黑毛豬叉燒包叉燒包入口軟熟，內裏放滿西班牙黑毛豬叉燒，味道鹹中帶甜，叉燒肉汁豐富，香口而不肥膩，肉質不會粗鞋。大澳原粒帶子腸原粒帶子大大隻，爽口肉厚，嫩滑鮮味，腸粉粉皮不厚，薄薄的，入口滑捊捊，讚。鮮蝦炸春卷推介! 春卷口感超香脆，內裏餡料豐富，幾乎每一條都裝滿口感彈牙的蝦肉，吃時蘸上醬汁會更好吃。

聽見好多朋友話尖沙咀北京道1號的《海港薈》飲茶個海景好靚，所以趁今日返工前，約個同事去嘆一嘆茶先🍵！這間酒樓位於九樓，所以比較光猛，加上環境闊落，在這裏聊聊天吃點心，十分舒適，點心和小菜選擇的種類很多，當中有不少點心很有特色，價錢也很相宜！翡翠筍蝦餃皇＄38 賣相似水晶球，外皮十分嫩滑，加上內裏豐富的餡料，這個超好吃！原隻鮑魚燒賣皇＄38燒賣沾滿了鮑魚汁，肉質鮮味之餘又彈牙，大大粒熱辣辣😋！西班牙黑毛豬叉燒包＄48見到每枱客人都點🤔當然要試吓，厚度適中，叉燒半肥瘦又多汁👍🏻👍🏻！鮑魚花膠灌湯餃＄48皮薄餡料豐富，湯底又鮮甜，不用加紅醋，可以連湯都飲埋😋😋！而其他點心都是即叫即蒸，另外鐘意食辣既朋友，記住點辣椒🌶️油，飲咁多次茶，呢間酒樓D辣椒油有炒香過，特別惹味，增加不少食慾😅😅！

自從第三波疫症爆發之後，都好少出街食飯，莫講話飲茶，而家疫情稍為好轉，即刻同屋企人去嘆杯靚茶食個點心先！呢度個無敵大海景真係好正，除咗景靚之外，呢度嘅點心都好好食，所以疫情前我哋經常都會嚟。今次總共要咗七款點心，首先有每次我哋都必點嘅金沙脆皮鮮蝦腸。薄薄嘅腸粉皮包着非常酥脆又唔油膩嘅脆脆，仲有主角彈牙鮮甜嘅蝦，每次都同媽咪爭食！然後繼續係香脆嘅點心，就係椒鹽鮮魷！炸皮夠薄，魷魚亦都完全唔靭，加埋重口味椒鹽，想拎佢嚟送酒。煎炸野嘅代表仲有腐皮素鵝，同樣地外層好脆，但係入面嘅餡，包括紅蘿蔔冬菇木耳等等非常之入味，個汁嘅稠度剛好，唔會整淋啲腐皮又唔會標水，好好食。之後就到蒸嘅點心，首先有金箔賽螃蟹餃，將賽螃蟹，即係蛋白，放入蝦餃皮入邊，好軟滑，原來都好好食。再有呢排大熱既蟹粉小籠包，小籠包湯汁非常之夠，但係如果蟹粉味再龍多啲就更加完美啦。再要咗籠叉燒包，呢度嘅叉燒並唔係非一般嘅叉燒，係用咗上等嘅黑毛豬肉去做，豬肉食落特別香同淋，個叉燒醬味道都調得好好，甜甜地好開胃。壓軸嘅有豐料珍珠雞，一打開除咗聞到好香嘅荷葉味之外，好驚喜嘅係呢度用咗紅米，更加健康。而且佢真係冇改錯名，真係好足料！啖啖都有冬

和家人到尖沙咀入境處辦理一些事情，辦完後一身輕鬆，看看附近有什麼餐廳可以慢慢享受美食，留意到這一間酒樓提供點心，可以飲啖茶食個包鮮蝦春卷，蝦肉爽滑彈牙，春卷外皮香脆，配合喼汁解膩，每次食點心必點 XO醬炒腸粉，同樣惹味，由於煲仔上菜，食至尾段同樣熱辣辣，推薦其他點心都屬於中上水平，山竹牛肉大粒飽滿，香濃的馬蹄和蔥花香氣，有驚喜貴妃雞半隻，肉質結實滑溜有雞味，而且廚師採用過冷河處理，雞肉和雞皮之間有一層骨膠原，非常滿足