海底撈火鍋 (九龍行)

營業中

休息中

之前食過一次當然知道海底撈出名服務好，但今次比上次更加好，因為今次幫我地服務的男員工好有禮貌又經常面帶笑容，臨走時大家都在微信表揚佢首先一如既往解釋點樣落單，並提供圍裙、橡筋、濕毛巾。額外收費的醬料自助吧有是日湯水、水果、火鍋醬料，當日湯水有不少蟲草花等材料，非常足料，滋補養顏，不知不覺飲左三碗😆今晚人多叫左四格不同款的湯底，而湯底的濃度、辣度等等亦可以自行在iPad 選擇，我自己最鍾意蕃茄湯底和冬蔭公湯底，味道濃郁，滾完d野食特別入味架！食物可以擇半份或一份，賣相不錯，食物質素👍🏻最貼心的服務不得不說就是剝蝦殼，員工動作很快，一下子就剝完，我地坐定定就有得食，呢個服務真係岩曬想食蝦又不想整污糟隻手的人😆食完時，員工忽然拎住LED生日牌行出黎和送生日禮物俾壽星仔，超級驚喜，哈哈😂😂😂 想慶祝生日的朋友不妨考慮來這裡！

西係指西餐大家唔好亂諗🤭。打邊爐都可以好sweet好恩愛❤️最好就係中午或下午去海底撈因為唔怕排長龍🤣等到肚咕咕叫不過如果就唔岩時間都唔怕因為海底撈出名服務好等位時間都好好招呼唔單止有小食可以等位時食仲有美甲服務🤣包保女朋友唔會等到燥底。除左服務服，食物都係一流😭(正到喊)湯底香濃材料新鮮醬汁配料多選擇💓仲有前菜糖水同湯坐嘅位置寬闊舒服絕對大體唔怕迫親honey😘🤣。💕拍拖揀打邊爐最好就係唔怕揀錯對方唔中意嘅食物因為想食乜就嗌乜嘛😏👏🏻

星期六，覆診難得出開去，本來想挑戰日本排隊店，點知App預約爆之餘，一開舖連網上攞飛都即爆，現場攞飛要等二百個，唯有轉場。唔想隨便食茶餐廳，但中午又真係無咩選擇，臨近生日難免想要特別體驗，聽聞依間出名多服務，就想試吓無預約會唔會都有生日安排。講真因為出名排隊，而且價格唔平，所以一直無食過，亦唔知點預約，就算宜家已有多間分店，去到都預咗等，點知唔洗。帶位時指示出面自助小菜、生果及醬料吧免費，入座後熱毛巾，問要唔要加十五蚊任飲已講唔洗，但枱旁放咗一支水，一支檸茶，記得網上話等位期間已可自助享用小菜生果，亦會上檸茶，所以期間就照攞嚟飲。跟枱職員一嚟放底iPad，建議輸入會員，這樣點菜模式會紀錄，有甚麼特別問題都會記底，以防日後再犯，而且只要簡單資料。這時問到生日安排，佢問想大搞定細搞，因為另一位今個月生日唔想，就決定細搞。雖然應該無關，第一個驚喜係午市套餐，之前睇過週六係無嘅，但佢話依啲要睇情況，確實依個鐘數仲有空枱。當日張傳單非常皺，但內容同網上睇過同其他分店嘅一樣，本來以為要一人一個餐正煩惱，佢就話三個太多，叫住兩個先攞。點了手切牛小排同精品肥牛兩個餐，拼盤選D，E，主食兩份都撈麵，協助

這間餐廳想試好耐！終於第一次食，好驚喜的餐廳！服務員態度非常好！亦好貼心照顧同行小孩！兒童餐好豐富，真的食得飽架！但店員還擔心她無合適食物，送豬仔包和蒸蛋！因為本身不食牛，所以點羊肉，羊肉並不騷，小朋友食完要求點多半碟！因為兒童餐有菜，我們只點當一樣菜！麵條好好特別！我們當然有點傳說中的撈麵，出來表現的一刻我哋卦住睇忘記錄影！真的好好睇！重點那個麵都真係好食的！唔係純粹表現用架！飯後都好多食物送，有雪糕又有糖！更有瓜子

八點幾黎，兩位竟然唔洗等位，反而大枱要等。幾鐘意呢度用pad落單，同埋可以揀半份/一份，容易啲按人數/份量落order，例如半份就價錢一半，如兩至三個人叫半份都夠，仲可以叫多幾款野。不過呢度無魚皮餃或者菜肉餃嗰啲架～外面有自助吧，前菜同埋生果糖水都係任食～叫左鴛鴦湯底，麻辣同埋蕃茄湯底，職員介紹可當湯飲。蝦仔好新鮮，上枱時竟然仲郁😱 而且有職員剝蝦，唔洗自己剝～只要order麵條，就會有人過黎表演「拉」麵，$20碟都有表演睇價錢合理，兩個人食左$600，食材都滿意，今次個服務員仲好好service～如果可以遙距攞飛就不得了～

從來未試過海底撈 無論國內或香港 只知道海底撈以服務出名 除左食野仲可以免費享有餐前小食 美甲其他服務今次book左星期六中午1：00 黎到餐廳8成滿 經侍應解釋後我地決定任飲飲品(每人加$15) 有雪梨水 檸檬茶同豆漿醬料每位加$18 有好多選擇任食區有前菜 生果 湯同甜水最欣賞啲烏雞湯 好清甜 (飲左幾碗都冇口渴 我估應該真材實料 吾係味精湯) 😂😂湯底揀左4宮格 可以每款試下味蕃茄湯愈滾濃郁麻辣湯有辣 但食吾出麻豬肚湯 正常味豬骨湯 同豬肚湯太似 正常味(如果再食只會選擇蕃茄同麻辣 必竟4宮格價錢比較貴) 😂😂食飯途中約左美甲美甲姐姐好細心咁幫我整左靚靚指甲當日有朋友生日 侍應一齊唱生日歌俾佢聽 仲有禮物 水果盤送好搞笑😂😂😂😂😂不過係開心既如果Order拉麵就會係你面前即時表演 拉麵有分幼麵或粗麵 我地揀左粗麵 食落有咬口啲餐廳服真係超級好 連蝦殼都要幫你剝埋(我地選擇自己剝😂) 雖然服務好但未必會再食 因為今日並無叫特別貴既食物 4人食左$1800 只可以話價錢只是同服務成正比😂😂 啲食物其實同平時大__口任食冇咩分別🤣🤣

今晚陪班麻甩佬篤完波之後就去咗九龍行上面嗰枱底撈，主力食海鮮靚嘢，質素高，每人大概五百蚊一個，貴過食酒店自助餐，不過海底撈嘅服務真係一流又細心， 待應會先自我介紹，剛好上班數天， 帶點傻氣，然後送上熱毛巾，座位上會有圍裙，唔會整污糟件靚衫。湯底四式：麻辣，清湯，蕃茄，清水。日本和牛 - 質量高，入口即溶。海鮮拼盤：海生蝦- 生蝦仲識郁，親手煮熟，見到就覺得好殘酷。但新鮮彈牙好好味，哈哈。桂花蚌，鮑魚仔，生蠔 - 全部都好鮮甜。手打墨魚丸/ 手打牛丸 - 爽口彈牙。飲品- 每位加20元任飲， 只可選擇檸檬茶或酸梅湯，飲咗十杯都有呀，好抵，待應加飲品速度好快。

朋友聚會，想食好耐，今次終於食到了，服務不錯，職員很有禮貌，等位只等了10分鐘，等位時已經有小食吃，招呼周到今次點左最出名嘅麻辣火鍋湯底同蕃茄湯底食物新鮮，上菜速度也很快，更有溫馨提示，提醒你食物淥幾多分鐘係最佳，很貼心，飯後更有甜品，期待下次再去

我覺得這間是一間不錯用來慶祝的火鍋店 首先他服務一定是比較好 而且還有十分美觀的裝飾 還有兒童遊樂場 不過美甲服務次次都等不了 麻辣湯底和濃郁的蕃茄湯 手工拉麵就是必須的🙈鴨血每次來到都必點

這晚三姐妹出門吃晚餐，挑選了朋友推介的 #海底撈，海底撈其實是 #火鍋店，平常都只在家裡火鍋，不過既然大家都ok，偶爾一餐也無妨。香港現有兩家分店，一家#24小時 營業，一家由10am到7am。一天前成功訂 #銅鑼灣 分店，所以到了不用等。在等位區，有餐前小食區供等位的客人#任食任飲，基本上有水果、爆谷、糖、飲料。網路寫油麻地店有Board Game，這邊就沒有看到。#擦鞋服務，#按摩椅 沒看到、有名的#美甲服務，有！一入座侍應隨即準備髮圈給在座的長髮女士，以免頭髮掃在食物上，亦有圍裙可供使用。而亦為免手機被湯、油濺到，連透明手機套都準備好，把顧客的全身上下都照顧好。參閱menu，看到這邊店內亦有小朋友的遊戲室。下單後食物很快就送到，侍應會幫忙下鍋。用餐途中，#拉麵師傅 出來表演拉麵，也有#四川變臉表演。雖然不是火鍋放題任食，不過下單時食物份量可選擇一份或半份，這很好。不過，洗手間就難找一點。沒有標示，沒有侍應帶路，跟油麻地店有的護理用品衛生巾、香水、洗臉乳等這邊沒有提供。埋單計數，一行三人平均每人250元。收費合理，又有很不錯的享受，難怪海底撈長期大排長龍。在第三家門市開張後能否保持

係香港食海底撈真係比深圳貴好多，但味道絕對唔差有一樣水準黎得海底撈梗係必叫麻辣蕃茄鴛鴦鍋其實次次黎都係叫依2個湯底。蕃茄湯勁香濃而且淡淡蕃茄肉，我次次都會當湯飲～哈哈

第一次來這店，在入座前等候區，有棋、UNO解悶！入座時，服務員好細心，給我兩位戴眼鏡的朋友一張抹眼鏡的紙巾，用作飯後抹眼鏡之用！並且給着白色衫的人圍裙，以免弄污糟白衫！服務員好細心、 有禮貌，介中會幫我們煮食物，又給我們分隔器，用來煮麵之用，煮好又幫我們夾於碗內！今次有朋友生日，店舖還幫手慶祝，用一部機器送蛋糕上枱，又播生日歌，無諗過打邊爐都有得慶祝生日的活動！最後，地方乾淨，食物有質素，簡直滿分，值得再來！感覺如傳聞中一樣，感覺非常良好！

海底撈係大陸就食過，眾所周知海底撈食物質素係無太大驚喜，重點係在於貼心的服務質素。 雖然香港海底撈都開左好耐，但一直都無機會試，咁岩有2個朋友都有興趣一齊去食，就睇下服務同食物質素同大陸有無分別先。 當晚一早大約6點到，其實早3日前已經打電話訂枱，但去現場職員搵唔返我地既訂位紀錄，好彩當時亦未有人等位，所以好快都安排到入座。 湯底揀左4格，決定1人揀1款湯底: 蕃茄湯、清油麻辣、菌湯，清水免費。 蕃茄湯同菌湯雖然都係揀左最濃味，但仍然比大陸分店味道較淡。 鵪鶉蛋味道正常，蛋味香濃，份量十足! 牛肉顔色望落都算新鮮，肥瘦適中，淥完都唔會太韌，不過略厭牛味不足。 羊肉卷有驚喜，入口肉質嫩滑，羊肉騷味唔算太重。 翡翠墨魚滑有驚喜，上碟外形好特別，翠綠色樹葉造型，入口彈牙，墨魚味重。 活蝦新鮮，上枱個陣仲見到D蝦腳仲識郁，服務員仲會主動幫手剝埋蝦，岩曬我地平時想食蝦，但懶得剝既人(^-^)～ 其他配料食落無太大特別之處，就唔逐一介紹了。 甜品我地叫左紅糖糍粑同炸饅頭，紅糖糍粑煙煙韌韌，食之前點少少黑糖漿，感覺養生又唔太甜。炸饅頭反而要等得比較耐，食落都熱辣辣，但唔太夠脆。所以我個人推薦紅糖糍粑

週六大概六點二十五拿的號，六點半就輪到我們了，提供讓你打發時間的小零食都沒吃完。服務我們桌的姐姐人特別好，在不會打擾我們的情況下，給我們出了有意思的題目，答對(或者擦邊球答對)就能獲得免費的菜品～在吃火鍋的過程中，她收盤加湯/飲料都很及時，有時還會適時同我們聊天，晚餐的氛圍非常愉快～麻辣湯底我很喜歡，香味很濃，食材也都挺新鮮的，很好吃，水果很甜。店內總體的服務素質還是挺高的，總體來說比較愉快，下次會再帶朋友一起去～

之前去大陸想食海底撈，次次都勁多人排隊，起碼要等3小時，唔想等咁耐嘅我，今日就去香港嘅海底撈試吓。平日晚上7點到達，等左大約一個半鐘已經有位，香港同大陸等位嘅過程都差不多，有大量小食生果飲品供應，可以坐喺度慢慢等，而且服務生仲拎左一碗雞湯俾我哋飲，非常貼心。一坐低即刻點返個自選四格湯底，一次過有齊四種口味，可以滿足有選擇困難症的我。 最鍾意佢嘅清紅油湯底同青椒湯底，食辣的朋友真係要試試。配料：撈派牛肉，有牛味又嫩滑，個人鍾意這種質感多過肥牛。鴨血薯粉萵筍，都係食辣必點的。其實仲有撈派鵝腸，只需要淥20至30秒就食得，口感非常爽脆。另一樣好食的就係蟹子蝦滑，好新鮮夠彈牙！香港海底撈嘅服務同深圳的一樣，服務貼心，會幫你淥各種食物，令你舒舒服服咁食飯，不過價錢就偏貴，好在兩個人可以點半份，試多幾款不同的配料！