海底撈火鍋 (九龍行)

營業中

休息中

去海底撈食個午餐火鍋慶祝下農曆生日，一上扶手梯已經有歡迎大使熱情招待，跟著坐底就細心同你介紹食物同優惠，午市套餐優惠，一碟肉/海鮮，配一個蔬菜盤同一份主食(即是五穀類)，由68至128蚊不等，我就叫左碟牛小排，配一個蔬菜盤同即場人工拉麵 ， 哥哥仔手藝熟練，表演精彩非常，以為午餐有變臉睇，點知都有，一變10，真係唔簡單，今次選左4格湯底，有渣的麻辣湯，青椒湯，大豬骨湯同胡椒豬肚湯，要推介豆腐同鴨血，豆腐是自家製，豆味香濃，吸入辣湯之後非精醒胃，鴨血配芝麻同辣椒碎原來咁好味，多謝員工推介呢個食法比我，個牛小排非常滑，唯一唔推介架係公仔麵，同個湯底完全唔夾，只要同員工講係慶祝生日，仲有禮物同果盤送，成餐飯，招呼一流，絕對有賓至如歸之感。