海底撈火鍋 (九龍行)

營業中

休息中

食過大陸既海底撈！香港開左身為香港人當然要支持下海底撈既服務我相信冇人會質疑！服務好周到 食到個人都心情好D！食物質素同大陸冇乜分別 一樣咁好食推介既系五花肉(豬肉)，我覺得佢比牛肉更出色，有小小油脂加埋舊肉 冇得頂同埋豬紅亦系推介之一 超級滑！

作為海底撈嘅忠實fans成日都會返大陸食海底撈，不過呢成日山長水遠都幾攰下，雖然香港開咗海底撈不過我本身以為價錢好貴所以一直都冇食，但係估唔到原來香港海底撈都唔係好貴咋喎$430兩個人 。佢仲送咗兩粒橙同埋一朵花俾我做禮物笑死 因為聽朋友講六七點已經要排隊所以我嗰日5:30就入咗去，早入都有早入嘅好處我可以整埋手指甲， 海底撈嘅服務真係好好佢超級用心幫我查指甲油隻色都好靚幾鍾意。食物方面，老實講嘢食唔算話超級超級無敵好味不過佢嘅湯底好正，我揀咗我最鍾意嘅蕃茄湯，同大陸一樣都係咁濃，打邊爐之前飲一碗湯超滿足。嘢食方便每樣都係20幾蚊左右都算幾平，兩個人食半份絕對足夠。我覺得你海底撈一定要體驗下佢嘅服務真係會好服務到你唔好意思好正。

平時就係大陸食得多 之前已經知香港有海底撈 所以等過一排先黎食 因為怕多人 等位都等左半個鐘先入得去坐 叫左個辣湯底 因為平時都食開辣 呢到都keep得到水準 所以都整體黎講都ok 野食味道麻麻

反深圳一試難忘，第二次食已經中曬毒。香港咁就腳就當然要試下，睇下同深圳係咪一樣咁高質🧚🏻‍♀️當日9點左右到，估唔到都幾多人等，入到門口店員都好親切接待，又提供西瓜🍉小食同水，坐坐下都會提議我地去個涼d既位置等，都幾貼心。等到大概10點半，終於入得！坐位都幾闊落，仲可以望住旺角夜景🌃同深圳一樣，有個pad俾你自己落單。我們點左四宮格，分別有 1. 清油無渣麻辣 2. 清油麻辣火鍋 3. 茵湯 4. 蕃茄火鍋 。四格價錢為$129每款湯底都各有特色，兩款麻辣食落分別唔太大，麻味唔會蓋過辣味，辣同麻既感覺都好平衡。茵湯真係名副其實好茵！未食已聞到陣陣茵味，好香，茵迷應該會好中意！蕃茄湯底個湯底味道幾特別，除左蕃茄味濃烈外，食落有少少甜，同平時食既蕃茄湯有些不同，配菜類幾好，好夾👍🏾配料方面，點左撈派滑牛肉 (半份) $49滑牛肉配麻辣湯底真係絕配！一來牛肉真係好嫩滑，咬落去入曬麻辣湯底既辣味，辣得好過癮。精品牛肉(整份) $118第一個感覺d牛幾新鮮，肉同脂肪既分佈幾平均，配麻辣火鍋好正，牛味仍然好突出😍桂花蚌 (半份）$64好爽口！就算淥耐左都唔會好硬，仲好彈牙！西班牙梅豚肉（半份）$84

香港分店開業已有一段日子，今日終於來一試，預祝母親節沒有訂位，6點到達要約等一小時，限時90分鐘時間正好，7點也開始餓了臨入坐時服務員說我們等太久所以送我們蝦滑，其實也沒有等多久7點左右入座，3樓近窗位置，望著彌敦道，不錯。以往在大陸吃，習慣選4格鍋，可以多試不同味道的鍋底。這次也不例外。主打當然有麻辣鍋，另外是蕃茄，豬肚雞及清水價錢我覺得跟深圳差不多，也有半份可以叫，特別適合我們人少但又想多試幾款火鍋料都很新鮮，不錯。服務很好，有些火鍋料會有推介的吃法跟醬料，不錯加水速度快，有次我弟想要自己來他一看見就立刻走上來說讓他來海底撈的麻辣湯底大概吃過的最好吃的

由陀B已經嘈住要食海底撈，到依家細囡幾個月大，終於可以一家人輕鬆打邊爐！事關我地去左超級kids-friendly嘅海底撈！即使要等位都有野食招呼，小朋友都無投訴，而且媽媽由等位時已拎飛做manicure，包埋整指甲即刻覺得抵好多～小朋友有免費「兒童餐」，包括豬豬奶黃包同埋蒸蛋。整指甲隔離有小型playroom，內有職員陪玩等我放心慢慢整指甲，亦見到playroom有小朋友玩好耐，即係變相包託兒等大人慢慢食。我地叫嘅牛肉同海鮮都唔錯，最正係鴛鴦湯底等媽媽我可以麻一麻辣

今晚公司臨時要開ot所以成11:30pm先可以收工，當然我個肚已經餓到響晒鼓啦🥺便約埋幾個同事一齊去食宵夜，有人提議去十下十下，就選擇了去海底撈哇...已經是夜深12:00，但都好多人食而且要等位，冇辦法啦鬼叫同事想食咩唯有等下😑等位其間很無聊，就攞起枱上一部遊戲機玩，不用1分鐘便完成簡直冇難度哈哈，送了一張贈菜咭就是這張👇🏻就是特色撈面一條😂還好只是等了半小時就可以入座，當然之後快快拿起部pad點order先...餓暈了啦😩自助吧 - 可按自己喜好選擇不同醬油配料，還有一些小食和水果可供食用總結覺得食物質素都還好，海鮮新鮮。但服務質素就不是外間說得那麼好，可能當晚比較繁忙，要舉左好耐手先有人理。

深圳嘅海底撈就食得多，香港海底撈都開咗一段日子，同事們好少北上話未食過海底撈想試一試，今日就帶佢哋嚟試一試順便睇吓香港同深圳嘅開到睇到有咩分別。首先有樣嘢要讚一讚先，我只係喺打電話訂位嘅時候無意中提過有大肚婆出席，嚟到嘅時候係會有啲小禮物同埋有個母子平安嘅火鍋料送，座位尚算闊落坐得幾舒服，服務方面都算可以，但可能資源唔係好夠,有時可能要一個侍應招呼幾台客人，就無深圳海底撈嗰種帝皇級服務，食物方面就大同小異，分別在於價錢係大陸嘅兩倍，我覺得食海底撈都係想食佢嘅服務同性價比，比我選擇會返返深圳食🙈

踏入懷孕最尾階段，好多朋友都話想食咩就好食啦，坐月有排戒口，湊B困身想約朋友出街食飯都唔係咁易，多謝資深食客好友帶路，終於去咗試海底撈，服務真係好到嚇親！特別大肚婆🤰🏻真係有優待😆我哋一早BOOK咗位可以直接入座，見到接待處有好多張椅俾客人坐低等，女士可以排隊修甲，男士可以拎小食同飲品，小朋友都照顧埋有啲小型遊戲，真係好全面﹗講返食物質素，呢度湯底可以最多拚4款，我哋揀咗3種湯底1格清水，中間位插上青瓜防止幾隻味撈埋，力推蕃茄湯底真係必試﹗😋😋食物種類唔算極多但比其他火鍋店有特色，朋友介紹老油條&魚籽蝦滑超正﹗拉麵送埋專人即場表演，真係相當精彩﹗而且唔係得個樣架，索晒啲湯又有咬口，不禁要ENCORE多份先得~~而且職員服務真係超好，有位靚女職員專責serve我哋呢檯勁體貼，一入座已經遞上cusion墊腰，立刻拎碗雞湯畀我飲&送上bb禮物包，一碟母子平安同埋一碟豬腳補充骨膠原，仲有蒸蛋同豬仔奶黃包！ 最後我哋發覺盤靚靚生果盤🍊🍈，橙同哈密瓜批埋皮，其他客人係冇㗎🤩臨離開前仲見到傳說中嘅BB床，真係生完都可以帶B食餐好😍 😍 😍埋單勁多個「贈」字，人均$240勁抵！

成日都聽日講海底撈火鍋好好服務，一直都好想好想試，終於到老媽子生日，我家姐提出去海底撈同老媽子慶生！我地係6個大人4個小朋友，會共10人，海底撈好貼心，知我地有4個小朋友，安排了我們坐房！一入到房，服務員哥哥好細心咁送上小禮物比小朋友，又來了一些小食同野飲（酸梅湯，竹庶水）比我們食及飲，到點菜後，服務員為免小朋友等太耐無野入口，就送上了蒸蛋及動物包比小朋友，小朋友好開心！有得玩有得食！我地叫了兩個火鍋底，4款不同既鍋底！4款鍋底都好好味，我特別喜歡蕃茄鍋，好鮮咁！所有火鍋材料都睇得出係有水準同誠意既！最特別係，因為婆婆生日，有人在婆婆面前拉壽麵，又有生日禮物比婆婆！超細心！個人覺得，海底撈既服務質素，絕對係會令你想再次幫襯！最後想順帶一提：小食，野飲同水果係可以無限添食架！小食麻辣菇片超好食！

放工已經夜深了，約埋同事一齊打邊邊、飲返兩杯，醫肚兼輕鬆下。一般港式火鍋常常食倒，九龍區而又會開得夜亦只有少數，所以決定來試試特色火鍋，親身體驗下究竟有幾麻幾辣，同台式火鍋相比又有勿分別呢？仲估唔到有侍應來幫我地連蝦殼都剝埋😅服務水準超讚！傾下飲下快樂不知時日過，原來我地足足食咗近4小時。相信好快又約D辣腳再去！

大陸食過服務係超好的，早幾日第一次香港食，都預左價錢一定貴過大陸好多，但服務真係差太遠。老老實實，食得海底撈都係食服務架姐，為野食都唔會簡海底撈啦！點知好失望成個場好難先搵到人雖然都有做到門面野：例如介紹餐牌/比圍裙/濕紙巾。。。但之後叫加豆漿叫左幾次先理我，可樂想要冰又係要叫幾次。見佢督緊塊pad 順便叫佢幫我地點個菜，都冇理到我地。。見你有蝦又唔主動幫你剝講番食物個湯底就算叫左特濃都好似冇乜味咁。。總結：香港版可一不可再

以前食服務真係好得不得了，即使爆場都會有個人在左近，但而家服務香港化左了，搵極都唔見人，食物唔係好多選擇，但食材是新鮮好食的，最慘係無左「青椒湯底」，加左好多奇奇怪怪既湯底，無左青椒湯底對於鐘意食辣既人真係無意思！

海底撈出晒名服務超班, 真心一流 ,不過呢間野都出咗名排隊排好耐, 不過佢哋啲服務員真係好好 ,係大陸同香港都食過好多次海底撈, 價錢比在大陸貴, 食物好像比大陸差, 不過麻辣同蕃茄嘅湯底 , 小食, 已經好好, 香港嚟講性價比都算高.

海底撈只吃過幾次，對於一向追求口味的我來說海底撈的吸引力確實沒有太大。還是點了慣例的椒麻和麻辣鍋底，沒有驚喜也沒有失望，是步入中年以後自己提煉出來新的人生哲學：與預期100%匹配的確定性！這樣的確定性也許有點無聊和無味，卻是能給可預見未來提供的一種保證，而這樣的保證事實上帶給用戶體驗效用更大！一如既往的服務周到，即使在香港也是能體會到體貼細緻的服務，小姐姐外觀標準，身形也很好，建議大家選擇這個小姐姐分管的區域。才能吃得“賞心悅目”！對於火鍋本身來講不算便宜，但是把畫指甲這個收穫放進去，頓時覺得性價比不低