海底撈火鍋 (九龍行)

營業中

休息中

海底撈 服務超班 裝修超級舒適座位10分寬闊最適合就係慶祝大班人嘅紀念日 麻辣湯底 配和牛、烏雞卷、桂花蚌等火鍋料，總共80多款火鍋料，選擇豐富。生蠔 和 鮑魚比較細隻. 最鐘意剝蝦服務. 墨魚滑 鴨血 炸饅頭 也是不俗 整體食物不過不失 但服務一流 食物款式和內地店有9成 也有變臉表演 招牌4格鍋底、黃喉、拉麵等都有，也有港店獨家的和牛、烏雞卷、桂花蚌等火鍋料 裝修十分高成本 前菜小食 水果 湯水可任吃，想飲飲品的 另加錢 有柑桔蜜、檸檬荼

海底撈出晒名服務一流，之前同朋友約唔成返大陸食，結果就揀咗佢生日就去油麻地嗰間👍🏼👍🏼決定大家試一試佢！😂😂我哋同行有一大班男仔，當然要叫到成枱都係啦😂😂😂😂海底撈比我想像中貴，不過個湯底有幾好食👍🏼👍🏼👍🏼😋😋系出邊仲有啲小食可以任食🥳🥳🥳🥳🥳朋友仔最鍾意食佢嘅墨魚丸，真係幾彈牙，值得推薦💪🏼💪🏼👍🏼👍🏼👍🏼👍🏼❤️❤️講到朋友生日，海底撈嘅服務真係無得輸👍🏼又有禮物，又有生日牌，影幅相都過癮過癮👍🏼👍🏼👍🏼

服務質素真心一流，講到湯底、食物味道、食物種類、生猛游水海鮮的話，九龍城燚火鍋好食千倍萬倍，價錢平靚正。而且何解有部份職員不懂廣東話？拒絕赤化，雖知如何都改變不到，但依度係仍是香港！打多次電話都長響接不通，最後終於有接通，後生仔回覆訂檯名額已滿，只能夠 walk-in 啊，無緊要，照去等位。六點收工衝到海底撈剛好六點半，人山人海，被州民重重包圍，已經有好多食客在等位喇。誰知要齊人先比入座，無奈地美女先到達要等我一下。與美女齊齊步入大廳，不懂廣東話的侍應妹妹稱限食兩小時就要交檯，有 120 分鐘時間已非常足夠。唔該搵個識廣東話既識員過黎招乎，依度仲係香港！離晒譜太過份，赤化滅粵無止境。幸運地剛剛開放 3 樓雅座，四眼哥哥答應可以坐到窗邊卡位，感激萬分 ﹗侍應姐姐妹妹主動夾此小食比我地，招呼超到加，拍手大讚，熱情主動有禮細心周到，食得開心舒服，還幫手登記做會員，銷費可以累積分數喎。打打下邊爐突然有位阿姐全套白色制服走過來跳繩，認真趣緻。真的是拉麵嗎？寬條麵？眼測似百葉喎。青島啤酒，沒有日本啤，唯有飲國際品牌。朋友仔什麼都食，完全無揀飲擇食，非常有衣食，好好好喎。那我可以隨便點菜，唔洗擔心喇

其實食呢間野都出咗名排隊排好耐，又或者訂位要訂好耐，但係冇辦法啦想食就一定要等，但係要等成粒鐘都確實係幾金吓，不過佢哋啲服務人員又真係幾好，又會攞野比你地飲，又有親切嘅笑容，我已經覺得值會等一個鐘，終於入到去坐喇，開始食我又覺得其實同平時火鍋不大分別，但係如果你話食佢嘅服務態度我就覺得一流啦，價錢又唔係好貴，如果覺得排隊不是問題我都覺得大家可以去試吓，食嘢最緊要食得舒服，唔會食到一肚火，所以呢間野都值得推介！　

海底撈不嬲都係內地好紅。終於嚟到香港啦。就梗係要即刻去試試佢。去到超級無敵多人。食物質素一如以往嘅非常之好。服務質素亦都非常之好。而家唔使返大陸。實在太好。！！

係大陸同香港都食過好多次海底撈真心大陸係平d既，但味道我就覺得香港大陸都差唔多以前唔明點解佢收咁貴，又唔明點解d人話服務好今次同朋友2個大人帶住2個小朋友去就覺得抵食同服務超好啦🤣有小朋友既話👶🏻誠意推介你地去食海底撈有免費BB餐+蒸水蛋+豬仔包,玩具,氣球,1次性口水肩唔止有bb凳😱仲有bb床1開始個staff問我bb係咪想訓,話比張bb床我,我以為我聽錯左床都有我覺得好似係屋企咁🤣雖然行過既人都用奇怪眼神望住張bb床bb同我出去食野咁多次今次係第1次食得咁開心🥳特別推介佢個巴沙魚🐟連我呢個唔太食魚既人都覺得超級好食,鐘意食魚既bb更加追住食自助區有免費雞湯，生果，涼拌小菜同糖水雞湯完全係味精🤷🏻‍♀️生果夠甜，涼拌小菜每次去d staff都實拎碟比你架啦糖水雖然甜左d，但打完邊爐食反碗好正😂以前黎咁多次都無食糖水銅鑼灣同旺角分店都去過銅鑼灣分店大d，洗手間都大好多旺角分店既女廁係超細😂得2格廁格今日黎見到對面枱有生日燈☺️好靚咁帶住小朋友唔係好方便，所以就無影得多相點解1開始我話今次服務超好呢？因為係有好多staff幫手，裝bb凳啦送bb餐推bb床d staff係好主動，問我地要唔要比

第一次在香港食海底撈, 價錢比在大陸貴，但服務很依然是很好，很䀡心，小朋友幫襯有甜品同玩具送。食物方面也好像比國內略差一點點，尤其是魚丸，太「林」了，比一般潮洲魚蛋差太遠，不過蝦很新鮮，牛肉好味但略貴。

大概18:10到咗已經要拎飛，佢話要等大概1小時但有qr code可以check仲有幾多張檯 ( 呢點幾讚 ) 行咗一陣街上返去發現已經叫咗自己嗰張(叫咗我地之後嗰張)，佢就叫我地坐一陣等下，大概1855就可以入座。我地點咗無渣麻辣同蕃茄嘅湯底但一黎就已經俾錯個四格湯底，但都即時換返個啱，其他料上餐速度都算快。食到咁上下，檯上已經無哂野食碟但個鍋入面仲有野食，有位職員已經拎咗放有牙籤同薄荷糖嘅碗係我地張檯度 (當時大概1950左右), 但我地決定再叫其他野食，我禁咗幾樣野食再比男朋友睇，佢仲禁緊部pad個職員就走黎搶咗部pad問：係咪要加呢啲野食？ 但當時我男朋友根本就未睇完要點啲咩野食。 之後我地就煮埋第二轉叫咗嘅野食，但嗰位職員就一直想趕我地走咁。最後埋單仲要收多咗一碟野食但我地係無點過，唔知點解會係我地張單度，貴咗$100, 好彩個職員都即刻幫我地跟返同改單。其實食火鍋得一個半鐘真係有啲趕，但個無渣麻辣鍋又真係好夠麻，配薯粉吸哂啲麻辣味一流，佢仲會有個鐵網方便煮薯粉唔會唔見哂。

聽聞海底 勞的服務在內地有很高的評價 所以特地 往油麻地分店試一試 。一坐低他們已遞上熱毛巾 以及 濕紙巾用嚟抹 手機。 等了一陣服務員又很細心的 指示怎樣落單。 有幫我們 煮海鮮 還替我們剝蝦殼， 我在香港真的很少有這種貼心的服務值得一讚 ！食材方面也常算新鮮尤其海鮮， 活蝦 送上枱上仍然識得喐。 蠔也大隻， 新鮮 蝦滑 煮兩分鐘之後 的確很爽口。 唯一 就是啤酒 雪得唔夠凍 ，不過服務員後來都遞上冰壺 。每位300蚊晚餐 價錢合理服務一流會再試

天氣開始凍，所以蠢蠢欲動想去食火鍋，諗咗好耐，決定食啱啱加盟香港無耐嘅海底撈。一去到，服務員已經好熱情！不斷邀請我哋我用佢啲服務，星期一至五就有修甲服務，星期六日就有手部護膚服務。我哋係星期六日去嘅，所以都做咗佢個手部護膚，雖然冇乜特別，但係免費嘅！跟住落嚟要講佢個食物質素，我哋叫咗個四火鍋，分別係清湯、蕃茄湯、麻辣湯同豬骨濃湯！每一個湯底嘅嘅味道都好好，豬骨濃湯有一舊大骨頭，可以用飲管去飲佢啲骨髓，感覺上非常之有營養！我哋要左好多食物：有肥牛、手切牛肉、牛肉丸、豬紅、生菜同萵筍！牛肉好重牛味，山菜同萵筍都好新鮮，總括來講，所有嘢食都幾好食，不過價錢就偏貴！

海底撈嘅服務有幾好相信大家都略知一二今次就講下食物個方面啦係出面等緊嘅時候侍應比你嘅小食(特別係三角形個隻)已經好好味好開胃令你更想快啲入去食香港呢面嘅海底撈好嘅地方就係等食方面會快啲冇咁多人排我最中意嘅就係海底撈嘅海鮮蠔同帆立貝都好新鮮好彈牙淥一陣就食得最愛蕃茄湯同麻辣湯

之前係深圳食過海底撈，聽聞佢黎香港開分店，我當然要去試下有咩分別啦。岩岩開既時候，個個都一窩鋒去，我當然要避開最多人既時候食啦。朋友早幾日已經book定位，分店係油麻地既九龍行，餐廳都佔左兩層，同樣有免費Gel甲、慶祝生日服務等。店內全部都係卡位，坐得幾舒服。我地叫左招牌4格鍋底，個人比較鐘意蕃茄同菌湯。服務方面，都算有禮貌和細心。依度落單同大陸一樣，都係用平板電腦落單，方便易用，部分火鍋料可以揀整份或者半份，但價錢就真係貴好多，吾係幾抵食，人均消費比大陸貴成2倍咁多。生日去既話都幾有氣氛，我地有個朋友生日，所以我地訂位時都有request個慶生驚喜，有幾位店員會攞住燈牌再唱生日歌行埋黎，仲送左碗麵添！

在深圳吃得多，香港真的是第一次不過。。。。。服務真的不怎麼樣 跟深圳的海底撈差得遠除了小哥哥嘅表演外其他真的非常失望連一開始基本圍裙都沒有主動遞給我們而且我們五個人 枱非常細 坐得很不舒服點的菜非常多 桌子又不夠大 服務員沒有主動幫我們收走空啲碗碟 讓我們覺得非常窄常聽人講 海底撈主要係食佢服務 但係點解我覺得佢嘅服務不值一提 同深圳嘅真係差一大截 點了酒 五個人只給三個杯 咩意思食物呢 嚴格來說 不怎麼新鮮呢所以呢 我都係決定以後想食嘅話去深圳食

久久聽聞香港開了海底撈分店，但之前礙於新店開幕太多人而放棄今次終於搵到時間去啦！拿好票號後，職員十分貼心送上水及小食，又會不停提醒號碼還有多久就能入坐，非常能聊！水果也是好好食的，可是！香港和內地的價格收費不一樣，內地是一價兩食（飲料+調味吧）；香港則是價錢分開收（飲料15/人，調味17/人）而且不能單一人加錢買調味吧，算一台計說回食物，食物種類和內地分店差不多，但價錢會偏貴，但好處可以選半分，方便首次來吃，想每樣試試味的朋友這次拍的圖片不多，因為食物上得很快有效率，每拍一張下一秒又上新菜了個人覺得海底撈必點小推薦鴨血，爽口無腥味/ 24元（圖為半份量）無刺巴沙魚 ，搭麻辣湯底非常配/ 44元（圖為半份量）紅糖糍粑，和內地店做法不同，較軟黏口/ 24元（圖為半份量）年糕，會配沙糖和花生碎，另一種吃法，口感似糯米糍 / 18元（圖為半份量，一份的話會再有多少？！）湯底叫了三種，蕃茄 大骨 麻辣，最後是清水，店員小哥說想吃平宜一點，可以只叫兩種湯底再加兩個清水，辣度可以過一下又有味好吃！服務真的一流，由坐上櫈子後，除去洗手間時間都有人服侍好，缺什麼即補上，朋友穿白色衣服，還很貼心給手袖！飲

好多人說大陸野無良心。無香港人既認真態度。今晚去了認真說要改變睇法。由等位開始已有好完全的服務。直到入房俾多小小錢有專人服務前後。服務講得上無可批評。材料上亦可讚一絕。有我喜愛的鴨紅。田雞。特別是有拉麵師傅即場表現。有啅頭就賣得更好。good