海底撈火鍋 (九龍行)

營業中

休息中

好多人說大陸野無良心。無香港人既認真態度。今晚去了認真說要改變睇法。由等位開始已有好完全的服務。直到入房俾多小小錢有專人服務前後。服務講得上無可批評。材料上亦可讚一絕。有我喜愛的鴨紅。田雞。特別是有拉麵師傅即場表現。有啅頭就賣得更好。good

本身一早已經好想食呢個海底撈 因為吸取左上一次要等位等好耐嘅經驗 所以今次早左出去食。5點鐘上到去 ..因為時間太早既關係。人唔算太多 ，所以唔洗等位坐。因為咁我地先去左整指甲先，而小朋友就可以坐係度玩飛行棋。大概整左十五分鐘到 指甲個part就完全左啦。咁入到去食飯，限時個半鐘，雖然每碟既份量唔太大。但係服務態度已經抵返晒。作地係每張枱都有一個負責睇枱嘅人，雖然佢一個人睇幾張枱但係佢返嚟睇我哋嘅次數都好多一見到我哋自己拎野去落嘅時候佢就會衝埋嚟幫我地。到左拉麵環節一定要點 因為佢會即係係你面前拉一個面，而且個拉麵係非常爽口㗎。所以整體上服務態度一流，嘢食都吾錯。未去過嘅人可以值得一試！

平日下午去食，因星期六訂不到位。網上流傳此店的管理模式非常成功，更成為哈佛大學的教材，也有不少報導說此店在內地的分店，其服務非常特別（幫客塗指甲、侍應有絕對權和客訂價錢......）所以我十分有興趣去體驗一下。當天兩人食了過千元，最貴是和牛。餐牌上食材選擇豐富，食材好味，湯底選擇多，較一般火鍋店特別。地方清潔，環境不錯（我坐近窗）。說到服務（這是我來此店的重點目的）.....又感受不到非常特，但的確是很周到（每位侍應專責某幾張桌、不時換新碟、常常幫你抺枱、經常為你添飲品、幫你把蝦膠放落湯......）。有看到鄰座的客人叫拉麵時，真的有師傅即場拉拉麵。但網上話侍應可以和客自訂價錢卻沒有，因餐牌寫明所有價錢。

係大陸成日都聽海底撈好多人排隊，勝在服務好，成日都好想返大陸食但係因為要排隊所以冇去又成日book唔到位，喺香港呢間海底撈，我就可以book左位先，所以我地一去到就可以入場，如果要等都唔緊要，因為可以整下指甲夾先，我地就因為想整甲，食食下就去左整甲👍👍食物質素很好，而且有拉面表演，服務很好，店員定時定候會詢問，有什麼需求和斟飲品😋😋座位寬闊，可以擺到自己嘅嘢，有三個湯底，一個清水，好適合想同一時間識到唔同湯底嘅朋友🥰🥰整體感覺很好，下次會再來👍

油麻地分店開左好一陣子了，終於都冇再大排長龍，可以去試一試。我以前有係大陸食過，覺得唔錯，今次第一次係香港嘗試，覺得食物質素差唔多，禁當然價錢唔夠大陸平啦，但我哋當天一行4人，平均一個人$2xx，香港嚟講性價比都算高。

喺依間食咗兩次第一次上嚟食所有嘢都冇乜大問題嘅我係凌晨2 3點食 員工人手唔係好多我覺得佢個招牌手拉麵 可能我凌晨嚟啦因為係冇人識拉 個員工都係是但拉所以啲面嘅闊度唔平均同埋個鍋底好易窿到我上星期你食第二次我同一大班人上嚟又係凌晨2 3點我叫咗個番茄湯同麻辣個番茄湯淡到冇味咁制 麻辣我就冇試味平時我都係食開海底撈 第一次覺得個湯唔好食員工都係有一兩個態度好 個點餐iPad 有問題我同有一個員工講幫我睇下有冇重複咗點知佢只係望一望個iPad有冇入單就同我講話冇其實我已經話咗俾佢知我係確定點單之後 部機將我全部野冇晒點知嘢食黎嗰陣時真係重複咗好多 好彩我哋有成10個人 都食得曬之後嗰一日我有幾個朋友佢都話佢哋食到好肚痛但係我就冇事嘅平時我都係返大陸食 兩個月食一次我覺得價錢.質素.員工.所有嘢大陸好好多喺香港多人食先可以乜都有得食下小人嘅話真係好貴 對比喺大陸真係差好遠

今日呢天氣嘅仲有啲冷，我哋呢幾個人，就想起去食火鍋啦，咁就想搵一間呢多元化啲，而價錢呢又大眾化嘅,所以今次呢間餐廳佢哋嘅火鍋料呢就有清湯，鴛鴦，麻辣等等，佢哋嘅配菜呢就非常之多仲有佢哋嘅肉，都好新鮮，所以我們已經來了好幾次了。

有時放得夜，真係無乜選擇呢排我哋有個好去處，就係位置方便嘅海底撈喇！一入到去，人頭湧湧，真係唔似凌晨兩點半一坐低就已經有人嚟招呼喇，揀咗我哋最鍾意嘅麻辣同青椒湯底，就即刻出去拎嘢食喇！佢最鍾意拎海帶絲，仲要加勁麻辣！我就拎咗xo醬，埋位等嘢食嚟。我哋兩個都唔鍾意食肉，所以叫咗木耳，響鈴，豆腐，仲有手拉麵。女朋友依然鍾意勁麻辣，仲要點勁蒜味勁芫荽味嘅自製醬我就點下佢嗰d, 又點下xo醬，食食下，就清晒~最後梗係唔少得食碗糖水，飽飽有時夜孖孖，兩個人都唔知食乜好。有間通宵高質邊爐，令我哋兩個有個好去處，當飯堂㗎啦！

那天突然想食海底撈但係5想快閃深圳所以去左油麻地食海底撈,我地下午3点多去到5洗等位,但都好多人,可能閒日尼個時段做7折,7折就真係好抵,因為今次網紅C推介煲粥所以有一格係清水,另外係蕃茄特濃湯,菇菌湯底,牛油麻辣湯底,尼d 好個人喜好但我自己次次都係甘,食物方面真心誠意推介撈派滑牛,真係好滑有人話過5好食但原來係要煮耐小小就口感滑d 有牛嘅紋理但又5會好韌,撈派豆腐專用尼吸d 湯汁食落去成個豆腐都係湯汁味,好正,撈派蝦滑都係甘啱打边爐,撈派手工面我鐘意幼身所以我要求幼條就係甘條麵更滑,跟住重有人即場拉比你睇正嘅,另外菜丸都冇特別,我無主打肥牛,因为5係牛嘅主場,提下個粥煮出尼好綿我加左滑牛,成為滑牛粥,跟住修甲重正,免費的,服务就5洗講成日幫你汁乾淨d 嘢幫你落食材甘都算係甘,係可以好滿足甘打边爐,坐位又寬敞,而且有义電服務,都算係可以一again的,但係希望可以keep住水準因為次次5一樣有次達標有時有d 失望

最中意海底撈有午市7折，生果免費，好抵食.今次叫左清油無渣（超級麻、超級辣），唔夠上次有渣好食，感覺唔到麻，唔夠過癮。之後會叫返有渣。.菜品一如既往有質素.女仔仲可以整gel甲，出面整一次純色都過百，有賺啦

曾經在新加坡吃過海底撈，留下深刻的良好印象。所以今年慶祝自己生日便提議太太訂位到油麻地的分店吃火鍋午餐。由於是平日下午，所以不用等便有枱。負責我們枱的服務員招呼非常殷勤，一坐下來便為我們端上熱毛巾、圍裙和女士用的電話線髮圈，之後並她會不時來我枱服務我們，很窩心的。必吃的食物有肥牛、鴨血、毛肚、魚滑。當天服務員知道我生日，給我七折優惠，很開心！

><嘢食正常 係食服務 一開始已經遞熱毛巾抹手 又畀橡筋紥頭髮 提供膠套笠住電話幫你落埋材料入鍋 自動添飲...雙併蕃茄豬骨湯底 ($122)個湯底好鮮艷 但又唔係好食到蕃茄味任意添飲($15/人)蝦滑 ($54/半份)都爽口彈牙嘅內蒙古羊肉 ($49)唔羶手切牛肉 ($84)肉質都ok脆骨豬肉丸 ($39)食食下好似有雞軟骨嘅感覺 怪怪地大白菜 ($11)油墨菜 ($16)都新鮮拉麵($18)都係想睇佢即席表現dum落鍋個陣 一團痴實咗lol><><><><><><><><><><><海底撈火鍋油麻地彌敦道555號九龍行2-3樓

在深圳試得多，在香港則是第一次試。無論湯底還是食物的味道和深圳的無異，只是價錢貴了30%左右。必點的菜式有肥牛、蝦滑、鴨血、鵝腸和凍豆腐。湯底則建議清油麻辣。凍豆腐會吸了湯底的味道所以會頗辣，鵝腸爽脆，蝦滑彈牙。如第一次光顧可以試拉麵，有專人表演，但香港店空間有限，難以有高難度表演。而且拉麵價錢偏貴，不建議吃太多次。反而寬粉口感好，飽肚，可以一試。侍應亦十分殷勤，滿足客人大部分要求，隨傳隨到，態度有善。

I don’t know what to say about this hotpot place. I got really really sick the day after having this hotpot. All I could remember was very spicy, everything was very spicy. The food was alright, nothing really special.

海底撈火鍋登陸香港一段時間了，跟朋友親身體驗一下。傳統的火鍋店，大顆兒一起烚下烚下，往往都會煊嘩嘈吵，再加上間中的慶祝活動，更加吵上加吵，惟在這裡，各位客人都有一定程度自律，因此，不會覺得太煩擾。點選過鍋底和火鍋材料後，服務員為我們端上鍋底和食材，果然是名不虛傳，食材新鮮不在話下，多種肉類包括西班牙豚肉、安格斯牛肋肉、羊肉片提供，還有其他鮮嫩的蔬菜和素食材料，水果多汁更加感覺貼心，連室內空氣流通和員工服務態度、效率都值得讚賞👍🏼😋💪🏼很久沒有感受到火鍋後的身上，沒有殘留濃烈的味道。多謝成都的好朋友推介