海底撈火鍋 (九龍行)

營業中

休息中

大概18:10到咗已經要拎飛，佢話要等大概1小時但有qr code可以check仲有幾多張檯 ( 呢點幾讚 ) 行咗一陣街上返去發現已經叫咗自己嗰張(叫咗我地之後嗰張)，佢就叫我地坐一陣等下，大概1855就可以入座。我地點咗無渣麻辣同蕃茄嘅湯底但一黎就已經俾錯個四格湯底，但都即時換返個啱，其他料上餐速度都算快。食到咁上下，檯上已經無哂野食碟但個鍋入面仲有野食，有位職員已經拎咗放有牙籤同薄荷糖嘅碗係我地張檯度 (當時大概1950左右), 但我地決定再叫其他野食，我禁咗幾樣野食再比男朋友睇，佢仲禁緊部pad個職員就走黎搶咗部pad問：係咪要加呢啲野食？ 但當時我男朋友根本就未睇完要點啲咩野食。 之後我地就煮埋第二轉叫咗嘅野食，但嗰位職員就一直想趕我地走咁。最後埋單仲要收多咗一碟野食但我地係無點過，唔知點解會係我地張單度，貴咗$100, 好彩個職員都即刻幫我地跟返同改單。其實食火鍋得一個半鐘真係有啲趕，但個無渣麻辣鍋又真係好夠麻，配薯粉吸哂啲麻辣味一流，佢仲會有個鐵網方便煮薯粉唔會唔見哂。