海底撈火鍋 (九龍行)

營業中

休息中

海底撈的服務文化在本港可謂獨樹一幟。問題是過多的打擾也會給客人一定不適，尤其香港人講究的distance 要比大陸更多。不過其獨特性本身就可以是一個觀光性質的賣點。一個建議是像手機套和圍兜和髮圈這種完全可以一次性給出，以免過多打擾。然後七點之前買單有七折優惠很不錯。

個個朋友去過海底撈都讚不絕口，話佢服務態度超好，香港店開咗我以為佢哋會成日去食啦，點知佢哋都係特登返大陸去食，原因係香港貴好多。 我大陸香港既海底撈都無食過，可以好中立無比較地俾意見。首先講下等候入座時間，有兩層所以雖然多人不過都唔算等好耐。等候時我見有啲人會有碟小食，俾你食住啲野先唔好肚空空咁等。坐低叫左個個都會嗌既 4 宮格湯底，岩哂花心既香港人，咩都試哂，蕃茄幾濃味，麻辣好香又唔太辣，豬骨就爭少少，好淡味，由於有小朋友，有一格就咁滾水，俾佢食得清淡啲。不得不提既係淨係湯底咁樣 4 格已經 100 蚊落樓，咩都未食已經成舊水，真係唔怪得知朋友們要返大陸食。 依度服務同相傳既一樣，真係好到加零一，見到有小朋友，免費送左架小車車玩具，又送左依個蒸蛋黎俾小朋友食。 同一般打邊爐一樣，佢啲配料黎黎去去都係個啲，我唔多講，不過種類黎講佢係唔算多，我覺得可以多元化啲。特別推薦依個拉麵，佢即場拉，有表演睇下咁，十幾蚊一個麵幾抵，索哂啲邊爐湯都幾好味。最後送既甜品，唔太識欣賞，有啲酒味，酒糟湯圓卦。 總括，真係貴，人均300 蚊都唔算好飽，除左服務態度好好之外，食物唔差但無咩特別，個啲免費 gel

下午7時前離坐同買單，所點食物計7折，除湯底，小料 飲料 珍珠湯圓再10%服務費。我多數都係下午去食，但從來都冇點樣詳細看張單，今天細看感覺唔係幾開心！下午講7折，其實份量也比晚上去食物個份教少些，半份黃帝菜得8條，唔係本人小家，從油麻地地開張到宜家本人也去食過8至10次，只覺得現在的食物沒有剛剛開業個時份量足 d服務又差做，我d check 計算個時，d服務員的眼睛怪怪的。

係大陸食過好多次海底撈，每次都好滿意。香港開咗之後，上個月食咗一次，當時整體感覺都好好。今次即刻同朋友再食，結果失望至極。星期日都知道會好爆，早上打去問仲有無位book，被告知今日已經full咗，不過可以電話拎飛，過咗就到時延遲3-10張枱後補，同大陸做法一樣，我覺得完全ok。用餐時間就兩個鐘，上次食過都係咁都覺得冇問題。但係當刻都冇同我講係幾多號飛。結果夜晚差唔多6點，朋友搭緊地鐵，咁食開都知要等，所以我決定上去先等定位。上到去電梯口，就有個host係到幫人登記緊。我話電話拎咗飛2位，個host就問我人齊未，我話朋友未到我可以等，佢問我朋友到邊，我話何文田過緊黎。結果佢就話我可以入座先坐住等，宜家仲有位，因為驚一陣人多就無位。我問佢係咪入座起計2個鐘？點知佢話星期五六日係1.5鐘用餐時間。我話我今朝打電話有同事同我講都係2個鐘。佢就有少少勉強咁話：咁我比2個鐘你啦.....之後係張黃色memo紙到寫咗2位 2hour比我叫我上樓上。過程中無問我電話，應該係當我walk in。上到樓上，見到都有d人坐咗係到等，我比張紙另一個host。點知佢就叫我坐一坐先。心諗：又話有位？坐低咗等咗一陣

本來今日放假返大陸食海底撈，點知男朋友回鄉卡過左期，所以留港消費，出返去油麻地果間海底撈食。咁大個女第1次食海底撈，好期待！今日平日，下午2點幾，唔多人，不用等位，職員仲問要唔要整甲，我們太肚餓，所以直接入坐食野。安排坐窗邊位，感覺好寫意。我們點了雙併煱，清油麻辣火鍋➕大骨湯火鍋。細心看煱邊有透風位，所以衣服唔會有陣火鍋味！麻辣鍋係會愈煮辣架，正呀！無刺巴沙魚片（半份）沒雪味，但亦沒魚味，肉質嫩滑，個人建議煮4-5分鐘，剛巧熟，煮耐左魚肉易散開。撈派毛肚（半份）黑栢葉，爽口又唔韌，焯一焯就熟！鴨血（半份）勁好味！口感超好！煮耐左都不會散開，半份份量都幾多，性價比高！桂花蚌（半份）又係焯幾下就熟，好爽口！放入麻辣鍋，吸收哂麻辣味，放清湯又食到原本的鮮甜！招牌蝦滑（半份）招牌果然招牌，爽口彈牙，賣相滿分。撈派鵝腸（半份）口感滑得來又爽口，一點肥也沒有，推介！皇帝菜（整份）好少火鍋店有皇帝菜食，菜洗得乾淨，但份量較少。傳說中服務態度良好的海底撈，果然聞名不如見面！由坐低到埋單，職員都很細心體貼，例如遞熱毛抹手，主動幫忙添飲等！而且食物可以點半份，兩個人食唔怕食唔哂，又可以點多幾樣try tr

食野睇心情，寫食評都睇心情，唔係話心情好就寫好d,心情差就寫差d（no!）而係當你食完一餐，個餐飯有冇燃起你對呢餐飯既感覺,有就寫，好似依家錦哈哈!第二次黎服務仍貼心，waiters笑容親切，態度殷勤，而且儀容比較整潔，令人感覺舒服。環境同枱都夠闊，坐得唔迫幾好，但見旁邊有d2個人坐4人枱，坐對面，就分得太開，講野都要好大聲先聽到。Anyway,食物係重點。叫左鸳鸯湯底，番茄同麻辣湯底，同大陸海底撈既濃茄湯底比較，呢個番茄湯底唔算好濃，相對冇錦正，但麻辣湯底就真係正啦一開始食唔太辣，但後尾愈煮愈辣，重點係唔會好似其他麻辣湯底錦愈煮愈咸，甚至苦，所以頗為出色。之間就係火鍋材料，唔洗講，6個人食一定係錦叫，諗住一定食得哂 （結果其實係食唔哂架~哈哈）。因為叫左好多，所以就唔遂一詳列啦，但推介既就有鴨血（新鮮），鵝腸（爽脆），鴨舌（必食，煮到最後入哂味先食勁正），肥牛，羊肉（有肉味!）,冬瓜，莴笋，同凍豆腐（吸哂d湯底好入味），響鈴同午餐肉就正常好味但冇咩特別。（有特別你都驚啦）。餐飯食得順心自在，貴少少都唔緊要啦，下次會再黎食。P.S. 如果餐廳d燈光可以搞搞佢，柔和返少少可能會再好d.

未系香港開業前就已經深圳試過好幾次，簡直系皇帝般既享受。雖然就冇深圳既服務甘好，但比香港其他店好得多，始終呢家主要賣服務，賓至如歸！叫左鴛鴦鍋，麻辣同三鮮。三鮮主要用黎碌菜，麻辣太油太硬，菜易索油。滑牛必叫，煮極吾老，滑嫩。血旺系我最愛，吸收哂麻辣既香味

香港海底撈開左一段時間，終於夾到時間同好友一齊去試，梗係預早打去訂位，訂左7點，但我地6:40就到了，好友未到齊，我就上去等，一上到去，原來火煱店有位比客人等不特止，等候期間還有生果、糖水、脆片、檸檬水任食，呢日落雨天，我仲發現入口前有雨遮套，有都唔出奇，但上面仲放左方便雨衣比客人免費拎走，真係超窩心入座後，我點了四宮格湯底，有蕃茄火鍋、胡椒豬肚火鍋、菌湯火鍋、大骨湯火鍋。我覺得蕃茄湯底最好味，其餘三個比較淡。自助bar醬料都有20多款😱仲有涼伴、生果、菌湯和糖水日本和牛入口即溶，配日式芝麻醬一齊食，非常好味手切牛小排，牛香嫩滑好食鳥冬彈牙、響鈴卷、菠菜和皇帝菜好新鮮。鴨血無腥血味，好食過豬紅好多。青荀鮮甜爽脆。無刺巴沙魚片太腍，麻麻地。撈派滑牛肉無前兩款牛咁好味，但都不差。撈派黃喉爽脆。招牌蝦滑我覺得唔夠彈牙。鳥雞片唔啱我口味😂有拉麵食之餘，仲可以睇小鮮肉表演拉麵，拉麵好彈牙都幾好食，不過分量太少，最後要讃一讃海底撈每位服務員都非常有禮拜，用心有耐性對待客人

雖然海底撈咁出名，都係第一次去。去完覺得果然名不虛傳，食物好味，服務亦好，係好值得再去既。係等位既地方，有小食同水俾人任拎。我坐低等位既時候，職員見到我無拎野食，拎左份俾我，又俾左份生果我食。當中我唔小心倒瀉一D水係地下，個姐姐好快就過來幫手清潔，服務真係好好。我地點左四宮格。兩格係清油無渣麻辣湯底，夠辣又惹味，我好中意啊，基本上九成既料都用麻辣湯底去淥 XD左上係大骨湯，好有藥材味。而右下既番茄湯底都幾清甜，唔食辣既朋友應該都好啱。火鍋前面果蝶係四川酥肉，炸得幾乾身，又可以點辣醬或者辣粉食。作為餐前小食不過不失，我嫌佢乾左D。桂花蚌——係新鮮既，正常水平。肥牛——放係麻辣湯淥熟，好好味啊，肉質都幾嫩^^薯粉——都係放係麻辣湯，熟左之後吸左D湯，越食越辣，越辣越停唔到口 XD羊肉——不錯鵝腸——我真係好中意食鵝腸，是麻辣火鍋必點既料！上面果個貢丸十分推薦，爽口又好味。因為係食生日飯，食到最尾，幾個員工拎住個牌出來唱生日歌，好開心同熱鬧。而且員工態度都好殷切，幫左我地影幾次相都無耍手擰頭。總之，成餐飯食完之後，覺得好味又開心，難怪海底撈個牌子做得咁好，我係會再來架^^另外，因為店員安排我

同朋友聚會最好就係烚下烚下湯底可以揀夠四個，食辣又得唔辣又得我自己最鐘意麻辣冇渣，平時食麻辣鍋最怕就係唔小心食埋d花椒八角，e個冇渣就冇哩個問題，仲可以加麻加辣推薦黑柏葉，店員教落7-10秒就可以，好爽口，真心不錯，其他食物質素都偏中上，所以價錢都合理

我哋兩個人都係第一次黎，閒日晚上仍然好爆滿，我6點20分嚟到已經排緊十幾張枱，但人朝喺六點半過後更加洶湧， 我哋終於等到七點先入得。佢哋嘅超好服務真係嚇親人，入門口嘅派飛姐姐到餐廳內每位員工，都非常好笑容、勤快，後來睇番食評，先知道原來個個都讚佢哋啲服務。除咗服務好，食物都唔錯。最欣賞佢哋可以有半份，好似我哋得兩個人，都可以試多幾樣嘢。肉類方面，我哋只係試咗日本和牛，唔錯，下次有機會會試其他。海鮮拼盤都非常新鮮，貴花蚌好好食，啲蝦好生猛，上枱仍然不停旭，好殘忍。15蚊任飲熱豆漿、柑桔蜜、檸檬茶。叫啤酒又有花生送到，仲有少許生果涼菜糖水免費供應。限時兩小時，但我哋兩個大人就用唔曬兩個鐘。仲有佢哋嘅鴨紅我覺得好好味，一定會再返嚟幫襯。

識食一定食服務註1: 午市去，book 11:30am （人不太多）打邊爐其實醉翁之意不在酒，而係d服務。內地強調環境同服務都有質素，我就以身試「服」。—老實說，個個都話海底撈貴，食左2小時我有五體投地嘅感覺，野食係有d質素，而配套先係我一去再去嘅原因。—1）要唔要醬汁？講明，每人$18！而唔用醬油之下，齋叫椰子雞湯底（d雞有埋醬比）已經覺得足夠、好鮮😋2）飲料一般打邊爐同朋友硬係要有共識飲野，一飲仲要一jar，呢度每人$15任添，起碼多d自由度。3）何謂好服務？-不時有人遞熱毛巾-爐底可叉電-有人提醒去修甲-兒童部好乾淨企理—推介食物：芝士牛肉丸不推介食物：牛柏葉（好鞋，食擦子膠之感）—註2：午市有7折，而不包湯底回頭率：100%已book位！氣氛好，野食ok

講起海底撈好多香港人一定都唔會陌生，今日終於有機會試下香港分店。今日嚟到既係油麻地分店，地方都算乾淨，店員大多為內地人，好有係大陸既感覺。一貫作風用tab點菜，而湯底當然要點清油麻辣！另一邊用蕃茄湯。湯底同深圳一樣，味道一致一樣有生果、前菜任拎，大胃王可以食返夠本。火鍋配料方面價錢偏貴，雖然牛小排牛味好濃。配料選擇都算多，但中午時分去到好多海鮮都無哂。所以其實都無咩好揀。海膽丸半份只有4粒收幾十蚊有d搶錢既感覺。總結呢個價錢我認為仲有好多選擇

生日飯局 試下聽又聽得多，但試就第一次試既海底撈等位期間 有水果有零食有水我係商場我層等，而上一層去餐廳既 會有棋類玩下，之後仲發現有得修甲，我 當然無去啦因該趕住開餐8個人等左45分鐘左右，本身話要1個鐘 都快左丫叫左4格湯底，不過辣個款就真係好油，蕃茄湯有驚喜 幾好味叫雞 哈哈 叫左隻雞食 又幾滑喎另外既係同打邊爐一樣 只係湯底環境有人拉麵個麵又幾好食咖喎服務方面 以好禮貌到恐怖 終於見識到啦一坐低就幫大家倒野飲 又帥哥又美女 有橡根有圍裙有電話保護套佢又會幫你擺野食入個鍋到，又會教你滾幾耐就夠鐘 原來朋友買左蛋糕keep左係餐廳 (無額額收切餅費，仲話可以 高歌中，英，普生日歌) 之後仲送左袋nuts俾我，入面有好多細細包既nuts最後蕃茄湯底真係推介

Around 400 pp for dinner. However the quality of the food here is definitely worth it. Excellent service here, during waiting you fan have some snacks, play board games or even polish your nails.The beef here has a relatively high quality. Definitely recommend the hand cut beef dish instead of the regular beef slicesWhen you order for noodles. A person will perform a show in front of u converting the dough into noodles like a dance. Very entertaining to watch.The boneless fish slices are definit