海底撈火鍋 (九龍行)

營業中

休息中

我爸媽從來對餐廳(茶餐廳, 大排檔除外)服務生的服務一向都有頗高的要求, 第一次同爸媽去食海底撈, 由帶位, 用餐至埋單, 全程服務細心一流, 服務員不停替我調製合適醬汁同推介個別特色食法(如鴨血配辣椒粉, 文昌🐔配自家製醬油), 另外, 服務員不停幫我們添飲同換碟, 所有職員面帶笑容, 和藹可親, 連我爸媽都話要比十個Like, 仲成日提議再去幫襯黎緊母親節, 父親節我已經唔晒再諗帶佢哋去邊度開餐新鮮食材, 服務細心, 值得推介

試過深圳同北京既海底撈，香港既今晚終於試到，一行4人，生日飯局.訂左位但早到左，餐廳有小食及小遊戲提供，女士更可以美甲，費用全免。自選4式作湯底：牛肉湯、蕃茄、麻辣及大骨湯。最愛都是麻辣，最惹味！途中有變臉表演，表演者出現令全場人熱鬧起來，第一次現場欣賞這種表演，變臉之快，快到表演者雙手合十手握食客，也可以迅間變臉，獲得全人拍掌！食氣氛一流！食物質素正常，種類不算是多，值得讚既蝦係新鮮生猛，跳著跳著這裡慶祝生日也會悉心安排，侍應唱著生日快樂，有生日牌及有小小禮物，可是意料之外！還送上長壽麵添如果點長麵，侍應會到你面前表演拉麵，很有互動性！

Clientele 太大陸. 連侍應都係講國語。香港人香港地要食飯要講國語。嘢食一般，坐得唔舒服。限時限刻。勁多大陸人。中段嗰個變臉表演好搔擾。大陸連鎖火鍋店來香港做大陸人生意。

海底撈係香港都開左一段時間，終於有機會去食啦！話説我地幾個同事收早，所以即日book左六點半，竟然有位呀！湯底可以揀一至四個，我地揀左4宮格，番茄，牛骨，麻辣同牛乳。。。木耳同其他小食係岀面任拎粟米份量好多，又甜牛肉同牛栢葉都唔錯期待已久嘅手工麵終於岀場，師傅會行埋你枱拉麵好有趣！食落都彈牙各方面都唔錯，服務都一流，不過偏貴

以前係深圳食過海底撈，覺得服務好好，同埋好鍾意個麻辣火鍋。有一晚心血來潮想打邊爐嘅時候，就諗係香港呢間海底撈試吓啦！之前一直都無係香港食，係因為網上面啲食評都話價錢會偏貴，所以有所卻步，但係有冇幾可會返深圳食。今次食完嘅體驗，除非係有朋友要食好多肉類，或者特別大食量，如果唔係其實價錢都接受到，我哋兩個人食平均每位＄200多少少， 但係服務同喺內地分店都keep到咁好，一樣有指定店員親切咁樣去招呼你，又有一啲小菜、生果免費供應，叫手拉麵嘅話亦都係有師傅即場表演嘅。而且weekday夜晚如果早少少黎，七點前入席嘅話，其實都唔使等位嘅，但係我哋後尾見到八點幾既時候，其實出面就都幾多人等緊位，不過好彩呢度同內地分店差唔多一樣，可以一邊等位，一邊修甲啊或者玩捉棋嗰啲，亦都有細路仔專用嘅樂園，所以都唔使擔心。

服務一流，價錢合理，食物新鮮乾淨第一次入到去真係好唔慣，因為服務真係好周到，等位個時仲有得免費印相同整指甲，修甲服務真係無得頂，整得好靚，等位其間仲可以同朋友玩下琪，都幾過癮。

第一次食海底撈，係香港24小時既餐廳真係唔多，位於油麻地又近旺角，行完街再過去打邊爐絕對非常方便！好出名個個朋友都食過既海底撈我沒有特地去潮聖，今日地點時間又配合到，行完街就走去食，8點幾大約等左半個鐘就有位，真係要讚一讚呢度既服務，係等位既時候會送上清水跟小食，點餐同進食時佢地既服務都是一流，不時幫客人加水，換碟等，好貼心的！大骨牛湯同麻辣湯底，醬料自助吧有糖水及生果。大骨牛湯好香肉湯味，唔鐘意食辣的就最岩了！麻辣湯小辣我地覺得好好味，無論是羊肉，鴨血，牛肉都一樣咁正咁入味，湯底又麻又辣而且唔咸，做得幾好！翡翠墨魚滑無論是顏色或形狀都照著一塊葉做出來，侍應幫客人煮，同比左碟豉油醋蔥汁來食墨魚滑，個味又幾夾，墨魚好新鮮好爽口！

這次我和姐姐們吃、四個人$7xx火鍋我覺得合理價錢、但服務態度非常好！先來說正常的火鍋都要站著等、有坐位已經是不錯了、但海底撈竟然提供免費的做指甲服務和修眉服務？這是那裡找的服務呀？我倒是佩服店員多才多藝......食食下看到隔離枱有人跳哂舞咁樣、原來在拉麵條、心內想這裏的店員都不簡單！再來說說、我不小心把麻辣湯彈到白色恤衫、店員馬上幫我用噴霧類物品處理、等待乾了變成粉末就可以拍掉！我是有點驚訝這服務太好了！下次我一定會再來的、店員都很有心的！

一個好鍾意打邊爐既朋友生日，自然會去來港不久嘅海底撈試吓喇~聽就聽得多佢既服務一流，等我親身去睇吓佢係咪真係咁好服務先!舖喺3樓，我地去到2樓已經有人幫我地，我地book咗枱，check完紀錄就有人一直帶枱，我地張枱係卡位，夠大夠好坐，一坐底詭有個pad比我地點餐，都簡單易用！我去之前已經睇過攻略，點咗4格湯底，其中2格要咗清水($0)，因為我地3個人，只睇中兩個湯底，所以都ok，計過咁樣4格真係比2格平，我地再喺汁醬配料區拎咗d芫茜落果2格清水，自製口味添！佢有啲兜仔，方便客人淥粉麵，都幾細心吖~非常多既汁醬，而且有前菜有湯有糖水有生果，大把選擇~食物有半份同一份選擇，我地人少少，想試多D嘢，就梗係叫半份喇~豬片都幾靚~肥牛都真係幾肥吓~長髮嘅有橡筋，四眼嘅有眼鏡巾，有電話嘅有套食完有COUPON下次用薄荷糖同牙籤都會準備埋~總括而言，食物一般種類唔多，貴，唔慣有TOO MUCH既服務，唔吸引到我下次再嚟~

今時今日的服務態度應該是這樣的。首先冧掂啲小朋友先，送玩具、送cutie點心，陪佢哋聊天，教他們點菜。然後處處貼心為您著想，帮你煮帮你剝蝦 怕你整污糟給你圍裙手套手機套 不停自動自覺換碟加湯加嘢飲 海底撈-比任何男朋友更細心呵護照顧你的需要🤣🤣🤣食物質素非常一般但這樣的服務質素 我願意再來多好幾次其實香港方便帶小朋友去吃飯的餐廳非常少希望海底撈的努力可以感染同業推介：1）鵝腸2）拉麵3）萵筍4）豬骨

第一次食。等位時已有店員招呼，比水你飲，有小吃，有飛行棋。之後入到去，招呼一流，第一次有mook蝦服務，所有野都安排同服務得好好。真係十個讚。雖然價錢少貴，但都會再光顧。

一直好想試食海底撈個麻辣火鍋🍲無奈朋友無回鄉証上唔到深圳食🙈知道香港開左就立即約齊腳黎試一試去之前都聽講好貴，平均每人要$300-$400。但可能我地今次主要係想試湯底，無咩點叫牛肉同海鮮，埋單每人$250左右。言歸正傳，講講間餐廳先。一上到去就有兩個侍應歡迎你，等位嘅時候有提供小食同遊戲玩，可惜嘅係本來想去整甲但太夜已經收咗🙈等左10分鐘左右就有位，兩層環境都幾大幾乾淨。一坐低就有人黎幫你介紹，任飲每人加$15，如果要醬料就加$18一個人（全枱只加一個都得）仲好記得專負責我地張枱個侍應叫阿芬，佢好有趣服務又好我地最後選擇左4格場底。推薦麻辣湯好香愈食愈辣，食到最後個嘴有少少麻🤣愛食辣既朋友一定要試推薦番茄湯好濃郁嘅蕃茄味，甜甜地打邊爐之前要先飲一碗，佢仲俾咗啲肉碎我哋加落湯到真係一流喺出邊仲有前菜、生果、糖水任食羊肉（上右一）肥瘦均勻芝士牛丸（上左一）味道一般芝士餡少午餐肉切得勁薄，唔抵食百葉條（豆腐條）推薦鴨血 好滑加埋呢個醬料，辣辣地有啲花生🥜口感一流最後都重頭戲即場拉麵條，又有得食又有表演睇$18一條好抵食。而且味道真係唔錯。總結，比我想像中好食，而且最好嘅係佢有得叫半份，可以

係樓下已經聞到濃濃既麻辣湯底氣味比佢吸引左上去食 之前上過深圳食過 食物都唔差 價格都相對比較便宜一上到去就已經感受到佢地服務既貼心 上一層就已經有一位帶位 帶我地上2樓上到去仲有另一位職員帶我地埋位 沿途仲介紹醬料吧  但係一聽個收費就覺得嚇人竟然要18蚊一位 比起深圳既好似貴左成倍一埋到位 店員就比左暖既毛巾我地 應該都幾貼心 仲有部ipad落單 都有職員介紹點用同深圳一樣 差唔多所有既野食都有得嗌半份 咁樣可以食多少少唔同種類既野食 但係價錢真係相差太遠了差唔多貴左成一半我地嗌左蕃茄湯底 同埋 清水 因為朋友同我都唔食得辣野食到了 佢地會幫手擺埋位 擺得都幾靚 唔會好似其他火鍋店咁 亂咁擺好多野都嗌左半份 但係發現其實味道同深圳既海底撈差不多 可能深圳仲好食少少柑桔蜜唔多夠甜 有少少溝左水咁個湯底食落就好食 一番到屋企就十分口乾 唔知加左幾多味精落去其實大致上同深圳既海底撈差不多 但係香港既貴左勁多 兩個人埋單連埋加一要成550$ 我就覺得呢個價錢 係香港其實仲會有更多更好既選擇至於想要服務既話 我情願番深圳再食 香港既唔會再去 因為太貴啦真係

This restaurant are very famous in mainland but I seldem get the chance to try there. Luckily, they open the 1st shop in hong kong this year. My colleagues and I are crazy fans for spicy hotpot, the soup there never disappoints us. Hand made noodle and vegetables are the perfect match with the spicy soup. Of course, no one will complain about the 5 star service here .

之前在北京食過，已體驗過在高峰期排隊等位。今次剛好openrice在網上有優惠7折，預先訂位，所以不用等就直接入餐廳食午餐每張枱有足夠空間放食物，枱上仲有層架。一流既服務正式開始：食野之前會比熱毛巾同埋圍裙；放左新鮮薯粉落鍋, waitress 會幫你夾落碗；幫你剝蝦殼; order 飲品問下有無凍豆漿，waitress 話只有熱，當熱豆漿到既時候waitress 會記得你既喜好，問你需唔需要加冰。勵害!麻辣湯好香少少麻，如果唔夠辣可以加辣，見隔離枱有加一包銀色既湯包。食物質素正常，無咩特別驚喜，但新鮮薯粉好令人回味，煙韌非常，再encore一碟。同場加映有表演撈麵，好精彩，咁近同咁窄既空間睇真係第一次。服務真係貼心，這次服務比大陸更全面更體貼，值得一試。