浦和日本料理

營業中

休息中

我哋一行8人，3個女仔先到，一去到侍應已經不斷招呼，問我哋要咩飲，好唔好上住個刺身先，初初都抓晒頭唸佢哋做咩咁殷勤，後尾就知原來人一開始多，上菜就好慢，我唸侍應們係想我哋嚮越來越多人之前快d落左單先，咁就唔洗等咁耐，真係用心良苦。全晚最大嘅問題其實真係後期上菜慢，呢度D野食真係幾OK，刺身都幾新鮮，慢嘅只係熱食，所以奉勸大家如果想去試的話，不妨一坐低就點左熱食先，刺身慢慢點都未遲。另外，D侍應招呼都幾GOOD，有個男人(我唸係經理級OR負責人)仲好攪笑好NICE，雖然係等，但佢都不斷咁安撫我哋，仲親自入左廚房執菜等廚師整，好殷勤確係抵讚，連原本等個鰻魚炒飯攪到披頭散髮嘅朋友老公，最後都俾佢氹掂條氣順返晒，哈！

有個 friend 嚟揾我哋食lunch，我哋就揀呢間，因為有得book位，價錢又OK，我地個六個人，佢安排咗間房比我哋，環境不錯，啱哂傾計，service都幾好。我要咗香葱碎吞拿魚飯($88)，朋友們就要燒牛肉定食($62) 、咖哩牛肉定食($65) 、黑豚生姜燒定食($72)和銀鱈魚西京燒定食($95)。套餐跟miso soup和salad，兩樣都喺一般啫。香葱碎吞拿魚飯 - 碎吞拿魚味道不錯，都幾肥美，葱都幾香，如果切碎D葱會更好味，飯都幾好味，但少咗D。燒牛肉定食 - 牛肉味道OK，加埋D飯就幾好味。咖哩牛肉定食 - 咖哩不太辣，薯仔好淋，味道唔錯，牛肉又唔韌黑豚生姜燒定食 - 味道唔錯，豬肉都幾淋。銀鱈魚西京燒定食 - 銀鱈魚咸咗D，但幾滑，送飯都OK嘅。朋友有VIP咭 - 所以我哋有88折。可以再嚟。

呢排係附近返暑期工，有日就同同事落黎食LUNCH呢度有唔少SET LUNCH可以揀~都真係搞到我心大心細最後同事們都極力推介魚生飯定食，咁我就跟左大隊叫呢個啦定食包兩個前菜: 一個係普通果D日式沙律 另一個係芝麻醬XX(因為我唔知叫咩><)←呢個幾好味呀麵豉湯就普普通通個魚生飯一黎到我都真係哇一聲好多魚生係飯上面呀最多當然係三文魚，吞拿魚八爪魚玉子都有SIZE唔大唔小~岩岩好~夠厚青瓜蟹籽撈飯好好食，卜卜脆不過都真係幾大碗，一般女士未必食得哂，但係兩個人SHARE又唔係好夠....= =餐廳環境唔錯，我地七個人分到間房食lunch，服務都算唔錯但係真係幾貴，要成九十幾蚊一餐，呢個價可以再好D

多春魚不錯 不太腥 春太少,沒咬口炸蠔有一點點油日式鍋仔烏冬的叉燒不好，太硬+沒肉味 湯底還好，鹹了一點整体来说不错軟殼蟹壽司飯太多，有牛油果，有一點新意銀鱈魚定食 有酒香+牛油香 有一點點甜味 湯很鹹分量比較細適合女生吃

等一次食日本放題餐廳有咁高嘅質素，預早訂枱每人有大大隻鮑魚，天婦羅蝦又大大隻，刺身又多選擇，最緊要係嘢飲任點，仲要係罐裝汽水添，又冇限你食幾耐!

第一次寫食評咁就獻左俾依間餐廳~haha講返d野食先so far 黎講都ok訂枱有鮑魚或長腳蟹或海膽壽司或焗生蠔送我叫左長腳蟹我個fd就叫左鮑魚長腳蟹真係細到啦~係有d失望送就真係冇計但鮑魚真係大隻的炸生蠔好好食枝豆都好好食款色係唔太多但我覺得198 ok呀！！我同個fd都好飽另一低讚的地方服務我幾個待應好nice特別一個女待應真係服務態度好好全程好有笑容好nice~有衝動想讚一讚佢剛剛有一枱有人生日待應都會唱生日歌都幾好下次可以再黎

今日同事生日請佢食個lunch, d 食物都無乜野。但d service 就超差。叫佢俾杯水係15分鐘。 d 人 又勁無禮貌。嚟食野啫....嚟受你氣咩...我地臨走嘅時候見到隔離枱埋單時，個waitress 整唔見左個食客張card, 個經理淨係係咁叫個食客cut card.先....如會係我實嬲到爆!! 最後好似響餐廳地下搵返。有鬼用咩，人地card 都cut 左啦! 唉...服務又差，野食又唔突出。 真係唔好去。

由新開張食到睇住佢加價, 餐牌選擇越來越少, 但每個星期都總會光觀一次午餐. 唔係因為食物特別好食, 而係因為用這個價錢, 可以在同區吃到的日本菜, 而又可以不用等位的食肆根本不多環境舒適店舖處於地庫, 地方頗大, 環境舖適, 好多軟墊卡位可以供選擇. 加價前還需要等位, 加價後以經只有一半客滿整體而言, 魚生: 不算十分新鮮, 偏凍, 鮮味不強烈, 與外面連鎖迴轉壽司店的質素差不多牛肉: 無論厚切還是薄燒, 都未試過吃出牛肉味, 大概是醬汁太入味了, 總是咸咸的鯖魚: 同事每次來都叫鯖魚, 應該還可以. 我自己未試過, 所以沒有意見. 但偶爾從外表看來都見到肉質乾身, 卻滿有光澤 (太多油了), 與咸魚沒有兩樣... 有時還好的, 只是質素略嫌參差拉麵: 大大碗, 足料, 倒不錯的手打烏冬: 麵身偏硬, 要在熱湯內多浸一會才好消化價錢偏貴一句而言: "香港廚師用本地材料煮的日本菜式", 加價前 $40~50 還算物有所值, 但加價後 $60~70 就偏貴了. 可能少了一半食客正好用行動證明了這一點.

試過灣仔間分店好好食,呢到做放題,一於試,質素普通,但服務一般,先點刺身,都幾新鮮,到壽司,款色極少,而且出品好慢,成半個鐘先有得食,耐唔緊要,但一D都唔好食,D飯淡而無味,又唔甜又唔酸,到熟食,可能俾D壽司影響,無晒食慾,淨係個鯖魚同雞翼叫OK,但又係等好耐,等到無晒胃口,算埋單,都要等10分鐘,成個場五成客都無,離晒譜

一行十人及一個1歲手抱小朋友, 賀壽星牛生日, 日式食品放題無限時******食物方面: 花之戀的三文魚比三文魚刺身更肥美, 值得再吃 串燒尤其出色, 由粟米, 雞軟骨, 雞肉, 牛肉到野菜 都燒得很香, 汁料也不會太濃而搶味 附送的鮑魚煮得不夠淋, 醬料搭夠, 入口尚算可口 shabushabu的湯底不只是水, 有少許高湯, 很清甜可口, 唯獨每次點牛肉都必須配搭其他配菜, 人少吃不完 豆腐布丁很清, 不會太甜, 紅豆搶了味道, 可以放少點紅豆更能嘗到豆腐味 附送的海膽壽司份量很足, 不欺場, 味道很濃 海老天婦羅的漿粉太厚, 不過海老很大隻很美味; 野菜天婦羅整體上都很出色, 而且有南瓜,蕃薯, 很美味******服務方面:坐下, 落order, 一張藍色一張粉紅色, 點菜的份量都好多, 交給侍應, 等了半小時, 一碟前菜都沒有送上追查侍應(較矮小的男侍應), 說 "電腦hang了", 再入單, 所以要再等再等15分鐘, 依然沒有, 再追問, 另一女侍應叫我們再寫單, 我們再三叮囑請取消第1張單的order前後總共落了3張藍色及3張粉紅色單(包括cancel了的單), 再15分鐘後

中學同學生日，六個朋友仔一齊去食放題，食物選擇都算多，兩張menu先寫得晒。因為我地一早訂左枱，所以有飽魚食，六隻飽魚都好新鮮，大概兩隻手指頭加埋咁大，算唔上超級肥大但係都皮堅肉厚，話晒都係送既仲有乜要求？五男一女都係刺身friends，一直三文魚吞拿魚刺身keep住上，唔覺得有刻意遲送來，基本上都新鮮好味，但畢竟是放題貨不會是很頂級的刺身，總之算OK啦！之後叫左好多野，比較深刻印象既會係鰻魚豆腐夾，好好味，鰻魚肉厚今我呢個鰻魚愛好者勁開心。軟殼蟹炸得好透，可能好彩係岩岩炸起，又唔會好油，正咯！牛串同雞腎串都好惹味，如果可以帶走睇波時送啤酒真係正爆。炸蠔都算唔錯，我個friend竟然話無「當吉」咁好味，真係即刻囧晒咯，「當吉」專食炸物點會用放題貨來比？迷你手打烏冬，個烏冬好彈牙，但係個荀點解會咁咸既？咸到苦，我地即刻同經理反映，個經理即刻話sorry會換比我地，好快就有個無荀既手打烏冬送過黎(唔通今日D荀醃得over左？不得而知了)不過佢地個天婦羅就真係唔點樣啦，我心諗炸粉唔洗厚成咁呀？所以後來都無再叫天婦羅。食到尾聲，有個四眼妹走黎話聽到我地唱生日歌問我地係咪有人生日，之後就話請晒我

勿去吃放題 話送甜品 (雪糕糯米糍), 但數量有限, 售完即止. 沒有其他甜品取代. 想吃要早叫.雞無雞味, 魚無魚味, 刺生太冰, 無鮮味. 款式又太少, 話有D貴食品如带子, 黑豚肉. 無售, 食物來得慢及漏單. 只有和牛串好味, 但我相信吃20串亦不會飽. 最好吃的是陪碟的小番茄. 花之戀及芒果海鮮卷還可以. 但付HK$220吃小番茄及小人國和牛串, 一般的花之戀及芒果海鮮卷 (一口一件), 好像過份了一點.

以前食過，見新推出放題，就決定試下啦!我特登早兩日定，會多隻鮑魚送!然後當然餓著肚食番夠本!首先刺身，食了N片三文魚,鱆紅魚,..(很新魚)，next壽司有鮑魚,劍魚腩,花之戀,香芒xx卷(忘記了名), 軟殼蟹手,... 爐端燒就食了雞翼串,和牛串,多春魚都ok, 炸物都好好食, 特別推介炸蠔和忌廉薯餅,骨腩,其他食物忘記了(但記得每碟都有伴碟)。最後點了火鍋,因今天很凍。一個人食埋單連貼士$220,基於環境,食物質數,服務，本人覺得都值出介試一試!

首先, 環境雖然不是華麗, 但尚算不俗。服務很好，常加水，幾乎沒有漏單。三文魚刺身很新鮮，和牛串燒好好味，天婦羅蝦好大隻，好多款都好食，手打烏冬我最鍾意,很彈牙。早Book 有鮑魚送，$198一位都算手抵!

由於浦和日本料亭新開張, 我們一行八人到那兒替壽星女慶祝生日。晚市放題$198 - 預早兩日前訂位, 更送鮑魚一小隻而訂位時, 我告訴負責人我們有朋友當日生日, 會有什麼優有, 他說會準備一個魚生蛋糕 。我們準時六時入席，刺身、壽司、燒物不過不失, 但刺身選擇種類不多, 只有五款, 甜蝦、北寄貝等刺身一一欠奉。不得不提南瓜天婦羅 .... 我從未見過整天婦羅的南瓜可切得薄如薯片 那兒的厨師刀功果然有一手, 整片天婦羅根本都食唔到南瓜味, 同食炸脆漿沒分別唉! 鹿兒島黑豚肉 .... 那質感就如吃免治肉扒, 跟我吃過的黑豚肉相差很遠 最差竟然是那個主角 .... 魚生蛋糕 可能製作需時, 所以該餐廳已一早準備好, 放在雪櫃備用。但須知魚生放久了, 質素、味道跟賣相會大打折扣, 我們為免飯後要去看醫生, 所以只好放棄 既然有心送, 是否應該做好一點?? 此外, 作為一間食店, 食物的品質是很重要的, 所以此餐廳我只會光顧一次!