影片
更多
2009-03-11
17 瀏覽
中學同學生日，六個朋友仔一齊去食放題，食物選擇都算多，兩張menu先寫得晒。因為我地一早訂左枱，所以有飽魚食，六隻飽魚都好新鮮，大概兩隻手指頭加埋咁大，算唔上超級肥大但係都皮堅肉厚，話晒都係送既仲有乜要求？五男一女都係刺身friends，一直三文魚吞拿魚刺身keep住上，唔覺得有刻意遲送來，基本上都新鮮好味，但畢竟是放題貨不會是很頂級的刺身，總之算OK啦！之後叫左好多野，比較深刻印象既會係鰻魚豆腐夾，好好味，鰻魚肉厚今我呢個鰻魚愛好者勁開心。軟殼蟹炸得好透，可能好彩係岩岩炸起，又唔會好油，正咯！牛串同雞腎串都好惹味，如果可以帶走睇波時送啤酒真係正爆。炸蠔都算唔錯，我個friend竟然話無「當吉」咁好味，真係即刻囧晒咯，「當吉」專食炸物點會用放題貨來比？迷你手打烏冬，個烏冬好彈牙，但係個荀點解會咁咸既？咸到苦，我地即刻同經理反映，個經理即刻話sorry會換比我地，好快就有個無荀既手打烏冬送過黎(唔通今日D荀醃得over左？不得而知了)不過佢地個天婦羅就真係唔點樣啦，我心諗炸粉唔洗厚成咁呀？所以後來都無再叫天婦羅。食到尾聲，有個四眼妹走黎話聽到我地唱生日歌問我地係咪有人生日，之後就話請晒我
五男一女都係刺身friends，一直三文魚吞拿魚刺身keep住上，唔覺得有刻意遲送來，基本上都新鮮好味，但畢竟是放題貨不會是很頂級的刺身，總之算OK啦！
之後叫左好多野，比較深刻印象既會係鰻魚豆腐夾，好好味，鰻魚肉厚今我呢個鰻魚愛好者勁開心。軟殼蟹炸得好透，可能好彩係岩岩炸起，又唔會好油，正咯！牛串同雞腎串都好惹味，如果可以帶走睇波時送啤酒真係正爆。炸蠔都算唔錯，我個friend竟然話無「當吉」咁好味，真係即刻囧晒咯，「當吉」專食炸物點會用放題貨來比？
迷你手打烏冬，個烏冬好彈牙，但係個荀點解會咁咸既？咸到苦，我地即刻同經理反映，個經理即刻話sorry會換比我地，好快就有個無荀既手打烏冬送過黎(唔通今日D荀醃得over左？不得而知了)
不過佢地個天婦羅就真係唔點樣啦，我心諗炸粉唔洗厚成咁呀？所以後來都無再叫天婦羅。
食到尾聲，有個四眼妹走黎話聽到我地唱生日歌問我地係咪有人生日，之後就話請晒我地食布甸。個布甸我諗應該係紅豆豆腐布甸，幾好味，滑，唔會太甜。
總括黎講都算食得開心，只係樓上入口個姐姐仔笑容唔夠，可能見我地幾個係學生掛，不過下面D staff加茶都勤力，值得一試既
P.S. 間野裝修都過得去，我覺得D燈真係幾靚，不過個男廁地板就濕D咯！
張貼