洪記粥品 (淘大商場1期)

營業中

休息中

想去超市買啲野，放工便過左黎淘大商場，見好耐無食粥，就去洪記食先。正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰⭐鹹煎餅本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。⭐炒麵食粥好鍾意配返份炒麵，呢度個炒麵豉油王都幾香，再整劈辣醬真係正爆。⭐黃沙豬潤粥 & ⭐碎牛粥等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤⭐炸兩腸最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍⭐豆漿粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。嘢好味又唔貴，想食粥可以嚟洪記粥品

想清腸胃，今晚去左洪記粥品食粥 黃沙豬膶粥豬膶真係處理得啱啱好，唔會過火，仲保持住嫩滑嘅口感，完全冇半點腥味。粥底煲得超級綿滑，米香濃郁，豬膶嘅鮮甜味同粥底嘅清香好夾，每一啖都令人回味。 鹹肉糭，鹹香味，糯米軟糯又唔會過黏，鹹肉嘅味道滲入每一粒米，食落去好滿足。炒麵炒得乾爽，配埋啲豆芽同蔥，調味剛好，食落去好滿足。狀元及第粥內裡有肉丸、豬肝、豬心同豬腸，肉丸煮得好彈牙，充滿肉汁，豬肝同豬心仲保持住嫩滑嘅質感，每一樣內臟都煮到啱啱好，完全唔會過熟。食落去每一啖都有唔同嘅口感同味道。 食粥點少得配油條。我哋叫咗一條，炸得香脆但唔會太油，蘸住粥嚟食，真係一絕。豆漿豆味濃郁，唔會太甜，飲落去好順口，正好清一清口腔。

星期日放假落街想食得清清地，見到淘大呢間粥品好受街坊歡迎，午餐繁忙時間唔少人叫外賣，堂食都要等位，不過好快就有位啦。炸兩腸 (細) $16油炸鬼色澤金黃誘人，外酥內嫩，咬落去非常酥脆，外層包住薄薄嘅腸粉，口感豐富。叉燒腸 $21腸粉米味香濃，包住裡面滿滿嘅叉燒粒，另外有豉油提味，係不錯嘅咸點。生滾粥 - 鮮鯇魚腩粥 $45細滑綿滑嘅粥底配新鮮嘅鯇魚腩，鮮味十足。鯇魚腩非常肥美，好嫩滑。有薑絲癖去魚腥味，再落少許胡椒粉提鮮。生滾粥 - 窩蛋鮮牛粥 $45粥底同樣柔滑細膩，鮮牛肉鮮嫩，窩蛋更為粥品增添了豐厚蛋香。粥底多左份肉味更鮮美滋味，溫潤滑順。豆漿 $10夏日炎炎食熱辣辣嘅粥品，梗係要配番杯凍豆漿。濃濃的豆香清甜可口，非常解暑。

今日週末放假，約咗朋友去九龍灣行下，行下行下行咗去淘大花園，入口見到間粥店，我同朋友都想食粥，一於入去食午餐。洪記粥品，餐廳光猛乾淨，座位大部份都係卡座，坐得舒服，冷氣夠凍，就算夏天食熱辣辣嘅粥都唔會覺得熱。手打肉丸粥加半隻皮蛋：粥底口感綿密，肉丸新鮮彈牙，加皮蛋更添美味。艇仔粥（走牛肉）：豐富材料有魷魚、豬肉、炸豬皮、花生等，粥底綿滑，味道鮮甜，爽脆軟滑多重口感。豬紅粥：豬紅滑溜，份量都不少，粥底綿滑，加葱花、薑絲可以提升香味！豉油皇炒麵：麵質乾身彈牙，鹹度適中，是爽滑彈牙的惹味炒麵。蝦米腸口感軟滑，配上蝦米和特製的甜豉油，味道清新之餘亦帶點鹹香，枱上還有多款醬汁，客人可隨意添加，增添味道。油條又酥又脆，配粥食一流！

粥店裝修乾淨企理，價錢親民質素亦唔錯餐牌包括傳統粥品、生滾粥、腸粉、糉、油條、牛脷酥等炸物🎈黃沙豬膶粥私心最鍾意生滾粥，特別係豬膶粥好有驚喜厚切豬膶份量又多又大塊，口感粉嫩又帶點爽脆，加上薑絲、蔥花令味道豐富咗，大推👍🏾🎈艇仔粥 裡面有豬皮、魷魚、肉碎同花生🥜粥底夠綿，本身好夠味，加少少胡椒粉已經好正重點係食完唔會口渴，可以有下次🥣🎈叉燒腸腸粉皮薄身滑溜幾有彈性，叉燒切粒份量都唔少，配上甜豉油，經典港式滋味🎈布拉腸粉鍾意食腸粉最大原因係鍾意啲醬料🥢軟滑腸粉加惹味醬料好難抗拒每枱都擺放麻醬、甜醬、芝麻等醬料，鍾意食幾多自己加～🎈油炸鬼油炸鬼新鮮炸起又酥又脆，外面香脆內裡煙韌，香口得嚟好啱配粥食，上枱時已切件幾貼心

好耐未食過咁正嘅粥🫢高質素嘅粥店👍野食超正☺️環境極衛生👍服務員態度好😍～窩蛋鮮牛粥+手打肉丸☺️粥：調味得非常之好😘食落非常香🫢粒粒分明 唔會好似出面嗰啲煮到爛晒🤪鮮牛：肉質非常嫩滑😘接近入口即溶😛食完仲想加多一份淨牛肉🫢😍手打肉丸：非常高質素嘅肉丸😛爽口彈牙👍好味過出面打邊爐嘅手打丸好多☺️懷疑真係自己舖頭整出嚟🤩～牛脷酥🥳熱辣辣咁上嚟😘香脆可口🤪夠晒大份又抵食🤩順帶一提，職員極之衛生☺️會不停抹枱清潔🥳令到我食得安心🤒🤒

天氣炎熱，今天以粥粉麵代替午飯，我們甫走進淘大商場，就看到新開業的「洪記粥品」，環境光亮整齊，於是便進入粥品店享用。炸兩~炸兩分大小碟供選擇，十分體貼客人需要。豉油王炒麵~炒麵份量頗多、味道還不錯，我們分享兩大碗。鮮鯪魚球生滾粥 添加鮮豬潤片~鯪魚球肉味鮮甜，軟滑中有少許彈牙口感，豬潤片咬落香脆，細嚼鮮香、有粉糯口感，我沉浸在清涼空調吃熱騰騰生滾粥，感覺非常愜意。牛肉腸粉~牛肉鮮嫩軟滑，腸粉口感柔嫩有彈性，兩者配合，美味可口。鹹煎餅~很懷舊的美食，餅面可以吃到南乳香、芝麻香和油香，却又不油膩，鹹煎餅雖然是空心，但軟綿的粉糰會吃得很飽肚呢！冰凍豆漿~樽裝冰凍豆漿有豆味，是有益消暑健康飲品。後記：粥品店街坊價錢，十分抵食。剛安座，女侍應為我們遞上一杯熱水，讓我們浸洗筷子與匙羹，給我們有小驚喜又十分窩心。

又要加班，但係唔想食咁重味嘅外賣，所以就決定咗食粥。我又想起呢間粥品外賣。呢個係叫外賣套餐的， $60就包豆漿，叉燒腸，艇仔粥。以外賣嚟講， $60有三樣嘢覺得好抵。而且又食得飽，感覺好似又健康少少。叉燒腸好滑，叉燒亦幾好味。豆漿係凍豆漿，唔會太甜，本人覺得味道啱啱好。最後就係個粥，呢個係艇仔粥，入邊有豬皮，魷魚，牛肉碎，仲有花生添。個粥整體都唔錯，係啲豬皮有啲唔新鮮，牛肉碎有少少鹹，其他都OK。呢個餐我食咗估計都有10次八次，不過因為性價比高，所以係不久將來如果要加班會再叫。強烈推介俾我啲同事。

油炸鬼 冇味艇仔粥、炒米粉 食完好渴但冇其他飲品，例如凍檸茶只有豆漿、可樂。仲未炸倆 唔好食～總之食完全餐，超口渴又鞋口覺得超多味精～上次已試過食一次～叫咗炒麵、粟米粥、蝦米腸粉，又係口渴到暈，果次以為自己本身口渴另外～某D沙發位唔平既出菜位對位個張（角落位沙發）好似sir滑梯甘坐得唔舒服～服務～我漏咗野在餐廳打去問，竟然話依家好忙，唔好意思就 收咗線其實你忙，都要照顧下客人掛要忙成日都忙嫁啦～唔爭你一個工作不是包括埋呢D既咩？甘叫公司唔好安裝電話囉識唔識叫客留低電話～見到比返我D鄉下亞姐真係～

自從之前海皇粥店，海景粥店執咗之後,唔舒服想食碗粥都唔知去邊度好，開咗呢間之後就好開心，同埋我覺得佢嘅品質好味到我唔再係唔舒服嘅時候先想去食，因為外賣app有特價每$100減$50 ，所以就好似食放題咁喺呢間舖頭叫咗好多嘢食，我分別叫咗豬膶粥，艇仔粥，碎牛肉粥，蝦米腸，炒麵，炸兩，豬潤粥係出奇嘅好味同埋足料，後尾發現原來每日都好快賣晒艇仔粥同埋碎牛肉粥都係好足料，足料到其實我想去多番啲粥，少啲餸🤭蝦米腸個口咁出奇地咁好唔係一早整定好多腸粉嗰個口感，係即叫即整嘅口感，蝦米份量亦都唔少炒麵炒得乾身唔會好油膩炸兩，腸粉口感同蝦米腸一樣咁新鮮好味，油炸鬼唔係之前有啲粥店試過有啲好似係隔夜炸兩會介損喉嚨希望呢間舖長做長有，keep住個品質

洪記粥店進駐九龍灣淘大商場差不多有半年，無論是午飯、下午茶或晚飯時間，都會出現人龍，可惜每次都匆匆而過。今日有空檔可以試試炸兩和粥。粥品的選擇不算多，特色腸粉只有4種。今次落單先試普通炸兩，而非蔥花蝦米炸兩。炸兩的腸粉皮很幼滑，內裡的油炸鬼仍有少少脆，非常美味。因為大部分粥店的炸兩都是軟軟的，感覺甚是無趣。選了一碗菜乾豬骨粥，菜乾切碎，豬骨是小排骨。同時放入蚝豉碎，整碗粥都香起來。上菜的時間和服務態度水平都是中上👍🏻