洪記粥品 (淘大商場1期)

營業中

休息中

天氣凍凍，最好食返碗粥，暖一暖，所以嚟食洪記粥品我自己掃code下單，點了碎牛粥(多葱)同炸兩腸(細)碎牛粥$31食落啲粥綿綿，最怕食到水汪汪那種🙈，碎牛都足料，熱辣辣，味道剛好，食完都幾飽肚，幾好食炸兩腸(細)$16啲醬放曬係枱面，自己加左甜醬、麻醬，自己混醬幾好，自己可以調味，腸粉皮偏薄身，食落係滑嘅，油炸鬼脆口，正喎👍，可惜唔夠熱，食落只有微暖，熱啲會更好食整體來講，味道幾好，份量足，環境同服務都可以

同媽咪去淘大表姐家，表姐話呢間粥店好不錯，就一齊去食lunch艇仔粥⭐️綿綿粥底，食材有豬皮，碎牛肉、爽口魷魚絲及花生加蔥花，層次感豐富，每啖每啖都好滋味狀元及第粥⭐️⭐️粥底綿滑有米香，材料有新鮮豬潤、豬肚、豬心、肉丸、及粉腸，味道鮮香爽滑鹹肉粽⭐️⭐️⭐️有鹹蛋黃，豬肉同冬菇等餡料，味道鮮美有口感煎堆⭐️⭐️媽味話煙煙靭靭甜甜地好好味，外層佈滿芝麻，超香芝麻香牛脷酥⭐️⭐️兒時回憶，熱熱地，外脆帶小小甜，正炸兩⭐️⭐️⭐️軟滑腸粉卷住香脆油炸鬼，帶出兩重口感，加上花生醬同甜醬，超正豆漿⭐️⭐️⭐️啖啖黃豆香，甜度低，好飲

天氣凍凍的，不如食碗粥暖暖胃。九龍灣淘大商場的「洪記粥店」就夠方便，相信街坊們都一定識洪記。⚯ 1. 黃沙豬潤粥洪記的粥底香滑，口感綿密。粥中搭配的豬潤鮮嫩，咬下去時帶有彈性。⚯ 2. 鮮鯇魚腩粥（加蠔豉）魚腩肉質鮮嫩，沒有過多魚骨。另外再加上蠔豉，蠔豉的鮮香為這碗粥增添了一層鹹香，值得額外添加。⚯ 3. 牛脷酥、韭黃鮮蝦腸粉去得傳統粥店，一定要食油器。油炸鬼平時就容易食到，但牛脷酥就真的比較少見，來到一定要點的。另外，叫多碟韭黃鮮蝦腸粉，反正又抵食又夠多份量。⚯ 4. 豆漿最後，粥店例牌飲品，豆漿絕對少不了。好食又抵食，傳統粥店真的要多支持。

突然間凍咗，暖暖地食碗粥，淘大商場開了間新的粥品店都未試過，去幫襯吓先。簡簡單單一張Menu，桌面還有QR code可以自己下單。狀元及第粥 $45貪心的人一定選擇及第粥，樣樣都有，有豬潤、粉腸、牛肉、肉丸、豬肚……豬潤好厚，入口嫩； 粉腸也是新鮮的，沒有腥臭味。炸兩（細）$16炸兩入口還是脆的，稍嫌豉油多了一些。芝麻、甜醬、麻醬、辣醬都放在桌面上，可以自己隨意落。食完覺得唔錯，還特意外賣兩碗回家俾屋企人食。

淘大商場少有嘅粥品店，座位以卡位為主坐得幾舒服，餐牌包括傳統粥品，亦有生滾粥🥣小食方面有腸粉、油條、牛脷酥等🎈黃沙豬膶粥其中一款好受歡迎嘅生滾粥，厚切豬膶份量又多又大片，仲可以加窩蛋添口感偏爽脆，加上粥底嘅蔥絲、蔥花，豬膶鮮味更突出，味道平衡🎈生菜鮮鯪魚球粥好足料，鯪魚球份量都唔少，口感爽滑彈牙，加埋生菜絲口感更豐富粥底夠熱而且軟綿，食粥都可以食得好滿足🎈叉燒腸腸粉皮薄身得嚟有彈性，裡面包住叉燒，配上甜豉油，鹹甜交集經典港式滋味🎈炸兩腸炸兩有分大、細兩種size，我地揀咗大嘅軟滑腸粉卷住香脆油炸鬼，同時有兩重口感，真係會停唔到口醬料可以自己加，最鍾意甜醬+麻醬，又香又甜世一好味

洪記粥品蝦米腸粉蝦米腸粉外觀晶瑩剔透，滑嫩嘅腸粉包裹著鮮香嘅蝦米。腸粉柔軟帶點彈牙，鮮甜滋味。搭配搭醬油，加啲芝麻，令整體風味更加突出，難怪咁受歡迎。北菇雞粥北菇雞粥湯底濃郁，米粒煮得份外綿滑。雞肉鮮嫩，香菇彈牙鮮香，加上花生蔥花提味。艇仔粥 加豬紅艇仔粥係經典嘅粥品，配料豐富，水發豬皮，免治牛肉，水發魷魚，脆炸花生。另外加入豬紅，增添口感層次感。粥底粘稠而不膩，豬紅滑嫩，令人滿足幸福。鹹肉粽鹹肉粽外皮柔韌，包裹著香氣四溢嘅填料。肥膏滋潤鮮美，蛋黃搶鏡，鹹香適中，糯米口感Q滑。跟足傳統方法，以白砂糖同豉油提味。配涷豆漿超正。炒米粉炒米粉炒得色澤帶金黃，香氣撲鼻，口感彈牙。搭配芽菜，紅蘿蔔絲等，我哋加上花生，芝麻，令層次感增加，簡單但不平凡。

本人喺早幾日夜晚嚟到買兩碗粥嘅外賣當時係18:55，到咗大約19:13覺得唔對路點解叫到B8913都未叫到我呢(本人B8905) 我知道如果即拉腸粉係會耐嘅，之前買過但我今次只係叫咗普通粥(註：唔係標榜生滾嗰隻) 其他人已經陸陸續續拎走佢哋碗粥然後我去問其中一位女士佢答我整緊㗎啦(但實際上佢係完全冇去睇過嘅)叫到B8918，忍唔住再問另一個，佢望一望我張單，今次好少少，起碼作個理由：「鯪魚球係要滾架」但都係冇幫我跟再跟住叫到B8922(重提本人係B8905)真係忍無可忍，真係驚佢入面漏咗單，呢啲嘢唔出奇的；咁我咪白等？於是乎問門口收銀嗰位四眼阿姐，阿姐非常有信心咁講：「我哋係唔會漏單架！！！生滾係耐啲架！！！」(阿姐呀！我買兩碗普通粥咋喎！)最後結果等咗差唔多半個鐘都算喇，諗住買多條油炸鬼；呢個時候頭先嗰個四眼阿姐已經黑我面 + 十分不友善的語氣，我諗係覺得我頭先追佢哋啩？覺得我騷擾咗佢哋？覺得我好 “恨” 食佢哋啲粥？其實此店由開張第一日我已經幫襯，尤記得當時個個都叫做友友善善，本人從未諗過要賓至如歸，但起碼都唔洗食碗粥都當正你係仇人？可能轉過頭佢同啲同事講又遇到西客I don’t

真係冇諗過買個外賣⋯佢錯晒，都係我受氣，只可以講而家啲阿姐真係夠晒惡🤗我都有唔啱，我買嘢嗰陣淨係同佢講要1碗碎牛粥加炸兩～佢話$54，我就拍卡俾錢；買完見到張單上有（大），我先至發現原來個炸兩係有分大細⋯⋯如果有大細分，我又淨係嗌一碗粥，其實佢係咪應該都問一問係要大定細呢？定係市道唔好，賺得$5就$5？原本以為故事完咗，點知我等咗15分鐘呢兩樣嘢都未到，但係單號碼喺我10個位後面嗰啲都已經攞晒啦⋯⋯於是我就行埋去問佢，請問呢張單有未？佢望都冇望我就話枱上面有就有冇就冇我：張枱喺我嚟之前已經冇嘢佢：你有你咪攞囉！冇就冇㗎啦⋯⋯我：你見到張枱上面有嘢食咩？佢：冇咁你就等啦（其實我一直都冇見過佢擺外賣上嗰張枱）然後我如是者，我再等多10分鐘我見到佢哋出餐位 係有我要嗰兩樣嘢，都好耐㗎啦～咁我就問另外一個出外賣俾後我十幾個單號碼客人嘅人：請問呢張單係咪漏單？佢見到，就開始扮嘢話你碗粥出咗嚟好耐㗎啦，係冇炸兩住（但當時出餐位起碼有三盒炸兩，我亦都睇住佢出咗起碼兩個堂食嘅炸兩），我問佢咁你枱面上面嗰幾盒係？——其實我個餐得咗好耐，係佢哋漏單！咁等咩呢？我又買嗰刻已經企喺度等等咗咁耐，難道睇唔到？希

這天晚上我約了家人在淘大吃晚飯，經過網上的推薦，我們便決定來到這間粥店試一試，店內環境明亮和清潔衛生，店內是坐滿的，門外要排隊等候入座，買外賣的客人也不少，證明食物質素應該非常不錯鮮鯇魚腩粥($31)鯇魚腩十分鮮甜，十分嫩滑細密，份量十分多，而且無骨，非常適合老人和小孩食用，粥，有用鹽調味，用蔥粒灑面狀元及第粥($45)豬心稔香軟彈，豬潤軟彈煙靭，豬粉腸稠密緻滑，粥細緻綿化，蔥粒做點綴，十分足料大炸兩($21)粉腸皮十分嫩滑，油炸鬼十分脆口，非常新鮮，配上甜醬，豉油，麻醬，份量非常多牛脷酥($10)牛脷酥外脆內軟，十分新鮮豆漿($10)豆漿味道恰到好處，不會太甜整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，價錢相對合理，而店員亦有良好的服務態度和積極，所以我認為這間餐廳是值得再去惠顧

食過一次就愛上嘅粥店，粥底綿滑好味，好多餡料都有水準，推介～🥣鯇魚腩豬潤粥鐘意呢到魚腩，啖啖肉又滑，豬膶同出面有啲唔同，口感滑啲無咁鞋口，又濃味🥣艇仔粥今次加埋生菜、粟米，點知變咗杰撻撻咁😅勁多料，仲有本身嘅魷魚、牛肉碎等，好豐富🥢蔥花炸兩腸粉食過一次覺得超正，入面嘅油炸鬼好脆好香口不油膩，好好食😋加埋豉油、麻醬、甜醬超正😋🥛豆漿微甜好飲🚩洪記粥品 (淘大商場1期) (九龍灣) 📍九龍灣牛頭角道77號淘大商場1期地下G81-82及G96-97號舖

下午時間冇咩人流 嗌咗炸兩炸兩等咗一段時間但放到凍冰冰以及變硬 很難食職員三人站在餐廳中央大聲聊天及討論邊個係西客以及講同事壞話 其中一位年紀較大女職員講嘢非常大聲 不斷討論邊啲人係西客以及講同事嘅壞話 又話呢區啲人精神有啲問題 已經瞄咗佢哋幾次都係繼續講講講唔停 餐廳只有數台客人 職員不斷說話嚴重影響食客食飯的心情 客人非常安靜及禮貌反而職員的嘈吵導致環境惡劣

除咗病之外，平時一定唔會食嘅就係粥但試過呢間嘅豬潤粥之後，會為咗佢嘅豬潤而嚟食😍😍😍每次坐係到食都一定見到10個客有8個客都係食豬潤粥👍🏻👍🏻👍🏻每次都係8大件豬潤‼️‼️‼️豬潤厚身‼️爽❗️脆❗️淋❗️滑❗️每一塊都勁彈牙‼️冇豬膶嘅腥味👍🏻處理得非常乾淨👍🏻好少地方有咁好食又足料‼️其他分店就未試過🤭但係呢間每次keep到好好食👍🏻油炸鬼都好脆好乾身👍🏻👍🏻👍🏻

平時唔食早餐嘅我，今日唔知點解一起身特別肚餓，可能天氣涼左嘅關係，特別容易肚餓‼️食碗生滾粥暖暖胃最好「鮮鯇魚腩生滾粥」唔多粥店有得食鮮鯇魚腩，呢度有一定唔可以錯過首先要讚一讚份量何其多，起碼有3、4舊，薑蔥好足夠，完全唔會有腥味而且粥底好夠綿，唔怪之得咁多街坊都嚟食‼️「北菇滑雞生滾粥」雞件好入味，但又唔會太咸，食左兩款粥，都好高質～～「韮黃鮮蝦腸」3整條腸份切開左6份，每一份都有完整一隻蝦蝦隻好夠爽，通透嘅腸粉皮亦夠薄，一夾起已經feel到腸粉軟滑有彈性

寶寶平時鐘意食粥，清清地，暖吓個胃寶寶發現洪記粥品全天候供應粥品真係超開心🥳豬心粥唔喺度度都有，所以叫咗碗嚟食豬心口感彈牙鮮甜🍲早排瞓得唔係幾好，聽講食豬心粥可以治失眠，所以就試吓啦炸兩腸粉夠大份$21有三條炸兩份量，夠晒足腸粉皮薄炸兩夠脆，落埋豉油同勁多麻醬勁好味😋佢哋個豬膶腸粉皮夠煙靭豬潤新鮮彈牙好味😋豉油皇炒麵麵質夠乾身彈牙，鹹度適中，是爽滑彈牙的惹味炒麵。佢哋嘅油器都係$10件，其實都好抵

一向鐘意食粥，但天氣太熱就冇食啦，早兩日對我嚟講涼咗啲，就去食淘大嘅間洪記粥品🥣鯇魚腩豬潤粥兩侽餸我都超鐘意，魚腩啖啖肉又滑，魚腩位魚油香十足；豬膶好大塊，好濃味；必加皮蛋🫶🏻粥底超正好綿又好夠味，超鐘意😋食晒成碗🤤🥣艇仔粥一樣好食多料，有魷魚、花生、碎牛、豬肚，正🥢蝦米炸兩腸粉本身想食炸兩，又想食蝦米腸，點知見到呢個mix version就要呢個，食一啖，哇好好食😋又香，炸兩勁脆好好食，落埋豉油麻醬一流🥛豆漿微甜好飲🚩洪記粥品 (淘大商場1期) (九龍灣) 📍九龍灣牛頭角道77號淘大商場1期地下G81-82及G96-97號舖