泰排檔

營業中

休息中

放工去油麻地拎嘢，等待期間掃社交平台見朋友去咗一間食店食泰菜話，仲話會再去；望下店名搜索下資料，在文苑街果帶⋯難得過海，又閒著就行去睇下乜狀況。大約晚上6點45分全店滿座，門外有一對情侶排隊等候，未見長人龍就試下。大約等了20分鐘就入內啦，雖然已經日落時分，但天氣開始熱，有成廿幾卅度，等位期間其實都熱；如果夏天嘅話唔會排隊⋯但入座時有有十多人嘅人龍了。煮湯粉麵/沙律區只有一位廚師主理。另外，店內環境都好逼夾，用餐期間可能要有被輕微碰撞嘅心理準備。鹹蛋木瓜沙律$88在灣仔的泰麵吃過鹹蛋木瓜沙律後念念不忘，見這家menu也有這一道沙律，二話不說就先點一份，我揀嘅係半隻辣椒辣度。 有點寄望⋯可惜略嫌唔夠鹹蛋黃，味道上不過不失嘅，講真無比較無傷害⋯今次來第一大目標係試個和牛船麵 $98價錢比起灣仔藍屋果間平了幾十蚊，所以要求都預先調節一下，整體是不錯的。湯底濃郁，但唔似得藍屋果間令我想飲晒啲湯；牛肉當然一定係唔同級數同肉嘅厚道和份量都有明顯差別。另有加一服務費。用餐完畢離去，嗰時繼有長長人龍等位。

同朋友去佐敦試呢間泰式大排檔, 顧客流轉速度好快, 食完就走, 可能係桌同桌幾貼近, 而且位置偏窄, 個人物品手袋放枱下面個籃, 冷氣好充足, 而且泰國人侍應好熱情招呼, 一坐低已經派menu介紹, 落單時好有禮貌, 可能唔係好叻廣東話, 落完單後會耐心仔細覆一次~ 抵讚~香辣蜆 蜆肉本身比較淡味, 冇海鮮鮮味亦冇雪味, 加埋醬汁係幾好味的,而且唔算太辣, 天氣熱時幾岩食, 煮得比較creamy口感滑滑地, 可能唔係咁岩朋友心水, 所以主力係我一個人食咗大半~比較特別係出面泰菜餐廳少見嘅酸梅茉莉梳打, 微酸同茉莉幾清新, 唔錯~飛天通菜幾好味, 爽脆惹味~醉貓炒河(牛肉) 偏辣, 幾惹味, 個透明河粉口感好煙煙韌韌，炒出嚟一D都唔油,加埋爽脆菜, 好好味呀~如果座位同枱可以闊D就更好了, 兩個女仔坐, 擺左菜基本上滿曬了~

成日見人社交平台講呢間今日唔使排隊就入咗店員好熱情一入到去就推介蠔餅我哋就叫咗個試吓蠔餅$138 非常唔好食蠔好細好少餅唔脆又油好失望😞😞😞另外叫咗通菜同船麵好食

泰國風情感覺都算濃，始終泰國菜，裡面全部泰國人，叫嘢聽到佢地泰國口音的廣東話。裝修似有還無，因為簡約得黎又有心思。真心覺得杯飲品真係要大D囉，青檸梳打（$38），真係3，4啖就無左杯嘢，唔係貴，係唔抵，哈豬頸肉燒（$98）得好唔好，同金邊粉炒成點，我會用呢2個睇間泰國菜好唔好同正唔正宗，今次呆個對味，燒得啱啱好，又係唔嚡，切得唔厚唔薄，剛燒完攞出黎即食感覺，香味無乜，但食落好香，咬入去豬油入口個味道先開始出，以燒黎講算滑。（$88）黑豚肉船金邊粉，即豬肉啦，幾滑，唔嚡口，金邊粉比方間有D唔同，個湯超濃，我差點想加熱水溝淡佢。整體而言想唔飛去轉泰國，黎食有返咁上下風味嘅。係再次重呻，杯飲品請大杯D。同埋座位有點迫，真係有排檔風情，要你食完即走嘅。

**泰式濕炒雞**一上桌便知功力——猛火快攻，醬汁濃稠裹滿嫩雞，鑊氣挾焦香直衝鼻腔！雞塊彈牙，一口接一口筷子根本停不下來，堪稱邪級。 **蟹肉煎蛋捲**更是豪氣：金黃蛋皮里竟是**小山般的蟹肉**！鮮甜絲絲分明，混著蔥花蛋香，每一口都像在挖寶，店家下手之重讓人感動。 壓軸**芒果糯米飯**：熱糯米飯淋上椰漿，溫潤軟糯不黏牙，搭配熟透的爆汁芒果，甜度恰好收尾。 唯一缺點？**晚市5:30開門，6點已爆滿！** 想吃就乖乖提早排隊，但為這三味——值！（199字） > **貼士**：提前20分鐘到店，首輪入座幾率翻倍。避開週末，蟹肉蛋捲每日限量！

在香港佐敦的泰排檔餐廳，牛肉炒寬河粉和牛肉金邊湯粉無疑是兩道引人注目的美食。牛肉炒寬河粉這道菜的寬河粉炒至完美，滑而不黏，口感柔韌。炒香的大蒜為整道菜增添了濃郁的香氣，與嫩滑的牛肉片相得益彰。牛肉的鮮嫩和醬油、蠔油的混合風味，使每一口都充滿了層次感。青菜的加入，不僅增添了色彩，還平衡了整體的油膩感，讓人一口接一口，欲罷不能。牛肉金邊湯粉牛肉金邊湯粉則是另一番風味，湯頭清澈且鮮美，牛骨高湯的濃郁香氣讓人心醉。米線吸滿了湯汁，口感滑順，牛肉則煮至剛好，保持了肉質的鮮嫩。魚露的適度調味，為湯品增添了深度，讓整碗湯粉充滿了層次感。香菜和蔥的點綴，讓整道菜視覺上也十分誘人。總的來說，泰排檔餐廳的牛肉炒寬河粉和牛肉金邊湯粉各具特色，無論是味道還是口感都讓人印象深刻，是值得一再回味的美食選擇。

星期一晚上6:30已經滿晒人，由於時間尚早，所以排隊15分鐘就有位，一入去已經覺得好焗😅我哋叫咗蟹肉奄列炒通菜，豬頸肉😋同埋Pad Thai. 蟹肉奄列有蛋香都多蟹肉，不錯。 Pad Thai 有兩隻蝦蝦肉都彈牙豬頸肉不過不失份量亦不少整體食物質素性價比不錯。美中不足餐廳實在太焗太熱我哋有嘗試反映，但係侍應都冇辦法。所以我哋冇辦法，唯有打包就走了。

平民米芝蓮推薦 泰國人主理泰排檔佐敦後街的「泰排檔」名副其實，走進店內（或更常坐在半露天座位），撲面而來的是濃濃的泰式街頭風情。霓虹燈牌、膠凳、簡潔的餐牌，還有空氣中瀰漫的香料與炭烤香氣，瞬間將人帶到曼谷的熱鬧食檔。這裡主打快速、地道、鑊氣夠的泰國菜，價格相宜，是附近街坊和尋味老饕的熱門聚腳點。🔹 和牛船麵金邊粉 ($88)驚喜之選！湯頭是這碗船麵的靈魂，濃郁深邃的深啡色湯底，明顯嚐到牛骨、香料（如八角、桂皮）長時間熬煮的醇厚，帶著微微的甘甜和回甘，濃而不濁，非常地道。選用金邊粉吸湯能力佳，口感滑溜。和牛片雖非頂級部位，但量足且煮得剛好，保持軟嫩不柴。配料豐富：爽脆的芽菜、香脆的炸豬皮、彈牙的肉丸，還有一小撮炸蒜提香。$88的價格能嚐到如此濃郁地道的船麵，性價比極高！🔹 醉貓炒河配虎蝦 ($118）鑊氣滿分！菜名「醉貓」已引人遐想，一上桌那股濃烈的鑊氣和羅勒香氣就讓人食慾大振。河粉炒得乾身、條條分明，帶點焦香卻不油膩，醬汁鹹甜帶辣，非常惹味。主角兩隻虎蝦尺寸驚人，肉質飽滿彈牙，新鮮度足。配料如豆角、洋蔥增添爽脆口感，是典型的泰式街頭風味。價格反映在虎蝦的份量上，值得一試。🔹 燒豬頸肉

聽朋友講呢間餐廳係（香港澳門米芝蓮指南2025）必比登推介之一，所以星期日況且去試吓！下午一點多到達已經有四五枱客排隊等候，等咗大概二十分鐘已可入坐，環境非常侷促擠迫，坐得好唔舒服，兩人點了木瓜沙律、蟹肉 奄列、串燒同埋兩杯冰沙。出餐慢唔連贯，食物就中规中矩，冰沙要差唔多食完餐才上。總結嚟講用餐環境不佳，服務員摧枱趕客，真的性價比低、唔會推介！PS:搞清楚此餐廳只係店主兼主席廚曾在米芝蓮泰菜餐廳Samsen 効力過八年

一直都好想試呢間泰國菜，啱啱開張嗰陣就好多人排隊，所以等到近排先去試到🥹平日晏晝去都要排吓隊，不過大概10至15分鐘就入得😬 餐廳概念同泰國thongsmith一樣+各種地道泰國街頭美食，廚房、樓面都係泰國人，而大廚更加係米芝蓮泰菜出身！重點係價錢好貼地😍和牛船麵（蛋麵） $88可能因為餐廳9成食材由泰國直接入口，包括蒜頭、香料，船麵食落同喺泰國食一樣😋湯底濃郁，配料仲好豐富，除咗和牛之外仲有丸同炸豬皮，和牛有返咁上下厚度，口感豐富Pad thai $88Pad thai上枱嘅時候熱辣辣，炒得好惹味，味道酸酸甜甜幾開胃，蝦都大大隻，口感彈牙😋燒豬頸肉 $88同朋友一致大贊呢個燒豬頸肉，份量多之餘每塊肉都好大塊，上枱嘅時候同樣熱辣辣。豬頸肉肥瘦適中，外層燒得好香，有咬口得來又唔會難嚼。另外個個汁都超級好食😍芒果糯米飯 $78糯米飯篜得啱啱好，軟糯煙韌，椰漿味濃郁，芒果都好新鮮，夠曬香甜😋店員姐姐仲同我哋講佢哋係用新鮮嘅椰青水自己整椰漿😮睇得出餐廳好比心機做好每一樣野食🥹泰式奶茶 $8見到餐牌嘅時候俾呢個價錢震驚到😧質素好掂，入口順滑，以泰式奶茶嚟講唔會太甜，一定要嗌😍

這家由前米芝蓮餐廳「Samsen」廚師主理的泰式大排檔，憑藉地道風味一舉摘星，開業以來日日大排長龍，成為香港最新的人氣食店。走進店內，復古滿牆泰國舊海報瞬間將人帶到曼谷街頭，雖然座位略顯緊湊，卻更添地道大排檔風情。這裡的招牌菜「醉貓炒河」鑊氣十足，煙韌的河粉裹著惹味醬汁，配上鮮甜彈牙的虎蝦，讓人一試難忘。開胃菜「鹹蛋木瓜沙律」酸辣爽脆，鹹蛋黃的香濃為這道經典泰式沙拉增添獨特風味。沙嗲豬串燒，即燒焦香，蘸花生濃沙嗲醬，肉嫩帶炭香。飯後別錯過「泰式椰子雪糕」，清甜的椰香配上花生碎，以及跟餐只需8元的「青檸梳打」酸爽解膩，CP值超高。

一直聽聞佐敦呢間「泰排檔」係必食之選，今次終於同朋友嚟試。餐廳長期爆滿，氣氛熱鬧到好似真係去咗泰國街頭！後尾做功課先知，原來大有來頭，唔怪得咁把炮！首先，餐廳無論廚房定樓面都係泰國人，溝通都係用泰文，感覺非常地道。重點係廚房大廚竟然係米芝L蓮級泰菜名店Samsen出身，質素有絕對保證。而且，店家為求做出最正宗嘅味道，有九成食材，連最基本嘅蒜頭、香料都堅持由泰國直送入口，呢份誠意已經值得俾滿分！食物：豬頸肉船麵聽講餐廳概念係參考泰國船麵名店Thongsmith，所以船麵係必點招牌。湯底真係無得彈，飲得出係用泰國直送嘅香料熬製，層次豐富濃郁，藥材味、香料味平衡得好好。豬頸肉爽嫩香口，米粉掛滿濃湯，一口食落去，真係同喺泰國街頭食到嘅味道一樣！蟹肉炒飯鑊氣十足，飯粒乾身分明。蟹肉鮮甜，份量亦唔孤寒，簡單一道炒飯已經食得出師傅功力。鹹蛋青木瓜沙律傳統嘅青木瓜沙律加入鹹蛋黃，鹹香惹味，令到成道菜嘅味道即刻昇華，比起平時食開嘅更加開胃，更加有特色。芒果糯米飯甜品係另一個胃！芒果清甜，糯米飯軟糯Q彈，面頭嘅椰漿香濃順滑，甜度啱啱好，係一餐完美嘅結尾。

咁啱經過唔使排隊，所以就非常之幸運入咗去食兩個人食咗343 飽到頂心口，兩個人嗌咗三個餸醉貓炒河（虎蝦）$118（小辣） 呢碟炒河真係正到爆！河粉Q到入心，仲帶住啲鑊氣味，好似喺鑊邊炒緊咁。嗰隻虎蝦又大又新鮮，咬落去鮮甜到令人想再食多次，真係一碟唔可以錯過嘅好味！飛天通菜$68（小辣） 呢個通菜偏鹹，但唔會死鹹，啱啱好！通菜清新又有蒜香，小辣程度就啱啱好，唔會辣到你喊。生菜包香葉豬肉碎$88（小辣） 呢個生菜包真係勁正！豬肉碎香嫩多汁，配埋香葉嗰股特別嘅香味，小辣啱啱好，但係對於唔食得辣嘅人嚟講應該要BB辣，因為佢會越食越辣。整體感覺又清又香，食完心都暖暖哋。酸梅茉莉梳打$38 呢杯飲品超解渴！酸梅微酸，喝落去就好似喺夏天飲緊冰涼嘅水咁舒服，一定要試下，保證你飲完心情都好晒！整體嚟講，呢次食得好爽，又好味又有趣，下次一定再嚟！

咁岩放假黎呢頭有野做，所以預先搵下呢頭有咩好野食，見到網上唔少報道，睇落好吸引，所以預先訂了枱食午餐。我到先，朋友未到，但侍應叫我入去坐住先，侍應應該係泰國人，餐廳比較細，枱與枱之間的空間亦比較窄。和牛船麵 （蛋麵） $98湯汁好濃味、好惹味，重口味既人會鐘意。蛋麵普通，牛肉有點韌，炸豬皮好食，仲有丸同菜，好豐富。和牛船麵 （金邊粉） $98朋友叫的，金邊粉更加索到湯汁。沙嗲雞豬串 $98雞肉3串，豬肉3串，雞肉正常發揮，豬肉有點韌；有3款醬汁，沙嗲醬多花生，有誠意，好食。班蘭香茅茶 （凍） $38雖然甜左少少，飲飲下好快變淡，但好飲，可能唔加冰會好點。泰式椰子雪糕 $58有椰子肉、椰果、花生，材料好足，幾靚，但如果椰子味多點就更好。椰青 $58總共$493 （已計加一）

今次同朋友去佐敦呢間「泰排檔」食晏，鋪頭細細但好有泰國街頭風味🇹🇭🍜 豬肉船麵 $78湯底超濃郁！豬肉片嫩滑得嚟唔柴，配埋金邊粉索晒湯汁，仲有啲炸豬皮增加口感，正宗泰國夜市風味。嫌唔夠辣可以自己加辣椒粉，夠晒地道！ 🦀 蟹肉炒飯 $88鑊氣十足！蟹肉份量算足，仲有啲蛋絲同蔥花吊味，飯粒炒到粒粒分明。雖然唔係話超多蟹肉，但以呢個價錢來講已經好OK～ 🥤 泰式奶茶+青檸梳打 $33@1奶茶茶味濃又唔會太甜，青檸梳打清新解膩，兩杯飲品都夠晒大杯，抵飲！