泰排檔

營業中

休息中

夜晚八點幾入到間舖都好多客嗰陣，未食已經知道間嘢一定唔差😂 好似去咗泰國咁，樓面同廚房都係泰國人，個樓面叔叔好客 推薦咗啲菜式。和牛船河:啲牛入口即溶，個湯底好香好濃郁，覺得佢啲調料同埋香料嘅比例融合得啱啱好燒豬頸肉次次食泰國菜都會叫，大大碟都幾好味，燒得啱啱好，表面有啲脆脆地，正泰式蟹肉奄列:同平時食開嘅奄列唔同，佢係有一層半煎炸嘅蛋包住啲蟹肉，感覺上要控制個火候都技巧功夫。呢間個蟹肉份量真係好多，食完都好飽好滿足飛天通菜:有好濃郁嘅泰式香料味，少少辣辣地，啲菜都keep到外脆內嫩椰子水&椰奶冰:叫咗杯椰子水同埋椰奶冰，夏天飲椰子水最爽，椰奶冰係有好濃郁嘅奶味，唔會太甜，好啱夏季消暑咁啱撞正有人生日，叔叔帶頭全場仲喺度唱生日歌😂氣氛好好

剛剛去咗佐敦一間叫「泰排檔」嘅泰國小店,真係幾正喎! 佢哋嘅廚師係米芝蓮出身,所以每道菜式都好地道，有位侍應好風趣好好笑，食得好開心。首先,先叫左個椰青又大又靚,一口飲落好清爽潤滑好甜。同樣厲害嘅係熱情芒果沙冰,酸酸甜甜, 芒果味好濃。跟住試左佢哋嘅泰式九層塔炒蜆, 個醬汁好香，真係幾好味。另外叫左碟飛天通菜炒得唔錯, 配埋佢哋特有嘅香料汁,好味。至於沙嗲串燒雞同豬,肉質好鮮嫩,燒得正好,配埋獨特有三款唔同嘅醬汁,配搭完美。主菜係啖啖蟹肉奄列，真係啖啖蟹肉架。甜品方面,芒果糯米飯配上香濃嘅椰汁,好令人流連忘返，糯米飯配上脆脆好特別。最後再試咗埋佢個泰式班蘭雪糕,冰涼爽滑, 班蘭味濃，仲有椰果同花生，好甜好香,實在太正。總括黎講, 呢間小店幾出色,無論係小食定主菜定甜品,全部都用心製作, 好地道正宗。我真心覺得佢哋應該多啲得到認同。

簡直係香港最值得試嘅一間泰菜，原來廚師係喺米芝蓮泰菜samsen出嚟，難怪咁有質素！本身以為佢好casual嘅一餐dinner，估唔到發掘咗間好餐廳🌟.佢嘅價錢同佢嘅質素完全體驗到「性價比高」呢一個詞語，即係平民化嘅價錢都可以食到大師級嘅質素。.🌟香辣金邊換炒和牛呢個整得超香口，加碗白飯一流。雖然有啲辣，但係絕對值得一試。.🌟飛天通菜食落好有鑊氣，啲菜炒得啱啱好，食落仲keep到本身通菜嘅少少脆口感！.椰子雪糕個雪糕係佢地自己整，唔係買返嚟，可見其實間餐廳好用心。雪糕食落好滑同埋椰香味好重，仲配上一啲椰子碎同埋椰粒，落足料！雖然話係雪糕，但係佢一啲都唔會話「得個甜字」，強烈建議要嗌呢個！.沙嗲雞+沙嗲豬（各半串）配咗3款唔同嘅醬，各有風味。串燒整得好好，一啲都唔會太乾身，食落有juicy嘅感覺，而且好入味！.和牛船麵另一個主菜，船麵吸咗啲湯好入味～.青檸梳打

餐廳用咗泰國街頭大排檔/夜市嘅設計風格 風味十足-原來啲staff都係泰國人 廚房大廚仲係米芝蓮泰菜samsen出身 品質有保證-餐廳大部分嘅食材都係由從泰國直接入口 唔怪得之味道咁正宗啦 而食物種類以街頭美食為主-泰式蠔餅蠔餅十分香口 脆卜卜蠔仔唔單止幾大隻 仲充滿鮮味-香辣金不換炒和牛 & 白飯和牛粒肥瘦適中 醬汁辣辣地好惹味 送飯一流-啖啖蟹肉奄列一切開充滿蟹肉 真係名副其實每一啖都食到豐富嘅蟹肉-蟹肉炒飯蟹肉一啲都唔吝嗇 米飯都炒得粒粒分明 鑊氣十足-泰式奶茶茶同埋奶味香濃並且平衡 甜度都十分適中

天氣好熱冇乜食慾，所以想食返啲酸酸辣辣嘅開胃上網搵到呢間小店新開張，喺柯士甸站附近大廚仲係米芝蓮餐廳出身星期六嘅中午時分嚟到都有唔少街坊坐喺度食老闆同店員都係泰國人十分熱情，推介咗食船麵*熱情芒果冰沙冰沙質感好濃稠，而且食到平衡咗熱情果同芒果嘅兩款味道份量十足，酸味味好解渴，夏天飲好消暑*椰奶冰沙因為係椰汁腔，所以就嗌咗椰奶冰沙一樣份量充足，十分消暑*黑豚肉船麵船麵湯底好濃稠，我仲加咗少少味架嘅醋，酸酸地好開胃上面仲有炸豬皮同埋幾粒豬肉丸揀咗金邊粉完美咁樣索晒啲入味嘅湯底*醉貓炒河（虎蝦）醉貓炒河十分驚喜佢嘅河粉係用咗平時喺泰國食到嘅大塊河粉，好地道泰國口味然後每一條河粉都炒得好入味仲有附上唔同嘅蔬菜虎蝦都好大隻，而且十分之彈牙*粟米蝦餅粟米蝦餅食到粒粒粟米，而且亦都咬到蝦膠好彈牙呀*沙嗲豬豬肉串嘅處理，感覺到肉質好鮮嫩*泰式椰子雪糕雪糕除咗有雪糕筒，仲有一啲椰汁糯米飯同椰果仲有花生搭配豐富口感*泰式斑蘭雪糕雪糕十分有驚喜充滿斑斕味又唔會好甜，同椰子雪糕一樣都係配有椰汁糯米飯椰果同花生*芒果糯米飯本身覺得有啲飽，但見到隔籬枱叫咗覺得賣相幾好，老闆仲話佢哋嘅椰汁係自己新鮮打而唔係罐頭開糯

見到新嘅本地小餐廳當然要去十卜一下。入面裝修好有氣氛，好似去咗泰國一模一樣，睇得出老闆好有心機。食物質素中上、通菜炒得好好味。炸雲吞亦都炸得相當脆口、就係餡料比較薄單薄一點。美中不足係碟炒蜆有差不多三分之一碟開不到。入面有有個泰國uncle店員相當風趣幽默好過癮，令到成餐食飯局大家都食得好開心！一定要返去再食！