泰排檔

營業中

休息中

聽聞某米芝蓮泰菜餐廳嘅主廚出咗嚟開呢間泰排檔，廚房樓面都係泰國人，食材大部分都係泰國入貨，一向鍾意泰菜嘅我點會唔試沙爹豬($98) - 外層香口，豬肉燒得嫩滑，口感彈牙和牛醉貓炒河($118) - 河粉口感煙韌彈牙，啖啖都食到和牛同其他配菜，味道豐富生菜包香葉豬肉碎($88) - 豬肉混入唔同嘅香料炒得好香口，份量十足，每一件都可以包滿肉碎飛天通菜($68) - 食材新鮮，口感爽脆，好有鑊氣，調味濃而不膩芒果糯米飯($78) - 泰國香芒味濃郁，糯米飯口感軟糯，椰汁香濃酸梅茉莉梳打($38)、泰式奶茶($38) - 酸梅同茉莉味好突出好夾，泰式奶茶嘅雲尼拿香味好濃，口感順滑環境好乾淨，佈置好似泰國當地餐廳咁，令人有種去緊旅行嘅感覺泰排檔嘅概念係地道街頭美食，所以餐牌好精簡，好多都係大家耳熟能詳嘅經典泰菜，價錢親民，樓面好親切，整體性價比好高，值得推薦

今日一個人行得無聊得滯自己走去食一間幾出名嘅泰國餐廳，叫泰排檔呢排當紅炸子雞。聽聞佢個大廚係喺我平時最鍾意食嗰間泰國菜嘅泰麵做大廚👍🏻👍🏻想必然佢個手勢都有返咁上下功力。嗰日我晏晝去佢有午餐，我叫咗和牛香葉肉碎飯配青檸茶🩷🩷🩷🩷 首先講佢個和牛肉碎飯同平時灣仔食開嗰間泰麵係有啲分別，佢呢個肉碎係比較細粒啲，而平時灣仔食到嗰間係比較大粒。但佢個價錢都平過灣仔嗰間，呢啲梗係一分錢一分貨嘅👍🏻佢都真係都炒得幾入味，而且個蛋側邊嘅蛋白整埋燶邊蛋非常之好👍🏻個蛋汁都10分Juicy。不過佢杯青檸茶就有少少失望，佢係冇咁濃偏清淡嘅青檸茶。但係佢有個美中不足嘅地方就係，個地方真係太細。真係大隻啲都坐唔到，就算好勉強坐到都好辛苦。我覺得真係逼得有啲離譜🫠明白香港嘅地方係寸地黃金，要做生意，但真係冇辦法，嗰日好彩係落大雨先唔使排咁耐隊，平時聽人哋講話要排個幾鐘嘅話，我覺得真係唔使特登去試😂等熱潮過後就唔使點排隊👍🏻不過整體嚟講我覺得始終灣仔嗰間真係用料比較實在，而且環境都比較舒服👍🏻可一不可再🫠五個心心為最高分泰排檔 (佐敦)佐敦文苑街24號地舖

經過好多次都俾條人龍嚇親！今日終於試咗，1150到，開1200， 等咗15分鐘有得入。食咗蟹肉炒飯、和牛船麵、豬 satay, 全部都幾好食。最正係個店長，好熱情好客，油麻地好少見呢啲店長。食完出門口仲有廿幾人出面排隊。😱 隱世小店竟然喺八文樓揾到！

最近超人氣嘅泰國菜紅日去到都有條人龍喺門口排隊，排隊嘅時候透過玻璃已經見到餐廳好多職員都係泰國人，另外廚房大廚更加係米芝蓮泰菜samsen 出身。之前已經食過samsen 嘅泰菜，都相當滿意，所以今次更加期待。見到餐廳嘅Menu都係各種地道泰國街頭美食，但係價錢就比samsen平民化好多。晚市嘅Menu比午市選擇更多，試完今次之後，好想再試埋晚市嘅其他菜式。醉貓炒河有和牛或者虎蝦兩種配料選擇，我就選擇咗虎蝦，虎蝦好大隻，食落超級彈牙，好重嘅蝦味。另外仲有雞蛋粟米仔同菜洋蔥呢幾樣材料，所以食落都幾豐富。我幾鍾意泰式河粉咁闊身，食落有少少Q彈嘅口感，而且個河粉炒得好有鑊氣好香，唔會好辣又唔會過於油膩，一切都好平衡。食得出食材同香料都係好正宗嘅泰國風味，大部分都係由泰國直接入口，推薦！和牛船麵湯底望落去超級濃郁，飲落去都一樣。而且配料質素好高，和牛都幾大塊，食落去味道香濃，肉質軟嫩，肉丸都好彈牙。船麵揀咗金邊粉，金邊粉掛湯一流。燒豬頸肉燒豬頸肉切成一片片，每片都好大塊。豬頸肉燒得好香，唔會燒到太乾身，咬落彈牙有油香，肥瘦適中。配上個酸酸哋嘅醬汁特別開胃。泰式椰子雪糕椰子雪糕唔會太甜，帶有淡淡

星期日特登入嚟食行到過嚟排咗差唔多一個鐘，830入座本身就係想食佢個蟹肉奄列，芒果糯米飯點知叫乜冇乜，退而求其次想食個粉絲煲同蠔餅，都冇！大佬，星期日830乜都冇都算，係咪至少要喺出面個menu寫返冇乜嘢食，又或者同排隊嘅人講聲先？個感覺好似俾你呃咗入嚟咁，排咗成粒鐘同我講乜都冇！最後叫咗個醉貓虎蝦炒河，生菜包同蝦餅生菜包$88又細碟又咸醉貓炒河$98一嚟到真係呆咗，我去啲19連鎖餐廳食都冇咁細碟，返九龍城食唔好？呢度個位置都唔係方便㗎喇味道就ok，但真係太咸，同太細碟粟米蝦餅$88冇乜特別，唔係好食，有啲粟米喺中間泰奶$38個杯細都算，用膠杯真係好掃興，咁嘅質素我出返尖沙咀買ChaTraMue唔好？睇返覺得好似好mean，但真係唔過分，我嘅體驗就係咁差P.S.啲員工幾nice，不過有個泰妹聽唔明廣東話一開始亂咁答我嘢總之可以唔使食，俾錢食咗個寂寞！

正宗泰國嘢，排得隊一定有料到，不過我淨係排咗5分鐘，醉貓炒河同蟹肉炒飯真係要試，嘢飲都試咗龍眼水 奶茶 同埋椰子沙冰，可以話唔係去泰國都食到，staff全部泰國人，不過全部識廣東話。

今日山長水遠黎到佐敦，試一試呢間新開又出名既泰國餐廳 晏晝等左大慨30分鐘就入得我同女朋友各自嗌左個泰式炒河（豬肉）同和牛船麵，飲品就泰式奶茶首先飲左杯水 佢係凍水 但飲落就有浸金屬既味道 感覺似水喉水咁無耐我地野食就到左我個泰式炒河賣相唔錯，但一黎弓就聞到好重豉油味，食落點知真係勁咸 大慨食左4分1，我已經頂唔順 真係再食會生腎石果種咸 其實睇相都睇得出果個咸味而個船麵就一般般，和牛就稱唔上，牛肉同牛太其實好普通 唔應該吹到咁好食 一定好多打手而個泰奶真係可以既 不過偏甜左啲，可接受範圍而另外見到店員整跌左幾個外賣既蓋 竟然執番擺落櫃，唔攞去掉，衛生應該要改善

見好多Foodie介紹呢間餐廳，佢又開係我屋企樓下，一班friend決定等幾耐都試吓，等咗兩個鐘入到去。除咗佢welcome to Thailand 幾特別之外，食物真的令人失望，船麵淡而無味，完全唔似泰國人嘅調味，串燒肉質一般，醉貓炒河唔夠煙靭，碟頭全部都比較細碟，價錢仲要偏貴，同 samsen/ soi29/ 泰城比仲有一大段距離，個老闆仲話個廚師喺Samsen 度出嚟，好懷疑佢以前係咪喺只係嗰度洗碗。留言主要係覺得此風不可長，餐廳成功與否真係唔可以淨係靠打卡或者marketing，否則第時喺香港好難搵到好食嘅餐廳

估唔到呢間新開冇幾耐的泰國餐廳，位置少少偏，由佐敦地鐵站行過去都要10分鐘，今日星期三，夜晚8:00去到，估唔到都需要排隊大約等咗半個小時就有位，餐廳一眼睇晒，座位排得比較親密，今晚2位需要同另外2位搭枱睇到餐牌原來午餐性價比仲高，泰式奶茶只是$8，超級抵，其他食物午餐都比晚餐平少少試咗碗和牛船麵，味道同泰國當地的差不多炒河粉，這個值得一讚，河粉絕對係泰國混入口的，薄身又唔容易斷，味道一流炒通菜都好夠鑊氣，味道唔錯

呢間餐廳以復古泰式大排檔為靈感，而食物則由灣仔人氣餐廳「Samsen」出身嘅泰藉主廚主理，保證口味正宗🇹🇭💗和牛船面($88)湯底用上豬骨湯、大量香料同豬紅熬製，湯汁呈深褐色，入口濃郁帶辣味，但唔會死鹹🥘蛋麵彈牙而且掛滿湯汁🍜和牛片軟腍有肉香，加上牛丸、通菜同炸豬皮🐃💗蟹肉炒飯（$98）蟹肉炒飯炒得乾身有鑊氣，飯粒分明，而且蟹肉係大大舊，非常足料🦀配料仲有蛋花同蔥花，食起嚟香口惹味🍛💗燒豬頸肉($88)豬頸肉燒至表面焦香，肉質爽脆粉嫩，蘸上特製酸辣汁中和油膩感🐖💗飛天通菜($58)飛天通菜翠綠脆嫩，炒得夠鑊氣，香辣又惹味🌶️💗芒果糯米飯（$78）糯米飯軟糯煙韌，淋上香甜微鹹嘅椰漿，再加上酸酸甜甜嘅芒果🥭

當天原本計劃在佐敦一帶用膳，但因大雨而改變計劃，轉到佐敦的泰排檔餐廳用餐。幸運地只需等10分鐘便可入坐。餐廳內部裝潢充滿泰國風情，霓虹燈和復古海報讓人感覺置身於泰國街頭。我點了一份虎蝦金邊粉和一杯泰式奶茶。金邊粉上的虎蝦比匙羹還大，肉質鮮嫩，配料豐富，包括豆芽、韭菜和花生碎，整體味道非常和諧。金邊粉的口感滑溜，讓人一試難忘。泰式奶茶則稍微偏甜，但仍然香濃可口，為這頓美食增添了一份甜蜜。總體來說，這次用餐經驗非常愉快，無論是食物質素還是餐廳氛圍都讓人滿意。這家泰排檔餐廳絕對值得一試，尤其是喜歡泰國美食的朋友。

知道呢到的廚房大廚是米芝蓮泰菜出身，同佢哋九成嘅食材都是從泰國直接入口，又知道呢度人氣高又成日大排長龍，今日就早少少過黎食lunch。一入到去好似去左泰國咁，不能餐廳裝修，播住嘅歌，同泰國職員，都令我以為去左泰國。睇lunch menu，價錢都好親民。飛天通菜 $58份量好大，炒得好有鑊氣加上有少少辣，好惹味。沙嗲豬 $48有三串，燒得好香，個味道剛剛好。和牛船面 $88個湯底超香濃仲帶點辣，炸豬皮朔左啲湯好食🤤和牛片好淋，最估唔到啲牛丸個牛味好出，金邊粉就正常的泰國水準。醉貓虎蝦炒河 $98炒得好有鑊氣，河粉帶點煙韌，虎蝦爽口彈牙。熱情芒果沙冰 $38呢個好好飲丫，甜甜的帶點微酸，好重芒果味。椰奶沙冰 $38好香椰奶味，上面仲有幾塊椰子肉。芒果糯米飯 $78糯米米味好香，帶點咬口，芒果可能唔係當做，有少少酸。

真係比網上吹大左，什麼網紅地道抵食好食，通通都唔係，排長籠就係既。價錢先唔講，食物味道得個鹹字，份量小，賣相一般，我地兩個叫左燒豬頸肉，金邊粉，生菜豬肉包，兩杯野飲。我地碟豬頸肉賣相都ok既，我見到隔離兩位小姐果碟就真係...好似未燒既叉燒咁，而個汁既味道係鹹，金邊粉份量小，賣相咪正常炒粉樣，味道鹹，生菜包，份量極小，賣相唔吸引，味道就鹹到錯晒。價錢就唔夠性價比，偏貴既，同一食物，晚餐比午餐好多都貴10蚊，都岩，做生意嘛，但最驚嚇係我地杯青檸檸檬茶同青檸梳打，就比午餐既價錢貴30蚊。埋單兩個人400蚊，茶記既服務仲有加一。如果睇網紅而去既，就可免得免，真係又貴又唔好食又小嘢揀。呀，仲有坐得唔舒服。

Helmed by former chef from Samsen, the newly opened Thai Pai Dong located at Ferry Point in Jordan serving authentic Thai street food became an instant sensation. Shop opened at 6pm, arriving around 6:10 pm and there was already a queue of about 40 diners waiting to be seated. The menu is compact, with a variety of stir-fries, grilled skewers, and salads to choose from. Did my share of research and decided to try their Spicy Wagyu Beef Flat Noodles and Crab Meat Omelette. The Spicy Wagyu Beef F

味道咪就係正常泰國菜應有ge味，睇搵d所謂評論吹到大一大，係咪前世未食過泰國嘢，影俾你睇嘅宣傳就梗係正常。佢晚市比午市貴$10，上次晏晝喺佢度食個船麵已經覺得金邊粉個量比所有泰國菜餐廳少嫁喇，我仲要係女仔食喎。以為可能因為係午市，點知晚市仲衰又貴d又少d。佐敦大把泰國人開ge正宗泰國菜，地段計仲方便，睇食評去嗰d其實可以唔洗特登去。個炒河粉入面d河粉我夾晒喺面影依張相，真係可以夾出嚟得2-3個中式湯匙量，成份得半個盒，打開唔係驚喜係驚嚇😓河粉唔係咩值錢野，咁攞出嚟仲點叫炒河粉，比較似雞肉炒雜菜多。最好笑係雞蛋仲多過河粉😂另外我住喺樓上買外賣返屋企食，買嗰陣喺餐廳冇放好耐就攞左，買返屋企即刻食都可以唔熱ge。 其實收得咁ge價錢仲要開喺民生區，一份正餐主食可以連女仔食ge一人份量都唔夠都可以話係好貴。