泰排檔

放工去油麻地拎嘢，等待期間掃社交平台見朋友去咗一間食店食泰菜話，仲話會再去；望下店名搜索下資料，在文苑街果帶⋯難得過海，又閒著就行去睇下乜狀況。大約晚上6點45分全店滿座，門外有一對情侶排隊等候，未見長人龍就試下。大約等了20分鐘就入內啦，雖然已經日落時分，但天氣開始熱，有成廿幾卅度，等位期間其實都熱；如果夏天嘅話唔會排隊⋯但入座時有有十多人嘅人龍了。煮湯粉麵/沙律區只有一位廚師主理。另外，店內環境都好逼夾，用餐期間可能要有被輕微碰撞嘅心理準備。鹹蛋木瓜沙律$88在灣仔的泰麵吃過鹹蛋木瓜沙律後念念不忘，見這家menu也有這一道沙律，二話不說就先點一份，我揀嘅係半隻辣椒辣度。 有點寄望⋯可惜略嫌唔夠鹹蛋黃，味道上不過不失嘅，講真無比較無傷害⋯今次來第一大目標係試個和牛船麵 $98價錢比起灣仔藍屋果間平了幾十蚊，所以要求都預先調節一下，整體是不錯的。湯底濃郁，但唔似得藍屋果間令我想飲晒啲湯；牛肉當然一定係唔同級數同肉嘅厚道和份量都有明顯差別。另有加一服務費。用餐完畢離去，嗰時繼有長長人龍等位。…查看更多

- 光顧日期：5/10晚上- 同行人數：2人- 點菜：炒金邊粉、泰式炒通菜、蟹肉奄列服務與經歷- 事件經過：我哋二人用餐至尾段，約有十人一大班客進店。其間我哋把書包暫放在隔離空凳（無人佔座）。老闆前來詢問「個書包係咪你？」語氣與情境令我哋理解為要即時收走書包以便利安排座位。我們收起書包後，老闆將相鄰的枱凳併位，並把那班客人的書包與羽毛球拍放在我們原本的空凳與空枱上。- 感受：如果店方政策是「空位只供坐人，不放私人物品」，理應一視同仁；但佢既操作呈現為「兩位客不許放書包，一大班客可放裝備」，比人觀感係重大班、輕散客。…查看更多

和家人前來慶祝生日，一開始知道是要限時90分鐘的時候都有些猶豫，不過還是訂了，兒子推介，為佢慶祝生日，急啲就急啲，儘管一試。泰國男（唔知係咪老闆，不過都相信係），一開始好friendly 咁，又泰文，又過黎傾計，坐低5分鐘，佢就埋黎推介菜式，蟹肉奄列，又話串燒要炭火燒，比較耐，不如落左order先，佢所推介嘅，我全都要，支持一下吧！結果，佢所謂嘅炭火比較耐，5分鐘已陸續上枱，我後才醒覺，目的就是唔比你哋慢慢傾計，慢慢睇，或逐樣菜慢慢叫。野食好唔好食見仁見智，我唔個人評論，只係覺得冇話一樣菜係特別好食，令我記得佢獨特嘅味道。但係一定要特別一提係佢嘅啲手調飲品，係極度難飲！入正題，說好的90分鐘點分配呢，頭15分鐘覺得好忙，只記得一路食，一路有人過黎收碟，收得咁上下，食到中段（30分鐘）就上埋個芒果糯米飯，40分鐘過黎講，不如上埋個蛋糕。(切餅費收$88)上蛋糕嘅同時，佢就攞埋張單過嚟叫埋咗先。最嬲就係，我哋傾緊個蛋糕個由來，行咗埋嚟三次叫快啲，出邊有好多人等緊枱，喂，咩事呀⋯⋯都只不過係過咗90分鐘嘅一半時間，已經去到切蛋糕環節。餐生日飯完全冇晒Mood，到60分鐘的時候，我地食食下蛋糕玩送禮物，就再次行埋黎同你講，可唔可以快啲，出邊有好多客等緊枱，待應每過一分鐘就叫你走，話好多人排隊。因為佢太煩最後都頂唔順，同埋此時此刻，各人已冇晒心情，繼續傾偈，用餐時間70分鐘離開，$2500埋單，人均300！以後都唔會再幫襯。呢間真係唔得，一餐生日飯攪灣晒！完！…查看更多

今日下晝同朋友嚟咗泰排檔。餐廳係米芝蓮推薦，成日大排長龍！牆上掛住好多泰國裝飾，真係有濃厚嘅泰國味。餐廳概念同泰國thongsmith一樣，供應各種地道泰國街頭美食，而且價錢好平。餐廳九成食材同香料都從泰國直接入口。廚房同樓面嘅人全部都係泰國人，特別係大廚，佢係米芝蓮出身，食物嘅質素一定有保證。和牛船面 $88呢碗和牛船面係招牌菜，金邊粉滑溜，湯底又鮮又甜，帶住濃濃嘅香料味，食到有香茅、檸檬葉等香料。和牛肉質好嫩，油花分布得好均勻，充滿油香。金邊粉口感更添彈性，吸收晒湯底嘅美味。其他配料仲有芽菜、通菜、牛丸，非常豐富。香辣金不換炒豬肉碎 $78呢度都係招牌菜，好出名！豬肉碎炒得香噴噴，熱辣辣，非常惹味！內裏有紅椒、洋蔥，口感都好豐富。辣味啱啱好，唔會太過刺激，真係一口接一口。最重點係面頭有兩隻流心太陽蛋，配埋蛋黃汁一齊食真係特別好味。醉貓炒河 $118河粉炒得恰到好處，滑滑地，帶點煙靭，好有鑊氣。醬汁好惹味，辣辣地，河粉吸埋醬汁嘅味道。和牛肉質嫩滑，芥蘭同紅椒爽脆，口感多元化。泰式奶茶 $8泰式奶茶好抵飲，甜而唔膩，茶香濃郁，好正宗。龍眼冰 $18龍眼冰清爽可口，龍眼嘅天然甜味，加上冰冷嘅感覺，好解渴。…查看更多

野食好一般，甚至可以話係難食，尤其是杯泰奶，超級難飲。碟炒蜆有一半係唔開既。蟹肉奄列老到黐線。得碟醉貓炒河係OK但係鹹咗少少。豬頸肉好嚡。服務態度極差，食緊野又要求你換檯讓俾人。食到中段（30分鐘）啲野食未食晒就收走你碟野。40分鐘就叫你埋單，但仲未食完。待應每過一分鐘就叫你走，話好多人排隊。每人食幾舊水野，都要趕你走。最後頂唔順佢咁煩，食唔夠一個鐘就走咗，以後都唔會再幫襯。泰國野真係要去九龍城食，呢間真係太垃圾，俾錢買難受。…查看更多

午餐時間嚟到都人頭湧湧叫咗個船麵 係和牛嘅，啲湯底濃郁得來又唔會話太鹹 好順滑 飲咗好多啖叫咗蛋麵 係比較幼身嘅好快就食晒 成碗都好順口有啲通菜有啲牛肉蝦餅有兩舊 成個冬甩咁大入邊好實心 好有泰國風味另外叫串燒豬 燒得幾香幾有口感啲汁係辣辣地嘅唔係沙嗲醬嘢飲叫咗新鮮椰青 可以食埋啲肉另一杯叫咗百香果芒果沙冰 打得好有幼細 好似真係去咗泰國咁跟住仲食咗芒果糯米飯 啲糯米飯比較甜唔落椰汁都好夠味 芒果夠晒甜食完就知點解咁多人排 而且侍應全部都係泰國人…查看更多

如果你以為泰菜只適合旅行時才吃，那你可能還未試過「泰排檔」。這間新派泰國餐廳由一班地道泰國人主理，廚房更由曾效力米芝蓮名店 Samsen 的大廚坐鎮，將正宗泰國街頭風味帶到香港，並以Thongsmith 為靈感，打造出一個既地道又時尚的泰式食堂。餐廳九成食材由泰國直送，連蒜頭和香料都不例外，難怪每道菜都香氣撲鼻、味道層次分明。燒豬頸肉外焦內嫩，脂香四溢，配上酸辣醬汁，令人一口接一口。黑豚肉金邊粉湯底濃郁，帶微辣，黑豚肉肉質嫩滑，仲有彈牙魚蛋，令人回味無窮。和牛炒飯則是驚喜之作，炒得乾身香口，和牛油脂滲入每粒米飯之中，香氣撲鼻。芒果糯米飯選用泰國香芒，配上椰香十足的糯米飯，甜而不膩。泰式奶茶茶味濃郁，甜度剛好。玫瑰荔枝梳打則清新解膩，顏值亦高，打卡一流。總結，這裡不只是吃飯的地方，更像是一趟味覺旅行，價錢親民，味道正宗，是一間會讓人想再三回訪的好店。…查看更多

「泰排檔」由一班來自泰國的團隊主理，廚房由曾任職米芝蓮餐廳 Samsen 的大廚領軍，餐廳定位明確，以Thongsmith為藍本，結合地道街頭風味與現代餐飲節奏，並以平實價格呈現高品質泰菜。菜式方面，和牛炒飯表現出色，米飯炒得乾爽分明，油香均勻滲透，和牛脂香與蛋香交織，層次豐富；泰式虎蝦炒金邊粉則以鮮明的酸辣味道為主軸，虎蝦好大隻，肉質緊實，金邊粉吸收醬汁後仍保留彈性，整體調味平衡，餘韻悠長；飛天通菜則展現出火候控制的功力，菜葉翠綠，蒜香濃郁，爽脆不失水分。甜品與飲品亦見心思，芒果糯米飯選用香甜芒果，配以椰香濃郁的糯米，甜度適中，口感細膩；泰式奶茶甜度控制得宜，奶味順滑，茶底濃厚；新鮮椰青則提供天然清甜，為整頓飯帶來清新結尾。總括而言，「泰排檔」在食材選用、烹調技術與味道還原度上均見誠意，是一間能夠滿足對正宗泰菜有要求食客的餐廳。…查看更多

今日同班friend去咗渡船街泰排檔試吓佢哋嘅招牌菜🙂‍↔️必點嘅醉貓炒河($118)有和牛同火蝦選擇，我哋揀咗和牛版本～鑊氣真係不得了！河粉炒得夠乾身又入味，啲和牛肉碎同香料撈埋一齊香到癲，仲有少少辣辣哋超開胃，真係食到停唔到口😋 份量都幾大碟，夠3-4個人share！炸粟米蝦餅($88)都係必叫之選！外脆內彈牙，咬落去仲見到成隻蝦仔係入面🦐 點埋個甜酸醬簡直係絕配～每件都炸到金黃香脆，熱辣辣上枱最好味！總括來講呢間泰排檔性價比高，味道正宗又夠鑊氣，環境雖然唔算好豪華但夠地道feel，服務都幾快手，一定會再encore！👍…查看更多

打拋豬肉飯配雙太陽蛋,泰式香料和九層塔等香味濃郁，碎豬肉鹹香微辣，燶邊太陽蛋正！醉貓炒河有和牛或火蝦選擇可揀咗和牛…..…河粉爽滑煙韌，和牛肉質細嫩，醬汁微辣且帶甜，蔬菜新鮮，粟米筍豐富口感👍雞肉沙嗲串，外皮焦香，雞肉鮮嫩夠味，沾上花生醬後更濃郁😙😙😙泰式奶茶，香滑不膩，奶味和茶香平衡！芒果糯米飯（Mango sticky rice）芒果香甜，糯米柔軟且椰漿清甜，經典泰式甜品；新鮮椰奶沙冰，賣相精緻，口感滑順！…查看更多

聞名已久：「泰排檔」，係一間米芝蓮推薦嘅泰國餐廳。平日午餐排隊情況可以接受，等五分鐘就入座到。餐廳嘅廚房同樓面全部都係泰國人，主廚更係出自米芝蓮泰菜，正宗風味可想而知。我點咗醉貓和牛炒河，牛肉鮮嫩，搭配河粉滑順，口感一流。跟住係燒豬頸肉，外脆內嫩，味道十分香濃，令人回味無窮。飲品方面要左椰青，好清甜。最後，泰式斑蘭雪糕嘅清新口感，仲有椰子肉、糯米飯，同埋花生，口感豐富，完美地為這頓飯畫上句號。餐廳嘅概念類似泰國thongsmith，主打各種地道街頭美食，而且價錢平民化，讓人唔覺得負擔。令人驚喜嘅係，呢度90%嘅食材都係直接從泰國進口，包括蒜頭同香料，保證每一道菜嘅正宗風味。總體而言，呢間餐廳無論喺食材定係味道上，都讓人感受到泰國街頭嘅熱鬧與美味，值得一試！…查看更多

由門口等位就聽到輕快嘅泰文歌，雖然餐廳環境唔大坐到有啲逼，但氣氛好好，有啲泰國街頭感覺；店員個個都好親切，笑容滿面🇹🇭和牛船面：湯底濃郁，和牛嫩滑，仲加咗炸豬皮，索盡湯汁超正！泰式炒金邊粉：鑊氣足，甜酸度啱啱好沙爹串：沙爹醬香濃，牛同雞都燒得嫩生菜包：香辣惹味，都加咗炸豬皮，口感脆爆好食到不得了芒果糯米飯：芒果香甜多汁，糯米飯軟糯椰香濃，完美收尾斑斕雪糕：💯full mark總結：米芝蓮水準冇失望，排隊都值！服務親切+氣氛加分，炸豬皮係雙重驚喜，會再encore～ …查看更多

同朋友去佐敦試呢間泰式大排檔, 顧客流轉速度好快, 食完就走, 可能係桌同桌幾貼近, 而且位置偏窄, 個人物品手袋放枱下面個籃, 冷氣好充足, 而且泰國人侍應好熱情招呼, 一坐低已經派menu介紹, 落單時好有禮貌, 可能唔係好叻廣東話, 落完單後會耐心仔細覆一次~ 抵讚~香辣蜆 蜆肉本身比較淡味, 冇海鮮鮮味亦冇雪味, 加埋醬汁係幾好味的,而且唔算太辣, 天氣熱時幾岩食, 煮得比較creamy口感滑滑地, 可能唔係咁岩朋友心水, 所以主力係我一個人食咗大半~比較特別係出面泰菜餐廳少見嘅酸梅茉莉梳打, 微酸同茉莉幾清新, 唔錯~飛天通菜幾好味, 爽脆惹味~醉貓炒河(牛肉) 偏辣, 幾惹味, 個透明河粉口感好煙煙韌韌，炒出嚟一D都唔油,加埋爽脆菜, 好好味呀~如果座位同枱可以闊D就更好了, 兩個女仔坐, 擺左菜基本上滿曬了~…查看更多

成日見人社交平台講呢間今日唔使排隊就入咗店員好熱情一入到去就推介蠔餅我哋就叫咗個試吓蠔餅$138 非常唔好食蠔好細好少餅唔脆又油好失望😞😞😞另外叫咗通菜同船麵好食…查看更多

泰國風情感覺都算濃，始終泰國菜，裡面全部泰國人，叫嘢聽到佢地泰國口音的廣東話。裝修似有還無，因為簡約得黎又有心思。真心覺得杯飲品真係要大D囉，青檸梳打（$38），真係3，4啖就無左杯嘢，唔係貴，係唔抵，哈豬頸肉燒（$98）得好唔好，同金邊粉炒成點，我會用呢2個睇間泰國菜好唔好同正唔正宗，今次呆個對味，燒得啱啱好，又係唔嚡，切得唔厚唔薄，剛燒完攞出黎即食感覺，香味無乜，但食落好香，咬入去豬油入口個味道先開始出，以燒黎講算滑。（$88）黑豚肉船金邊粉，即豬肉啦，幾滑，唔嚡口，金邊粉比方間有D唔同，個湯超濃，我差點想加熱水溝淡佢。整體而言想唔飛去轉泰國，黎食有返咁上下風味嘅。係再次重呻，杯飲品請大杯D。同埋座位有點迫，真係有排檔風情，要你食完即走嘅。…查看更多