係鰂魚涌有一間牛舌專門店，店舖位置係東匯坊，地鐵鰂魚涌站或者太古站都行到過去。餐廳主打係厚切牛舌，好味嘅程度係好似去咗日本食嘢咁！！除左牛舌之外仲有唔同種類嘅串燒同其他日本料理，而且性價極高😍😍
🐮極味厚切牛舌&牛小排定食 $188 牛舌燒到半生熟，一咬落去爆曬汁超級juicy，幾乎係入口即融😛👅👅 而牛小排都非常重肉味，燒得啱啱好，配飯食簡直係一流！

除左牛舌，餐廳嘅串燒都非常出色，肉類全部都燒得啱啱好唔會過老，焦糖燒菠蘿係必嗌!! 表面嘅焦糖燒得脆脆地，一咬落菠蘿汁就泌晒出嚟，酸酸甜甜好解膩，食完一串有衝動想再嗌多一串🥰🥰

🦪汁燒廣島蠔 $30/串 🍳自家製免治雞肉軟骨棒（附玉子) $30/串 🥓燒日本黑豚五花腩 $26/串 🍍焦糖燒菠蘿 $32/客 🍗鹿兒島薩摩赤雞翼 $30/串 📍秋嵐日本料理
鰂魚涌英皇道1010-1056號東匯坊地庫72號舖

今日介紹嘅係位於大坑的東南亞風味漢堡外賣店，全人手烘焙漢堡，醬汁由東南亞直送🇲🇾 呢間小店所有product都係心機之作，而且全部都好有特色，包你係其他舖頭試唔到🤣
Burger美式德式嘅都試過，大家一定未試過東南亞風味嘅burger啦掛~ 呢間小台係非常適合嘗試新口味嘅人👍🏻
而且佢地而家仲有一個大胃王既挑戰，自問大食嘅就快啲去挑戰下💪🏻💪🏻 🍔巨型水滴豬扒漢堡  漢堡嘅層次非常豐富，生菜蕃茄好新鮮，而且每一層嘅漢堡包皮都有搽上厚厚嘅牛油再烘到脆脆地，淋上佢哋秘製醬汁，夾上幾層炸得酥脆嘅豬扒🐷 咸咸甜甜嘅配搭，而且口感好豐富👍🏻 不過咁巨型一個人當然食唔曬，兩個人share就啱啱好❤️
🍜水滴手打撈麵 呢個麵底店員同我講係每日人手打😱😱超有心機呀！而且係每日限量，當日係最後一碗比我好好彩🤣 撈麵裏面有芽菜，吉列炸雞，當然唔少得佢哋嘅秘製醬汁啦😍👍🏻👍🏻
🥗沙律 呢個沙律係好正宗嘅印尼沙津，店員話正宗到星期日會有好多姐姐過嚟買，掛住家鄉嘅味道👅 印尼沙律係用沙葛，係生嘅沙葛😱香港人應該比較少試到，係甜甜地，口感有啲似水晶梨，爽爽脆脆✨
🪆印尼紅茶 以傳統方式泡製的印尼紅茶，有啲似涼茶，可以清熱解毒😆

🏠 𝓢𝓵𝓮𝓮𝓹𝓵𝓮𝓼𝓼 𝐃𝐢𝐧𝐧𝐞𝐫 𝐒𝐞𝐭 $𝟑𝟗𝟖 𝐟𝐨𝐫 𝟒 𝐜𝐨𝐮𝐫𝐬𝐞𝐬 🐟 𝐅𝐢𝐫𝐞 𝐓𝐨𝐫𝐜𝐡 𝐒𝐚𝐦𝐥𝐨𝐧 | 𝐓𝐚𝐢𝐰𝐚𝐧𝐞𝐬𝐞 𝐁𝐥𝐚𝐜𝐤 𝐁𝐞𝐚𝐧 𝐒𝐚𝐮𝐜𝐞 火炙半熟娜威三文魚小扒|香蒜黑豆醬其中一個前菜係三文魚小扒，魚肉燒到半生熟，伴住黑豆醬，黑豆醬食落就係豆豉咁，都幾得意😆
🦆𝐅𝐨𝐢𝐞 𝐆𝐫𝐚𝐬, 𝐓𝐨𝐚𝐬𝐭, 𝐂𝐢𝐧𝐧𝐚𝐦𝐨𝐧 𝐀𝐩𝐩𝐥𝐞 𝐒𝐚𝐮𝐜𝐞 香煎法國鵝肝 | 玉桂蘋果On top嘅蘋果蓉味道比較搶，酸酸甜甜都幾開胃😊
🦞𝐋𝐨𝐛𝐬𝐭𝐞𝐫 𝐓𝐨𝐦𝐚𝐭𝐨 𝐒𝐚𝐮𝐜𝐞, 𝐒𝐞𝐚𝐬𝐨𝐧𝐚𝐥 𝐒𝐞𝐚𝐟𝐨𝐨𝐝, 𝐑𝐢𝐬𝐨𝐭𝐭𝐨 海龍王鮮茄醬 |時令海鮮薈 |意大利飯呢個risotto煮得有少少硬身，個海鮮醬有少少腥，不過overall都ok
🥩𝐁𝐨𝐮𝐫𝐠𝐮𝐢𝐠𝐧𝐨𝐧 𝐖𝐚𝐲𝐠𝐮 𝐁𝐞𝐞𝐟 𝐂𝐡𝐞𝐞𝐤, 𝐏𝐨𝐥𝐞𝐧𝐭𝐚, 𝐖𝐚𝐬𝐡𝐢𝐧𝐠𝐭𝐨𝐧 𝐒𝐚𝐮𝐜𝐞 勃根地燉和牛牛面頰 |意式玉米糕 |華盛頓燒汁 呢個超大份😍原來牛嘅臉豬登有咁大塊🤣平時係其他餐廳食通常都好細塊搞到我以為係咁細🤣呢份大到最後2個人都食唔曬
🍮 𝐏𝐞𝐭𝐢𝐭 𝐅𝐨𝐮𝐫 精緻小甜點呢2粒細細粒嘅泡芙，內餡係水果嘅酸甜滋味，好解膩👍🏻
🍫 𝟔𝟔% 𝐂𝐀𝐑𝐀𝐈𝐁𝐄 𝐃𝐀𝐑𝐊 加勒比朱古力呢杯朱古力飲落味道好Balance ，有烘焙果香，唔會太苦，叫左少甜，甜度亦啱啱好👍🏻呢杯係冬天飲一流🎄
🍹 𝐆𝐫𝐚𝐩𝐞𝐟𝐫𝐮𝐢𝐭 𝐏𝐞𝐚𝐜𝐡 𝐈𝐜𝐞𝐝 𝐅𝐫𝐮𝐢𝐭 𝐓𝐞𝐚葡萄柚水果茶呢杯都係叫左少甜，好新鮮嘅水果味，茶味都幾balance, 好解渴好清新😙
📍銅鑼灣希雲街22-24號地舖

🏠碧儷苑喺擺花街食過幾間中菜，我覺得呢間係最好食
豉油王煎阿拉斯加蟹伴腸粉 $1280 所有嘅蟹已經幫我地剪到容易嘅食嘅size，蟹肉都幾多，6個人食，1人都食到2-3 舊蟹肉，呢個腸粉勁入味， 又滑身，一食就停唔到☺️
杏汁白肺湯 $348 呢個白肺湯做得好好，好濃郁！飲得出杏仁磨碎左沙沙地嘅感覺， 啲湯渣佢係另上嘅，豬肺好腍好滑身，無怪味，好正好正， 冬天飲完成個人都暖晒👍🏻 三百幾蚊來講，我覺得好抵食！
脆皮炸子雞 （半份）$220 普普通通，如果想食雞肉嘅可以嗌，雞肉都幾滑。
椒鹽日本白蝦紅燒豆腐 $198 呢個係另一個令我覺得好有驚喜嘅菜， 係佢外表好似好普通，表面嘅炸白蝦炸到好脆， 豆腐炸得外脆內軟，而且好有豆味， 成個feel好夾！ 紅袍荔枝 2件 $44 呢個即係奶黃煎堆， 表皮炸得有啲硬脆， 包住嘅奶黃餡有啲留心，食落都幾滿足。
冰凝小企鵝 2隻 $50 呢個完全只係for影相，但係淨係攞嚟影相都抵🤣🤣好cute cute
📍中環擺花街1號一號廣場1樓

🏠 麻吉灶咖
經過K11好多次，見過呢間台式餐廳咁得意，每次都決定下次經過要食，終於一次偶然機會試左🤣🤣
🍝紅燒牛肉麻婆豆腐拌麵 $112 因為前幾日食咗牛肉麵，今次想試吓啲特別啲嘅嘢，但我覺得自己真係太貪得意😅因為真係好唔夾😂😂麻婆豆腐應該要配白飯，配拌麵唔係話難食，但真係有啲奇怪😂無下次
🍳肉鬆芋泥蛋餅 $78 呢個係我食過最唔似蛋餅嘅蛋餅😅食唔出蛋餅果塊”餅”，比較似普通煎蛋皮，包住嘅餡都唔錯，不過都救唔返😅
🥯特製滷肉酸菜刈包 $52 呢個反而幾好食，個滷肉好入味，刈包又幾煙靭又甜甜地，酸菜酸得來又有少少辣，成件事都幾夾。
🍵白桃烏龍冷泡茶 $39 普通啦🤣純粹唔想飲甜嘢所以先叫呢個冷泡茶。

🏠Cutting Onion 🍔Bao Combo $203  - House Cheese Burger @$138  - Orange Tea @$25  - Bacon Potato Salad @$40 Cheese burger都幾多肉汁，不過調味上就比較清淡，感覺可以落多少少鹽去吊下啲肉味出嚟，不過調味嘅嘢都係各花入各眼，可能比較清淡口味嘅人士會好適合😊 另外個bacon potato salad做得好出色，口感好豐富，因為佢除咗有薯蓉同埋煙肉之外，仲有一啲炸咗嘅脆脆粒粒，啲粒粒非常香口，調味亦啱啱好，好味嘅程度有令我想回頭👍🏻👍🏻

🍝Bolognese $108 可能口味問題，唔係咁鍾意太重”藥材味”嘅肉醬意粉🤣可能下次嚟會試吓其他意粉。
🍵鐵觀音Latte $45 未試過用鐵觀音整嘅latte, 都幾特別😆不過可能茶同咖啡唔同，奶味比較重，鐵觀音要好認真㗳先有味😆

🏠HANA Korean Restaurant (尖沙咀)
果日行開尖沙咀條韓國街，見到有一間新開嘅舖頭，緊係要一試究竟！坐低咗先發現原來佢係專門食粥，夏天食就不了，好彩去果日啱啱落小小雨轉秋季又凍凍地，啱晒食粥暖吓胃🤣
🥣泡菜章魚粥 $128 佢啲粥有好多唔同嘅口味，但我係一個好鍾意食章魚嘅人，所以最後決定叫呢個章魚粥👍🏻一上枱超大碗心諗點食得晒🤣佢嘅味道唔錯，不過就冇乜驚喜，而且真係大碗到食唔晒haha🤣
🍜釜山魚糕烏冬 $108 呢個烏冬同圖文非常附合，都幾有心機個擺盤😊味道上無咩特別，就係唔同嘅魚糕放曬落碗烏冬到，烏冬又冇話特別煙靭，普普通通啦。
📍尖沙咀金巴利街1E號地舖
如果行開韓國街，又想食吓韓國粥都可以一試🤣

🏠 呦呦鹿鳴布丁燒 呢間布丁燒由葵廣開始做起，而家係香港已經有4間分店啦😍原來呢間舖係由一對專誠去台灣學藝的夫婦開設嘅，有好多唔同創意嘅口味👍🏻 🍨雲呢拿布丁燒 布丁裏面係會有一點點嘅雲呢拿籽，絕對唔係就咁用香精或者精油👍🏻最簡單嘅味道係最難做得好，甜而不膩，做飯後甜品一流☺️ ☕️回魂espresso咖啡布丁燒 咖啡味呢個令我非常驚喜😍濃濃嘅咖啡香氣，中和左焦糖布丁嘅甜度，令人一口接一口😳 呢款絕對會回頭❤️

🏠雞記潮州麵食
嗰日喺尖沙咀行街， 朋友話附近有一間佢以前返工成日食， 講到好似好好食喎，咁一定要試吓啦！

蘿蔔牛腩配黑豉油撈麵 $51 呢個蘿蔔牛腩啲蘿蔔煮得好入味，同埋好腍， 反而牛腩就一般般，有少少痴牙同埋韌。 朋友話呢個黑豉油撈麵係一定要叫，係真係幾好味，啲豉油睇落好黑好鹹咁，但識落調味啱啱好！
手打炸墨魚丸配黑豉油撈麵 $53 佢哋嘅招牌係手打炸墨魚丸，呢個真係炸得好出色，好好味， 好似叫呢個墨魚丸好過嗌蘿蔔牛腩~

Good service, wonderful food, excellent environment. Highly recommended this restaurant 👍🏻👍🏻
🥩Sirloin 340g One of the best steak I have ever had in HK, perfectly medium rare, strong grilled flavor, tender and juicy🤌🏻
🍝Pasta A1 Wagyu Bolognese The beef was incredibly tender, it melting in my mouth with each bite. Not a strong flavoured pasta, good pairing with the steak☺️
🍫Hot Chocolate Cake A rich, moist texture with deep chocolate flavour, not overly sugary but still satisfying, certainly a good treat at the end of the meal☺️
⭐️⭐️⭐️⭐️⭐️

📍G7/8 Tsim Sha Tsui Centre, 66 Mody Road, Tsim Sha Tsui East, Hong Kong