泰廚房子 (德福廣場1期)

營業中

休息中

垃圾泰式海南雞配黄薑飯,唔新鮮,冇汁,D飯唔入味,完全唔值呢個價,我唔會再來!食物質素完全唔得,請我都唔會再去!!!員工服務友善,環境不好.可惜我只注重食物質素,講咩都係假!

今天和朋友來到德福午餐，朋友推薦去出去平台還有幾家餐廳，算是德福商場的遺珠🌸特別是炎熱天氣下走出户一秒也開始流汗。 .說到夏天就想念泰國，當地的陽光與海灘是亞洲中頂尖的旅遊好地方🏝泰國菜酸辣又帶勁，對解決酷暑下的食慾不振相當有效。 .泰國菜館都很花心思佈置，職員穿著也色彩繽紛👯‍♀️有民族特色感覺。牆上有霓虹燈宣揚泰菜帶來歡樂，還有壁畫吸引我們快去泰國感受當地人情味。 餐牌分了兩面📜一面是湯粉炒麵類，一面是飯類，共有15款選擇，還有4款小食，午市來說豐盛得很。 🍜烤泰式雞髀湯金邊粉 $59 7/10烤雞腿比手掌還大，加上香料烤得金黃，但雞腿在湯內浸得比較久沒了酥脆雞皮口感。湯料還有豆卜和蘿蔔，不過味道很淡。 🍝鮮蝦炒金邊粉 $69 7.5/10放下已經聞到濃濃醬油香氣，鮮蝦入口還算爽口。旁邊的紅辣椒碎和花生碎拌進炒粉內倍增風味。 🍖泰式豬手配飯及冬瓜湯 $72 7.5/10泰式滷水十分入味，豬手燜到軟爛，入口充滿膠質，肯定是白飯小偷之一，單吃會感覺重口味。 🥦蒜蓉炒芥蘭 $38 7/10為了身體健康，追加一份炒菜，芥蘭的口感爽脆鮮甜，蒜蓉蓋過了本身的微苦味。

去到時已經12：30，人多但未有排隊，好多都要搭枱間間板咁坐，其實都幾迫，坐得唔太舒服。反而窗口大枱好似hold比人咁，原來係留比啲多少少人嘅入座，不過都係3-4人都坐得牆上有壁畫裝飾，雖然都冇乜泰國feel，叫做好過冇啦午餐飲品青檸柑桔唔洗加錢，比較淡，青檸只係裝飾，真係冇榨過汁落去冬蔭公湯金邊粉（魚餅，魚蛋，扎肉）$63配料好味，不過每樣兩件，金邊粉好多，份量大，冬蔭公湯底都好味，係淡少少香茅豬扒煎蛋飯 $65豬扒薄，落粉醃到好淋，仲差過茶餐廳。。。其實醃到咁上下應該要沖走啲鬆肉粉，仲要收$65唔係平，呢個真係唔抵食唔好食以地點德福計，佢算係平價嘅，不過對比出面午餐價錢，德寶起碼平佢$10，仲要唔收加一，如果唔係遠我都會去德寶食好過。

今日同屋企人去食lunch, 坐低冇耐就覺得個位好凍，放曡紙巾係可以飛起的，咁啱隔離有有人走有位，就問問職員可唔可以調位，職員已經態度衰衰咁話出面大把人等緊，ok,明白嘅，咁我哋就問可唔可以調細d個冷氣，跟進職員話，一係就全店關曬d冷氣⋯其實我哋都已經算數，唸住快快脆脆食完走，咁我哋就再落單啦，點知個職員就一嘢拍一聲高空咁掉張單（加後面埋板仔）落我哋再檯，上菜又係我哋個頭頂架空咁放落嚟⋯其實我哋只係想食個 family lunch，好似黎俾＄受氣，個位男職員（當日眼見全場只得一位男職員）完全係趕客！麻煩請改善一下佢既服務態度！食物都ok,但服務同嘢飲，從未飲過咁難飲嘅泰式奶茶（小妹飲過好多其他舖嘅泰式奶茶，唔係第一次飲），好失望！

今日叫咗個冬陰功湯金邊粉，入邊有扎肉，魚蛋同魚餅，冬陰功湯個味道一流，我差唔多飲晒成碗湯，另外嗌咗個泰式海南雞定食，雞嘅份量都夠，味道亦都唔錯，然後我哋加咗一個小食，兩串牛肉串燒，餐飲糸兩杯熱飲，一杯係泰式奶茶，另外一杯係金橘青檸，兩個人都食到捧住個肚走

路過見到唔洗等位，又好耐冇食泰國野，諗住入去試下，叫左泰式蟹肉炒粉絲。價錢係唔貴，但真係好難食，碟粉絲好多油，又冇咩餸。老實講咁既價錢，唔係要求比好多肉，但真係少得可憐。餐飲叫左凍泰式奶茶，味道淡得黎有少少奇怪，同其他泰國餐廳飲既唔同，至於邊個係正宗我就判斷唔到了。另外加左十八蚊配沙爹串燒，雞肉尚算正常，但牛肉真係唔掂，好乾好硬。加埋啲員工長期黑口黑面，好似好唔耐煩，唔想做生意咁，所以一定唔會再去。

今日係7月12日星期一，又到lunch hour 的時間，突然間今日想食泰國嘢喺九龍灣有一間泰廚房子，咁就入去試吓啦入到去我哋坐埋一邊咁我就叫咗個泰式醉貓炒河（豬頸肉），冬陰功湯河金邊粉兩個都包左一杯泰式飲品咁我就帶咗個熱金橘青檸，而我朋友嗌左個凍柑桔青檸，先講講我嗌左嗰個泰式醉貓炒河先，佢一放上枱上我已經聞到震震香味，同埋佢呢個河粉呢係俾我哋普通香港嗰啲河粉係比較粗身起碼一倍咁個口感幾特別幾有咬口如果豬頸肉呢都好豬頸肉味，呢個河粉好好味如果朋友嗌嗰個冬陰功湯河金邊粉，佢都係好香又唔會太辣都好好味

Lunch time有點趕, 幸好去到不用排隊, 直接入得XD 上菜都好快, Lunch menu都好多選擇, 包幾款飲品, 蠻吸引的~😚泰式蟹肉炒粉絲😍推介! 粉絲炒得唔會好乾又唔會好油, 好入味, 蟹肉同粉絲份量都唔少, 配埋蛋同菜, 好夾!香茅雞鎚魚蛋湯河粉🍜湯比較清淡, 想食清清地可以選這個, 魚蛋大粒同彈牙, 仲有蘿蔔好甜同大大舊! 河粉份量都好多加左杯凍咖啡走甜, 味道唔錯, 似平時飲cold brew咁XDD

星期六，在家無所事事。原本想坐下新地鐵線，宋皇台站，出九龍城食泰國嘢。一出門口見太陽猛烈，都係行商場好啲。順便可以去馬莎入下貨，就揀咗去德福。地鐵途中用OpenRice 揾到呢間德褔嘅泰國菜。（原本係想食泰菜嘛）門口見有下午茶餐，好多選擇。就入去了。除咗下午茶仲有午餐供應，但就沒有主餐牌。選了二個Tea Set ：雞髀（$45）同串燒雞（$48）。追加二個小食：蝦餅（$38）同炒通菜（$38）。飲品：凍檸檬茶，青檸蘇打（+$5）燒雞髀，好似泰式燒雞嗰種做法，肉唔算話嫩滑，但係都唔會鞋。青木瓜絲沙律，我諗佢青木瓜同糖嘅比例係1:1，完全甜到好似食糖咁。+$38 嘅炒通菜，Size 係雲吞麵嗰啲油菜咁大（可以對比返後邊雞髀個碟）味道就OK嘅，港式泰國菜風味，唔辣，似一般茶餐廳嗰種。$38唔抵。串燒雞肉，上枱個面好熱，不過個心唔太熱，但係又全熟喎，即係….一早熟咗返炸啦。都係一啲泰國風味都冇，而且係冇乜味，得少少雪藏味。嗰個沙嗲醬都係一啲都唔吸引，又冇花生香。+$38 嘅炸蝦丸得兩粒仔，細過乒乓波，呢間餐廳係要加一嘅，即係$20一粒冇香料味，亦唔彈牙，好一般。青檸梳打同凍檸茶都係得一片薄青檸

自己不是在九龍灣返工，但有朋友在九龍灣返工，九龍灣返工朋友間中會相約我在九龍灣吃午餐，平時午餐同朋友在九龍灣多數吃日式餐廳，米線，台式食物或Pizza，吃來吃去都是這些味道。朋友原來同我一樣想法，所以我們上openrice Search其他未吃過的餐廳，揀了一會兒，決定今天午餐去這間吃，這間是泰國餐廳，午餐試下吃泰國野，踏入門口的環境很舒服同座位寬倘，入去坐下了，我們叫了2份午餐套餐，一起吃，泰式海南雞配黄薑飯及冬瓜湯同烤泰式雞髀金邊粉，海南雞，雞皮好香同滑身，飯粒粒金黃帶有薑味，雞髀碎上，易入口，很有泰式香味

九龍灣我成日都嚟，呢個位我經常都經過，一直都無留意有呢間泰國菜，朋友喺MTR做，原來MTR staff 係有discount , 所以先知有呢間餐廳。今日放假，探下九龍灣返工嘅朋友仔，繁忙嘅lunch time 嚟，12:00嚟到人唔多，餐廳10幾張檯坐咗三分一。week day lunch set 有15款，粉麵飯都有，價錢可接受，當然係平過尖東少少。要咗個泰式炒河，69蚊，嚟都都幾大碟😎，係粗河粉，豬頸肉都幾好味唔太韌，有啲粟米仔，有少少車厘茄，不過就辣咗啲。MTR staff 有9折👍

今日係星期四，27/5，下午同同事經過呢間泰式餐廳，見到個海南雞飯好想食呀，咁我就叫左個泰式海南雞飯，咁我同事就叫咗個烤泰式雞髀湯金邊粉第一次食呢個泰廚房子覺得佢啲泰式嘢都好有泰國嘅味道啲海南雞飯海南雞好滑入口即溶被亂同埋都好大件，啲油飯炒得好香，另外個冬瓜薏米湯好香，仲有個烤泰式雞髀湯金邊粉啲雞髀係完隻嘅好大隻烤得好香，入面有2舊蘿蔔，兩舊豆腐，金邊粉好大碗好滑，另外每人送一杯金橘檸檬，最重要係個份量係好大嘅男人都夠飽，今次呢餐好平好優惠，每人埋單都係$70多d乍😋😋

服務態度差到冇人有，叫客人出面登記寫紙仔，但又冇紙提供，嘟咗安心又話冇嘟叫個粉食，竟然將塊炸豬排放埋落湯度…………點會唔係分開上，d湯又唔夠熱，覺得間野完全唔重視客人要求…………e間野冇下次

德福商場後面，原來有幾間餐廳喔，試下佢先。青咖喱香茅豬排飯 $52説真心，香茅豬我好少見係炸既，而且無香茅味，扣d分啦。但整體，咖喱味道不錯。泰式烤雞脾 薯絲沙律 $43適合愛健康人士，薯仔做成沙律，又有咬口，讚雞脾用烤既，無咁肥，又唔干身，出色但有加一服務費，埋單人頭都$58，唔算平既平民茶餐了。

好耐冇同同事過嚟九龍灣德福食lunch啦！行嚟行去本來諗住想去Cafe，點知要排隊勁多人！趁仲未要排最後就嚟咗食泰國菜！呢度午餐都有幾多選擇，而且價錢都唔算貴不過三心兩意嘅我又想食麵又想食飯😂最後就同同事share食🙆‍♀️紅咖喱鴨片飯 $68紅咖喱好香濃入口唔辣，撈汁食飯好正👍不過鴨片煮得偏乾🙈有啲失望😔冬陰功湯金邊粉入面有魚蛋魚餅同扎肉🤪 $63魚餅煎得好香口👍我覺得呢個粉一定要連埋冬陰功湯一啖啖入口😌酸酸地好開胃😊香茅豬扒金邊粉 $65豬扒夠入味又唔會整到好柴🙊豆卜索哂啲清雞湯都唔錯😜餐飲金桔青檸飲完口龍好舒服😍