泰廚房子 (德福廣場1期)

營業中

休息中

放工後到左德福的泰廚房子食晚飯，呢間泰國野幾好食，價錢又唔貴。先用Qr code落單，餐牌上有唔少特價菜式，價錢相當親民。⭐KK手包春卷春卷上枱時熱辣辣，好脆口，內邊包著素菜同芋頭等，又香又好食，點埋個甜酸醬更正🤤⭐沙嗲串燒揀左牛雞雙併，肉串大大條，燒得香口肉嫩，個沙嗲醬勁好食喎😍⭐清邁鐵板蠔仔蛋鐵板燒熱左，上枱時咋咋聲響㗎，遠遠已聞到香味。蛋嫩蠔仔肥美，下邊有洋蔥同芽菜，貌似塗左牛油在鐵板上，個陣香味在夾起蠔仔蛋後更突出。旁邊的辣醬必點，點左更惹味😋⭐泰式豬手飯最後係豬手飯，豬手炆得極淋，一夾就甩開，豬皮軟嫩係滿滿嘅骨膠原感覺，肉質鮮味，調味本身已好正，點埋個酸辣醬正好去膩，好好食🤤⭐泰式奶茶茶香奶滑夠甜美，仲勁大杯添😆叫太多食唔晒，留返聽日帶飯吧，呢個價真抵價食。