波記燒臘粉麵店

營業中

休息中

地道燒味老字號 🐷🦆 | 波記燒臘粉麵店講起西環燒味，唔少人都會提起波記，係區內無人不曉嘅老字號燒味舖，日日都人頭湧湧，連外賣都排長龍。今次專登嚟試佢哋嘅叉燒燒鴨瀨粉，果然無令我失望！😋📌 叉燒燒鴨瀨粉 🐷🦆🍜 $52叉燒肥瘦均勻，食落去外層微焦，蜜味香濃，肉質嫩滑，唔會太乾柴🔥燒鴨皮脆肉嫩，帶少少油脂但完全唔膩，鴨味香濃、骨肉分明，滲出滷水香💯瀨粉滑溜，湯底清而不淡，滲咗啲燒味嘅味落去，飲落去有淡淡甘甜味道，唔會過鹹🍜 嫌唔夠味仲可以加辣椒油或者醋去調味 鍾意燒味嘅朋友，呢間絕對值得一試～🥢📍 ：石塘咀皇后大道西425號地下P號舖

燒鵝髀瀨粉味道一般，個人偏好半肥瘦，但波記燒鵝肉質較瘦和實，缺少了鵝油的那份香味，加上鵝髀直接放湯粉內，而沒有分開上，燒鵝皮浸完湯後失去應有香脆的口味。至於瀨粉，份量比較少，而且質地較軟身。始終是燒味舖，對環境和衛生的要求都不會太高，但發現牆身和窗都有好幾隻飛蟲，還是會有些微影響食慾。本身我是餓住肚之下去找食，可能太餓，會有多點期望吧～這碗燒鵝瀨令我有些失望。由於我坐在近門口位置，見到店員與街坊的互動，相信食客食的還是那份人情味吧。

波記燒臘粉麵店📍：西環石塘咀皇后大道西425號地下P號舖🚗：香港大學地鐵B1出口 步行3分鐘💲：~HKD40-100/head for lunch Food quality✔️：燒鵝叉燒飯、燒鴨全脾瀨👌🏼：燒鴨瀨粉總結：😋屹立於西環多年嘅老字號燒臘店 港大學生無人不曉嘅平民飯堂👍🏼😋餐廳平實 格局同樓下茶記相差無幾 伙記快手落單之後都未坐暖張凳就上碟 仲要係啲燒鴨/燒鵝唔會切得甩皮甩骨 未食前畀嗰讚師父先🫡😋個人喜歡燒鵝叉燒飯多過燒鴨瀨粉 姜葱飯好食 清碟😜😋最推薦燒鴨全脾 好食 皮脆肉嫩 必試🤔燒鵝同燒鴨唔係話好正 但都係水準以上 絕對對得起價錢😎🤔有潔癖嘅朋友就未必啱 衛生就正常偏低啲 𡚒式餐廳風格🙊

🚩地頭蟲之選 米芝蓮推介🚩📍 波記燒臘粉麵店每個區的地頭蟲都會有幾間私家收藏的隱世餐廳，而住在西環的朋友們就一定對波記不會陌生，甚至可能已成為他們的飯堂。如果你説很多米芝蓮推介的食府都是伏，那這間相信不會令你失望。🍴燒鵝脾瀨這碗瀨粉索價超過一百，但對我來說，十分值得。原隻鵝脾切件上，size夠大，對女仔來説一碗都可能夠飽。端上這碗美食時，已能嗅到濃濃的香味。即使浸在湯裡，依然能食到鵝脾的皮脆，而且肉亦嫩而多汁，能夠同時做到這兩點，我是十分欣賞的。瀨粉方面不過不失，但記緊要叫瀨粉，因為對我來說它最能跟燒鵝搭配，亦可有效帶出燒鵝的香味。

聽過好多朋友介紹呢間波記燒臘，佢哋話叉燒好好食，門口睇到有最低消費，好彩佢話我小朋友細唔計呢個，我覺得算有人情味，叉燒俾出邊嘅唔同，我覺得啲肉比較新鮮，唔係啲硬刮刮嘅肉，女女追住係咁食。燒鴨好好彩去俾咗個脾我，都好好食，不過都係叉燒好食啲。

28/9 下午一點半，口痕嚟波記食飯，叫咗個叉鵝飯。仲記得個幾月前嚟叫肥叉鵝，佢話冇肥叉得半肥瘦，嗰次係肥瘦啱啱好嘅，幾好食嘅。咁諗住今次知碇啦，咪講要半肥瘦叉燒囉，點知個店員（長髮女人）應都唔應我！好心你有冇都出句聲吖！好啦，碟飯嚟到。燒鵝凍嘅！！！（講緊只係下午一點半）燒鵝得塊皮肉都唔多舊！！叉燒瘦嘅乾嘅硬嘅！！！叉燒切到邊大邊細！？飯又要勁少！！收我$72？！唔止唔值仲要唔好食呢間嘢要挫一挫佢銳氣講完！

📍西環港式粉麵 — 波記燒臘粉麵店🍜𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🔸燒鴨全脾瀨 $55🔸叉燒瀨粉 $39✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽喺西環有四十幾年歷史嘅老字號燒臘粉麵店🥢叉燒係半肥瘦嗰種，好好味！燒鴨皮好脆，充滿住鴨油😍鴨脾亦都係鮮嫩多汁～個人認為燒鴨脾瀨粉係必點！！🤤🍜不過如果舖頭可以唔用即棄餐具會好啲～🥹另外分量唔算好大碗～而且餐廳環境有待改善🥹賣相：🌟🌟🌟💫味道：🌟🌟🌟🌟性價比：🌟🌟🌟💫推薦度：🌟🌟🌟💫📍 波記燒臘粉麵店🔖地址：西環石塘咀皇后大道西425號P舖地舖

燒極硬咬唔到，同個呀姐講之後聽到佢叫人俾兩嚿淋叉燒補返俾我，所以師傅擺明識睇肉嘅質素啦，即係明知部分叉燒唔掂都照俾客食。我都費事叫佢成碗換俾我，諗住食完冇下次，呀姐喺我臨走前叫我下次唔好叫叉燒，我充滿黑人問號心諗你賣嗰三四樣燒味，我淨係食油雞同叉燒仲要睇你水準做人，咁點解我唔去第二度？唔通要每次估你今日得唔得？本來我係街坊一直幫襯都覺得幾好食，有時油雞就會甜咗啲。經過呢次之後覺得衛生麻麻，唔係坐得舒服，好多時仲要排隊咁就算啦，西環大把嘢食。

每次放lunch時間都會排晒長龍可以話係每個Hku學生都一定食過嘅餐廳！每次食燒味飯我都一定係嗌雙拼叉雞飯呢度嘅燒鵝表皮少少脆口窿邊食落好香口叉燒食過幾次都係偏肥但自己本身都好鍾意食肥叉再加埋呢度嘅蜜汁偏甜仲有燒味飯本身嘅豉油底脂肪嘅油香仲有甜味真係好夾超級邪惡真係食到停唔到口油雞都係同樣出色真係次次嚟食都咁滑！一啖肉一啖飯就咁食晒每次都停唔到口又好想食慢啲好好享受同埋最鍾意嘅喺呢度薑蓉比好多薑蓉簡直就係燒味飯嘅靈魂絕對係Hku附近最好食的餐廳之一會話咁多人排隊係有原因的自己次次嚟都係食叉雞因為食燒味就係對叉雞飯情有獨鍾但都會想試埋呢度嘅燒鵝

好出名既一間燒味舖 特登嚟試佢既燒鵝髀一到門口 係勁老誌號既感覺 ☺️ 正呀最鐘意試呢啲餐廳入到門口大家既態度都好好 有客即serve 即刻安排左座位比我地 👍🏻 我二話不說嗌左碗「燒鵝髀瀨粉」 $108 朋友就嗌左碗普通「燒鵝瀨粉」 $68 諗住大家一齊試下個分別 😋一上枱已經好吸引 食落就正正常常 咬落去算厚肉 鵝皮都燒得算好食 唯一缺點係真係好肥🤣 不過都正常吧 唔肥點會咁厚肉！！ 幫大家試左 如果怕肥 可以試佢地普通燒鵝 無咁多肥膏 😚

作為港大學生真係冇可能冇食過呢間平民飯堂出名食叉燒燒鴨髀嘅波記 就算食幾多次都仲係咁好食😍ꕀ ꕀ 𖠳 ᐝ ꕀ ꕀ ꕀ ꕀ 𖠳 ᐝ ꕀ ꕀ今次嗌咗叉燒燒鴨瀨粉 叉燒依然係超多肉汁 鹹甜適中 食落去啖啖肉超級滿足😋肥瘦大概一半半 如果想要瘦叉可以同老闆講燒鴨髀都醃得好好食 鴨肉味好香 咬落唔會好韌 份量亦都俾得好足 女仔可能食唔晒一碗添😆如果嚟到西環唔使諗一定要試呢間✨ꕀ ꕀ 𖠳 ᐝ ꕀ ꕀ ꕀ ꕀ 𖠳 ᐝ ꕀ ꕀ抵食：🌟🌟🌟🌟🌟回頭率：🌟🌟🌟🌟🌟環境: 🌟🌟🌟

波記米芝連平民推介依度日日都大排長龍，如果去到lunch hour 外賣堂食都一定要排隊，而且營業時間係上午11點開始，賣晒就收鋪，每日大約六點收，要食就早啲去食，咁就唔駛排隊啦。波記環境就一般，而且坐位亦唔多，人多時亦坐得比較密。不過係值得嘅，我次次都叫叉燒飯，都係四十幾蚊。重點黎啦，啲叉燒肉質軟腍又唔肥，略帶玫瑰露香氣加上香甜蜜汁，鹹甜適中，真係流晒口水。🤤雖然依度最出色係鵝髀，但係價錢比較貴，所以我就冇試過。係度食最緊要快靚正，冇得慢慢坐。

開關去完兩次旅行後返到香港，搵咗一日去行港島西區，幫襯一間好出名嘅燒味店 🤗 依日去到店舖外下晝一點幾，喺狹窄嘅行人路打緊小蛇餅，小編排咗廿分鐘左右～ 🍜 叉燒燒鴨瀨粉 😋😋😋😋😋雙拼粉麵要加$8，一場嚟到梗係試多款啦 😉 揀咗幾出名嘅燒鴨，加拼叉燒，再配買少見少嘅瀨粉～ 燒鴨皮薄肉厚，鴨味好出；叉燒多瘦少肥，有厚度，蜜汁香甜 👍🏻 瀨粉爽滑，面頭嘅燒味慢慢滲入啲湯度，好正！🤤午餐 💵 約港幣$50/人💁🏻‍♀️ 觀察所見，大部分都係區內熟客，亦都有唔少後生仔女同大學生嚟幫襯 😲 有啲亦同店舖老闆他哋幾熟，見面會傾幾句～ 老店自有佢哋自己嘅規矩同態度，由於食客多，仲有外國遊客，安排入座後要順佢哋嘅次序落單，最好入去之前諗定食咩啦 😌🙆🏻‍♀️ 最後，喜歡嘅話，歡迎follow @foodirectory.hk！

和女朋友週末專突去試下這店的燒鴨脾。今天大約1300 左右到達， 去到餐廳女待應話無晒燒鴨/鵝脾（我們一共問了三次；長髮女待應二次，短髮女待應一次）。既然大局已定當然很失望，只好點了燒鵝飯和燒鴨瀨。但轉頭我地見到隔離枱剛坐下來的客人竟然有鴨脾？！！我地當然心有不甘，埋單時我地好有禮貌問長頭髮女待應多一次點解我地點單時明明講：「燒鵝鴨脾無晒」但轉頭其他人又有呢？ 該應待的回答十分精采：「脾要斬到有先有！」我諗了半天都搞不懂，如果點菜都要睇時辰，點解餐牌上又有燒脾呢個假選項給客人？ 係香港食飯真係俾錢買難受，怪不得越來越多人不願意留香港消費，香港飲食業走下坡全賴這類鋪頭食物一般，味道雖然未至於差但也不是雜誌/社交媒體網站 所講咁好，但今天所遇經歷令我絕不會再去。

聽聞波記，過來一試。呢間波記真係好好笑，餐牌明明有全脾(接受價錢貴一倍)，但嗌個時聲稱無全脾，然後好奇點解下一枱有全脾，離開時就問問店員啦，「係呀，斬到有咪有，無就答你無」！咁理直氣壯講d呢。餐廳個餐牌要黎有乜用？一係你就個客講斬到有就有，無就要等，而吾係答無？淨係講嘢食啦，味道又唔好，燒鵝上到來個皮又吾脆，又凍。加上餐牌只供參考，不知所謂，不會再有下次。食過n間餐廳，幾好食and 幾難食都好，我都未試過在openrice留評價。就知呢間野有幾騎呢。