波記燒臘粉麵店

營業中

休息中

喺西環石塘咀嘅波記燒臘粉麵店係米芝連🏅餐廳之一，本來專登嚟到係想試佢最出名，個個食完都讚嘅燒鵝脾嘅🍗，晏晝大約1點鐘就到咗，門口有好多人等緊外賣🥡，反而堂食唔洗排隊🤔 一心嚟到緊係要坐低堂食先試到即燒出嚟燒臘有幾正😋 點知雖然堂食冇位坐，但落單時，姐姐話最後一份燒鵝脾啱啱賣咗，真係哭出嚟🥲 話真係想食要等到三點🕒先再出爐😵‍💫 好可惜，唯有聽姐姐話，轉食燒鴨脾啦，姐姐話好多人叫一樣好食架喎🫣🦆燒鴨叉燒雙拼瀨粉燒鴨脾個皮🍗唔知係咪因為浸咗落個湯到，所以食唔到佢燒到脆皮嘅口感😞 不過個鴨皮油脂係幾係幾香😌 肉質幾軟淋唔會有陣鴨酥味👍🏻，但係可能自己抱住想食燒鵝脾嘅心態🫣，覺得隻鴨脾有啲細隻同再啲瘦😣叉燒都只屬正常發揮，可能個位唔夠靚，偏瘦，但其實我已叫左要肥叉🫢 啲肉有啲韌嘅😮‍💨 反而個瀨粉幾好食，有咬口唔會碎濕濕，個湯底亦唔會太咸不過下次嚟我都一定要叫外賣🥡，寧願拎上車🚙食，因為波記個環境實在太唔舒服🙈，個地下係油到扇，張台都係油到笠痴痴😓

Po Kee is a noodle shop with long history. $37 for one topping, +$8 for each topping on noodles. Very cheap in the Kennedy Town area. Generous amount of toppings. Clear broth, not too salty. The goose breast was a bit tough. I should've requested any parts but breast😅Clean and simple environment, no decorations. Efficient service. Perfect for a quick lunch.

聽聞哩間嘅燒鵝好出名，假日LUNCH黎試下運氣。黎到舖頭門口已經有好多人，但佢地似係等娶緊外賣，然後發現竟然唔洗等位就即刻入座。嗌左個燒鵝脾瀨粉 $100 同叉燒油雞飯 $45燒鵝脾瀨好好好好好好食，一拎上黎已經見到面頭有一層鵝油，鵝脾個皮好香，肉又嫩，果然係脾位，100蚊都抵，食食下聽到鵝脾賣哂，當時只係十二點零，想試就要早少少去，如果唔係就會白行。瀨粉係我鐘意食啲質感，偏硬又有少少彈牙，個湯睇落好清但都好夠味，好鮮甜，唔係味精味。叉油雞都有驚喜，以為佢淨係鵝好食，估唔到雞同叉燒都好食，叉燒肥瘦適中，唔會太油，平時好驚叉燒個汁太甜但佢又唔會，個味調得啱啱好。豉油雞係因為冇白切雞所以轉，俾左雞胸位我，肉質一啲都唔鞋，唔錯，連埋蔥油一齊食真係人間美食，唯一唔好係個飯，加得太多水睇落好似OK但食落痴埋哂一舊咁有啲失望，燒味咁好食竟然敗喺個飯上面有啲可惜。但總括黎講哩間可以再ENCORE！

波記我耐唔鐘都會去食下😋燒味水準好穩定 最出名當然係燒鵝脾瀨不過唔會成日叫因為都唔係平我好多時係叫燒鵝雞脾飯 ($85)貴唔貴就見人見志啦 我就覺得值回票價😆燒味方面都冇嘢好彈,係高水準爆多蔥,正!!如果要雞蛋裡挑骨頭,我會希望D飯再大盛少少同埋再熱多少少,餓底的話D飯未必夠囉。未去過嘅朋友就可能預返D時間排隊 一邊排堂食一邊就排外賣都幾crazy😆仲有就係D位係好Q逼, 想坐得好舒服或要傾計果D就建議唔好去或者叫外賣😂

一個人放下午，準備去中山紀念公園泳池游水，之前梗係要搵嘢食，但唔可以食太飽，當然波記同泳池都唔係話近，行一個地鐵站，食完可以先行下當熱身，順便落下格其實我係第一次食，只係上 OpenRice 睇下搵下搵到呢間，因為我好鐘意食燒味飯，舊式店舖我更加like, 但另一半就麻麻，所以一個人有時間就最啱周圍試下燒鵝出名梗係要試吓，食鵝就一定貴d, 但應該已比出面抵食，但唔想食飯，就叫咗個燒鵝瀨粉，湯夠味但唔會話好咸，瀨粉有咬口，唔會淋 pat pat, 重點就梗係鵝啦，張相都見到有好多肉，好入味嘅，但比起啱啱熱辣辣出爐嘅就當然有啲唔同啦，但性價比高嘅燒鵝髀飯$100/碟，我都好想試架，但真係有啲唔捨得 有機會先！不過只係咁啱黎呢邊，希望有機會試下斬料回家試吓其他款先

星期六午飯時間慕名而來，聽聞要排長龍，去到見到有一條四個人嘅人龍，心諗好彩都唔係好長，點知佢哋原來係等緊外賣，堂食反而唔駛排！老公叫左义燒飯，$37！平到唔敢想像！义燒好淋又唔會太肥，蜜味十足又有一大pat蔥油，送飯一流我就叫左义鵝瀨。專登想試吓比較貴嘅燒鵝。味道唔錯，但無驚喜，建議唔需要俾多三十蚊試。但义燒浸湯後仍然好好味，下次淨叫义瀨就得了。

新界牛每次過開海都會心思思想食碗波記 不過成日驚要排好耐 今次好彩排兩張枱姐 一坐低照舊叫左碗燒鴨瀨 同 叉燒瀨 水準keep到 叉燒瀨粉 （$37） 先講叉燒瀨粉～ 睇相都見個叉燒肥美 唔會係話好似乾哂柴哂皮咁 又唔會話整得太膿 簡單係岩岩好 非常入味燒鴨瀨粉 （$37) 再黎燒鴨瀨粉～ 岩岩食到靚位 簡直無得輸 無叫到髀位都咁橋食到 幸運兒😍 肉味濃 又超多舊 食到好飽兩碗瀨粉又係唔會太淋 湯底岩岩好 正 🤩🤩咁既價錢食到咁既質素 無野可以彈 大滿足！

有網友介紹我去食波記，去了幾次，門口有很多人排隊，終於有一天，只有3個人排隊，決定一試。排了5分鐘，被安排了門口自閉位，我鍾意。小店只有大概20個位，店員服務好。原來是米芝蓮餐廳，失敬。我叫了叉鵝飯，叉燒，高水準，少少肥，肉軟硬適中。燒鵝，高水平，皮脆，肉幾香，可以加錢叫燒鵝脾。白飯，看上圖，肉多過飯，白飯份量不會多，反而正合我意。小吃多滋味，食好西，重質，減少份量，可以控制體重。有網民竟然看到圖片，見到蔥就知道是波記，其實初時我都覺得奇怪，蔥油不是配雞嗎？故此，這裡的蔥油，加燒鵝，就是波記的標記。叉燒飯價錢相宜，燒鵝飯價錢跳級，不過我覺得物有所值。總評味道：好好味的燒味；環境：小店；服務：店員有禮貌；衛生：可以。

今日去左呢度食晏，叫左一碗鴨脾瀨粉同叉燒燒鵝飯，點知黎左鵝脾瀨粉同叉燒燒鴨飯，問個姐姐係咪黎錯左？佢話「你頭先叫鵝脾瀨嘛，你係咪唔要丫，換番比你囉！」佢d態度咁，所以就話唔洗換啦⋯佢隻鵝其實真係唔好食，食過咁多間嘅鵝佢都算差，又唔香又乾，瀨粉個湯底又冇味嘅⋯本身瀨粉已經冇味又唔掛湯，佢個湯底又咁淡，佢地d野食好冇誠意，我唔明點解仲有咁多人去食，可能因為附近冇其他燒味店啦，但食物又差態度又差，以後唔會再去，都奉勸大家唔好去！

-{中環叉燒燒味店🍗}之前想過幾年嘅米芝連推介🥳終於有機會黎試下😙🤤燒鵝瀨粉🤤 ($55)份量好多😋試左兩嚿個皮好香油脂味😍多肉汁😋肉都幾嫩🥳瀨粉份量正常 但有幾條好碎🥺👖褲評: 8/10🤤燒鴨叉燒瀨粉🤤 ($45)叉燒唔係有啲肥膏吊住嗰種 有少少肥得黎咬落幾爽口嗰種😍燒鴨就乾啲 都係燒鵝好☺️👖褲評: 7.6/10燒味燒鵝最出色！之後係叉燒之後係燒鴨 都覺得唔洗特登黎食 不過係好食嘅😋性價比: 9/10服務: 8/10環境: 7.5/10🚩 波記燒臘粉麵店 🚩地址: 西環石塘咀皇后大道西425號P舖地舖#fuudjai #fuudjai港式 #fuudjai西環

雖然一張圓枱只可以坐2個人 好彩午市時段都咁啱有位🤣發現好多西裝佬都好識食咁外賣 傻傻的我就望住menu心思思揀好奈 最後都係食最經典嘅燒鴨燒鵝瀨粉。。。🦔👉燒鴨瀨粉 $35咁嘅價錢一碗燒味粉麵仲要係咁嘅地區邊度搵🤯完全係價廉物美嘅代表！其實我就咁睇真係同燒鵝無分別🤣但食落燒鴨都唔差🤩成隻脾好吸引呀 色澤極靚好有食欲！每嚿嘅肉都唔少唔梅 仲要脆皮 真係好新鮮👍燒味配瀨粉食真係好match 幾解膩xd。。。🦔👉燒鵝瀨粉 $53以為睇落去同燒鴨無分別 其實咬開去就知真假😆真係隻味唔同啲 feel到鵝嘅矜貴🤣

📍 香港大學/石塘咀 💛 波記燒臘粉麵店 💛［西環石塘咀皇后大道西425號P舖］讀HKU嘅同學仔應該點都聽過下呢間🫰🏻 之前睇某KOL評測燒鵝，先發現原來呢間咁出名，之前lunch time太多人所以冇食，今次終於唔洗等位可以trytry佢🤤🤤menu同一般燒臘舖差唔多，但係都有牛筋/雲吞麵之類嘅選擇，今次叫咗燒鵝瀨粉（$55）+叉燒瀨粉（$37）👍🏻：叉燒非常鬆軟入味，就算浸係湯入面都唔會變到淡而無味，而且少少燶邊有脆口感🤤🤤我會為咗舊叉燒而encore🤤🤤 坊間好似越嚟越少瀨粉，難得呢間有得食🍜🍜👎🏻：呢間聽聞出名食燒鵝，可能係期待太高所以覺得燒鵝不過不失，冇話特別好食，而且今次運氣一般，唔係髀位，所以冇特別驚艷嘅感覺價錢係燒臘界可能係有d貴，但係勝在食物品質唔錯，所以都唔少街坊、上班族、學生去食，大家基本上都係叫叉燒/燒鵝/雞，燒臘良心店本來就唔多，當然要多多支持😉😉 但係呢個價錢就唔好期望有咩服務或者環境啦，都係追求快快手食完/外賣，飯嘅份量都ok大，但係粉嘅份量偏少，大家可以按需要叫飯/粉MVP：叉燒味道：6.8環境：4服務：5cp值：7.5overall：6.5

太太在社交網看見波記燒鵝很吸引，於是我們決定當天早上11點半餐廳開門前就去排隊。我們準時到達但前面已有一對大學情侶等着。我們各坐一台，對方點了2個燒鵝卑瀨和飯，我點了鴨卑牛腩飯，太太叫了鵝卑瀨。寫單的那位女侍應，說沒有鵝卑了，我們大嚇一跳，怎麼一開門就沒有鵝卑。女侍應解析說一隻鵝只有兩條腿，賣了后她們店要把剩餘的鵝賣掉才會再賣另一隻鵝的腿。我想為何點鵝卑都要看運氣？於是我說我要外賣半隻鵝，你把鵝腿拿來給我太太。這樣就解決了吃鵝卑要看運氣的問題了。外賣的半隻鵝我就拿回公司請同事吃了。雖然此店賣鵝規矩奇怪，但燒鵝和燒鴨真心很好吃！可能我額外多叫了半隻鵝，女侍應突然態度變得很好，令我們有賓至如歸的感受。

呢間燒臘舖真係多左好多人介紹，一於去試下係咪真係咁好食先！🔸燒鵝瀨燒鵝髀太貴啦，所以揀咗普通燒鵝肉😂 燒鵝皮嘅油香真係非常出色，鵝胸多汁又唔鞋，油香逗留喺口中揮之不去🤤 湯底甘香清甜，有香葱同韭黃味，瀨粉連埋湯食好出色🤤🔸燒鴨髀瀨鴨髀大大份，足料多肉又嫩滑🥰 比起燒鵝，燒鴨皮就無咁香啦，但燒鴨肉嘅肉香味就好食好多🤤 鴨肉鵝皮係最正🤤💯📍#波記燒臘粉麵店 (#西環美食)西環石塘咀皇后大道西425號P舖地舖

波記屹立西環近五十年，由街邊檔起家到入舖，曾獲米芝蓮加持，今次黎試試佢既馳名燒鵝同燒鴨，店舖坐位不多，所以經常大排人龍，現在疫情去都仍然係坐無虛席。燒鵝鴨脾瀨鴨脾肉質鬆軟，食落啖啖肉，油脂甘香，瀨粉夠曬Q彈，湯頭混和燒鴨既蜜汁，味道也大大提升。叉燒燒鵝飯叉燒質感軟腍可口，肥瘦適中，燒鵝咁好彩有脾肉，比燒鴨肉更鬆軟，脂香豐腴。