泉章居 (已結業)

今晚同丫婆食飯 佢中意去酒樓叫送食飯個d 於是就去左呢間叫左沙薑雞 咕嚕肉 同埋冬瓜盅隻雞好嫩好滑 但個沙薑汁就有D少色 好硬好難點咕嚕肉好好食 酸酸甜甜幾開胃 好啱送飯食搞到我叫左兩碗飯黎食個冬瓜盅就好足料 D湯水好有味道

客家菜~冬瓜蓉不少，清清地也不錯。 最愛霸王雞！大量薑葱夾住香滑的雞，huh~~是，薑葱油了少少也鹹少少。但都是客家菜特色。去到，預佐。 炒菜不會老。菜本身也甜。至於這條紅曹，一般。有點點過熟。

泉章居 @銅鑼灣因為我自細就住係銅鑼灣，細細個就成日上去食飯，由佢開起波斯富街利舞台附近既時候已經成日好鐘意食，我細細個已經好鐘意食乜乜乜。到佢高價賣舖結業之後，再搬左去銅鑼灣廣場，到2012被列入米芝蓮精選食肆，一直都係我地一家人最愛既客家菜。農曆新年就係應該同親人食餐飯團團聚。泉章居係一個唔錯既選擇，價廉物美，份量又多。當日係年初四，人真係好多，好彩一早book定位,同親人一齊食餐飯。我地係叫B set，其實我地七個人，最後都係食唔曬。鮑参燴魚翅肚羹(5.5/10)係第一樣食既野，鮮甜，好開胃，魚翅都有幾條既，為泉章居平靚正打牌序幕。黃金脆釀百花球(6.5/10)即係蝦肉球，蝦肉好好食，有香既蝦味。外表炸得金黃香脆，但略嫌有d油，因為要索一索油先上碟，可能人太多，廚房應付唔黎。翡翠黑豚肉花姿(6/10)發財蒜子瑤柱莆(6/10)黑豚肉炒得好香,花姿片亦炒得非常唔錯，好有鑊氣，加上西蘭花，中和下令佢唔會太咸，口感更多層次，唔錯！瑤柱好大粒加上髮菜亦好好食，其實都係拎個意頭發財，不過真係好油下。原隻鮑魚件花菇(5.5/10)以呢個價錢有呢隻size既鮑魚，都算係唔錯，當然味道亦唔錯幾好

我一早覺得呢間野5好食架喇,但奈何佢地点方便,啱晒住5同區嘅人聚餐,今次又係焗住食但今次比上次更差~~~点咗4人套餐:例湯:西洋菜陳腎湯鹽焗雞---咪即係冰鮮雞,肥到死,啲肉泡嘅,什麼鹽焗雞吖??要点沙薑醬至有味??R頭😒京蔥牛仔骨---咸到死,牛仔骨都可以韌嘅,死未?蒸魚---呢樣ok,係條魚新鮮啫,應該5關個㕑事紅燒豆腐---未食過咁硬咁鞋嘅豆腐😖最後個糖水先攞命,個侍應擺低又5講係咩嚟,碗野淨係得西米,淺黃色,又聞5到咩味,食一小啖試吓,嘩!!!!得個甜字!!!恐怖!!!食物難食不特止,啲侍應服務都非常麻麻,都無乜幾枱客都落漏單!!!遊魂咁又無禮貌。下次打死我都5會再去!!我自己煮仲好食過佢😡仲5洗受氣tim吖!!!

間唔中先會去呢度食下野前日同朋友下午茶就去食, 見到個餐牌每人都叫咗出名鹽焗雞飯鹽焗雞不太鹹, 但都冇乜特別. 雞肉都幾滑碗飯都好似唔多咁, 食完都唔夠飽雖然$32連埋飲品，吾係貴亦吾平炸餃子好濃普通野好在$15吾係貴豬扒炒麵，豬扒好乾，麵吾香地方好大，兩人坐大卡位平均每人五十五元，吾平

筆者甚欣賞泉章居，由老舖開始已經成為本小姐的御用飯堂，今日一衆親友又在銅鑼灣再聚。由上月開始，加添了二人套餐，有湯，有小吃，還有兩個小菜，二百多元。其實並不貴。我們四人當然選了兩個二人套餐啦。南乳齊煲南乳香濃，有不同的蔬菜，最欣賞是芽菜，甚有咬頭。霸王雞比想像中大碟，雞肉有點鞋，可幸是無雪味，但同時亦欠缺雞味，只能靠蔥蔥味補足了。醋汁雲耳雲耳是香脆的，但欠缺了一份醏香和麻油香，亦沒有蒜香和蔥香，甚是失望，可幸仍算大碟。總結來説，味道比之前舊舖失色，人流亦減少不少，是高價賣舖無心戀戰，還是其他原因？

晏左食lunch ,黎個下午茶，招牌雞飯，我眼見台台都叫，雞好滑，唔會好肥咁，梅菜扣肉，好入咁，梅菜甜甜的，扣肉淋，配合好好，仲加左個炸鮮奶，好脆，入面暖暖的，值得推介，如果加錢，可以加大仲好！

一直都好想試泉章居因為好少食客家菜，口痕想試下XD而呢間又出名又話幾好食咁不過有朋友話已經跌左watt，貴但一般質素點都好，吃貨都係不懼中伏勇於嚐菜既XDD今次同呀媽一齊去食晏兩人點左四人午市套餐仲要另外加點心……鹽焗雞（半隻）份量幾多下喎……色水賣相都吸引，唔知味道點呢？雞肉連皮但脂肪帶不算多，全熟未算嫩滑雞肉肉香味重，夠入味，食到有淡淡鹽香又唔會過鹹沾上沙薑，味道香濃，加上雞肉香氣，感覺多層次而不膩滯但注意別過量沾點，因為真心會鹹到味覺遲鈍XDDD菠蘿咕嚕肉一睇個量，真心足料不吝嗇，唔係得細細碟少肉多菠蘿咁菠蘿就唔多提啦，都係罐頭咁，但佢既味道算清甜，唔會乸口咕嚕肉就重頭戲啦，外皮非常香口薄脆，咬落真係有咔嚓聲本身都擔心佢d肉切到咁細塊一口大小，好易過熟就硬到韌到咬唔到但睇黎我只是杞人憂天雖然並非鮮嫩多汁，但佢係易咬易入口又有肉香酸甜汁都係另一佳作，稠度適中，剛好可以掛上食物酸度偏高，未至於嗆，唔會甜到膩口整體感覺好似食小食咁開胃口咁香口，真係話咁快就解決成碟了茄子斑腩煲呢度既茄子感覺爽口，唔會太熟太爛，卻又易入口又富茄子清香斑腩十分香脆，肉質香嫩鮮美，沒有腥味醬汁微稠，鹹得黎可以

食飯諗唔到銅鑼灣有乜好食，之後大家就提議去泉章居套餐好似有啲唔同而且叫你先拿出來咁係快趣叫左出名隻雞啦好多䓤都好有雞味，最驚好多嘅血的，都算好熟以下安排左幾個小菜最好都係二個火腩煲唔算喊，火腩似用新鮮的，所以夠淋又入味平平地的又坐得好，在銅鑼灣其實好難找，食左佢十幾年了

依到係開晏就五點嫁，係銅鑼灣行左一個晏就,見時間差唔多同朋友就早少少上去坐坐下,等埋最後一個人,我地就只係叫左一個二人套餐，因為大家唔大食, 而依個二人套餐有咩呢,首先就有兩個湯，仲可以加錢轉做冬瓜盅，不過對佢無咩興趣,今晚既例湯就係依個木瓜煲魚，好少飲木瓜湯,，雖然味道唔算太濃，但幾清甜,都算唔錯喇。之後仲有兩款小菜，我地就叫左清蒸紅鮪,翡翠炒斑球加埋依個脆皮燒腩仔,依個清蒸紅鮪，雖然紅鮪本身唔算滑，佢個魚肉肉質都算實，而且食落都幾新鮮,唔錯蒸既時間都控制得幾好,之後就你翡翠炒斑球，西蘭花走油走到幾好，夠爽口，斑球都唔會呃人,夠哂大塊，食落幾有口感,依個都唔錯,之後就係脆皮燒腩仔，皮做得夠哂脆，不過整體就比賽瘦左少少，所以食落無咁香口, 整體都唔錯。 

星期六的晚上, 外父大人話想食”鹽焗雞”太座隨即想到”泉章居”! 老牌客家飯店, 當晚叫了半隻$138, 雞是黃油雞, 沾雞的醬有:沙薑粉醬 & 另一個是辣醬,唔知點解現在覺得個沙薑粉醬內的味粉很出, 而辣醬可以食但始終自已並不太嗜辣, 二人餐的兩個餐湯的湯料較奇怪, 有豬腳之外重有咸豬肉, 唔通客家人興用咸豬肉煲湯? 另外兩個餸分別是:南乳齋煲, 色好怪味就係南乳味嘅, 但似乎收汁收得唔係咁乾身, 用料顏色配搭不夠美觀, 欠缺一個橙紅色-甘荀! 中式牛柳則是完完全全港式嘅中式牛柳, 牛肉早已面目全非, 不過個汁夠橙紅色同時頗多洋蔥絲, 甜絲絲獻汁嘅味道補番失去嘅牛肉味, 小食方面叫了凍豬耳絲, 豬耳絲可以叫”爽脆”嘅,不知道這裡做的”鹽焗雞”是否最傳統的味道但就感覺個醬嘅味道真的很霸道,而這店的上菜速度以中菜餐廳來說真的很快, 可以直迫”大X樂”

香港貴為美食天堂，集各地美食於一身，不過平時約朋友出街吃飯，大多都會選擇吃日本菜或西餐，再不然來個台灣菜。至於中菜，就是一班親戚家人聚餐才會去，感覺比較麻甩。不過人大了，開始發現原來中菜菜式變化多端，而且一大班人吃中菜好有氣氛呢。說起泉章居，應該都好多年歷史，論數目坊間客家菜館不多，泉章居能屹立不倒，應該有箇中玄機。冬瓜盅，上來一盅都算好足料，重點係完全唔鹹，味道好清甜。乳鴿HKD 30就有一隻，大佬阿，樓下都賣HKD 28，重點係呢道銅鑼灣，沒有不叫的理由吧！三個人一隻不夠喉，所以再多叫一隻。乳鴿上來正常份量，沒有將貨就價，而且外皮燒得金紅，好吸引呢。店方預先把乳鴿一開四，不過吃乳鴿麻，不管是紅燒還是豉油，拿上手吃別有一番食趣。乳鴿外皮燒得香脆，而且肉汁超多，一邊吃一邊流，鴿肉更是味道濃郁，所以索性不沾准鹽。菠蘿咕嚕肉也是吃中餐常點，記得之前公公在生整過，好吃程度稱得上驚艷。泉章居咕嚕肉無論是顏色、賣相都不俗，口感香脆鬆化，醬汁甜中帶酸又不會嗆喉，算有水準。通菜炒牛肉就失左手，調味略為重手，味覺比較鹹，而且牛肉軟腍得好不自然。埋單三個人三百幾，除番每人都係一百，可謂平有平食，貴有貴食

已經有好幾年沒有光顧了，印象最深刻是冬瓜盅。人太少，不敢到來，因為碟頭大，不想浪費食物。今次三人行，平常食得太多上海菜，日本菜，又不想食辣和西餐。突然，想起了它。晚市五時開始營業，行了一個下午已很累，早點上去坐坐。三人行點一個二人套餐，原本想加一個煲仔飯，可惜沒有供應已有一段時間；最後加了一客小食﹕燻蹄，皮夠爽口，肉夠軟身，醋味適中，非常好食。 二人套餐包二客湯，可加HKD48轉冬瓜盅，是晚例湯是木瓜煲魚，聽落也不錯，而且好耐無飲過了，雖然味道不比媽咪靚湯濃，但也算不錯。另可選二款小菜，一客炒菜或小食；共三餸。我們點了﹕清蒸紅鮪，雖然紅鮪不算滑，但魚肉也實，應該也幾新鮮。翡翠炒斑球，西蘭花走油功夫不錯，夠爽口，斑球也夠大塊，幾有口感。脆皮燒腩仔，皮夠脆，雖然腩仔比較瘦了點，但反之又健康一點。是晚，聽到附近有食客討論，叫兩客二人套餐比四人套餐食得更開心；下次如果有四至五人行也決定一試。二人套餐為HKD 208, 四人套餐為HKD 418，在價格上二人套餐比四人套餐平二蚊。但種類就相差很遠，四人套餐同樣是包三餸一湯；兩客二人套餐包六餸兩湯，雖然有兩餸是菜或小食，但可食多款餸，樣樣試下，何

 朕認為霸王雞真係好好味,又滑又夠味呀，不過咸左啲!朕仲叫o左梅菜扣肉, 梅菜充滿了肉香及醬油香，撈飯一流，完全將「濃油赤醬」的神粹發揮得淋漓盡致！ 係肥就肥D,但超正!!唔送飯食真係對佢唔住！ 花膠海參煲花膠、海參非常彈牙及軟身，同埋夠大塊！冬菇非常入味, 一口咬進去, 會感到內裡的蠔油鮮汁滲出來！最後出場嘅係菠蘿咕嚕肉，雖不是客家名菜，但泉章居依然做得十分之出色，酸甜度適中，粒粒脆口，肉腍，甜味豐富，酸味一流！ 

今年家人團年在泉章居，食物質素差了很多，叫了8位套餐，例湯加五小菜，另再自加小菜。這裡鹽焗雞的質素還可以保持，雖是冰鮮、雞肉依舊嫩滑。菠蘿咕嚕肉太甜和酸，肉太細且太乾，一點也不嫩！炸鮮奶就是咸了些。炸大腸太乾很難食，應該是番炸之後果。火腩豆腐煲和蟹肉扒豆苗就正常一點。白灼虾肉質也不新鮮，失望！