泉章居 (已結業)

難得約了舊同學與老師食飯，大家又鍾意呢度於是就約左呢度作為一年一度聚會場地。 訂台時獲通知直上8/F，不用等就入座，被安排一角的卡位，座位既舒適又方便傾計。4人叫了4人餐 選了粟米魚蓉羹，椒鹽鮮魷，沙薑雞，火腿娃娃菜等...因為怕份量不夠所以再加了西檸斑塊。 怎料上台後開始後悔-..- 因為每碟份量也不少，不過份量大的同時味道也不錯。先講雞滑而本身已夠味，沙薑醬因人而異而點，但個人來說可有可無，鮮魷香脆但沒有腰果配襯很遺憾，斑塊炸得香脆同時汁澶甜度適中，火腿娃娃菜其實不錯，打了茨賣相好但個人不太喜歡咬感太爽的娃娃菜，想煮淋身一些，粟米魚蓉羹本人其實都不肯定應有味道是怎樣所以不能落評語。今次失敗竟然沒有叫梅菜扣肉不過是次活動主題係聚舊，吃顯得其次，年多不見沒有生疏反而時間不夠令大家不能盡興，三小時像風一樣過去了，期待下次

久違了泉章居的下午茶時間，這裏下午茶免加一免茶，亦有不同的孖寶套餐，人少少，可以選擇到泉章居吃下午茶，份量剛好。我和友人一行二人，點了：(1) 梅菜扣肉飯：（$2X)下午茶提供迷你的梅菜扣肉飯，但用料一點不輸sit，扣肉很入味，忟得很冧。送飯一流。(2) 下午茶時段吃海蝦（$2X)，聽落有點奢侈，不過看真一下，是迷你的海蝦...百物騰貴，以往這裏的豉油海蝦一來多蝦又大隻啲，二來會有豉油王炒香，很香口。當然在物價上漲下，蝦是變少了，豉油也用少了，但惟一是海蝦不變，貨真價實，不會用普通貨取代。 雖然份量很少，仍很推薦！(3) 叉燒撈粗（$28)相對而言，在這一餐有點遜色。一是很油；二是油；三是非常之油。吃了半碗，和友人都放棄....(4) 壓軸的炸鮮奶沒有令大家失望，鮮奶外層炸得香脆且實，不會一咬就鬆開！雖然內裏的鮮奶奶香不足，但是吃起來絕不油膩，反而令你再一吃再吃！這裏服務員的水平一般，但也算勤快斟水。最後埋單八十多元， 能吃四碟餸，在銅鑼灣這一地帶來講，夫復何求？

訂枱8時30分, 最後9時40分先有位, 老人家辛苦, 小孩餓不得! 一肚氣因為等太久的關係, 食物上桌未知其味已下胃了......雖說新年期間如此, 不過最近2月去泉將居, 此情況並沒改善, 令人失望!霸王雞, 八珍扒大鴨....後會無期了....不值得一等再等哦

如果唔係有朋友指點 , 冇諗過 [ 泉章居 ] 竟然做下午茶 , 仲要係價錢幾抵 , 好似去左茶餐廳場咁亦因為附近商舖林立 , 好多 sales girls 或美容院 d 女仔就會去來下午茶 , 其實可能係佢地既午餐或晚餐下午茶好簡單 , 冇蝦餃燒賣之類既點心 , 但有幾抵食廿零蚊既炒粉麵飯 , 或一碗碗既招牌飯 , 例如 : 鹽焗雞飯 , 都係成隻上好食 d , 梅菜扣肉飯 , 呢個正 雖然我唔食肥肉 , 但梅菜夠甜香 , d 汁送飯一碗都唔夠呀 ~ 臘味糯米飯 , 好軟綿綿 , 又香 , 唔油膩 , 忌唔住食左好多 鴨腿湯飯 , 之前試過有特價 , 飯唔多 , 但隻鴨腿都大過隻碗 , 啖啖肉架 , 令到從來唔喜歡食鴨既我都覺得回味呀 ~另外好多人都會叫灼菜 , $ 9 碟 , 可選菜心 , 芥蘭 , 油麥菜 , 西洋菜等 , 灼得剛剛好 , 菜夠鮮甜你可叫炒粉麵加杯野飲 , 就俾套餐價錢 , 同茶餐廳一樣 , 此外餐牌上仲有些小食 , 上次叫過椒鹽豆腐 , 完全唔掂 , 細粒又乾 今次叫左兩樣 : 炸香芋絲 , 蜆介鯪魚球 , ok 都幾好味 , 不過蜆介少左 d , 點左三

這個星期日的家庭活動是逛維園，因為小童群益會在那搞了個嘉年華。設有不少攤位遊戲，大多蠻有趣的，奈何太陽先生這天過於猛烈，又曬又熱，玩了一小時左右，我們就匆匆撤離了。銅鑼灣食肆多到幾步就有一間，見到附近有家泉章居，他們的客家菜（曾經）頗為出名，旺角的分店經巳關了門，難得來港島這邊，一定得嘗嘗。泉章居占了七至八層，出了七樓電梯，職員叫我們上八樓用餐（不知什麼原因，當時七樓並沒客滿）。傳統的中餐廳裝潢，面積不小。午市只設淨吃小菜套餐，有二人二道菜、四人三道菜、八位五道菜。可從八十多款菜式中選擇，其中包括不少招牌菜。我們一家四口毫無疑義的吃三道菜，因為不包任何飯麵，便加了個炒河粉。選的三道菜幾乎都是此店的招牌：鹽焗雞、梅菜扣肉、紅燒釀豆腐。侍應問是否即上，我們說好，沒想到隔了五分鐘左右，三道菜齊上場！這速度夠快的嗎（可想而知，全是一早煮好了，叫到就翻熱一下）！鹽焗雞：半隻雞裝了滿滿一碟，塊頭頗大，我估計整隻雞起碼重三斤以上，雖然雞大肉也多些，但脂肪相應比例更多，雞皮下的肥膏差不多跟雞肉一樣厚，非常非常肥！我（向來雞皮、豬皮、肥肉都照單全收）實在提不起勇氣吃一口！去除連著肥脂的雞皮後，剩下沒多少

看了评分去的，实在不理解在铜锣湾这个美食云集的地方，如此普通的餐厅何以得分这么高呢？金牌盐炬鸡太普通，用料一般，不是走地鸡，很肥。味道过得去，实在没什么值得称道的。煎焖酿豆腐，味道还不错，但是豆腐缺乏豆香味。椒丝腐乳通菜，完全没有腐乳味道，通菜好像是水里煮熟再拌味道，很烂，完全是爽口脆嫩的反面。完全不值得去。

上星期食過1次, d野幾好食所以今日老豆生日又去食. 7大1細叫左個8人餐, 叫左霸王雞, 龍躉2味, 冬瓜盅, 魚湯浸蕃薯苗, 乳豬, 乳鴒, 豆腐, 炸蝦球. 霸王雞夠瘦不過唔夠味, 龍躉2味好好食, 冬瓜盅d湯好清, 幾好, 魚湯浸蕃薯苗-唔係連湯上既?!, d苗都唔好食, 乳豬夠鬆趣, 乳鴒好滑, 豆腐好滑, 炸蝦球都唔錯. 整體黎講d野食係幾好既.不過主要唔係想講呢樣, 而係d侍應服務態度真係好差 每個侍應都要叫幾次先會攞野黎, 加水/收碟等, 真係火都黎埋. 最衰就係帶左支白酒去, 問佢地有無冰桶, 話無都算啦(因上次啤酒唔夠凍都問過話無) 咁叫佢地攞入裡面雪(連蛋糕), 竟然答無雪櫃lor 當場O晒....ok! fine! 算啦, 食飯. 好衰唔衰我地走既時候, 一起身望到斜對角張枱, 幾個鬼佬坐果張枱面放左個冰桶係度lor 咁而家即係大鈿超呀? 鬼佬就有? 出到搭(車立)位有個經理係度, 問佢點解, 佢個面口擺明就係: 你唔鍾意咪唔好黎lor! 咁既態度真係唔會再去呀!!!!!唔好唸住賣左舖賺左錢就唔使理d客先得架. 不知所謂!!!

一向喜愛「泉章居」的感覺親民不造作，小菜水準高之餘，價值亦合理，尤如女神湯唯個素顏 SK II 廣告般實而不華。是日一行三人來到，依然爆場，人龍絕對可以說是冠絕同區。有吃過「泉章居」鹽焗雞及梅菜扣肉的朋友也應感受過它們的威力啦！是日點的是二人套餐再加一餸。「西湖牛肉羹」份量多得驚人，很難想像這是二人份量！總共有六碗多一點，味道清甜，質感柔潤軟滑，是一個滋潤咀部的好前戲。「梅菜扣肉」不可不吃的招牌菜，簡直是白飯殺手 !!! 肥瘦參半的五花腩先炸後炆，除了可減少肥膏的油膩感外，亦可令豬皮更煙韌有嚼頭。配上濃味醬油來炆，肥的部分煮至入口即溶，瘦的部份則香軟肉腍；梅菜充滿了肉香及醬油香，撈飯一流，完全將「濃油赤醬」的神粹發揮得淋漓盡致！「葱油霸王雞」全晚的另一高潮！雞肉雖只是冰鮮雞及欠缺少許彈性，卻煮得有非常嫩滑的效果，水準非常高；點上香濃沙薑汁，就這樣又一堆白飯吞進肚子裡。。。「蟹肉西蘭花」來個淡口味的來平衡一吓激動的心情。。。這個西蘭花洽的時間剛剛好，不失爽脆之餘亦完全沒有苦澀味，不錯吃。很久也沒有吃白飯吃得如此暢快了。埋單只是人均 $110，在銅鑼灣區簡直是划算到不能。快樂就是如此簡單！

泉章居聽聞已久~又見呢度比左咁多個笑臉, 剛好跟屋企人行過見到就入去試下啦~~點知最後就係如標題~~~點左半隻鹽焗雞, 咕嚕肉, 茄子煲, 重有碟唔記得咩菜...鹽焗雞 我覺得好一般囉, 系深圳D酒家甚至乎一D小餐館都好食過佢~唔明點解會咁出名咕嚕肉 簡直係勁難食~~層面粉超厚又唔脆~肉又細~D汁又唔掂~~無咩味~食左兩三件就無人食, 淨係食晒D菠蘿..茄子煲 太咸又唔香~~一樣係食剩好多重有碟唔記得咩菜~~印象中好老~~都係唔好食的...重有佢地D服務都麻麻地~~講最差又未到, 就中間低少少咁~我諗唔會再黎呢間食

今晚提早中秋做節，選擇了老字號泉章居，可惜很失望。服務差了，不專心，出菜亂，冬瓜盅來了，但侍應竟從我們枱走去了旁邊一枱上菜跟分湯，我們的冬瓜盅就沒有人理。鹽局雞還可以；炸大腸完全似大腸乾，吃不下；古佬煆球，煆太小，不是＂球＂，外皮不脆。

今晚在铜锣湾SHOPPING完，老公话同我食我很喜爱的冬瓜盅，所以决定去泉章居。因为没定抬，所以六点几就去，所以好快就拿到位啦！叫了个二人餐，加$38 将餐汤转冬瓜盅，也点了乳猪同蒸鱼。冬瓜盅最先到。都几大个，真材实料！好开心啊！跟住就上乳猪，皮都几脆，几好食喔！最后是蒸鱼，条鱼好大条喔！令我有点喜出望外。味道好，分量够，价钱也算公道，服务也不错啊！值得再去。

朋友聚會選了泉章居晚餐~訂左位所以唔駛等位。果然滿意，很好吃!點了冬瓜盅、鹽焗雞、梅菜扣肉、京都肉排、海鮮雜菜煲~上菜太吸引了~掛住食所以只拍了幾張照片~冬瓜盅：料足，好喝~冬瓜份量足鹽焗雞：夠入味，好滑，正!!梅菜扣肉：果然極品，入口即溶，必吃!!京都肉排：不過不失，也很不錯!!海鮮雜菜煲：還可以的，較一般~個人覺得很不錯，賣單每人HK$120左右，幾低食!下次會再去

今日又係我地美食團一月一行動既日子了~~今日我地一行五人揀左泉章居, 因為今次同行友人比較喜歡中菜~~訂左位, 所以唔洗等位, 今次係七樓度食, 環境都算大, 枱同枱之間都有些距離, 令外好似重有兩, 三間VIP房, 另外地方都幾整潔~~服務態度方面, 一貫老店的態度, 一定唔會好好, 但又唔差囉~~食物方面, 我地今日叫了冬瓜盅, 霸王雞, 荔芋鴨, 翡翠抄班球, 梅菜扣肉, 京都肉排冬瓜盅 -- 都真係幾大個, 都抵食, 但味道就一般, 最主要是因為本人覺得冬瓜盅是夏天消暑食物之一, 故此一定要有一種俾人"清" "涼"的感覺, 但這一個卻没有, 可能是用了太多肉去煲的關係吧~~令到這個湯的味道變係很有肉味, 但相對也感覺是"濁"了點, 唔夠"清"~~霸王雞 -- 普普通通, 唔太特別, 有雞味但唔濃, 不算太滑但唔係唔滑, 唔算"un"但又好像老了點, ok啦~~荔芋鴨 -- 這個一流, 好好味, 因在每一件荔芋鴨中也有一片鴨肉和芋茸, 鴨肉唔"un", 而且鴨肉的香味和芋茸配合得很好, 除了唔會蓋過對方之外, 還能為雙方提升味道, 芋有鴨香, 鴨有芋香, 兩者相得益彰, 加上表皮

最喜歡泉章居的冬瓜盅，來晚飯都因貪圖它的抵食套餐要了1 湯 3 菜餐，再加多個蜜汁燒雞肝，甜甜的，很香口鹽焗雞，不夠嫩滑，也鹹了點，似乎退步了梅菜扣肉，好 un，較瘦，未夠鬆化以及入口即溶兩道招牌菜都退步了至於花膠冬菇海參煲送飯都唔錯

游完水，一大伙人去這裡吃飯!!侍應不斷建議我地食12人餐，只說免茶芥和送糖水，但從沒有介紹自家的招牌菜。細心睇12人餐的菜單，只有雞和梅菜扣肉比較吸引~~但索價1650 (已包加一)結果我們一眾決定自己吃菜，13人吃了10個菜。比較有印象的是梅菜扣肉，入口即溶!!最後都平過吃個餐!!其實這裡的菜都算大碟，而且上菜速度快( 一吃菜已經問「可以立即上菜嗎?」)。各人都是吃到飽飽而回，但服務真的有點令人不爽。我在吃完桌上的菜就多口問一句:「想問有冇糖水或生果送呀?」侍應答我:「沒，甚麼都無得送!(有一點不耐煩)，都叫你吃12人餐，餐就有糖水送啦。」然後就走開了。如果他是笑笑口講的，我唔會咁大反感囉!我真的懷疑他的動機，我們吃完這裡再自己找地方吃糖水也是差不多價錢，而且可以自己選擇，為什麼要為了你那「紅豆沙」而俾你黑面!!希望該店多加留意，服務的質素也是影響食客回頭與否的重要因素。