影片
更多
2011-08-12
37 瀏覽
今日又係我地美食團一月一行動既日子了~~今日我地一行五人揀左泉章居, 因為今次同行友人比較喜歡中菜~~訂左位, 所以唔洗等位, 今次係七樓度食, 環境都算大, 枱同枱之間都有些距離, 令外好似重有兩, 三間VIP房, 另外地方都幾整潔~~服務態度方面, 一貫老店的態度, 一定唔會好好, 但又唔差囉~~食物方面, 我地今日叫了冬瓜盅, 霸王雞, 荔芋鴨, 翡翠抄班球, 梅菜扣肉, 京都肉排冬瓜盅 -- 都真係幾大個, 都抵食, 但味道就一般, 最主要是因為本人覺得冬瓜盅是夏天消暑食物之一, 故此一定要有一種俾人"清" "涼"的感覺, 但這一個卻没有, 可能是用了太多肉去煲的關係吧~~令到這個湯的味道變係很有肉味, 但相對也感覺是"濁"了點, 唔夠"清"~~霸王雞 -- 普普通通, 唔太特別, 有雞味但唔濃, 不算太滑但唔係唔滑, 唔算"un"但又好像老了點, ok啦~~荔芋鴨 -- 這個一流, 好好味, 因在每一件荔芋鴨中也有一片鴨肉和芋茸, 鴨肉唔"un", 而且鴨肉的香味和芋茸配合得很好, 除了唔會蓋過對方之外, 還能為雙方提升味道, 芋有鴨香, 鴨有芋香, 兩者相得益彰, 加上表皮
今日我地一行五人揀左泉章居, 因為今次同行友人比較喜歡中菜~~
訂左位, 所以唔洗等位, 今次係七樓度食, 環境都算大, 枱同枱之間都有些距離, 令外好似重有兩, 三間VIP房, 另外地方都幾整潔~~
服務態度方面, 一貫老店的態度, 一定唔會好好, 但又唔差囉~~
食物方面, 我地今日叫了冬瓜盅, 霸王雞, 荔芋鴨, 翡翠抄班球, 梅菜扣肉, 京都肉排冬瓜盅 -- 都真係幾大個, 都抵食, 但味道就一般, 最主要是因為本人覺得冬瓜盅是夏天消暑食物之一, 故此一定要有一種俾人"清" "涼"的感覺, 但這一個卻没有, 可能是用了太多肉去煲的關係吧~~令到這個湯的味道變係很有肉味, 但相對也感覺是"濁"了點, 唔夠"清"~~
霸王雞 -- 普普通通, 唔太特別, 有雞味但唔濃, 不算太滑但唔係唔滑, 唔算"un"但又好像老了點, ok啦~~
荔芋鴨 -- 這個一流, 好好味, 因在每一件荔芋鴨中也有一片鴨肉和芋茸, 鴨肉唔"un", 而且鴨肉的香味和芋茸配合得很好, 除了唔會蓋過對方之外, 還能為雙方提升味道, 芋有鴨香, 鴨有芋香, 兩者相得益彰, 加上表皮是炸過的, 加上酥脆的口感, 一流~~
翡翠炒班球 -- 一般的酒樓菜式, 西蘭花冇特別, 班球就幾新鮮, 肉質結實, 但魚味不足~~不過在多味餸也算濃味之下, 有一道菜清一清也叫做蠻不錯啦~~
梅菜扣肉 -- 令外一個一流之作, 好好食, 扣肉整夠淋同入味, 而表層肥的部份當你食左後卻感覺不油膩, 低下的梅菜很咸, 但用來撈飯就一流~~
京都肉排 -- 雖然這個的汁幾好味, 而肉排也夠淋和肉味, 但俾人感覺好像是兩種分開的東西, 汁還汁, 肉排還肉排, 兩者的配合度不足~~
甜品 -- 南瓜西米露, 果然是送的, 因為如果唔係的話相信冇人看飲~~味道好像飲水但有陣陣的南瓜味, 很怪~~
這間鋪會否再來??答案是: 當然會啦~~首先抵食是一個原因, 令外荔芋鴨和梅菜扣肉真的很好味, 最後這店的其他菜式也不算差, 故此還會有再試的道理~~
張貼
