沖繩二段料理 (愉景新城)

營業中

休息中

晚了吃午飯，結果可以點下午茶了可惜這間的下午茶也不便宜，還要收加一服務費點了牛肉壽喜燒湯烏冬，但怎麼顏色跟味道都不似壽喜燒以我所知壽喜燒湯底最簡單的做法是鰹魚粉+日本醬油+糖等…但為何湯底一點甜醬油的味道也沒有呢? 還有薑味…怪怪的烏冬很煙韌，薄牛肉不會太肥可惜湯底不似預期扣很多分飲品很特別，雖然是一杯熱檸水，但不是用一般的白砂糖，而是黑糖耶，味道層次多了，而且更健康不過檸檬帶苦味環境乾淨舒適，日式佈置還不錯

剛剛去到這間食冬甩，佢有好多款，16蚊一隻，60蚊4隻我地食左隻榛子朱古力。味道幾好，口感不錯，本初以為隻公仔唔食得，但原來係朱古力黎，都幾好味。個人認為如果佢熱d應該會仲好食

服務態度差，難食，出餐耐。仲要吹人走，14:00分叫餐，14點48分上餐。15點就人快d 食，夠鐘埋單。🐔雞亦無味，雪糕難食。唔會有下次，去食前考慮一下。難食唔緊要，起碼都有服務。兩樣都無

出荃灣愉景新城唔知食咩好，行行下見到呢間似層相識嘅日本餐廳，之前喺其他地方都有食過幾次，係專門食沖繩野嘅，算係幾有信心保證。咁啱又到下午茶時間有tea set食，一於坐低食個tea補充下體力先~心大心細唔知食乜好，最後揀咗個鐵板燒雞配烏冬餐(計埋加一約70蚊)，夠飽肚吖嘛~咁個燒雞呢係可以揀黑椒或者柚子味嘅，小妹就揀咗柚子，雖然聽落有少少中伏，但我唔食得，唯有大膽試下個柚子味...等咗一段時間先有得食，個燒雞上枱嘅時候好夠溫度，咬落外脆內嫩，每件雞都沾咗d柚子汁，酸酸甜甜咁，味道出奇地夾，有驚喜! 再夾埋d粟米同洋蔥一齊食，口感夠豐富，好滿足!個鳥冬望落平平無奇，但都有少少誠意，配料除咗日式魚片外，仲落咗白蘿蔔同紅蘿蔔粒，感覺更fresh，中和番個燒雞嘅油膩感。唯一美中不足嘅係杯餐飲，我揀咗黑糖檸茶，首先個茶底本身係醱夾苦嘅，檸檬都夠酸，我平時飲檸茶係唔洗落糖，但今次杯野真係難飲到頂唔順，個侍應俾咗一罐黑糖我隨我自己落，我大大話話前前後後夾埋落咗起碼7羹糖，都只係勉強中和到個酸澀味。好懷念呢間沖繩餐廳以前嘅抹茶豆乳忌廉特飲，我次次黎食都會叫，可惜宜家換晒d 飲品，真係...往事只能回味

好難食 晚市見都幾多人食 以為唔差 點知中晒伏嗌咗一個豚肉壽喜燒餃子同濃湯蝦壽喜燒得個甜字 唔知自己食緊咩 濃湯蝦說好的濃湯呢？完全無味麵底勁淋 所謂上蒸下煮 好似好有gimmick 其實只不過端上黎個下將上面嘅餃子擺去側邊個碟上 唔明有咩特別然後啲餃子兩邊皮勁硬 完全咬唔落 好似唔熟咁衰過係屋企自己煮一百倍環境一般 坐得唔舒服 衛生情況亦麻麻兩個餐承惠200蚊 食完等於無食過結果要即刻去食第二餐 完全唔想個嘴有個陣味呢個價錢呢個質素真係不敢恭維

又來愉景新城過一個悠閒下午，中央野餐草地旁食肆林立，餐廳各有特色，看得我眼花瞭亂。這家Antoshimo Cafe & Bakery店面不大，卻見其流轉速度頗快，以沖繩料理作招徠獨特，價格吸引，裝潢亦別具一格，我們在一樓逛了一個圈，決定在這填飽肚子。假日的午市/下午茶，每個飯才$38起，而且食店在大商場內，價錢便宜得很。我們點了鍋燒雞+秋葵茶漬飯 (套餐D)，盛惠$68 (另加1)介紹食物前先講講衛生狀況。肉眼上看，覺得店面尚算整潔，座位狹窄，需要搭枱；然而，我們落座後，枱面散發著陣陣「噏(up)」味或腐壞的豉油醬料味，似乎清潔狀況不太理想。另外，枱面沒有任何墊底紙或筷子托，面對如此衛生欠奉的枱面，實在不敢將餐具擺在枱上。秋葵茶漬飯茶漬飯份量不大，碗的大小約為日式料理店的麵豉湯的容器。第一次嘗試以秋葵做配料的飯，秋葵香甜、肉質柔軟，黏黏膩膩的汁液融入茶湯，使茶湯喝起來有黏稠的感覺，用羹盛飯時更呈拉絲的狀態。茶湯使用茉莉花茶，嗅起來很清新，吃起來也很清淡，很好吃。而米飯粒粒分明，口感極佳。黑椒鍋燒雞份量亦是偏少，總共7件雞塊。上菜時仍冒煙，吃起來熱辣辣，雞塊炒得非常入味，惹味非常。黑糖檸

大前日(8-6-2019 Sat)同老公喺愉景新城食完晏,就過嚟買冬甩食,因為上次喺讚石山食完主食後冇買(嗰個食評: https://www.openrice.com/zh/hongkong/review/%E8%BC%95%E9%A3%9F%E5%8D%88%E9%A4%90-e3410380),今次可以買返屋企同爸爸食.我哋揀咗檸檬吉士朱古力,原味海鹽焦糖同海鹽焦糖士多啤梨.買完後,老公想即食,咁就食佢嗰個檸檬吉士朱古力啦,檸檬都幾重,成個冬甩唔太甜,但冬甩原來係炸嘅,好油,而且好似有啲啲油饐味,超失望同後悔.返到屋企,我哋都即刻將嗰兩個雪住先,到夜晚食完飯就拎我嘅海鹽焦糖士多啤梨出嚟食.冬甩仍然係油膩,重要係韌咗,味道就只係食到唔太甜嘅士多啤梨味.最後嗰個原味海鹽焦糖呢,由於爸爸唔食,而且我同老公都食唔落,所以由佢雪一晚,到前日朝食,呢個口感就硬咗,油膩感好似少啲; 原味海鹽焦糖味道普通唔太甜.以後都唔食冬甩呢樣嘢lu.

愉景新城有限的選擇中想食d健康d, 揀左呢間餐廳，基本上下茶同午餐係冇咩分別。我地叫左一份柚子鍋燒雞秋葵蒸飯，牛肉壽喜燒湯烏冬。燒雞夾雜住柚子，好味，柚子味幾熱氣的燒雞更開胃，飯加左秋葵同粟米鬚一齊蒸，感覺好健康湯烏冬就都ok，烏冬口感適中。

喺商場搵野食見到有沖繩料理？感覺可以一試！濃蝦壽喜燒湯麵配沖繩蒸餃子 (微辣) $84這家店主力售賣沖繩二段蒸，概念有點像九層塔的蒸氣鍋，底部的湯麵有點壽喜燒的影子。湯頭有濃濃的蝦味，而且加進了蝦油，令味道和顔色上都增強。手工幼麵有點煮過軟 ，而配上的大虎蝦亦感覺有點不太新鮮。上層的蒸餃子有點蒸太久，餃子皮因蒸乾水份而變硬，淋在餃子上的汁不太辣，反而較甜。芝士蕃茄炊飯配檸檬蜜糖芥末豚肉 $68下層的芝士蕃茄炊飯有點Risotto的影子，加進芝士後有拉絲的效果，但有點膩。上層的檸檬蜜糖芥末味道本身不錯但芥末醬覆蓋了豚肉的味道。熱黑糖檸檬茶&凍黑糖檸檬水 跟餐免費黑糖加進檸檬茶和檸檬水中味道變得弱，黑糖獨有的味道都被檸檬的酸味覆蓋。

香港好少冬甩店啊呢間除左賣日式料理外 仲有冬甩賣相好得意又色彩繽紛 好多口味揀.黑糖🍩呢排興嘛食落又唔係太甜 但唔夠煙韌彈牙做唔到係日本食嘅口感 有啲失望不過啲飾物太易甩😹😹😹乜都跌哂

         我們都很喜歡吃甜食，這天去D.Park到玩，見到一間售賣Donuts的店鋪有一條小人龍，即刻吸引到我們去看看到底是賣什麼的。一見到是Donuts，茶茶和為食妹妹即刻話要食。         那我們就排隊，但其實餘下的Donuts個數不多，很多人都直接60元4個買走，看著就很害怕到我們沒得吃。幸好，到我們的時候，還是有朱古力味、士多啤梨味選擇，不過就已經沒有抹茶味了。          我們當天點了四個Donuts，兩個朱古力味，一個士多啤梨味和一個海鹽焦糖士多啤梨味，哈哈，我們第一時間都搶着吃朱古力味。外表吸引人之餘，更是美味十足。而本來茶茶要吃士多啤梨味，都將懷抱投入朱古力身上。          一向對士多啤梨一般的我，第一口吃下去，嘩！嘩！嘩！好好吃呀！它不是普通士多啤梨味的一味只有甜味，士多啤梨味是與餅味融合一起，那種感覺不膩不太甜，剛剛好！正         而海鹽焦糖士多啤梨味，本身我就是不抱什麼希望，因為感覺很複雜的味道，結果吃下去十分有層次感，令人有驚喜。希望下次可以試埋其他的味道：）😍😍一出爐就好快賣曬$16/1個$60/4個 （個盒好靚，負責人話有

lunch同事帶我去試這家 Antoshimo Cafe & Bakery , 名上有沖繩2字, 應是沖繩料理.野食款式都幾特別, 有燒賣同餃子最特別是他是一碗麵(有麵/烏冬)在底, 餃子在上面.

(九十四)你是陽光與空氣：Antoshimo Cafe & Bakery：基本上吃遍愉景新城無敵手，若你仔細看清楚，每間店都會發現我留下的腳毛，若你沿著我的腳毛來找找我，分分鐘可以找到來我屋企。海鹽焦糖冬甩雪糕(跟餐)：正所謂："吃完冬甩配雪糕，唔使再買剃鬚膏"，海鹽味冬甩有點像咸味非常的牛脷酥，煙韌得黎唔硬，脆炸得黎唔燶，碟上配有像煉奶味的啡色焦糖醬，味道夾的程度就像廁所配廁紙一樣，而且有紫薯泥啜花點綴，有如"少女十八一枝花，再識跳舞誇啦啦"，令我回憶起童年時期，婆婆去雪糕車買給我的牛奶雪糕味道，充滿童年稚趣的回憶。  芝士蕃茄炊飯配漢堡扒豆腐$82：炊飯的意思是把自已喜歡的材料一起煮，再加蒸鍋不斷加熱，保持熱燙燙的溫度，暖口又暖胃。蕃茄、豆腐、漢堡扒的確是我喜歡的東西，芝士蕃茄也很黏口，而且有芝士拉絲，吃人豆腐也是滑不溜口的，稍一不小心，就滑進了我的喉嚨...然而，漢堡扒卻像在吃蒸肉餅，加上炊飯味道，整體味道都偏淡，我像在吃空氣，是不是想叫我教訓女人：做人女友呢，最高境界是要做到空氣一樣?因為每個男人最想的是有女友好像沒有女友一樣，沒女友是孤獨，但有女友像沒有女友是享受。(不過我點

跟男朋友拍拖第一個月，他便帶我到荃灣愉景新城當時的新餐廳 <Antoshimo Cafe & Bakery>！ 晚市定食 $68起，男友想叫我食一個 $68的晚餐，卻是不啱我口味！我點了一個 $88的晚餐，最終，他隊張單給我，要我埋單！當時，我都無想到他會這樣做！我都覺得愕然！ 這只是一個開始，自始之後，我便覺得煩惱及不開心！原來他是一個咁計較又緊張錢銀的男人！心情影響健康，跟他一起短短5 個月，我零舍容易病！ 還有供應各式口味的冬甩！簡約的日式木色系裝潢，舒適休閒！入座後一小時便要還枱！食物很快便熱辣辣送上，相當有效率！女店員們都好有禮！每當我們一放低餐具及食完食物，女店員便很勤快收碟！他認為趕客，很不喜歡！ 其實！這裡平均消費不用 $100，我認為，上得快，乾脆食完便離開！無謂阻店子做生意吧！沖繩蒸餃子一客四件，甩皮甩骨！質感軟腍腍，餡料是菜肉，味道還可以，算是過得去！酸甜燒賣感覺清新，以芽菜墊底！濃蝦壽喜燒湯拉麵 配沖繩蒸餃子 $88店方選用幼身拉麵，入口卻不失煙韌及掛湯，就算食到尾，也不會被湯浸到腍，主要是店方以熱鍋取替坊間的拉麵碗保溫，因此食到尾依然熱辣辣！正

星期日約了朋友在愉景新城與兒子一起慶祝生日。由於落雨，怕遲到，提早到達愉景。見到餐廳有位，就入去食少少野打個底先。我點了個柚子鍋燒雞秋葵蒸飯。雞可選柚子味或辣味。等了大約15分鐘就上菜。 雞是炸的，炸的時間應該比較長，有點硬，不好咬，但味道不錯，很香柚子味。有其中兩塊雞燒焦了，底部沒辦法食。總共只有4-5塊雞，份量偏少，可能預你會多點幾款食物。蒸飯基本上很清淡健康，適合與兒子一同分享。有少少日本紫菜肉鬆味素，秋葵和粟米仔。黑糖檸水，起初我還怕太甜，原來黑糖粉和檸水是分開奉上，可以自行調較甜度，實在太貼心了。 👏🏻