沖繩二段料理 (愉景新城)

營業中

休息中

之前新開時已食過2次, 食物都叫幾特別, 因為主打沖繩食品的卓頭。在香港, 食來食去都係日式, 西式, 中式.....雖然沖繩都算係日本, 但同日式又唔太似。 之前2次真係幾抵食, 因為午餐套餐有2份小食及凍飲都不用另外加$, 今個星期一轉左MENU, 少左一份小食, 如要跟小食要加$9-$20不等。今次試左牛肉同豚肉壽喜燒拉麵配沖繩餃子及燒賣, 跟餐2柸黑糖LEMON TEA, 都唔錯!只係D湯少D, 叫左加湯佢地都好好, 肯加一碗比我地, 連埋加一, 每人約$70

為慶祝媽咪生日，唔想餐餐食中餐，所以試下愉景新開嘅沖繩料理。又幾好味喎！真係有啲感覺番到沖繩。食物方面，我地叫左五個套餐，四個濃蝦壽喜燒湯麵配沖繩蒸餃子，一個椰子咖喱炊飯配粟米雞。濃蝦壽喜燒，湯底味道鮮及濃，好好味！有少少辣，未必啱小朋友。蝦新鮮彈牙。麵幼身及煙韌，正！如果多啲麵更好😜另外，每籠有四隻餃子，餃子大大隻，函料足，新鮮，肉同菜配合平均，皮薄函靚👍套餐好抵，包一個小食，一杯飲品。小食我們分別叫了一個南瓜芝士脆皮酥，兩個紫薯甘粟脆皮酥，一個黑椒炸脆雞，一個紫薯黑糖雪糕。南瓜芝士酥同紫薯甘粟酥，炸得好脆，芝士酥芝士是流心，紫薯又甘甜，好味到不得了！😋😋另外一個我超級鍾意嘅係紫薯黑糖雪糕，紫薯口感幼滑配上黑糖甘甜，超好味！😋😋至於黑椒炸脆雞，黑椒味濃左少少，但炸得都好脆，新鮮！另一個套餐係椰子咖喱炊飯配粟米雞，咖喱香濃，椰子味重，粟米雞用蒸籠上，蒸得啱啱好，雞也嫩滑😋兒童餐賣相很可愛😍洋蔥牛肉飯，汁料味道濃左少少。餐飲係蘆薈青提汁，阿女飲左一啖，話太甜，唔飲😥飲品方面，我們叫了黑糖檸檬水同黑糖檸檬茶，用黑糖真係好飲啲👍😋至於服務方面，員工尚算殷勤😊😊

最近商場地下開了多間日式料理，似乎証明大家都好喜歡日本美食新店開張，一定要試⋯ 記得這家店在megabox有，也吃過一次。現在開在家附近，更加必試。丈夫最喜歡炸物，多心的我們，必點小食併盤；那可以試不同種類的。因此，我們單點及套餐也有點。菜單是自行畫在板上的。後來發覺，2人點以上的食物，是吃不完，飽到晚餐時間呢小食併盤先來，點了3款食物；炸雞、流心蛋豬柳、㗎喱薯餅⋯ 最喜歡的是流心蛋豬柳，中間蛋黃夾心果真流出來⋯ 豬柳不算乾也不算juicy(因為薄薄的）。炸雞沒什麼驚喜，中規中矩。而薯餅中的架喱也不錯，就是標準的日式薯餅味道😃喜歡壽喜燒的我，點了壽喜燒牛肉湯麵。看圖中的3片薄肥牛片⋯ 就知味道不怎麼樣⋯ 而且湯量偏少，我要另外拜託店員加點湯。麵是幼身的，不能掛湯，加上湯頭不濃，完全不是我杯茶。跟餐的蒸沖繩餃子🥟就不錯，皮薄料足，有帶咬口的軟骨，加上醒胃蜜糖芥末醬丈夫單點的芝士蕃茄炊飯比我的麵好吃，不過是沒餸只有飯⋯ 吃著很「漏」，所以說很飽。上段蓋點叫了咕嚕燒賣，賣相不怎吸引，味道也較麵粉⋯ 咕嚕汁也不夠，頗失敗的一款。套餐內包飲品及小食（我們選了紅薯雪糕）想像中的紅薯雪糕跟現實有出入

愉景新城全新打造成一個親子商場，走入呢個商場就好似去左兒童樂園咁。呢日經過，原來新開左間沖繩料理店。餐廳係開放式咁，座位好少，眼見大概30座位。未到食飯時間6點幾已經坐滿80%。見佢價錢都唔貴，就試下新野啦！二段料理就係炊飯既蒸氣來蒸熱蒸籠入面既食物。侍應每次上菜都係炊飯在底，蒸籠在面，到枱面先會幫你分開出來。點了芝士蕃茄炊飯配蜜糖芥末漢堡扒豆腐。友人點了芝士蕃茄炊飯配檸檬蜜糖芥末豚肉。炊飯既芝士蕃茄濃湯好好味，個飯會慢慢索哂湯底，蕃茄濃郁既飯超級好味！配菜有芽菜，南瓜，豚肉同漢堡扒就正正常常，豚肉都蒸得幾滑。漢堡扒就一般漢堡扒啦。黑糖檸檬茶偏淡，飲到有少少黑糖味，但唔夠甜。紫薯雪糕好好味，好冰凍，雖然得一細舊紫薯蓉，但平均咁分入雪糕食又好夾好好味。二人晚餐食左$170，價錢合理，食物質素高

甘啱今日去愉景新城，有新店開張，試一試！叫咗一個定食，包小食飲品，$88。特濃宮城自家製壽喜燒蝦湯，一嚟到真係好香，麵入邊有啲白色，好似芋絲，好爽口！最後飲晒D湯，唔係味精湯，抵讚！除咗大蝦仲有櫻花蝦，隻蝦有好多肉，如果鍾意食蒜蓉會好鍾意！小食叫咗薯條，隻薯條都幾特別叫做甘薯條，有小小黑糖蜜！飲品叫咗熱檸茶，自己加黑糖感覺到好健康！員工話黑糖係沖繩嘅名物喎！原來呢間鋪頭係沖繩嚟嘅！下次會再試冬甩，好靚