沖繩二段料理 (愉景新城)

營業中

休息中

愉景新城是一個兒童主題的商場，所以每逢週日必定熱鬧非常⋯⋯反而平日的日子，過來吃個晚飯，靜靜哋又唔錯⋯⋯今日和愛人吃個簡單飯，冲繩料理，老實說，我們去冲繩又好似見唔到依啲配搭喎⋯⋯冇所謂啦！吃得開心便是福。在串流平台看到，原來店長是冲繩人，在香港已有多間分店，他們的冬甩原來很出名，筆者一直都冇乜留意⋯⋯凍柚子梳打，原罐梳打水上，一讚。凍枺茶黑糖牛奶(餐另加$12)~黑糖分開上，甜度自己調教，一讚。另外餐可以加推:蜜糖芥末雞肉餃子(餐+$10)~芥末其實是塗上面的醬汁，雞肉餃子熱騰騰，味道唔算太濃，值得一試。芝士番茄炊飯~拉芝士，小朋友一定見到很開心，好處在於味道唔算太濃，番茄片放在中央，感覺清新健康，其實是自我感覺良好⋯⋯就算成年人，當日筆者一口一口地，也不知不覺很快就吹了整個飯。肉味噌壽喜燒牛肉鍋(套餐+$10)~一個人的晚餐，想有肉有菜，另加$10，還有一些類似拆散左的芋絲，這個組合，筆者喜歡。牛肉黑糖柚子醬油蒸飯$99(M)另外有個大Size係$114, 其實驟眼看以為一個籠子後多，但其實很淺層的，但個人認為，就係是大個子，加加埋埋都會夠飽的，飯還可選大份量，所以相當有彈性。海鹽

今日一家三口來到荃灣愉景新城，參加商場嘅嘉年華，順便玩充氣彈床。充氣彈床旁邊有一間日式小店，而且門口見到有冬甩，所以lunch time嘅時候就入去試吓肉味噌壽喜燒湯牛肉烏冬湯好淡味，普通無乜特式🥲大阪燒醬雞軟骨餃子正正常常，加$10一碟有4條都幾抵食👍🏻沖繩肉味噌蒸飯飯的份量都幾多，味道還可以😀沖繩海鹽焦糖乳酪布甸雞布甸配炸雞感覺有點奇怪🥹沖繩獅莎酥配雪糕雪糕上面個酥餅好硬好難咬，連好鍾意食甜品嘅小朋友都唔想食😅阿華田冬甩雪糕正正常常，不過個冬甩好似有啲熱，雪糕用得好快，連上面嘅棉花糖都是暖🥲每個餐都有無糖凍烏龍茶，味道就真心好普通好Hea😅不過價錢都抵嘅，$200左右有咁多野食～都可以比個OK👍🏻

本身約好友食飯開開心心，不過就俾餐廳員工搞到好掃興！1.夜晚7點半入座時，職員提左一次限時75分鐘都算，但食到8點半果陣，成間鋪加埋我地只係得3-4檯客，估唔到職員真係走埋嚟話15分鐘後要交檯，仲要喺我地個位隔離專登拖地，無論言論同行為都好趕客，而睇返間鋪嘅營業時間到10點，成個商場果段時間人流亦都好少（其實如果職員行埋嚟問我地仲有無其他食物要點，我地覺得聽起上嚟會舒服好多）2.用信用卡賣單嘅時候，職員碌錯左隔離檯嘅價錢，要求職員waive左張單再碌過，佢就以餐廳經理唔喺度，無密碼做唔到為由拒絕3.食物味道方面一般，飯唔夠熱，唯獨甜品可以接受

2人去到店是8:30pm Feb 17, 門前有2-3張4人枱，當時未有其他人入坐，服務員強迫撘枱， 都算了！ 叫了明太子櫻花蝦蒸飯加布甸炸雞， 另多叫一個芝士蕃茄炊飯加$10轉左個蕃茄吉列豬扒明太子櫻花蝦蒸飯偏濕， 炸雞好食， 伴碟布甸一齊食唔夾， 最差就係個芝士蕃茄炊飯和蕃茄吉列豬扒， 兩碟野的蕃茄汁都有苦味， 還有個炊飯根本就係蕃茄清湯撈飯， 稀冷冷， 蕃茄味唔濃， 亦無飯味，性價比極低， 啲員工個個都黑口黑面， 無表情， 無人要你笑哂口， 但至少唔係黑口黑面， 我都係睇影片分享平台介紹先黎食， 大島佢地食呢個芝士蕃茄炊飯係滿哂芝士， 點知都唔同， 仲夠膽收HK$88, 大快活好味過佢，太失望😞個冬甩係好味， 但伴碟的吱吱朱古力硬到無朋友， 伴碟個布甸無味， 比啲醬搶哂味

座位唔算多，性價比頗高。尤其欣賞佢地既Donut，Donut即叫即上，新鮮熱辣，配埋雪糕好好食，口感適中，推薦海鹽焦糖味。另外朋友試咗綠茶味都幾好，個人認為海鹽焦糖有少少鹹又甜嘅味道好夾。壽喜燒牛肉湯烏冬都幾好食。朋友食明太子忌廉烏冬覺得好好食，有啲似cabonara烏冬，如果第一次食可以試吓。炸雞有唔同款式，推薦蜜糖芥未味，另外朋友試過布丁味，但係佢係用乳酪整嘅布丁，所以有少少酸，整體不過不失。

聽日同朋友一齊嚟到荃灣過咗嚟愉景新城度搵間餐廳食午餐平時都有幫襯開九龍灣嘅沖繩料理分店所以見到荃灣呢度教都幫襯都等咗一陣先有位地方唔大，坐得比較逼嘢食都係正常不過店員服務態度奇差想叫佢幫我將個雪糕同冬甩分開又話做唔到都未食完野就係咁過嚟收我啲嘢完全係趕客

之前試過晚飯時間過嚟食有烏冬，沖繩風格蒸飯當中比較鍾意嘅係牛肉壽喜燒牛肉甜甜地 加上少少蔬菜感覺幾健康每款套餐都會有飲品，同埋跟埋甜品芝士蕃茄炊飯酸酸甜甜就算胃口唔好都會好想食蕃茄加芝士的組合一定不會令你失望我就比較鍾意芝士，所以另外加多一份芝士另外第一次試海鹽焦糖布甸雞布甸係唔會太甜酸酸地再加上海鹽和焦糖醬炸雞好熱 食嘅時候要小心啲仲有最鍾意嘅冬甩甜甜圈剛剛出爐的時候會好熱海鹽焦糖醬係大愛一邊食雪糕🍦一邊食冬甩口味唔錯

回頭度🍪7.5/10｜人均消費💰~$60-100-呢間餐廳喺多區都有分店主打日式定食🍱而且款式多樣蒸飯🍚鍋物🥘炸雞🍗餃子🥟應有盡有最抵$79已經有哂主食+小食+甜品+飲品一次過滿足哂多個願望😍-🤍牛肉味噌壽喜燒鍋+肉味噌溏心蛋蒸飯 $75個蒸飯有啲飯素同木魚碎🐟幾惹味裡面仲有味噌腩肉碎🐽令個飯幾有油香不過個人略嫌腩肉太肥🤣壽喜燒鍋都有唔少牛肉片🐮仲有少量味噌腩肉碎仲有椰菜、芋絲同粟米🌽性價比幾高🥳味道🌕🌕🌕🌗🌑-🤍黑糖檸檬醬油豚肉蒸飯 $52朋友食的 唔評論了-🤍沖繩海鹽焦糖冬甩雪糕 （+$20）波堤口感煙煙韌韌🍩配埋雪糕一冷一熱幾好食🍨個焦糖醬都好食🍮又比得夠多味道🌕🌕🌕🌕🌑-整體味道🌕🌕🌕🌗🌑抵食🌕🌕🌕🌕🌑

放暑假帶小朋友來愉景新城玩跳彈床，玩到累去旁邊食沖繩料理餐廳，餐廳個招牌好得意，係沖繩的公仔，小朋友見到有冬甩食好開心😆⭐️牛肉味噌壽喜燒鍋，肉味噌唐心蛋飯呢個餐滿足曬我又想食飯又想食壽喜燒2個願望😂份量好足，牛肉鍋裡仲有粉絲和菜☺️👍飯有d肉碎撈埋幾好食，呢個餐只係75蚊！真係好抵食！⭐️金牌餃子餐廳好有心，因為奧運香港隊拿左金牌推出左限定10蚊叫餃子😆😆👍金牌餃子係蜜糖芥末味，酸酸甜甜幾開胃😊

試左個自由套餐，櫻花蝦飯，蝦多++紫菜碎，飯份量唔少； 炸雞大約六件，配醬汁易入口，近日優惠+10換餃子，比較一般，烏龍茶凍飲，最後是冬甩，加個雪糕，味道可口，唔油唔太甜，必然選擇，下星期冬甩優惠，會再去食。

應該好多人都食過但我係第一次知同食😂仲要係朋友同我講呢間冬甩好好食先去食🤭果然冬甩真係冇令我失望係好想買多幾個返屋企💞🔺自由定食🔸明太子烏冬鍋+ 番茄芝士吉列豬扒鍋 $98+10烏冬好彈牙再配上濃郁明太子好正😚但忌廉好多所以有點滯建議share食會更好🙌🏻配料吉列豬扒大推!!炸得好鬆脆肉質很嫩💞上面仲有拉絲芝士超邪惡但好好食🧀而番茄底就正常,洋蔥味更出~🔸肉味味噌醬油蒸飯+壽喜燒牛肉鍋 $79+10份量真係好多!!蒸飯有醬油加木魚調味很足夠💦反而壽喜燒就有點失望,牛肉偏老壽喜燒味也不出但勝在牛肉夠多🥲🔸沖繩海鹽焦糖雪糕冬甩大推冬甩!!就算唔食主食都一定要試冬甩🍩呢個係定食包埋的,外皮脆脆地中間煙煙靭靭就咁單食已經超正👍🏻係暫時係香港食過最好食嘅冬甩🥹再配上焦糖醬同雲尼拿雪糕係冰火交融✨🔸無糖烏龍茶定食附上的飲品,正正常常~🤤好味度 : 8/10🔙回頭率 : 8/10

前排響DPark參加完慈善活動之後，同仔仔響商場食晚餐🥣，見到有間餐廳🍴比較多人，於是就去試吓😛晚餐🥣有已經配搭好嘅選擇，亦可以自由配，有主食🥘➕主菜🍗➕冬甩甜品🍩➕餐飲🥤，非常豐富🤩原先係想點上蒸💨下煮🔥嘅二段料理，但仔仔一見到有主菜係配布甸🍮，就話一定要㨂😅，咁唯有順應要求，點了「沖繩海鹽焦糖布甸炸雞🍮🍗」配「櫻花蝦明太子蒸飯🦐🍚」「 #沖繩海鹽焦糖布甸炸雞 🍮🍗」～ 炸雞熱辣辣🔥香脆可口，雞肉軟滑好juicy，配埋凍嘅布甸🍮，一冷❄️一熱🔥，一咸一甜，味道出奇地配，非常特別，不過布甸🍮份量不少，不配炸雞就咁食就有啲膩🤭「 #櫻花蝦明太子蒸飯🦐🍚」～ 一上枱已經香氣撲鼻😌，櫻花蝦🦐份量不少，配埋咸咸哋嘅明太子真係絕配，超級好味😋，唯一係飯太少，想加底😆晚餐甜品🍮係有張單，可以食完主菜先交比服務員製作甜品。我哋選了免費加配的「 #沖繩海鹽焦糖冬甩雪糕🍩🍦」。冬甩🍩新鮮炸熱辣辣🔥，口感煙韌，有少少似麻薯麵包🥯，上面放埋雪糕🍦，睇得又食得，非常推薦👍🏻👍🏻👍🏻

估唔到黎到荃灣，俾我搵到一間隱世嘅餐廳。呢個吉列豬扒真係食過返尋味咁！佢真係走到香噴噴！而且分好友剛好一個人夠食，唔會太多或者大小。烏冬又爽口豆嘅湯底又夠味，唔會太淡。兩樣食材配合埋一齊，簡直係天作之合！沙冬甩，就係第一次食！而且佢上面仲有嚿雪糕喺度添！當飯後甜品就啱晒，又夠甜又夠好食！同埋個冬甩嘅size啱啱好，可以放得落上面嘅雪糕，但用嚟打卡就一流啦。下次想食冬甩，都會再嚟呢間餐廳幫襯！🤭🤭

🥘沖繩二段料理📌荃灣愉景新城一樓1066號舖·愉景新城是荃灣區一個大型商場，周六周日更舉辦好多活動，適合大小朋友。今天跟友人去了吃沖繩料理，好別緻，配搭特別。🍮沖繩海鹽焦糖布甸雞 炸雞件配上布甸感覺新穎，咸的加上甜的會產生什麼化學作用？原來是好味。炸雞件外面香脆肉質鮮嫩，加上一塊Q Q的凍的布甸，一試難忘。 這個餐配上明太子櫻花蝦蒸飯，飯的份量唔係太多，明太子有少少鹹香加上櫻花蝦的色彩和香味，整個飯都非常可口。🧆黑糖檸檬雞雞件同樣香脆，包上黑糖汁醬又有鮮檸檬的香。配上肉味噌溏心蛋蒸飯，上面更有鰹魚碎，可口。🍨沖繩海鹽焦糖冬甩雪糕另加了甜品，冬甩煙煙韌韌加上雲尼拿雪糕，完美的一餐。

愉景新城有一間好好食既冬甩🍩佢既冬甩係氣炸而且入面唔係平時出面食果啲甜冬甩既口感，而係入面有啲煙韌好似麻糬咁既口感，熱熱地好正🤤🤤每次黎愉景新城都要食一件😍堂食既話仲可以配雪糕🍦今次叫左個lunch set豚肉柚子雞蒸飯 再加$20要埋個甜品😍個飯用籠仔蒸幾得意但就一般，有小小dry，炸雞可以接受，配柚子醬個味道還好，甜甜酸酸咁👍🏻👍🏻甜品就very good la極度推介冬甩🍩👍🏻