沖繩二段料理 (愉景新城)

營業中

休息中

上網見到有人推介呢間既冬甩好好食 本身餐廳係食日本野 大部分都係一個個鍋個啲飯或者烏冬 佢餐廳側邊仲有個位專係賣冬甩 眼見冬甩都有好多款同好多味道揀 咁我同朋友都幾中意食日本野 就即刻一齊去試試我地大約晏晝兩點鐘到 餐廳已經坐滿人 門口都有幾個人係度等位 不過都好快 等左一陣就入得 餐廳入座起限時75分鐘 一坐底店員會擺底張單俾我地自己掃QR Code落單 Menu都有好多選擇 有單點都有餐揀 多數都係叫餐 感覺上會抵啲 有主菜 飲品同甜品 都係100蚊左右 幾抵食開頭同朋友諗住每人叫一個二重鍋定食 但朋友想試下佢地個天婦羅 咁就叫左一個二重鍋定食 一個係一人沖繩定食 手機落左單之後店員就會過黎收起Menu 俾埋甜品張單我地 起得先叫佢地起 大約等左十分鐘左右 野食開始黎 都上得幾快 朋友叫左柚子鍋燒咕嚕雞配個壽喜燒湯鍋烏冬鍋 佢個咕嚕雞係炸既 幾香柚子味 另外個烏冬就正正常常另外我叫左個原味鰹魚牛肉壽喜燒湯烏冬 牛肉同烏冬都係正常 冇乜特別 不過我同朋友都覺得個壽喜燒湯底幾好味 仲有個天婦羅拼盤一齊食 份量都幾大 有好多炸蕃薯條 甜甜地幾好味 有幾舊炸魷魚圈 有兩舊炸雞同兩舊炸紫

芝士蕃茄鍋燒炊飯加左芝士食落會有拉絲，番茄味濃，有食緊焗飯的感覺。.📍黑椒牛油蜜糖芥末鍋燒炸雞脆雞，不過黑椒蜜糖芥末都唔算好出。驚喜係墊底的洋蔥幾好食😋.📍海鹽焦糖冬甩雪糕嘩！好耐冇試過食甜點之後「叮」一聲。雖然係跟餐甜品，但絕對是壓軸的主角！不甜不膩，香草冰淇淋清新。冬甩焦糖味濃郁，外層脆，內層煙韌。必須食！

去到荃灣，天橋之城，走到荃灣的左上角，愉景新城，上網找東西吃，介紹沖澠二段料理 Antoshimo Cafe & Bakery。沖繩火鍋二人前定食 $178至$228，選擇一款火鍋煮菜，可以揀魚柳、黑豚肉或鱈蟹腳海鮮火鍋，我選擇了美國牛肉壽喜燒火鍋；選擇兩款主食，沖繩風拉麵和稻庭烏冬，烏冬上枱時已經煮熟，欣賞其細心。火鍋配牛肉烏冬，好入味。 選擇兩款鍋燒小食，黑椒棒棒雞軟骨鍋燒餃子，柚子咕嚕鍋燒雞，一般水準。    一人餐，二重鍋定食，$88。揀一款鍋燒餸，牛油蜜糖芥末鍋燒黑椒炸雞；揀一款鍋燒飯麵，芝士蕃茄鍋燒坎飯，這個飯，出奇地好食，可以有飯焦，淡淡的蕃茄味不太搶味。 二人前定食和一人餐二重鍋定食，都包餐飲及送海鹽焦糖冬甩雪糕。全餐飯重點在主餐後的甜品 - 海鹽焦糖冬甩雪糕。 雲尼拿雪糕，配焦糖汁，中間夾了一件熱冬甩，這個冬甩不簡單，用空氣炸鍋即叫即做，不油膩，脆卜卜，加上雲尼拿雪糕，回味無窮。 雖然冬甩可以外賣，但是我覺得堂食海鹽焦糖冬甩雪糕，才是重點。總評味道：中間水準；環境：在商場大堂的一旁，餐廳內部不大，自成一角；服務：電話 QR code 落單，服務員主要負責帶位和

今日去咗愉景新城食晚飯，行吓行吓都行到九點幾，見到呢一間餐廳仍然咁多人，就試吓佢啦！🙋🏿‍♂️睇到個Menu先知道原來同埋呢間野價錢非常便宜，一個set dinner 都唔使$100 ，但就有幾個 course 食，都真係幾吸引嘅！🙀叫咗個芥末雞軟骨餃子，雖然價錢比較便宜，但係都有相當嘅質素，仲有啲椰菜墊底添！😬去到主菜芥末豚肉，就冇乜特別啦；另外仲有個蕃茄湯烏冬，都係正常發揮嚟嘅，呢個價錢都唔會要求太多啦。🤐甜品係沖繩海鹽雪糕加冬甩，完全係驚喜之作🍨，估唔到咁嘅價錢都有啲咁優質嘅甜品，雪糕嘅溫度啱啱好，係略嫌冬甩比較難分開，但係都非常之好食！😍下次可以再試下其他嘢！👍🏿

員工有禮貌，耐心，雖然 帶住口罩，個但仍然感動熱情，冬甩雪糕好好食，隨餐送的°食物環境衛生，客人用餐離座後，員工即時消毒枱面，疫情期間，令我食得安心又開心值得再來

愉景新城雖然係比較偏僻，但佢入邊有一間高質黃店，個打邊爐套餐好抵食，二人餐除返開大家都係$100咁上下，包個牛肉火煱煲、炸雞、飯/ 烏冬、甜品、野飲。我最鍾意嘅係佢個甜品donut, 配埋雪糕真係一流，呢間餐廳我一定會再食！💓🤤

叫左兩個辣蕃茄烏冬。一個配蜜糖芥茉炸雞，一個配柚子炸雞。一個餸加一個主食再加一杯野飲，重有甜品，都係$58咋！超抵食！重要個烏冬大大份！淨係食烏冬都飽曬！個湯底熱辣辣，辣辣地酸酸地，好開胃。個湯底d味道好特別，辣味類似咖喱味。成個湯底都係用蕃茄熬成，湯底見到蕃茄蓉。可以當湯飲！成大塊蕃茄鋪喺烏冬上面，真係真材實料！烏冬滑溜煙韌。柚子炸雞好香柚子香味，酸酸甜甜好開胃。蜜糖芥茉炸雞相比柚子炸雞就冇酸味，亦唔會好似柚子咁甜。總括黎講，炸雞唔會炸到乾爭爭，重鎖住到d肉汁，重juicy。甜品係焦糖海鹽雪糕donut。個雪糕好大個，啱啱好填滿左Donut中間個薩。Donut啱啱新鮮炸起，外面好脆，咬落feel到中間好有空氣感～好煙韌。熱辣辣嘅冬甩同雪糕一熱一凍，口感好特別！其實唔使點焦糖已經夠甜啦。不過點埋焦糖，又唔會覺得好漏～食完覺得好幸福啊～🥰飲品點左熱黑糖菊花茶。菊花茶好香菊花味。黑糖另上，食客可以自行決定落幾多黑糖。建議唔使加太多黑糖，因為食完個donut，已經夠甜，飲個菊花茶可以清一清d甜味。

呢間店，我地一家人幫襯過幾次。入面有飯有面，都好多選擇。基本上，小朋友都啱食。有麵，有飯，可配雞翼，餃子，豆漿。。對於我女女2歲，味道都好合適。佢地係用QR code 落單的。。最近幫襯一次，叫左套餐。。有面，有飯，有小食。。轉要烏冬要加錢最後仲有一客雪糕冬甩，小朋友睇到隻眼發光，勁開心我都有份食，甜品係幾吸引的。好味。我都試過外賣返屋企，但無係堂食咁好食。。可能加埋雪糕，真係好好食鋪面唔算大，疫情下，可以容納的人不多。最近轉左d款式，都可以一試。

帶住小朋友去d park玩玩到攰食個下午茶 就畀個DIY自家製都甩吸咗我小朋友入去食嘢寫食評當然係想搵間餐廳個名點知搵極都搵唔到🙄佢係叫做沖繩火鍋定叫做二段料理到最後問番個店員原來佢係下面個英文名😂都係講返啲食物首先簡單叫兩個下午茶麵櫻花蝦湯麵湯底好香蝦味好鮮甜不過個麵抵有啲硬 攪落有啲粉而且我仲發現面入面有兩種麵喺度究竟係佢撈埋嚟食定係煮麵嘅煲有第二種麵冇整乾淨就大家估下啦豚肉麵 面底亦都出現了一個情況 湯底好清甜但係麵亦都係好硬講到尾我哋都係為咗冬甩入嚟下午茶都係食甜品所以費事講咁多嘢整體來說湯底一留應該係中央廚房嘅傑作不過麵底就一般 有好大嘅進步空間

認真，平時點食都唔會寫食評，但今次真係太過差，決定留返兩隻字，警戒下各位去愉景新城嘅食客。呢間野話自已係咩沖繩料理，又鍋又飯呢樣果樣，價錢正常唔平。叫左個壽喜燒牛肉配壽喜燒湯烏冬，一上檯，個湯好淺色心諗點會係壽喜燒。先講(扮) 壽喜燒牛肉個鍋，d高麗菜生唔熟嘅就咁放上去，加舊散開左嘅芋絲同三四塊肥牛，咁樣收我4x蚊一d誠意都無，食落去完全無壽喜燒味，最基本鼓油色都見唔到，老實講你唔識煮野食喺屋企烚堆牛肉加兩滴鏗魚汁都好食過佢。再講埋個烏冬，係咪我孤陋寡聞唔識食壽喜燒？點Q解咁大陣薑味呀？難食到一個點。仲有叫知照燒雞肉配蕃茄芝士飯，好dd，但又係半生高麗菜加散哂芋絲，舊雞嘅味百感交集，肉質奇怪。好仲有兩杯咩黑糖檸檬茶，真心唔好飲，黑糖無feel，得個名。最尾原來仲有個冬甩雪糕，本來想不了，諗諗下俾左錢就叫埋返黎先，都係非常普通囉。再望望隔離檯叫左兩個蕃茄湯烏冬，個湯鮮紅食素色，咩料都無，咁樣就收人52蚊？原來依家開間餐廳咁簡單，求其俾d野客人食就收佢一百幾十，仲要有人排隊，真係想叫大家唔好俾呢間野呃左，過隔離左右或者上上面老m都好食過佢。

今天和朋友到了Antoshimo Cafe & Bakery吃晚飯。到了晚上8:30餐廳依然多人進食中，但幸好不用等位。餐牌10分多選擇，為了減少麻煩，我們便選擇了二人前冬鍋定食：）店舖用的是QR code點餐，點了餐不到10分鐘，食物便陸續上枱，效率10分快！全餐最最最最最欣賞的是最後的甜品，會為了甜品而再Encore! 在最後買單的時候，又送了兩張甜品券，十分抵要扣分的是，店舖會有一點擠迫，做得沒有那麼舒服～

點了一個漢堡扒豆腐配芝士蕃茄炊飯。店務員指漢堡扒需再做,先上飯先。我查詢需要等幾耐。店員指3分鐘。但我等了足足十多分鐘。坎飯完全擎左。才上漢堡扒。唔明店員點解分開上。覺得客人先食完飯才食送,要分開食??一個小小動作。令我對今次午膳感覺差左好多。

今日出來荃灣，見到間好多人排，感覺唔錯食烏冬店。就坐低試食，食完仲有張下次再食滿70蚊送海鹽焦糖雪糕冬甩。所以吸引到好多人排隊來食。所以我地都坐低一試。小朋友好喜歡個牛肉烏冬。因為真係好岩小朋友食。😊因爲送左張海鹽焦糖雪糕冬甩卷，下次一定要再食試埋其他好食餐。個芝士番茄湯飯都好正，好濃芝士味。但個兒童餐炸雞就一般啦！因為炸得太干，下次可以選其他配搭比較好。柚子雞翼都可以啦！但唔係特別出色，不過呢期做折扣。只係19蚊。

難得黎到愉景新城，梗係俾小朋友盡情放電啦！放完電就係醫肚嘅時間。星期日愉景新城多人到嚇親我，呢個商場識得利用「親子」名堂，將商場重新打造，做得非常好，仲見到有大型公仔出去中庭跳舞，好似日本麵包超人館咁，令小朋友想一去再去👍🏻好啦講講呢個餐廳，有ikea餐椅係基本野，我最欣賞佢地嘅黑糖番薯薯條，比起普通薯條健康，可惜分量少左啲，拎過黎個陣我心諗係咪隔離檯食淨拎過黎架？雞翼都幾好食。但係剛巧見到隔離檯個女孩子剛巧食緊雞翼，見到佢隻雞翼入面滲血，我忍唔住開口講「嘩你個雞翼好生喎」佢父母見到嚇親，即刻叫佢放低隻雞翼優惠價$24買到芥末餃子，ok wor!我好鍾意食呀！另外仲叫左蕃茄芝士燴飯配魚柳同埋豚肉蒸飯，阿仔都鍾意食，唔會太咸剛剛好之後再送甜品

~今期推薦黑糖檸檬茶，不推薦食物今天特別來愉景新城行。到了下午茶的時候，我們便坐下，叫了一些食物，但真的很失望，因為價錢不便宜，食物質素10分參差，10分後悔選擇了這間餐廳。但特別提一提，那個黑糖檸檬茶的構思特別，值得一試，其他食物10分普通，我們吃了一個蝦海鮮湯拉麵，味道也是正正常常普普通通。最過分的是那個蜜糖芥茉餃子。一上碟反轉的時候餃子底部全黑，如果我們不是趕時間，一定會和廚房反映。請問廚房的廚師們有尊重食物嗎？你對着這些焦黑的食物會吃下肚嗎？對這間餐廳非常失望，食物質素才是餐廳的精髓。