沖繩二段料理 (愉景新城)

營業中

休息中

         我們都很喜歡吃甜食，這天去D.Park到玩，見到一間售賣Donuts的店鋪有一條小人龍，即刻吸引到我們去看看到底是賣什麼的。一見到是Donuts，茶茶和為食妹妹即刻話要食。         那我們就排隊，但其實餘下的Donuts個數不多，很多人都直接60元4個買走，看著就很害怕到我們沒得吃。幸好，到我們的時候，還是有朱古力味、士多啤梨味選擇，不過就已經沒有抹茶味了。          我們當天點了四個Donuts，兩個朱古力味，一個士多啤梨味和一個海鹽焦糖士多啤梨味，哈哈，我們第一時間都搶着吃朱古力味。外表吸引人之餘，更是美味十足。而本來茶茶要吃士多啤梨味，都將懷抱投入朱古力身上。          一向對士多啤梨一般的我，第一口吃下去，嘩！嘩！嘩！好好吃呀！它不是普通士多啤梨味的一味只有甜味，士多啤梨味是與餅味融合一起，那種感覺不膩不太甜，剛剛好！正         而海鹽焦糖士多啤梨味，本身我就是不抱什麼希望，因為感覺很複雜的味道，結果吃下去十分有層次感，令人有驚喜。希望下次可以試埋其他的味道：）😍😍一出爐就好快賣曬$16/1個$60/4個 （個盒好靚，負責人話有

lunch同事帶我去試這家 Antoshimo Cafe & Bakery , 名上有沖繩2字, 應是沖繩料理.野食款式都幾特別, 有燒賣同餃子最特別是他是一碗麵(有麵/烏冬)在底, 餃子在上面.

(九十四)你是陽光與空氣：Antoshimo Cafe & Bakery：基本上吃遍愉景新城無敵手，若你仔細看清楚，每間店都會發現我留下的腳毛，若你沿著我的腳毛來找找我，分分鐘可以找到來我屋企。海鹽焦糖冬甩雪糕(跟餐)：正所謂："吃完冬甩配雪糕，唔使再買剃鬚膏"，海鹽味冬甩有點像咸味非常的牛脷酥，煙韌得黎唔硬，脆炸得黎唔燶，碟上配有像煉奶味的啡色焦糖醬，味道夾的程度就像廁所配廁紙一樣，而且有紫薯泥啜花點綴，有如"少女十八一枝花，再識跳舞誇啦啦"，令我回憶起童年時期，婆婆去雪糕車買給我的牛奶雪糕味道，充滿童年稚趣的回憶。  芝士蕃茄炊飯配漢堡扒豆腐$82：炊飯的意思是把自已喜歡的材料一起煮，再加蒸鍋不斷加熱，保持熱燙燙的溫度，暖口又暖胃。蕃茄、豆腐、漢堡扒的確是我喜歡的東西，芝士蕃茄也很黏口，而且有芝士拉絲，吃人豆腐也是滑不溜口的，稍一不小心，就滑進了我的喉嚨...然而，漢堡扒卻像在吃蒸肉餅，加上炊飯味道，整體味道都偏淡，我像在吃空氣，是不是想叫我教訓女人：做人女友呢，最高境界是要做到空氣一樣?因為每個男人最想的是有女友好像沒有女友一樣，沒女友是孤獨，但有女友像沒有女友是享受。(不過我點

跟男朋友拍拖第一個月，他便帶我到荃灣愉景新城當時的新餐廳 <Antoshimo Cafe & Bakery>！ 晚市定食 $68起，男友想叫我食一個 $68的晚餐，卻是不啱我口味！我點了一個 $88的晚餐，最終，他隊張單給我，要我埋單！當時，我都無想到他會這樣做！我都覺得愕然！ 這只是一個開始，自始之後，我便覺得煩惱及不開心！原來他是一個咁計較又緊張錢銀的男人！心情影響健康，跟他一起短短5 個月，我零舍容易病！ 還有供應各式口味的冬甩！簡約的日式木色系裝潢，舒適休閒！入座後一小時便要還枱！食物很快便熱辣辣送上，相當有效率！女店員們都好有禮！每當我們一放低餐具及食完食物，女店員便很勤快收碟！他認為趕客，很不喜歡！ 其實！這裡平均消費不用 $100，我認為，上得快，乾脆食完便離開！無謂阻店子做生意吧！沖繩蒸餃子一客四件，甩皮甩骨！質感軟腍腍，餡料是菜肉，味道還可以，算是過得去！酸甜燒賣感覺清新，以芽菜墊底！濃蝦壽喜燒湯拉麵 配沖繩蒸餃子 $88店方選用幼身拉麵，入口卻不失煙韌及掛湯，就算食到尾，也不會被湯浸到腍，主要是店方以熱鍋取替坊間的拉麵碗保溫，因此食到尾依然熱辣辣！正

星期日約了朋友在愉景新城與兒子一起慶祝生日。由於落雨，怕遲到，提早到達愉景。見到餐廳有位，就入去食少少野打個底先。我點了個柚子鍋燒雞秋葵蒸飯。雞可選柚子味或辣味。等了大約15分鐘就上菜。 雞是炸的，炸的時間應該比較長，有點硬，不好咬，但味道不錯，很香柚子味。有其中兩塊雞燒焦了，底部沒辦法食。總共只有4-5塊雞，份量偏少，可能預你會多點幾款食物。蒸飯基本上很清淡健康，適合與兒子一同分享。有少少日本紫菜肉鬆味素，秋葵和粟米仔。黑糖檸水，起初我還怕太甜，原來黑糖粉和檸水是分開奉上，可以自行調較甜度，實在太貼心了。 👏🏻

今日去愉景新城，晚餐就試一試這個沖繩料理。店內地方比較細，座位比較迫。加入黑糖的凍檸茶。加$9可以追加小食，我們點了三款，每碟份量都比較小。黑椒脆炸雞比較乾身，南瓜芝士脆皮餅芝士濃郁，黑糖蜜蕃薯條甜甜的，配上黑糖蜜味道很夾，食到停唔到口。甜酸燒賣配烏冬，燒賣不是我們平時吃的燒賣，味道比較清。烏冬點了超蕃茄湯底，微辣，酸甜醒胃。沖繩蒸餃子配烏冬，餃子餡料有豬軟骨配上自家制的醬，帶小小辣味，烏冬湯底甜甜的，適合小朋友。最喜歡這個芝士蕃茄炊飯配檸檬蜜糖芥末豚肉，侍應會付上一小碗芝士(可添加）拌落炊飯到食，很啱喜歡食芝士的我。蜜糖芥末與豚肉出奇的夾，好惹味。加一服務費。

某天前來吃下午餐.下午茶餐有一個主食、一個小食和一杯飲品。價錢為$42-$68。.點了芝士蕃茄炊飯。本以為像西式的意大利飯 Risotto，但上餐時更像一窩蕃茄粥。大概是由於鐵鍋能保持溫度，把芝士搞拌後，終於像意大利飯了，不再是水水的。可能這便是上餐時比較稀的原意。.圖為混合芝士前。小食與友人點了辣豆醬餃子和黑糖雞翼一起分享。.個人推薦黑糖雞翼，但豆醬餃子則不太合口味。.這餐廳是做日式料理，但與友人一致認為感覺卻像日式的茶餐廳，食物味道普通，服務亦普通，不過不失。 要讚的是飲品用的是黑糖，黑糖醬(凍飲)/黑糖(熱飲)與飲品分開上，食客可自行決定糖度，不錯。

喺愉景新城行行下突然肚餓, 所以就停低睇下有咩啱食, 見到呢間主打沖繩菜嘅Antoshimo Cafe & Bakery. 以夜晚黎講, 餐廳唔算多人, 雖然座位唔多, 但都好快搵到位坐。坐低咗之後就叫咗一個dinner set, set有一個主食+小食+餐飲。主食叫咗牛肉壽喜燒湯面配沖繩蒸餃子, 另外再配黑椒脆炸雞同一杯餐飲, 承惠76蚊。隔咗大概10分鐘, 啲野食陸續上菜。牛肉壽喜燒湯面嘅湯底幾甜, 面質比較幼, 可能煮耐咗, 食落比較軟。牛肉都有幾片, 尚算足夠。沖繩蒸餃子嘅餡係豬肉餡, 因為用蒸嘅方法煮, 食落好健康。表面雖然有醬汁, 但份量比較少, 要仔細食先食到有味。黑椒脆炸雞一碟大概有四件, 有黑椒汁蓋住雞件, 非常之熱氣。呢碟炸雞有啲咸, 可能比較啱食開濃味嘅朋友。整體黎講, 呢間主打沖繩菜嘅餐廳都算唔錯。

依晚係荃灣行左大半個鐘都未揾到間有衝動入去既餐廳，吾打吾撞見到依間新開既日式餐廳人少小就入左去。佢主打既係上蒸下煮，個餐分兩層，上面係蒸出黎既餸，下層係拉麵或煮飯。我揀左蕃茄芝士炊飯配漢堡扒豆腐。朋友就叫牛肉烏冬拼餃子，送既野飲就sell健康，用黑糖代替糖水或白沙糖既檸檬茶或水。個芝士飯似水啲既意大利飯，最吸引既係仼加芝士！即刻加多轉！好食好食。另外加左個小食係黑糖薯條，雖然個份量勁少，嚇一嚇，個佢係蕃薯條，好好味！

蒸餃子：上面有芥末，好怪，好吾夾！皮好薄和軟。牛肉麵：看似好淡，但湯底好夠味．牛肉份量剛剛可接受．麵有点似麵線，普普通通．豚肉片飯:飯碗很淺，很少飯．豚肉片勁少和細片．約四片左右．黑糖雞翼：黑糖味夠重． 但$9 兩隻，又偏細隻，比較貴．~凍檸茶：自己加黑糖糖水~donut:貴，不好吃．炸過，但好油，又林晒既感覺．menu：自行用marker填． lunch set兩頁冇價錢，原來其實同menu上價錢一樣！ 甘好心哩個表咪加「lunch定食」啦!根本全日same price！環境：直望係kitchen,裡面視覺美感比較差．應該加塊布或close the door.

今日放假，同家人去參觀南豐紗廠，途經愉景新城，愉景新城入面好多人，幾乎間間食肆都要排隊，見到一間門口好多冬甩，比佢吸引左，所以決定食這間，排左約15分鐘就有位，因為下午茶時間，所以價錢都好抵食，$50左右，有主菜，有小食，有飲品，我地叫左3個餐，有二個搵拉麵，一個湯飯，小食就2款雞翼，1款炸物，飲品只有3款選擇，黑糖檸檬茶，檸檬水，可樂，講小食，外觀一流，可以見到連個擺位都咁講究，就知唔差啦，的確味道唔錯芝士是分開上的，可能因為我係芝士控，所以我感到非常好味鮮蝦湯拉麵，蝦鮮甜，但拉麵一般，湯底正壽喜燒牛肉拉麵，牛肉好味，拉麵一般，湯底超正，總結嚟講，五十蚊左右，價錢平，味道正

豚肉壽喜燒+牛肉壽喜燒湯麵🍜$48+$52(下午茶)😎湯底好甜，味道尚可🙈黑糖雞翼，好好食👍沖繩辣豆醬餃子🥟，不過不失😀感覺唔係太差，但無乜特別😂

之前係新蒲崗同旺角朗豪坊都食過呢間 但自從朗豪坊個間執左之後就冇食過啦 咁岩前排見到愉景新開左 就即刻食返呢個沖繩料理啦😋跟餐會有一款小食同飲品送 叫左兩個餐 分別加左南瓜芝士餅同黑糖蕃薯條 南瓜芝士餅幾好食 中間既芝士都唔少 不過就會有啲膩🙈 蕃薯條就冇咩特別~呢個係兩段式料理 上面係送 下面係主食豚肉壽喜燒湯麵配沖繩蒸餃子💁🏻‍♀️ 其實份量都幾多 一開始以為係shabu shabu 個隻湯底 但佢加左柚子落去 就完全不同了 但其實都幾夾 冇咁膩 但啲柚子皮有啲苦 蒸餃子既醬係明太子 餃子裡面有雞軟骨 如果中意明太子既應該都會覺得唔錯👍蕃茄芝士炊飯配蜜糖芥末漢堡扒💁🏻‍♂️ 呢個飯偏咸 唔夠蕃茄味 男朋友食完個漢堡排話似牛肉球😂

以前愉景新城一向出名人流極少，由冇左滋味街之後就冇停過裝修吸引人黎。宜家既愉景依然都係以親子黎做賣點，除左賣小朋友野之外仲整左好多唔同既娛樂設施俾小朋友，裝修亦都好繽紛，終於旺起黎，食店都慢慢多返啲。而呢間食沖繩料理既餐廳都裝修到好得意，好多卡通咁，門口仲有個小counter 擺左唔同味道既冬甩賣，都幾靚，小朋友一定鐘意。我假期黎食，大部分都係一家大細。我黎到已經係下午茶時段，等左幾分鐘位。果到係半開放式，位唔多，檯同檯之間都逼逼地，舒適度就一般啦。佢會俾個大餐牌你睇，有埋圖既，揀岩左就係另一張點餐牌上畫。下午茶都幾多野揀，想飽啲就叫飯、麵，輕量啲就會有甜品等等...仲有兒童餐。我地就叫左一個麵餐同一個飯餐，包小食同飲品。佢呢到既糖/糖漿係用黑糖整既，平時唔落糖既我見咁新奇就落左一匙羹試下。杯茶既檸檬好好好酸，黑糖本身又唔會好甜，到最後我落左3羹。反而凍飲就落左半杯糖漿都已經好夠。小食係辣豆醬餃子🥟同埋黑糖雞翼個餃子皮好薄好脆，入面既豬肉菜餡好飽滿，加埋辣豆醬咸咸地好惹味，質感有啲似香港既腐乳，但一啲都唔辣。雞翼好香，外面微微脆同甜甜地，肉質好嫩滑，兩隻完全唔夠食，如果有一碟5-6隻o

外賣冬甩一個$16，4個$60。冬甩都係新鮮整，喺日本沖繩傳過黎嘅波堤冬甩，較傳統的有咬口和耐嚼的。每一日有貨嘅口味都可能唔一樣，某啲受歡迎嘅口味可能會早啲賣晒，例如海鹽焦糖士多啤梨、黑糖。買了黑糖、原味朱古力、士多啤梨白朱古力、抹茶、原味海鹽焦糖味。個人推薦黑糖、和原味朱古力味，唔會太甜，食落唔會太油膩。最初係被外型吸引，試過一次之後鍾意咗覺得好好食，會繼續幫襯。亦都係做下午茶一個唔錯嘅選擇，一個就已經夠飽喇。