影片
更多
2018-10-23
342 瀏覽
以前愉景新城一向出名人流極少，由冇左滋味街之後就冇停過裝修吸引人黎。宜家既愉景依然都係以親子黎做賣點，除左賣小朋友野之外仲整左好多唔同既娛樂設施俾小朋友，裝修亦都好繽紛，終於旺起黎，食店都慢慢多返啲。而呢間食沖繩料理既餐廳都裝修到好得意，好多卡通咁，門口仲有個小counter 擺左唔同味道既冬甩賣，都幾靚，小朋友一定鐘意。我假期黎食，大部分都係一家大細。我黎到已經係下午茶時段，等左幾分鐘位。果到係半開放式，位唔多，檯同檯之間都逼逼地，舒適度就一般啦。佢會俾個大餐牌你睇，有埋圖既，揀岩左就係另一張點餐牌上畫。下午茶都幾多野揀，想飽啲就叫飯、麵，輕量啲就會有甜品等等...仲有兒童餐。我地就叫左一個麵餐同一個飯餐，包小食同飲品。佢呢到既糖/糖漿係用黑糖整既，平時唔落糖既我見咁新奇就落左一匙羹試下。杯茶既檸檬好好好酸，黑糖本身又唔會好甜，到最後我落左3羹。反而凍飲就落左半杯糖漿都已經好夠。小食係辣豆醬餃子🥟同埋黑糖雞翼個餃子皮好薄好脆，入面既豬肉菜餡好飽滿，加埋辣豆醬咸咸地好惹味，質感有啲似香港既腐乳，但一啲都唔辣。雞翼好香，外面微微脆同甜甜地，肉質好嫩滑，兩隻完全唔夠食，如果有一碟5-6隻o
我黎到已經係下午茶時段，等左幾分鐘位。果到係半開放式，位唔多，檯同檯之間都逼逼地，舒適度就一般啦。佢會俾個大餐牌你睇，有埋圖既，揀岩左就係另一張點餐牌上畫。下午茶都幾多野揀，想飽啲就叫飯、麵，輕量啲就會有甜品等等...仲有兒童餐。我地就叫左一個麵餐同一個飯餐，包小食同飲品。
佢呢到既糖/糖漿係用黑糖整既，平時唔落糖既我見咁新奇就落左一匙羹試下。杯茶既檸檬好好好酸，黑糖本身又唔會好甜，到最後我落左3羹。反而凍飲就落左半杯糖漿都已經好夠。
小食係辣豆醬餃子🥟同埋黑糖雞翼
個餃子皮好薄好脆，入面既豬肉菜餡好飽滿，加埋辣豆醬咸咸地好惹味，質感有啲似香港既腐乳，但一啲都唔辣。
雞翼好香，外面微微脆同甜甜地，肉質好嫩滑，兩隻完全唔夠食，如果有一碟5-6隻order就好了
食完個小食仲開胃左，但個主菜等左好耐，起碼10分鐘先黎左個麵，飯就再耐啲添。
牛肉壽喜燒麵
上既時候佢怕個鍋會燙到，所以個鍋會連埋個木兜盛住，因為個麵係真係非常之熱！！
對於鐘意食熱野既人黎講，佢一定滿足到你。冇諗到下午茶都咁足料，牛肉好多塊，仲有啲雜豆粒，日本魚蛋配襯下，個麵都幾多。牛肉唔多肥肉，但又唔硬，好易咬得爛，麵係幼身拉麵，煮得彈牙，配埋個熱辣辣既湯底，甜甜地咁，好好味！
芝士蕃茄炊飯
呢個就冇餸係面，得濃濃既蕃茄湯同埋芝士，再撈埋啲飯。個飯唔可以即刻食，如果唔係就似湯飯，要慢慢攪下，等啲湯汁索晒落啲飯到，好似risotto咁。
個汁味道酸酸甜甜，好濃郁既蕃茄味，有芝士既香，黏黏地既口感，都係好好味，一啖接一啖好快就食晒。
埋單都係百零蚊，性價比好高，值得推介
張貼
