沖繩二段料理 (愉景新城)

營業中

休息中

差唔多$100嘅價錢有日式主菜、炊飯、甜品同嘢飲😍真係超抵！南蠻雞+芝士泡菜蕃茄炊飯+甜品+烏龍茶 $110✨4.3/5😋南蠻雞份量都好多😍好脆口而且炸粉唔會好厚😋雞肉都好嫩滑～雞肉嘅鹹味配埋汁超開胃😍芝士泡菜蕃茄炊飯係會拉絲嗰隻😍番茄配埋泡菜酸酸辣辣又係超送飯！不過因為佢係炊飯所以會有少少濕～但係食落都唔會好奇怪！加埋泡菜成件事更加好味！甜品係沖繩海鹽焦糖冬甩雪糕😍😍甜品係即叫即整！所以冬甩上到枱好熱，配埋雪糕一冷一熱超正🤤冬甩咬落去會有少少油，不過配埋雪糕接受到～而且好煙韌😍配埋啲醬甜度啱啱好！整體來講真係超抵食！主菜又可以自己揀其實仲有好多唔同嘅款！例如壽喜燒牛、甜辣雞等等，連飯都可以揀唔同口味或者烏冬～食完係真係有滿足嘅感覺！😍

一向都知荃灣多野食，但原來就咁一個愉景新城商場都有咁多餐廳選擇，我諗我真係太耐無仔細行荃灣。因為夜晚開始轉涼，所以想食番d熱野暖下身。本身有諗過食邊爐放題，但太多人排隊了，所以都係轉食呢間日本野。天婦羅拼盤個拼盤都幾大盤，一共有4款小食，包括柚子炸雞🍗2件、野菜天婦羅2件、芥末雞軟骨餃子🥟2件、同埋黑糖蜜蕃薯條。4款炸物係炸得幾好但略嫌唔夠香，而入面既餡料都偏乾，包括個炸雞同埋餃子。同埋我唔太建議將3種分別要沾唔同醬料既食物放埋同一碟，一黎就有機會混醬，二黎醬汁既份量唔夠沾😅 至於野菜天婦羅就炸得唔夠脆，咬落去果下唔夠爽，可能因為本身個食材入面有水。而發揮得最好既反而係蕃薯條😅 但如果可以揀，我會prefer薯條多過蕃薯條🤫大蝦櫻花蝦湯烏冬一上枱，勁濃厚既櫻花蝦味飄過黎🤤 真係令人食指大動！個湯底有少少辣味，但我相信平時唔食得辣既朋友都會接受到。而且呢種微辣係令到個湯更惹味😋👍🏻 烏冬係完美地吸收左個湯既精華，真係食完想encore。不過放係烏冬上面果隻大蝦🦐就麻麻地，雖然好大隻，但唔算好入味。牛肉芝士番茄炊飯另一個主食就係呢碗炊飯，趁佢熱辣辣既時候將芝士、番茄、牛肉撈均哂係個飯度。係

古唔到又再一次食呢間沖繩餐廳，呢間野食幾好食既，晚餐來講算底，用餐時間是星期四6:30，當時人唔多唔洗等位，此終平日會好D。由於有KDOLLAR未用完，於是就係呢度食，而且我覺得食物質素唔錯，所以再來食。入到去既時候，店員無歡迎我，咩都無講，感覺有點差坐低叫野食一樣掃QR CODE，今次叫左柚子炸雞和壽喜燒烏冬，炸雞酸酸地幾好味夠開胃，致於烏冬湯較淡，又無咩料有點失望，因為我未食過壽喜燒，亦唔知咩味，古唔到甘淡。全個餐有一款食品、主食、飲品和甜品加埋價錢係中等，唔算平又唔算係貴。下次有機會都會再來食!

見到個冬甩雪糕，我同朋友都忍唔住要入去試下味！環境比較細，但尚算舒適，自助點餐，都幾方便。餐廳以沖繩料理為主打，有蒸飯、湯麵、餃子及冬甩等，選擇亦唔少。我地叫左蒸飯和烏冬，味道一般，唔算吸引！當然我地目標唔係主糧食，而係炸雞同豚肉，香蘇惹味，配飯一流！而重點係即叫即整的甜品，冬甩！超好食，值得一試！

門口位置有好多七彩繽紛，不同味道既冬甩，已經好吸引！可以選舉外賣又或者堂食，仲有其他選擇，有飯﹑有烏冬。餐牌會見到有定食，主菜+飯類+特選甜品+餐飲。主菜都有分牛肉﹑豚肉﹑炸雞，炸雞有比較特別，沖繩海鹽焦糖布甸雞﹑南蠻雞﹑柚子雞﹑甜辣雞。飯類都有炊飯﹑蒸飯，烏冬有分壽喜燒烏冬﹑濃蕃茄湯烏冬﹑櫻花蝦蕃茄烏冬(小辣)芝士雞+沖繩蒸飯沖繩蒸飯味道比較淡，炸雞好香口！最令我滿意既係甜品，海鹽鹹鹹地加埋焦糖甜甜的，再加上冬甩好有咬口，好正！

好多時都有經過愉景新城呢間舖頭，但係都多人，又好似冇乜選擇，所以都冇幫襯過。最近朋友話，呢間嘅冬甩好好食，煙煙靭靭，今晚一行三人早D去食。傍晚六點鐘去到， 我們是第一批客人， 因為嗰度都係得十幾個座位，限時 75分鐘。 用手機 QR Code 落餐 , 因為唔係好肚餓， 叫咗個二人餐， 原價 $ 299 可能早就特價 $ 269， 包一個飯，一個烏冬，一個天婦羅炸物，兩杯飲品同兩個冬甩。 大蝦櫻花蝦湯烏冬小辣👆 得一隻蝦，味道都好 OK 個烏冬都唔錯，除咗樱花蝦仔就冇其他餸啦，份量不多。牛肉芝士蕃茄炊飯， D牛肉係一片片嘅肥牛，唔係碎牛，味道都可以，份量就唔算多啦。個炸番薯條條好食，熱辣辣又脆，有兩個炸餃子， 三舊炸雞塊 兩個炸雜菜，味道一般。😶侍應通知我哋，原來亦有最低消費，每人最少要一個餐或者單點，剩叫個冬甩都可以。講完就畀咗另一個餐牌我哋👇 呢個餐牌嘅食物平好多，一個蒸飯 $ 39，但係原先個餐牌係 $99 。 亦唔可以喺手機度點呢啲餐，係侍應生同我哋落單。冬甩單點都要 $49 👇我哋加多個 👇沖繩蒸飯 冇乜味道同餸。餐廳好貼心一落單後，畀咗張冬甩單， 叫我哋如果食完主菜，先至交

好耐冇食過冬甩 之前堂食過跟餐甜品就係冬甩加雪糕 難得今日路過愉景新城就順便買埋 實在太耐冇食過喇 今次買冬甩既人都幾多 要等大約十五至二十分鐘左右 不過都好快 今次買左三個冬甩 兩個抹茶 一個朱古力 冬甩口感食落完全唔同出面麵包舖個啲 呢度既冬甩食落係煙煙韌韌 食完一個會想再食 但我地覺得面頭個抹茶醬同埋個朱古力醬可以再多啲 咁樣會更加好味 另外每個冬甩都會跟返一粒好得意既朱古力 個粒係黑朱古力 勁好味 值得一試 路過一定會再買

大商場內搵間良心店真心難💛呢間個donut甜品真係好有驚喜🍦難怪係佢哋招牌食物🍩!! 呢道嘅定食價錢好抵～份量好大🥺 有主食➕飯類➕甜品➕餐飲😍 主菜質素不過不失，黑椒炸雞炸得比較乾身而且個蜜糖芥末醬汁太少啦🥹蜜糖芥末豚肉反而勁多醬味道正正常常🙈 個番茄芝士炊飯好食🍅 番茄同芝士味雖然唔算非常突出，但炊飯乾濕程度平衡得好🫶🏻啖啖飯都芝士拉絲呀🧀最後甜品加返分😛 冬甩真係勁軟熟又煙韌🤤即叫即製好重要😆海鹽焦糖醬配埋雪糕真係好邪惡但好match好好食🫣 黑糖檸檬茶都可以😌唔會太甜幾解渴💦環境黎講中間位置坐得比較迫，卡位嗰邊就會闊落啲～Menu沖繩二段炊飯定食 $103•蜜糖芥末豚肉•牛油蜜糖芥末黑椒炸雞 •番茄芝士炊飯 •黑糖檸檬茶 •沖繩海鹽焦糖冬甩雪糕

餐廳推出套餐系列，90幾蚊，有四道菜，主菜，主食（飯或烏冬），飲品，加埋冇得輸嘅雪糕Donut，捧住個肚離開。小朋友食咗炸豬排加烏冬，仲可以飲檸樂👍🏻員工態度有線，上菜時會提醒小朋友千祈唔好掂到個碗，有主動攞我玩俾我哋分食物，非常細心。

有日同女朋友行D.PARK，佢一見到有冬甩雪糕即刻衝左過去拉都拉唔住。本來我地想食譚仔，但見堂食個SET包埋個冬甩，啲野又好似幾吸引咁就入左去。之後有時行過荃灣都特登過黎食左幾次。-柚子脆雞/牛油蜜糖芥末黑椒炸雞+蕃茄芝士炊飯柚子脆雞個柚子味幾出下，啲雞雖然偏乾身但唔會驚話好dry。而且份量岩岩好，個柚子味仲有啲消滯。變相令到之後嘅野食有昇華嘅空間。如果唔鍾意將啲雞同飯seperate咁食可以揀黑椒炸雞。因為牛油蜜糖芥末黑椒炸雞比較juicy，適合餸飯食。黑椒嘅味會比蜜糖出，但蜜糖都並不是一無是處。入口之後個後勁係蜜糖嘅甜。炊飯我會推薦蕃茄芝士，因為呢個飯唔會有個種食厭嘅feel。當食厭左啲餸嘅時候可以淨係食飯都得。-吉列豬扒+壽喜燒/蕃茄鳥冬吉列豬扒肉質偏實，唔會入口即溶。正因為佢啲肉夠緊緻所以食得好爽，需要不斷咀嚼。味道同出面啲吉列豬扒差唔多，但勝在口感更住。如果你係鍾意鬆脆嘅感覺咁佢可能唔岩你。湯底方面壽喜燒比蕃茄好。前者唔會搶走晒烏冬嘅味，後者嘅太過入味，完全蓋過烏冬。會好似食緊蕃茄咁但太過濃郁有啲變味，只適合重口味嘅人最後個冬甩雪糕先係主角，記住前面唔好食太飽。有幾好食就唔多

Antoshimo Cafe & Bakery既Lunch Set好豐富，我今次叫左個柚子炸雞蒸飯，仲包野飲同甜品🤪個柚子炸雞酸酸甜甜好開胃，仲炸到外脆內嫩😬個蒸飯上面仲有D豆，好健康👍🏻食完成個飯其實都已經好飽，不過甜品都係要照食🤪跟餐甜品係海鹽焦糖Donut，鹹鹹甜甜味道好豐富，上面仲有雪糕同紫薯蓉，以跟餐甜品黎講咁豐富，可以話係誠意十足💛佢仲有好多款口味既Donut，有興趣可以去試下🤪

特登黎愉景新城去支持下「白紙市集」，點知俾我見到之前係Megabox食過的冬甩。見肚仔餓就入左去嗌左兩個lunch set，有齊一個主食+飯/烏冬+冬甩雪糕+飲品，加埋服務費，人均約$100。 ⦁黑椒牛油蜜糖芥末鍋燒炸雞⦁壽喜燒昜鍋烏冬鍋 ⦁壽喜燒鍋煮美國牛肉⦁野菜竹籠蒸飯⦁沖繩海鹽焦糖冬甩雪糕⦁凍菊花茶 炸雞就好重蜜糖芥末味，但牛油味唔夠香。烏冬煙韌有咬口，但湯底冇乜味冇壽喜燒既感覺。果牛肉太紅太韌都系一樣冇壽喜燒的味。值得一讚竹籠飯有陣陣竹既香味、煙韌冬甩有種食現炸麻糬熱辣辣的感覺、菊花茶香得黎唔係死甜。 總結，下次我應該只會食他們家的冬甩🍩。 想睇更多分享 歡迎follow lnstagram @sa.foodie.lt

超級失望，唔怪之得佢冇乜人食了。有半年冇食過，已經加曬價，而家成90蚊左右一個餐。都算，因為係我印象中佢係算好食嘅。點知，今次叫嘅柚子脆雞加壽喜燒烏冬係大伏。炸雞好硬，浸左落啲柚子醬都算，仲要用水開稀左個醬… 壽喜燒烏冬都應該係用讚歧烏冬嘅，都係有煙靭口感，但湯底岀曬事，根本就係雞粉開水嘅味道。另外一個叫左牛油蜜糖芥末黑椒炸雞配蕃茄烏冬，比較正常，但係honey mustard太少了，蕃茄烏冬食得岀重味精。唯一keep到水準嘅得donut，下次淨係食donut算了。

試過新蒲崗同鑽石山分店~今日黎試吓荃灣分店之前次次黎都食炸雞，今次試新嘢，主食叫咗餐牌推介嘅大阪燒吉列豬扒主食：大阪燒吉列豬扒 🌟🌟🌟豬扒好香脆，肉質厚身得黎夠嫩，但係隱約有陣個人麻麻嘅肉味，味道黎講中中等等，多啲醬會好食啲烏冬：黑糖咖哩撈烏冬 🌟🌟咖哩比想像中稀，加咗黑糖味道偏甜，但係幾乎蓋過鹹味，整體比較淡，烏冬質地偏腍沖繩海鹽焦糖冬甩雪糕 🌟🌟🌟🌟🌟好在甜品依然保持水準，冬甩部份外脆內軟，煙韌嘅口感令人完全無法抗拒，加埋凍冰冰嘅雪糕同又鹹又甜嘅海鹽焦糖醬，口感冰火交融而且唔會膩，冇得輸！整體黎講，比起記憶中新蒲崗食過嘅味道，呢度嘅主食同烏冬令我有D失望，好在冬甩依然好味😋

來自沖繩嘅冬甩試過堂食跟雪糕又試過外賣當然堂食係好味好多每個冬甩都跟一粒Shisa朱古力(粒朱古力當然係好睇唔好食😆)如果掛住Mister Donut嘅煙韌口感食呢個頂住先都可以