影片
更多
2023-01-04
1408 瀏覽
一向都知荃灣多野食，但原來就咁一個愉景新城商場都有咁多餐廳選擇，我諗我真係太耐無仔細行荃灣。因為夜晚開始轉涼，所以想食番d熱野暖下身。本身有諗過食邊爐放題，但太多人排隊了，所以都係轉食呢間日本野。天婦羅拼盤個拼盤都幾大盤，一共有4款小食，包括柚子炸雞🍗2件、野菜天婦羅2件、芥末雞軟骨餃子🥟2件、同埋黑糖蜜蕃薯條。4款炸物係炸得幾好但略嫌唔夠香，而入面既餡料都偏乾，包括個炸雞同埋餃子。同埋我唔太建議將3種分別要沾唔同醬料既食物放埋同一碟，一黎就有機會混醬，二黎醬汁既份量唔夠沾😅 至於野菜天婦羅就炸得唔夠脆，咬落去果下唔夠爽，可能因為本身個食材入面有水。而發揮得最好既反而係蕃薯條😅 但如果可以揀，我會prefer薯條多過蕃薯條🤫大蝦櫻花蝦湯烏冬一上枱，勁濃厚既櫻花蝦味飄過黎🤤 真係令人食指大動！個湯底有少少辣味，但我相信平時唔食得辣既朋友都會接受到。而且呢種微辣係令到個湯更惹味😋👍🏻 烏冬係完美地吸收左個湯既精華，真係食完想encore。不過放係烏冬上面果隻大蝦🦐就麻麻地，雖然好大隻，但唔算好入味。牛肉芝士番茄炊飯另一個主食就係呢碗炊飯，趁佢熱辣辣既時候將芝士、番茄、牛肉撈均哂係個飯度。係
天婦羅拼盤
天婦羅拼盤
14 瀏覽
0 讚好
0 留言
個拼盤都幾大盤，一共有4款小食，包括柚子炸雞🍗2件、野菜天婦羅2件、芥末雞軟骨餃子🥟2件、同埋黑糖蜜蕃薯條。4款炸物係炸得幾好但略嫌唔夠香，而入面既餡料都偏乾，包括個炸雞同埋餃子。同埋我唔太建議將3種分別要沾唔同醬料既食物放埋同一碟，一黎就有機會混醬，二黎醬汁既份量唔夠沾😅 至於野菜天婦羅就炸得唔夠脆，咬落去果下唔夠爽，可能因為本身個食材入面有水。而發揮得最好既反而係蕃薯條😅 但如果可以揀，我會prefer薯條多過蕃薯條🤫
大蝦櫻花蝦湯烏冬
大蝦櫻花蝦湯烏冬
14 瀏覽
0 讚好
0 留言
一上枱，勁濃厚既櫻花蝦味飄過黎🤤 真係令人食指大動！個湯底有少少辣味，但我相信平時唔食得辣既朋友都會接受到。而且呢種微辣係令到個湯更惹味😋👍🏻 烏冬係完美地吸收左個湯既精華，真係食完想encore。不過放係烏冬上面果隻大蝦🦐就麻麻地，雖然好大隻，但唔算好入味。
牛肉芝士番茄炊飯
牛肉芝士番茄炊飯
23 瀏覽
0 讚好
0 留言
另一個主食就係呢碗炊飯，趁佢熱辣辣既時候將芝士、番茄、牛肉撈均哂係個飯度。係撈既過程中仲有好多芝士拉絲🤤 芝士控表示滿意🤗 撈完之後個味道其實就唔算好特別既，因為只係番茄同牛肉撈埋既湯飯，係多少少芝士既黏黏感覺。
沖繩海鹽焦糖朱古力冬甩
沖繩海鹽焦糖朱古力冬甩
10 瀏覽
0 讚好
0 留言
個冬甩外形係幾靚幾可愛既，不過冬甩底部落左海鹽焦糖醬，個味道甜甜地又咸咸地咁，講真唔太岩我口味。冬甩本身好煙韌，有啲似麻糬果種質地，同一般食到既冬甩既質感有啲唔同，係特別既。而中間既雪糕係雲尼拿雪糕，味道正常。
張貼
