橫濱家系町田商店

營業中

休息中

睇完大家食評，今日決定係佢開舖前去排隊試一試。十二點營業，未到十二點已經幾十人排隊，到我食完離開都仲有廿幾人排緊隊。出餐速度正常，等咗幾分鐘先上小食，第一碗拉麵大約落單後14分鐘左右到，沾麵再多幾分鐘。香菜雞肉 - 從未食過咁嫩滑嘅雞胸肉，芫荽控要試試。拉麵好味，湯濃郁但唔係死咸，叉燒嫩滑，靚紫菜。要揀粗麵，原來粗麵係比較煙靭嘅幼麵🤣，口感同味道都比幼麵好。

嘢食好好食 期待下次再幫襯 不過真係好多人排隊同幾個朋友嚟食食咗三碗拉麵 湯底好出色 小丸子炸雞嗰啲全部都唔可以同街邊嗰啲比 每位店員都好有禮貌 唯獨真係要套裝嘅真係排隊要排好耐好多人食 建議大家提早少少時間排隊

所謂日本第二大嘅拉麵店? 今日行過見到新舖所以嚟試吓，點知中咗個大伏。如果係日本過江龍，只可以用失望嚟形容。首先去到嗰陣（18:00）人唔算太多但係好嘈，（後來發現原來係啲staff傾計所以好嘈）。餐牌選擇都唔多，叫咗一個湯麵，一個沾麵。由落單到第一個拉麵嚟到等咗20分鐘，坐多咗10分鐘之後追個沾麵就話沾麵係要等半個鐘嘅（不過除咗個湯之外，所有野都係凍的）。等緊之際又見到個waiter一路喺廚房行出嚟就一路食緊野，煮麵嗰兩位又有講有笑咁噴晒啲口水落啲麵嗰度 🥲睇到都冇晒胃口🤢。咁啱個老闆又喺度咪同佢反映下俾啲意見，點知佢個態度係：「哦，唔好意思喎」。所以如果大家有少少趕，都唔好諗因為你唔會等到，但係如果你好得閒，想望住對面嗰個食完但你碗麵都未到，對拉麵嘅要求普通得嚟又鍾意俾高啲嘅價錢，都可以試吓嘅。。。食評：個人嚟講湯底過鹹，麵質同個湯底唔太夾。（味道喜好因人而異）利申：本人對拉麵冇咩要求，只係覺得佢哋嘅做法同喺日本食有分別。🙂‍↕️建議可以帶返口罩咁傾計，可能唔洗等咁耐就唔會留意到 🫢

晚市時間到7:30截單，拉麵種類選擇小，食物質素一般，而且餐牌上有很多食物都無法提供，大家認真考慮有需要支持此店。不知道是airside商場安排還是新店開張，有待改善

食物:味道可以 蒜味剛好不會太咸。叉燒口感好, 滑同柔軟價錢:偏貴,單碗拉麵$98,凍綠茶都冇跟杯。環境:食完午餐後頭痛, 因環境太嘈, 播歌音量太大去左Disco咁。日本拉麵店又播放韓國Kpop歌,十分不配。建議播少少純音樂已可以。入座安排不好, 午餐時間4人枱坐2人, 外面排長隊。坐低後, 等超過10分鐘才有qr code下單, 12:19下單, 1點左右碗麵先到。人手安排有問, 樓面個男仔淨係做加水, 問佢拎menu唔知, 問佢qr code又唔關佢事, 好多方面安排都需要改進。