橫濱家系町田商店

營業中

休息中

想係啟德附近食碗好食既拉麵選擇不多，AIRSIDE既橫濱家系町田商店係之一中既一。魚介豚骨沾麵 🐟 🐷完全出乎意料的濃厚！ 魚介的鮮味與豚骨的醇厚完美融合，湯汁濃稠掛麵力 MAX，每一口都包裹着滿滿精華。本身跟左薄但大片既叉燒，唔算好肥但有脂香，中意溏心蛋淡口配湯同麵好夾。用紫菜包住沾滿湯汁既麵，同埋額外加既辣大蔥，一點蔥既甜同辛辣味提鮮之餘又增加蔬菜既脆感。最驚喜係帶點微微酸度，平衡了油脂感，吃到最後一啖都不覺膩，如果有埋海帶醋自己加當然更加好。湯汁入面仲有厚切既豚角同埋筍條，冇臭味，好食。辛味噌拉麵 🌶️一入口先感受到味噌的濃郁咸香，接着是辣味的層次慢慢蔓延，溫潤而不嗆辣。椰菜的天然甜味，而且又爽脆，中和了味噌的鹹度，令整碗拉麵更加順口。配上 Q 彈的粗麵條(可揀幼麵)，每一口都充滿家庭式的溫暖感，唔通呢個係叫家系拉麵既原因？拉麵店除左有卡位都有獨自食嘅吧檯，幾岩lunch 自己黎啪番個沾麵。有幾多既小食選擇，但驚太飽冇嗌到，下次多啲人一齊食先試下。🌼🌼🌼🌼🌼🌼🌼🌼🌼🌼🌼🌼🌼📍橫濱家系町田商店🏠 啟德協調道2號AIRSIDE地下G011號舖🌼🌼🌼🌼🌼🌼🌼🌼🌼🌼🌼🌼🌼

𝔸 𝕣𝕖𝕘𝕦𝕝𝕒𝕣 𝕣𝕒𝕞𝕖𝕟 𝕔𝕪𝕔𝕝𝕖 𝕚𝕤 𝕞𝕠𝕣𝕖 𝕥𝕙𝕒𝕟 𝕙𝕖𝕒𝕝𝕥𝕙𝕪🏃🏽‍♂️‍➡️行 AIRSIDE 既次數真係一隻手數得曬，但商場空間感唔錯，而且間中有頗吸引既展覽，所以都會成日想再訪🕺🏽。今次去就食左朋友想試既拉麵店🍜，店名充滿日本🎌風味。和牛拉麵湯底清澈，和牛香而原味道重🐮，雜菜量多🥬，簡直係營養均勻✨。不過湯太清既緣故，麵條唔太掛汁，我都落左少少七味粉同胡椒粉加強麵既味道👅。朋友點左橫濱終極 MAX 拉麵☄️，好架勢既名，叉燒都好幾片架🐽。最大既分別係湯底濃郁，唔算太咸♨️，即使係幼麵都輕易掛起湯汁。🐂Luxurious Wagyu Ramen | $158🐖Yokohama-style MAX Ramen | $118另外嗌左兩款小食，一個係餃子，煎得香噴噴😙，餃子皮厚薄適中，都幾 juicy 架💦。另一個係甜汁炆南瓜，presentation 雖然唔多特別，不過炆得好腍，南瓜既甜有誰不懂🫶🏽？！加埋罐烏龍茶消濟一流，再行下個商場就應該可以去食甜品了👻～🥟Gyoza | $58🎃Simmered Pumpkin | $30🍵Oolong Tea | $20

✨橫浜終極MAX拉麵有成3大塊叉燒 x 1個糖心卵 x 3塊紫菜 x 1粒鵪鶉蛋你冇睇錯..真係鵪鶉蛋🥚🤣🤣🤣🐖豬骨湯底超濃郁..味道恰到好處. 叉燒 真 入口即溶.. grandma👵🏻都食倒. 一定要揀粗麵. 質感爽～滑～彈 都齊晒. CP 值好高💯✨斑馬大蒜牛油拉麵錯意蒜既朋友仔唔可以錯過. 佢係用左黑蒜油. 食倒香甜既黑蒜味，同豬骨湯底都幾match. 又唔會搶走豬骨味. 🧄 上面有成粒牛油🧈 今次仲唔FAT FAT😆

餐廳裝潢以紅黑色為主調，時尚有格調空間闊落，提供餐桌和吧枱座位選擇。店內供應六款拉麵，由濃稠的豬骨湯和自家製麵條炮製而成。可以自選搭配麵條的粗幼度，麵質有嚼勁，而且掛湯能力十足！配料方面，有巨大叉燒，肉質相當軟嫩，入口即溶。拉麵還附有1粒鵪鶉蛋，非常特別！橫浜終極MAX拉麵（幼麵）$118湯頭以豬骨湯及醬油雞湯混合而成，質地細滑濃厚有三大塊叉燒和糖心蛋。斑馬大蒜牛油拉麵（粗麵）$103湯頭有一小塊牛油，黑蒜油咸香入口濃郁不算太油膩。炭燒雞軟骨串 $68雞肉和軟骨結合，既有嚼勁又不失滑嫩，表面刷上一層醬汁，使得味道更加豐富，讓人食欲大增。

AIRSIDE地下層有間過江龍拉麵店，1974年創立，始於神奈川縣橫濱市嘅日本第二大拉麵店，品牌截至目前全球已有800間分店，室內設計以紅黑色為主調，晚上雖大排長龍，上菜速度快且客人逗留時間唔長，所以都唔會話要等太耐。拉麵款色多，私心推介斑馬大蒜牛油拉麵，「斑馬」即用上黑蒜油搭配牛油而成嘅湯頭，鹹香味突出，濃郁得嚟又唔膩。配料有叉燒、鵪鶉蛋、紫菜等，唔夠嘅可以加點，麵條軟硬度適中，有粗有幼可按個人喜好選擇，掛汁，但份量偏少。小食方面都有幾多選擇，餃子外脆內飽滿，燜南瓜軟淋帶甜香氣，枝豆熱辣辣，咬落鮮甜，菠菜又清又嫩，加埋白飯足以飲埋碗湯。人均消費合理，地點方便，喜歡食拉麵嘅朋友有興趣不妨Bookmark試一試～

嚟到啟德Airside 想簡簡單單食餐飯….可以嚟到地下美食區嘅橫濱家系町田商店….餐廳環境寬敞….坐得好舒服….🐾🍜 橫濱家系E.A.K.拉麵 湯底好香….係由豬骨湯同埋醬油雞湯混合而成….幼身拉麵口感彈牙有嚼勁…好掛汁….叉燒肥瘦相間….入口即融….. 仲附有1粒鵪鶉蛋….幾特別🐾🍱 鰻魚丼鰻魚肉厚實….油脂豐富….有炭火焦香….醬汁甜度適中….不會掩蓋鰻魚本身嘅鮮味….🐾🍤 海老天婦羅丼（3件）天婦羅即點即炸…外層金黃酥脆…蝦肉飽滿彈牙….

全球第2大連鎖拉麵店於香港開業，選址啟德AIRSIDE，環境寬敞，以黑色同紅色為主題，型格十足🖤❤️✿ 餃子6件 $58食拉麵當然系配餃子🥟新鮮煎之後熱辣辣🔥餃子做到皮薄餡靚✨裡面肉質結實。✿ 橫浜終極MAX拉麵 $118個名非常霸氣🤣湯底主要系用豬骨湯同醬油雞湯製成，味道濃郁而不膩。配料有菠菜 溏心蛋 紫菜 叉燒，溏心蛋黃甜甜哋好食🧡叉燒厚薄度屬偏薄🐷但無減應有口感👍🏼嚼勁十足又掛汁🍜✿ 極上和牛野菜拉麵 $158極上和牛好吸引🤤和牛顏色粉嫩💖油脂豐富，肉質非常軟稔🐮其他配料大致上同橫浜終極MAX差吾多，不過呢款湯底主要系用醬油，味道相對清淡，混合幼麵食系另一番風味。

行開九龍城，見到呢間日本拉麵店裝修幾和風，入去試下佢。環境方面，店內乾淨企理，座位唔算太逼，坐得幾舒服。服務就正常啦，冇咩特別好或差。▫️橫濱終極MAX拉麵叫咗幼麵，個麵質咬落都有啲彈牙，算係合格。不過個豚骨湯底好普通，食食下就覺得覺得偏咸，仲有陣味精感，要狂飲水中和返。流心蛋有少少失望，蛋黃煮得過熟左少少，冇咗流心效果，好在叉燒挽回分數，夠腍但偏肥少少，會岩鍾意食肥叉燒嘅。▫️鰻魚丼飯係用日本珍珠米，煮得幾好，鰻魚份量都算正常，燒得香口又唔會太乾，整體來講係穩陣之選。如果喺airside 想平平地醫肚，呢間可以一試，但唔好期望太高。

自從啟德體育館開幕以來，啟德區內越來越多食肆進駐，今晚便來到一間以日本拉麵為主打的食肆。這間拉麵店樓底很高，座位寬闊，裝修和日本橫濱日本拉麵店非常相似，感覺如置身日本之中。橫浜終極MAX拉麵（幼麵）$118，入味筍$15，蒜蓉$10，合共 $143。叉燒軟腍可口，肥瘦均勻。溫泉蛋，蛋黃生熟程度適中。入味筍，醬油味道香濃，爽脆可口，尺寸頗大。拉麵軟硬適中，爽滑可口。湯底豬骨味道香濃，加上蒜蓉的香味，很快便將拉麵和湯底消滅了。辣味增拉麵$103，吃之前要將辣醬混和湯底，辣到頓時提升了不少，雖然不算太辣，不過香辣味道濃郁，加上肉碎肥瘦適中，這個辣味拉麵，值得推薦。

在啟德Airside食晚飯，見到呢間拉麵店排長龍，餐廳主打日本拉麵，價錢係Airside算平～除了拉麵，仲有沾麵同日式鰻魚飯,炒飯等，選擇尚算豐富～店內以黑紅色為主色調，一大張長沙發卡位，亦有窗邊吧枱可以望啟德街景。橫浜終極MAX拉麵 $118湯底用豬骨湯同豉油雞湯組成，湯底相當濃郁，湯底好飲，估唔到呢個配搭幾好食，有三塊叉燒，糖心蛋，鵪鶉蛋，菠菜同三塊紫菜，份量都足夠，食定好飽！　叫了兩款小食，炭燒雞軟骨：推薦!!三大串，大大粒～好爽口啖啖肉！枝豆：清新解膩

點了招牌斑馬大蒜牛油拉麵，端上桌時，濃郁的蒜香混著牛油香氣撲鼻而來，瞬間勾起食欲。 拉麵湯底濃稠醇厚，牛油的油脂感與大蒜的辛辣完美融合，味道層次豐富，喝一口便讓人難以忘懷。麵條粗細適中，彈牙有勁，吸附飽滿湯汁後更添風味。配料也十分用心，叉燒肉質軟嫩，肥瘦比例恰當；溏心蛋蛋黃流心，鹹甜適度。整碗拉麵份量十足，能吃得相當滿足。 店內裝修充滿日式風情，環境乾淨舒適，服務也很周到。無論是拉麵愛好者還是想嘗鮮的食客，橫濱家系町田商店都值得一試，斑馬大蒜牛油拉麵更是不容錯過。

今晚終於有機會食這間日本過江龍，環境闊落開揚，裝修很有日本酒場的感覺。主打當然是拉麵，但亦有提供丼飯及小食。拉麵選擇都頗多，主打濃郁豬骨醬油湯底，麵底有粗/幼之分，個人覺得粗麵跟沾麵比較恰配，所以點了斑馬大蒜牛油拉麵及辣大蔥拉麵都是配幼麵的，賣相不錯。麵質有嚼勁，掛湯力不錯。叉燒肉質軟嫩，除左紫菜，內邊還有隻鵪鶉蛋，幾特別。而斑馬大蒜牛油拉麵就多了牛油和黑蒜油的香味，濃而不膩。而辣大蔥拉麵就是大蔥配合日本麻油及辣油配豬骨醬油湯底，微辣惹味。餐廳的小食都頗吸引及抵食。青森縣炸帶子炸得金黃香脆。

啟德站越來越熱鬧，最近帶小朋友出門既熱點，地鐵站一出已經有好多公園商場玩樂餐廳，又齊集又新。日本拉麵大人小朋友都啱，紅色招牌經過見到好搶眼呀，6：30pm 嚟到已經要係門口排隊等位，唔係攞飛形式，20分鐘左右有枱，我哋4個人俾咗張卡位我哋。極品叉燒拉麵足足有四大塊叉燒，都比平時嘅多，湯底好夠濃，愈食會愈想繼續食，亦唔會特別口渴，滿意呀。炭燒雞軟骨串有醬汁包住，好似粒魚蛋嘅雞軟骨唐揚炸雞即炸起嘅感覺，好熱好熱，咬落去好嫩滑又有肉汁唔乾上菜速度好快，店員效率好高，我哋坐低到走只係用咗45分鐘咋！相信一定會再嚟！

首推「橫濱家系E.A.K拉麵」，湯底以豚骨與雞骨熬煮10小時以上，琥珀色湯頭掛著細膩油花，鹹香中帶著淡淡昆布鮮味，一飲入魂。軟嫩叉燒肉夾著薄層脂肪，溏心蛋劃開瞬間金黃蛋液緩流，搭配彈牙直面，每口都還原經典家系風味。若愛重口味，「斑馬大蒜牛油拉麵」必試——雪白湯底鋪著焦香蒜酥與金黃牛油，攪拌後濃稠如奶油，蒜香衝擊鼻腔卻不嗆辣，豚肉餃子混著洋蔥的甜，讓層次更顯豐富。 飲品搭配冰可樂，气泡感恰好中和湯底膩感，收尾清爽。整體而言，兩款拉麵皆以「濃」為核心，湯底掛喉而不膩，配料誠意滿分，適合嗜濃郁系的老饕。若想體驗橫濱家系的熱血奔放，不妨趁午市來碗拉麵，讓濃香在舌尖綻放。

“橫浜終極MAX拉麵+入味荀”($118+$15)“斑馬大蒜牛油拉麵+味付蛋”($103+$15)“餃子(六件)”($58)又一間日本過江龍拉麵🍜今次嚟咗喺Airside嘅橫濱家系町田商店入座後用qrcode落單好清晰方便先點咗橫浜終極MAX拉麵配料有3片叉燒,味付蛋,鵪鶉蛋,紫菜我仲加錢點咗份入味荀😍食拉麵冇荀又點成事🤣豬骨醬油雞湯頭濃厚🐷🐔叉燒大大片,脂香十足,正😛另一碗就揀咗斑馬大蒜牛油拉麵🦓配料都係有叉燒,鵪鶉蛋,紫菜所謂斑馬其實即係用上黑蒜油🧄搭配上牛油成碗湯都好香好惹味😚小食方面就點咗份餃子🥟餃子一咬落去爆哂汁超juicy🤭