橫濱家系町田商店

營業中

休息中

等左好耐終於都喺香港食到橫浜家系既拉麵，裝修舒服企理而且空間感好好，airside既整體設計真係幾好，食飯時感覺唔似香港一般餐廳，真係有種去旅行既感覺!橫浜終極Max拉麵呢個拉麵基本上係必食之選，因為呢個價錢已經有溏心蛋、鵪鶉蛋，菠菜再加2大塊叉燒，就咁睇樣都已經冇得輸! 湯底第一啖已經係最經典既豬骨湯，大半年冇去東京但陣味真係感覺有9成似日本食到既味道，拉麵可以揀粗同幼，目測其實分別唔太大但粗麵真係會再有咬口啲，湯底本身都夠濃厚所以麵質粗幼都一樣好掛湯! 叉燒係煮到淋哂完全冇筋或者柴皮既肉質，配合埋流心既蛋同鵪鶉蛋，整體真係好出色!極品叉燒拉麵鍾意食叉燒既就一定要叫呢個拉麵，已經包左5塊叉燒，肥瘦適中而且質感都係一樣，唔係有部份好硬部份又好肥咁，湯底同拉麵都一樣咁正。主要係湯底夠哂熱，所有口感都會再提升!小龍蝦沙律&唐揚炸雞難得黎到一定要再食小食啦，小龍蝦沙律比想像中份量多而且龍蝦肉結實又彈牙，醬汁調味都岩岩好，幾開胃既。至於唐揚炸雞就真係好驚喜，炸衣好薄而且即叫即炸熱辣辣，更加保留到肉汁唔會乾柴，真係還原到日本食既味道!蘋果梳打&提子梳打飲品方面都有平時唔常見既，有輕微酒精但果味其

橫濱家系町田商店係日本超過750間分店，宜家係香港開第一間分店！拉麵不嬲都有唔同嘅派系，所以多數Menu上面嘅拉麵口味都唔多，專心做好一款拉麵，橫濱家系町田商店就主打豬骨醬油拉麵，有分MAX拉麵、EAK拉麵、味噌拉麵、沾麵，仲有幾款丼飯、小食。下午茶時間有優惠套餐，包括橫浜終極MAX拉麵(小盛)🍜份量少啲，不過有埋餃子、飲品。豬骨醬油拉麵再加埋雞湯熬製而成，湯底濃厚細滑，飲落清甜，唔會太鹹，配料有薄切叉燒、鵪鶉蛋、菠菜、紫菜。麵條由自家工場製作，可以揀粗麵或幼麵，個人就鍾意粗麵多啲，比較有口感。另外叫咗斑馬大蒜牛油拉麵，比起基本嘅豬骨湯拉麵，多咗黑蒜同埋牛油，鍾意食濃味啲嘅朋友可以揀呢個，一路食嘢嘅牛油嘅香味🧈湯底更加有層次感😋小食方面，套餐跟嘅餃子不過不失🥟我更加鍾意章魚小丸子，表面脆脆地，加埋燒汁幾好食😋

要過嚟啟德Airside搵朋友，今朝食完早餐未落格，頭先冇食晏～而家晏咗有啲肚餓～一出地鐵站，行過地舖見到呢間拉麵舖，望下個餐牌都幾吸引，一個人食就試下啦！我響香港好似第一次見，但係我記得日本有好多分店，上網一check先知，原來係大集團，有成五百幾間！揀咗最鍾意嘅沾麵，佢係香濃魚介湯底，香味好濃郁～真係好香～麵質都幾彈牙！！除咗一大片叉燒，湯入面仲有角切豚肉～溏心蛋都幾入味！小食叫咗個小松菜配烤香菇～味道幾清新，當然要攝取一下纖維素啦！飲品我就揀咗有酒精嘅蔬果梳打，佢仲十分有誠意地畀埋個冰杯我，真係好有儀式感呀！🤭🤣其實佢小食都仲有好多種選擇：餃子、天婦羅…最特別係有辣鱈魚子，不過今日得我一個人，驚食唔晒，就留返下次同人開心share啦！！

一月嘅時候去完日本咁啱就係食咗町田商店 嗰陣喺日本食 覺得係一間好高性價比嘅拉麵 於是見到香港開咗商店嘅時候有心郁郁想去試吓個拉麵係有得揀粗幼嘅 我就揀咗粗麵 小食仲有炸雞同埋餃子 先講吓個拉麵 個拉麵感覺偏鹹 同埋唔知邊位天氣太熱 而佢枱面嘅水唔係冰水 食咗兩三啖就開始覺得好鹹好膩 而又冇水解膩 感覺就唔係幾好，開始冇乜意欲想再食個拉麵餃子係三個入邊比較鍾意食嘅一樣 個皮煎得幾好 炸雞就都係不過不失啦 買單最後其實都差唔多四百幾兩個人 其實都可以食到好多好嘢⋯ 暫時就冇個回頭嘅動力

終於去到Airside朝聖試橫濱家系町田商店🏬拉面🍜，7成滿，但店員忙，冇人帶位，門口等咗一陣，被安排坐窗口bar枱，QR code 🧑‍💻 order，揀咗橫浜終極MAX拉麵🍜（正常份）（$118），揀粗面，再加小食香辣鱈魚🐟子（$40）。拉面等咗5分鐘就有，橫濱家系係東京醬油湯底+九州豬骨湯底，但我食唔出有咩分別，都係咁，面都一般，有鵪鶉蛋都幾特別，第一☝️次明太子🤴送拉麵🍜，正 #鱈魚 #airside #新開 #町田商店 #拉面 #橫濱家系 @machidashoten.hk @airsidehk

聽聞啟德Airside有人氣日本拉麵店「町田商店」進駐，平日晚飯時間都大排長龍！適逢在附近買寵物用品，當然要把握機會品嚐一下知名的和風拉麵，順道享受一下一個人的me time。餐廳環境寬敞，裝修富時代感，加上啟德園景襯托，氣氛悠閑。極度吸引的拉麵 😍😍😍最後揀出這份拉麵套餐組合 😁😁小龍蝦沙律，食拉麵之前，當然要食沙律打打底；新鮮爽脆西生菜，承托著小龍蝦沙律，口感清新，十分開胃又抵食的前菜。極品叉燒拉麵，這道極品叉燒拉麵是店家的招牌推介，當然不會錯過！拉麵湯底油而不膩，麵質爽滑彈牙，份量亦多，一個人全清後感覺十分飽滿。拉麵有五片背脂極之豐富的叉燒，口感油潤，豬味濃厚。配料有波菜，紫菜，鵪鶉蛋，吃得出都是優質食材。因為喜歡吃蛋，忍不住還追加了味付蛋（溏心醬油蛋）。西柚有氣酒，飲品選擇貴精不貴多，水果味的有氣酒能解油膩感，最適合不過。

呢間過江龍拉麵自開張以黎麵排哂長龍🚶‍♀️🚶🚶‍♂️話哂係日本🇯🇵第二大的連鎖拉麵店今日就黎試試佢我係平日既夜晚8點黎食估唔到都有人龍等咗大概20分鐘先可入座呢間拉麵店主打都係豬骨醬油拉麵湯底話係結合豬骨湯同醬油雞湯我食量唔大 所以無叫到最熱賣既MAX只係叫咗E.A.K比起MAX, EAK應該要分別係少咗一隻味蛋同兩塊叉燒不過我最後都有額外加15蚊要多隻味蛋試下先講湯底飲得出的確係加咗雞油既香味但個人覺得配上豬骨湯雖然濃厚都係稍為咸咗d頭幾啖覺得好香幾好飲但食多幾啖就覺得味太重 有少少味精味咁麵我揀咗粗麵不過不失 唔係話好彈牙或煙靭個隻略嫌煮得耐咗少少叉燒本得有d偏乾同硬 無乜特別鵪鶉蛋同味彈就唔錯 都有流心感覺醃得夠香可能係連鎖大牌關係 拉麵偏向公式化咁同另一間大型連鎖 一樣食豬骨湯拉麵既差唔多味道上加咁雞湯係有特色但食落又唔係話好刺激到味蕾所以試完就算啦

1）野食難食-勁咸-食物唔夠熱-冇乜幾可難食都要食剩碗野2）服務有待改進-企門口超過3分鐘都冇人招呼-坐低叫完野又被邀請坐第二度-枱面有壺水，冇冰，冇水杯總結：另人失望，「不了」

首先這是一家在日本連鎖的拉麵店。剛剛開業的時候，排隊吃拉麵都要超過半小時以上。但是這家拉麵收費比起其他過江龍拉麵稍為偏高一碗拉麵平均也要$140而且湯頭也不是很特別的味道老實說可能只比味千拉麵好一點點本着過江龍的旗號如果這質素卻未免收費有點過高，而現在晚市的高峰期也不用排隊，而且也不滿座所以這就是證明這家拉麵的質素挺一般的而且價格不親民。這也是大家不選擇來他家吃的原因如果在價格和味道上面作出改善，相信會受顧客的受落。

今日晏晝嚟咗airside食呢間拉麵，我覺得只係品質只係一般，首先湯底超級鹹，最尾要叫佢俾多一碗清湯我加埋入去先搞得掂，另外就係價錢唔抵食，一碗麵好少份量，連女仔同事食完都話唔夠飽。唯一嘅好處應該就係坐得比較舒服，同埋有得揀粗面同幼面。另外覺得仲有一樣嘢佢哋需要改進嘅，就係服務員嘅態度全部都唔係咁好，不停聽到佢哋自己同自己講話好忙，冇其他同事幫手，但係明明餐廳都坐唔滿。最後就係呢度嘅冷氣都比較大，吹正個頭

係家系拉麵🍜見到開左一排評價都係中中挺挺咁點左終極Max拉麵 同辣大葱拉麵湯底讚濃郁潤口 愛濃厚感拉麵既會推介豚油香滿滿 亦冇死鹹感終極Max就係有多d豚肉同紫菜同普通款湯底一樣的 見大部分人好似都揀呢款多另外辣大葱個碗 會更添左點辣油香🌶️感覺唔加無妨用店家提供既辛味粉應該都唔錯另外都仲有黑胡椒🫙但湯頭夠full😎所以唔加都唔會覺得有所欠缺大葱就偏硬身爽口 相信如果係芽菜 個人會更喜愛其他配料就各安其分🐷豚肉既肉香足🥚蛋爽彈 正常發揮紫菜幾新鮮~🥬菠菜好點題😉至於餃子🥟會比較似鍋貼真係唔日式的🤫但好juicy~~唔係一定要食到日式煎餃既話 可以點🤓

話說上月去大阪旅行時，我地隨意地入左間拉麵店食左碗唔好食嘅麵之後，大少一直都耿耿於懷。剛好見到AIRSIDE開左間町田商店，係日本有超過五百幾間分店，而今次就係香港開第一間分店，所以就帶佢去食返次好味拉麵啦！餐廳以卡位為主，環境都好寛敞，一排吧台位置可以坐住望到外面嘅戶外空間，整體上感覺又真係幾舒適。有拉麵、沾麵、丼飯、同小食，種類都算多元化。先嚟每人一罐飲品我嘅 極品叉燒拉麵 ，最吸睛就一定係嗰五大片叉燒，肥瘦比例均勻，口感鬆化軟嫩。麵底方面我就選擇粗麵，硬度適中而且有咬感。湯底就偏向濃味，但就唔有好肥膩嘅感覺。大少就食左店內招牌拉麵嘅  橫濱終極MAX拉麵，與我嘅唔同就係配菜方面多左紫菜、溫泉蛋同埋鵪鶉蛋，種類就豐富左。麵底方面就選擇幼麵，看似與我嘅粗麵好似差唔多，但大少咬落軟身啲，啱佢個口感。另外我地仲叫左兩款小食，先有大少每次去日式店必食嘅餃子，煎得好香口外脆內軟。章魚小丸子入口鮮熱辣辣，而且外皮好脆，而內裡又唔會好在粉漿感，略嫌章魚粒粒偏細粒，如果可以大粒多少少，咁就very good啦！

今日嚟到AIRSIDE原因想帶隻寵物行商場見到有間新開垃麵店而且睇餐廳名知道日本出名拉麵店，估唔到日本咁人氣嘅拉麵終於登陸香港🇭🇰拉麵拉麵控嘅我一定要你試吓湯底好唔好食✨極品叉燒拉麵 🍜超級重份量有5塊叉燒，每塊切得好薄身燈光下叉脂比例一半，每一啖食油脂香味，拉麵比較幼身，而每條拉麵啱啱掛上豚肉湯，拉麵嘅質感比較彈牙，湯底特別濃郁，另追加味付蛋用咗日本豉油浸過嘅雞蛋半熟透明，咬一口非常之豐富✨✨厚切叉燒丼叉燒用咗火焰噴槍微微焦香，香味好濃配上珍珠飯口感好飯有黏口，好好味✨章魚小丸子依個章魚小丸子比較特別就係麵粉漿燒到好嫩又好彈牙，每一啖都有章魚粒色整到外脆內嫩，個人覺得小丸子唔錯✨唐揚炸雞炸雞柳炸皮好鬆脆食落去口感好Juicy，而且好嫩滑，點上醬汁增加咗雞肉嘅口感✨加咗一個日式嘅綠茶 ，甘香得來又唔會太過濃，而且中和油膩，另外older無糖可樂同拉麵簡直係絕配

新開喺Airside嘅日本過江龍拉麵店🍜當日去到已經係下晝大約三點左右～不過都好多人喺度食😆去到可以即時入座唔使排隊🙆🏼‍♀️環境開陽坐得幾舒服～Menu嘅選擇都唔少～食物出餐速度都好快，拉麵嘅硬度適中，湯湯底比較濃郁，但係唔會過鹹，拉麵裏面嘅叉燒都唔會柴，口感同味道都ok😛今次選擇嘅係橫濱終極Max拉麵同埋沾麵～小食就order咗三款唔同嘅小食！！• 辣味枝豆 🫛• 小松菜配烤香菇 • 香菜辣味筍

👧🏻😋👅🍽✨日本過江龍連鎖拉麵店-🇯🇵 日本第二大的連鎖拉麵店開到黎香港喇! 食物實物同日本總部官網相片一模一樣! 🇯🇵 Airside店六月中先開始試業, 比香港一般拉麵店面積大好多, 地鋪窗口位仲有半開放bar枱可帶寵物-🍜 極品叉燒拉麵 $158💯豬骨醬油湯底油而不膩, 五大塊厚切叉燒都有好濃香醬油味, 肉質軟滑, 油脂豐腴, 麵條彈牙-🍲 魚介豚骨沾麵 $118✨魚介豚骨湯都有肥肥的叉燒肉粒, 湯底鹹香稠身唔涸喉, 麵條可輕易沾上濃湯-🐥 🥟 小食💯唐揚炸雞 $48 炸得金黃漲卜卜, 外脆內軟, 雞肉嫩滑爆汁💯餃子 $58 六隻餃子單邊煎到焦脆, 餃皮好滑, 肉餡有微微薑味幾特別-🍵 飲品✨神戶茶房罐裝綠茶同烏龍茶 $20/罐