樂麵

營業中

休息中

另一間樂麵前身就係cafe店黎結業之後同本地品牌永樂麵廠悅和醬油廠合作就生出左間港式拉麵店出黎樂麵第一間開係葵芳都係大排出龍然之後好快就開左第二間將軍澳店呢間將軍澳店開係坑口東港城兩間店都係商場店大家都係以紅色燈籠同雞蛋燈做主題我就舊年年尾星期日夜晚六點左右黎到前面都仲有兩個人排隊等左幾分鐘先入得入面d檯就好不規則我就坐左大檯阿席位但張凳好高吊晒腳都坐得幾辛苦同埋阿席位背對住門口而門口又係開放式即係我成個背脊係得住個商場呢個位感覺都幾差QR code落單有壹至陸隻麵分普通版同特盛版見普通版叉燒同蛋都少一半勁傻的嗎就一定係揀特盛架啦仲有追加食物爭扎左好耐最後都係揀左雞白湯因為得呢個麵有晒豬雞鴨三隻肉湯底可以揀淡麗同濃厚檯面都有唔少配料不過我通常都唔會落同埋有教學講左食麵五部曲成個麵擺盤就有d似丸京三款總共九塊肉正常唔差豬同鴨都算幾嫩但雞肉就無咩味蛋都靚仔但麵就好普通原來仲要加錢先有永樂麵呢隻唔是幼麵食落口感就好一般廉價feel而個雞白湯係有雞味但就唔可以話係好濃連天浮橋果類都仲算比佢濃食雞白湯就係想要佢果種濃厚既味道所以呢個麵真係只可以算一般唔難食但QR落單都要加一轉永樂麵又要加15蚊即

第一次食呢間餐廳正當下午茶時間試咗「九龍古法煎米粉餐」揀咗（樂式）慢煮豚肉碎肉碎份量適中米粉煎過 食落脆脆地食到中間係濕濕地口感桂圓紅棗茶冬天養氣之選 熱飲味道唔算太甜

早幾日行過 見到佢門口個電視 發現有早餐提供 之後放假去試吓 先嚟咗一碗皮蛋肉片粥 好正好靚等陣間再嚟咗杯凍咖啡（order少甜） 飲咗兩啖 咦 正常甜 唔緊要 仲要係唔好飲嘅咖啡 已經淡 再加埋d冰粒 …之後主菜嚟啦有2粒微暖魚肉燒賣 😑有香蔥煎蛋 👈🏻👌🏼同肉碎煎米粉 👈🏻米粉餅底咁 硬到爆 又乾試過放入口 唔掂 之後全部冇再掂過 即煎一定唔會係咁 得幾張桌都要煎定 唔緊要出餐前自己check下嘛 total $46 好冇誠意既出品 如果真話傷害到你 抱歉了

樂麵用的是香港本地的食材, 然後製作出日式的拉麵, 所以骨子裏也是用拉麵的評分來顯示這碗麵是否好食? 例如是這裏的雞白湯滑底, 是夠火候和鮮味味道, 但是質感相對較稀, 用上打奶泡機為雞湯加熱, 也令舖頭表面多了一層雞湯的奶泡, 提供了順滑的口感, 但我覺得最好的還是學下去很黏口的口感, 所以就有小小的落差. 慢煮雞胸肉和烤鴨曲肉質順滑, 沒有筋, 少了些烤香和肉香在結合在湯頭之中, 味道層次可以再多一點.用上伊麵代替傳統的中身麵, 口感更爽實, 掛汁能力不錯, 只是麥香不夠, 相信主理人也知道, 值得一讚的事伊麵起來沒有任何油膉味, 也沒有油膩感, 畢竟傳統伊麵也是油炸過的. 小食的豬大腸用上悅和醬園的豉油和辣椒醬結合, 夠辣夠香, 大腸厚實而且內外清潔得很乾淨, 沒有異味, 作為小食表現更有驚喜.

同朋友經過，所以入嚟試吓。我叫咗兩個拉麵。醬油拉麵以濃郁的醬油湯底為主打，味道帶有鹹香和些許甜味。再加入醬油調味。拉麵配料有叉燒、竹筍、海苔、溏心蛋和蔥花。整體來講，醬油拉麵味道較為清爽，適合中意偏鹹風味嘅人雞白湯拉麵帶有淡淡雞味，唔算超級濃郁。雞白湯的味道相比醬油拉麵更為柔和。咁樣棉質同醬油拉麵一樣唔算話好特別，食得出唔係手打嗰種嘅感覺。配料方面，都係有雞叉燒為主，再加上木耳、蔥花、蒜蓉。𤨣體嚟講都係偏貴冇乜特別嘅餐廳。

二個人黎，一個叫真熬雞白湯，一個叫琥珀湯拉麵。湯味道不好，雖然肉係好多，但相對上傳統叉燒拉麵，黑蒜拉麵，他們還好食點現在時間係晚上八點左右，只有三台食客，枱上並沒有調味，不可以自己增添湯嘅味道價錢亦不算便宜，但水準的確一般

呢個商場有兩間拉麵舖，樓上嗰間成日去食，今日放假見唔使點等位所以就走入去試吓呢一間。目測今日全場爆滿。拉麵最基本嘅要求係湯要熱 唔知係咪因為今日假期員工太忙 碗麵上到嚟啲湯係暖嘅 。我點了特盛雞白湯，湯頭好清冇乜太大味道，面底軟硬適中，叉燒好薄，冇乜味道。加上三塊雞胸肉，肉質好腍，但又是沒什麼味道。不過碗暖湯再加啲唔凍唔熱嘅食材令到碗麵扣咗分 估計係整好之後擺咗喺度我諗有10分鐘先上枱 希望員工正視此問題。

樂麵嘅真熬雞白湯拉麵真係唔錯😋。湯底濃郁，雞味香濃，飲得出係用心慢煮出嚟嘅🍜。麵質彈牙，唔會太硬又唔會太腍，啱啱好👌。叉燒肉質嫩滑，入口即化，真係一絕🥢。蛋亦都流心得嚟冇腥味，味道調得啱啱好🥚。餐廳環境乾淨整潔，服務員態度友善，令我食得更加舒服😊。價錢合理，性價比高👍。如果你鍾意食拉麵，呢度絕對值得一試🤤。不過，因為人氣高，建議早啲去，唔好等太耐⏰。下次唔介意再嚟試其他款式嘅麵，期待有更多驚喜🎉！總括嚟講，樂麵樂道嘅真熬雞白湯拉麵雞白湯拉麵係唔錯嘅選擇，一定唔會令你失望😊。

是第二次幫襯了, 好在沒有失望, 能堅持味道, 就值得再來 食物 : 濃口胡椒豚湯拉麵 $98 ~ 碗面舖咗好多豬肚絲及黑糊椒, 一D都唔孤寒, 湯底好香, 好多黑胡椒, 但唔會好辣, 豬肚絲有咬口, 麵底叫咗特製藜麥麵, 都幾好食, 整體味道不錯 鰹魚雞白湯拉麵 $98 ~ 味道仍然幾好, 湯好濃, 飲晒都無口乾, 麵底唔會好淋, 整體味道唔錯 飲品 : 店內有凍水供應 環境 : 日式裝修, 以紅色為主調, 今次坐卡位, 坐得舒服 服務 : 職員有禮貌 價錢 : HK$216 (有加一服務費)

每次經過見到舖頭外面成日都好多人排隊，就放棄排隊😹 今日突然好想食拉麵就決定試吓排隊，但其實上菜都算幾快，所以唔使排好耐就可以入去！日式居酒屋嘅裝修風格氣氛感十足，舖面唔算好大，好啱一個人食。拉麵湯底好有特色，唔單止有正宗嘅日式拉麵，仲有佢哋自己創新嘅港式拉麵😻🌟鷄香鹽湯配日系拉麵今日想食清淡啲就叫咗呢碗嚟試吓，望落去就平平無奇啦，但一啖就令我改觀！清爽又唔油膩嘅湯底，讓人想一啖又一啖接住咁飲~ 麵條我就鍾意硬啲，配埋鹹甜適中嘅湯底真係好夾！👍🏼仲有叉燒同雞肉片，軟腍實在，真係令人念念不忘！😭😭 🌟麻香胡椒豚肚絲呢碟小食我都好鍾意，豬肚處理得好乾淨完全冇腥味，爽脆之中仲帶少少韌勁，鹹香麻辣嘅滋味愈嚼愈香，真係令人停唔到口！

星期六午餐時間想食都要預少少時間排隊我哋大概排咗10分鐘先有位入座之前晚餐時間食過葵芳分店～今次午餐就試吓坑口呢間分店啦！叫咗兩碗拉麵同埋一個小食*拉麵有得揀唔同嘅面底！分別係濃厚花雕醉雞湯拉麵面底就揀咗日式拉麵嘅湯底好濃嘅花雕味 好Rich!另一碗叫咗雞香鹽湯拉麵面底就揀咗特製蕎麥拉麵呢碗就係淡淡嘅鹽味本身想加七味粉嘅 但係呢呢度就只有本地醬料廠（悅和）出嘅辣椒油略嫌個味就未夠濃兩碗相比 其實花雕嗰個好食啲嘅😋仲叫咗個椒鹽菇菇呢個整到好脆好食最後因為太眼瞓嘅關係都加咗一樽朝花無冰奶茶！樽仔印咗好多HK字樣 😍埋單嘅時候，發現呢度可以買埋永樂麵粉廠嘅面添店員話只要買滿$100就可以用九折價錢買啦👍

🍜 樂麵 🥢樂麵 位於將軍澳 主打日式拉麵 🍜 仲有其他特色小食 🍢 同埋飲品 🥤🍢椒鹽炸魚蛋串每串有三粒炸魚蛋 🎈炸得金黃酥脆 💛 外皮好脆口 🐟 入面魚蛋彈牙 配埋少少椒鹽 🧂 鹹鹹地幾惹味 🥩 燒安格斯和牛飯 配壽喜燒汁燒安格斯和牛嫩滑多汁 🐄 飯粒粒粒分明 🍚吸滿咗壽喜燒汁 🤎滋味滿足🍜 琥珀之味 醬油清湯 日系拉麵叉燒嫩滑 🍖 加上彈牙拉麵麵條🥢半隻流心糖心蛋 🍳 加上粒粒蔥花 🌱清湯湯底鮮美 🌊 醬油風味好濃郁🤎

放假同屋企人去咗將軍澳《樂麵》享受正宗日式拉麵，呢度主打嘅拉麵真係無得彈，我哋點咗三款招牌菜式嚟試吓。1️⃣首先，我哋試咗真熬雞白湯(日系拉麵)🍜。麵條彈牙，雞白湯嘅濃郁香味真係一試就知係用心熬製，湯底甘甜滑口，加埋新鮮嘅配料真係一流👍。2️⃣接住就係花雕醉雞湯(日系拉麵)🍜。湯底充滿花雕酒嘅香氣，同雞湯融合得天衣無縫，非常獨特，甘甘地又唔會太過頭，啱晒追求新口味嘅人。3️⃣然後嚟咗個麻香胡椒豚肚絲，超入味，豚肚絲煮到啱啱好，香味四溢，胡椒味就香，而麻香味就提升咗整體嘅層次，好惹味。總括而言，《樂麵》真係我哋心目中一間一級棒嘅日式拉麵店，食物出色，加埋親切嘅服務，真係值得推介，比個like！👍👍👍

今日係媽媽生日，所以決定帶佢去將軍澳嘅「樂麵」慶祝🍾️一入到去已經覺得啲裝修好靚好有日本感覺！！ 呢間日式拉麵店認真高質，除咗拉麵之外，仲有好多唔同嘅小食～～🍲「唐揚日本秋葵釀蝦膠炸串」一上枱已經見到佢嘅金黃色，每串仲有三粒，一家人share食都冇問題～秋葵外層炸得金黃脆口，內裏嘅蝦膠充分保留蝦肉嘅鮮味，外面好脆入邊又好彈牙軟熟。口感豐富層次多，食秋葵嘅朋友都可以試吓！！🥟「雞香鹽湯配日系拉麵」嚟到拉麵舖冇可能唔試吓拉麵嘅，湯底就咁睇好清，但係飲落夠晒鹹仲好鮮甜添～最緊要係飲完之後味精都唔會好多，冇好想飲水嘅感覺！！拉麵厚度啱啱好好夠掛湯，而且食落好煙靭添... 而且佢仲有幾片雞肉好嫩滑，啲筍都好夠味，最緊要就係有隻溫泉蛋，令到成件事更加日本！！配埋芽菜同埋其他嘅蔬菜，拉麵整體嚟講好足料好豐富！！🍜無論係環境、拉麵定係炸物都好，都神還原咗日本嘅感覺，真係非常之值得推介大家去試吓～☕️最後，餐廳仲有提供嘅熱茶，對於我呢啲一家大細去嘅朋友就夠晒細心，唔使額外叫飲品啦～唔知係咪因為新開呢？冇咩人～如果大家去開將軍澳一定要去試試啦😆😆

上星期同朋友去咗食將軍澳嘅”樂麵”，餐廳主打日本菜，尤其係拉麵，令人一試難忘！我哋食咗”茜口茜面”，拉麵嘅湯底非常濃郁，麵條又彈牙，掛滿湯汁，每一啖都好滋味。叉燒軟嫩多汁，配埋半熟嘅溫泉蛋，真係好好味！除咗拉麵，我哋仲嗌咗白桃玉露，飲品好清新，白桃嘅香氣十足，飲落去甜而不膩，非常解渴。小食白桃筍絲亦都係唔錯，白桃嘅甜味同筍絲嘅爽脆呢個配搭加埋一齊食好有創意！樂麵嘅環境簡潔同好有有日式風情，店員態度友善親切。去開將軍澳嘅朋友，如果你未試過呢間，真係推薦你去試下，特别係拉麵，一定唔會令你失望！😊