極尚大瀛喜日本料理

營業中

休息中

大大話話都有成年冇食過放題，呢間位於觀塘嘅放題，細細個都已經食過啦，今日一於去重溫下，發現原來性價比都幾高。🥡 刺身放題嘅重中之中，每款刺身師傅都冇留手，切到厚厚咁一片，每一片都令人好有滿足感。種類方面，三文魚、吞拿魚、油甘魚同埋帶子就係我嘅首選啦！🥡牛吞串燒 芝麻雞翼呢兩款都係我嘅最愛，芝麻雞翼個皮脆卜卜，加埋啖啖芝麻，夠曬香口！牛吞就更加係必點！🥡香草羊架調味好足夠，每舊都大大舊，腍身得嚟又夠juicy，唔錯唔錯！🥡醉鮑魚性價比最高嘅地方，莫過於有鮑魚啦，醉鮑魚好入味，完全唔難咬，食落有陣陣嘅花雕味～🥡鮑汁花膠而家放題已經唔只再局限於日式野食，花膠大大塊，食落好腍好入味，可以一試！🥡酸菜魚仲有而家大熱嘅酸菜魚，魚片好嫩滑，整體味道好足，見人食完一碟又一碟。

當晚黎嗰陣啱啱開返晚市堂食，所以超多人好熱鬧～黎放題係最鍾意就係食佢哋嘅芝麻雞翼，新鮮炸起皮香脆肉嫩滑但因為減緊肥所以都唔敢食太多所以我哋主要都係叫呢款花雕醉鮑魚，夠入味又唔會太鹹，要鮑魚本身亦都爽口，唔會啲肉質霉霉爛爛所以都order咗好多round 屬於回本之選同埋值得一讚佢上菜速度好快

終於可以出街食晚飯，終於可以約埋班朋友出去食飯啦。今次我哋去咗觀塘到食日式放題，一間性價比好高嘅放題，超多唔同種類嘅海鮮可以任你食係你叫嘢食之前，外面有個自助吧，可以自己去攞汽水啤酒，清酒，梅酒，同埋好多款前菜，小食都可以攞，今日有幸有豉汁燒鱔食，鱔嘅油香同豉汁嘅味道簡直係一絕，仲有啲凍海鮮可以任食，雪條雪糕都係自己攞，仲有軟雪糕都可以自己整架，性價比揀直係高！食放題，刺身一定唔少得，樣樣都好唔錯架，三文魚厚切，吞拿魚就好嫩，甜蝦都好鮮味。係時候食啲熱嘅嘢啦，sukiyaki，串燒，天婦羅，咩款色都有齊，真係多到唔知揀食咩先好。特別係推介佢幾款嘢，我食完又食，食完又食嘅蒜蓉蒸扇貝非常之惹味嘅蒜蓉，加係原隻扇貝上面，只係會不停咁encore醉鮑魚好多放題有鮑片食都唔係咩特別嘢，但係我推介呢個係特別唔同，因為佢係醉鮑魚，原隻鮑魚落去啲花雕酒到浸，食落去第一啖嘅時候就香直接衝入你個喉嚨，紙包魚嘅鮮同酒嘅甜完全溫和係一齊，非常清新而好味鮑汁花膠呢個都係非常特別嘅一款食物，因為個汁好濃厚但唔會太鹹，花膠都炆得好腍好滑燒羊架一般嘅燒羊架都會整得好硬好柴，但係呢度就一定唔會，食咗咁多舊，舊舊都好腍好

一家人出外晚飯，大女話想食放題，呢間半年前同佢來過，佢都幾滿意。第一輪刺身都幾新鮮，但漏單喎，有兩樣冇來到，下輪再叫。熟食區我覺得燒鱔最正，彈牙爽口，仲不停refill.以家啲鱔好貴吖。蝦都大隻彈牙。海膽手卷味淡，但可以整得靚仔啲嘅。芝士燒蝦壽司質素一般蒜蓉蒸扇貝，幾入味，order了兩轉比目魚西京燒，好味，魚味幾濃。牛肉壽喜燒，湯汁偏甜，牛肉嫩滑。整體食物性價比都幾高，一家人3大1小，$1000有找，幾抵食。👍

已經數唔清係第幾次嚟食，因為近近地喺觀塘，而且一直keep到水準，所以會同朋友經常嚟食，疫情過後食物衛生情況提高，並且食物款式種類增加了不少。分別有飲品區，多咗自家製冷泡茶，日本放題好少提供酒，有啤酒🍻飲品種類繁多。熟食區有炸餃子、章魚燒、同埋少見嘅鱔，仲有蟲草雞湯。小食有蒜味螺肉、黃金海蜇、中華沙律等等，另外仲有新鮮水果及凍蝦、青口，甜品櫃有唔少雪條及雪糕，仲有雪糕機，非常吸引！可以點嘅菜式款式就增加了，壽司大大件，手卷有海膽，凍食有酒煮鮑魚，醬汁花膠，係比較物超所值嘅食材，食多幾碟都回本！另外以前嘅經典名物都一路保留住，例如羊架、唔同種類嘅天婦羅、芝士焗帶子大蝦……總括而言非常滿意，食物種類繁多，而且比以前更加注重衛生，刺身新鮮左，亦多咗高級食材，真係物超所值。

大喜屋聽就聽過好多次，今次終於忍唔住要去食！可能疫情開始穩定，連平日Lunch Time都要排隊，睇黎大喜屋都有番咁上下人氣！佢地落單就比較方便，用QR Code就可以落到單，更加清晰唔洗驚落錯單。飲品選擇比較多，有烏龍茶，汽水等等，而且最特別係有佢地自家既冷泡茶同埋清酒，梅酒。一大班朋友完全唔洗驚飲黎飲去都係個啲飲品！除此之外，佢地都有沙律吧，係主菜未上到黎之前，可以食住沙律開一開胃先！如果想食海鮮既話，亦都設有凍蝦同蜆！揀好哂飲品同小食，魚生就岩岩好送到去我面前啦，魚生幾新鮮，最重要係唔會有雪藏味同埋 唔會肉身係雪硬！鹽燒牛舌食落爽口彈牙，唔會燒到過哂火，記住一定要點檸檬汁！芝士蒲燒鰻魚玉子燒一啖有三重享受鰻魚入口即溶，芝士唔會話太過搶走鰻魚既味道！鹽燒鯖魚咬落去，魚皮偏向脆身，肉身鮮嫩！俾我想像中更加出色。榴槤炸彈入面有好full既榴槤肉，超級邪惡既炸物，食完真係會返唔到轉頭！甜品櫃都有好多唔同甜品選擇，隔離有雪糕櫃同軟雪糕機，食完放題就一定要食返啲雪榚來個完美大結局！

Long time no see...終於又可以聚吓🤭🤭一齊去歎番個可食足三粒鐘嘅放題!!可能派咗消費券大家都忍唔住要大餐一番！所以好爆場哦！好彩我哋訂定咗位食呢個超抵午市放題(每位二百零蚊咋)✌🏼✌🏼. 出去自助區拎完沙律🥗水果🍉凍海鮮🦐飲品🥤甜品🧁…之後用QRcord點單嘅料理都送到上枱！有效率得嚟又冇甩漏！除咗一般嘅壽司🍣串燒🍡一品料理🍤通通有之外😋重點講吓Be嘅個人心水先！✨酒煮榮螺片又甜又鮮！✨赤蝦肉質晶瑩！以少有且極爽脆嘅✨冰鎮花海蜇最有驚喜！另外✨殿堂宴客醉鮑魚夠彈牙又滲住微微酒香！✨金銀蒜粉絲蒸扇貝 亦高於預期質素！粉絲吸收哂美味精華勁正！✨蒜香脆炸雞軟骨配蜜糖芥末醬係幾香口但略嫌粉太厚！✨蒲燒鰻魚係必必必會加追之物！外皮脆內軟糯超級無敵好食！最後熱辣辣食埋童年回憶最愛香芋甜筒就滿足啦❤️

觀塘亞太中心5樓嘅極尚大瀛喜日本料理，由港鐵觀塘站出，行2分鐘就到，交通十分方便只需比一個價錢，就可以享受放題任食，仲可以食足三個鐘為保障大家，餐廳採用電子落單，減少員工同客人同員工接觸， 增加安全度，熱盤冷盤無限量供應，幾大食都唔怕必食之選：羊鞍丶鮑魚丶壽司丶刺身丶串燒丶帆立貝丶開過蝦款式應有盡有，仲有甜品同飲品冇出街食已經一段時間，難得現時稍為放寬，大家一定要把握機會，出去食返餐好，極尚大瀛喜絕對係一個好選擇仲要可以用埋消費券，大家千祈唔好錯過

而家搵嘢食，最緊要搵性價比高嘅餐廳，今次同朋友去咗觀塘亞太中心嘅極尚大瀛喜日本料理，觀塘地鐵站出，行一分鐘就到，地點方便，絕對係抵食嘅自助放題QR Code電子落單，方便快捷，上菜速度迅速，落完第一轉，食物唔使2分鐘就到極尚大瀛喜日本料理嘅放題，種類同食物質素絕對有保證；羊鞍、刺身、牛肉鍋丶天婦羅丶壽司、手卷、串燒丶甜品等等，多到食都食唔晒所有種類鍾意食刺身嘅朋友就啱晒，呢度嘅刺身款式夠多，最緊要有我最愛嘅希靈魚刺身，仲係無限添食，正海膽手卷超正，食五件一啲都唔過分甜品款式多，作為一餐嘅終結，大滿足

約咗朋友觀塘食飯，大家心大心細唔知食咩好，就提議食放題～上到去人頭湧湧，發現原來可以食足3小時，咁就正啦可以坐低慢慢食☺️食物款式非常之多，刺身、壽司、炸物、串燒、海鮮、鍋物、甜品等等乜都有，不得不提自助區非常之大，飲品櫃超多款式之外，仲有好多食物可以揀，熱葷冷盤乜都有😌由於食物太多，講幾樣最鍾意食嘅食物和風柚子吞拿魚他他：火炙過後魚香更突出，加上柚子酸酸地好開胃榴槤炸彈：勁多榴槤醬，仲要流心蒜蓉粉絲蒸扇貝：估唔到放題有得食，勁多蒜蓉同粉絲，帶子仲要大大粒好彈牙蟹棒天婦羅：皮薄又炸得脆口，蟹棒大大條白酒煮蜆：好香牛油、白酒味，加少少檸檬汁更添蜆肉鮮味最後埋單都係每人$208加一，食咗咁多嘢簡直抵到爛！而家兩點後仲要有八八折！想食就快啲去訂位！

疫情關係真係好小出去食，所以約咗朋友食個放題放縱一下😁我哋揀咗觀塘極尚大瀛喜，因為呢度個lunch放題超抵食，新鮮又多品種，上菜又快唔漏單，超推介！餐廳設有自助吧，有超多種類嘅飲品，有汽水, 啤酒, 茶水, 仲有熱櫃, 非常貼心❤️鐘意飲sake嘅就啱晒啦，任斟任飲🍶食物有沙律 ,湯, 日式涼拌 ,炸物同埋生果呢度有小朋友最愛嘅Candy吧🍬勁多唔同嘅雪糕，雪條同甜品🍧啱晒我Qr code落單，超方便！我最鐘意食呢度嘅刺身，好新鮮又多種類，三文魚、油甘魚、劍魚腩、赤蝦、虎蝦、北海道帶子厚切又鮮甜🐟醉鮑魚，泰式生蝦都好正，希靈魚＆海蜇脆卜卜口感好得意新發現🌟蒲燒鰻魚真係不得了，脆皮魚肉嫩滑， 好味到我哋Encore咗幾次😍串燒菠蘿超甜又juice一定要試呀！重有好多熟食，鍋物等好食嘅嘢實在太多，數唔晒呀！放題3個鐘真係食到超飽，好滿足極尚大瀛喜日本料理(觀塘)📍觀塘觀塘道414號1亞太中心5樓#放題 #allyoucaneat #吃貨 #吃個飽 #buffet #lunchtime

大學年代嘅🐻好鍾意食日式放題，始終學生哥經濟能力有限，用$200左右嘅價錢就可以同成班朋友飲飽食醉🍻人大咗雖然冇當年咁擦得😅，不過放題咁多年來真係冇乜點加過價😛「極尚大瀛喜」日式放題老字號一向有品質保證，午市3小時放題先$208🤪反正都要食晏，就不如食好少少啦😌.💰$208（再加一）.餐廳佔晒全層，地方相當闊落👍🏻而且食放題最怕就係遇到細枱，叫得多嘢時完全冇地方放😫呢度絕對冇土地問題，兩個人都有卡位坐，而且張枱夠晒大，可以舒舒服服食足3小時😎.🐟刺身放題必點無誤🌟刺身夠新鮮冇雪味，三文魚好肥美，帶子鮮甜😚值得一提呢度有放題比較少見嘅劍魚腩&海蜇提供，劍魚腩肥美又香魚油味，好味😋.🍣壽司款式非常之多，必推火炙三文魚腩、鹽燒左口魚裙邊，火炙後更突出魚油香味🤪壽司會驚細細舊，唔驚塞飽個肚😝.🍗炸物大愛芝麻雞翼❣️炸到金黃脆卜卜，內裏嫩滑，超好食🥰榴槤炸彈亦係另一必點，咬開脆炸糯米皮後濃郁榴槤汁蜂擁而上，鍾意榴槤嘅一定要叫😚.🔥串燒、燒物鹽燒牛舌夠入味，肉質彈牙😙羊架唔會好羶，而且都幾大件🤓北海道黃金醬燒海虎蝦有驚喜，賣相黃金色好靚仔，彈牙蝦肉同沙律醬都好好夾👍🏻.🍲一品料理、煮物醉鮑魚爽口彈牙

消費券一出😌當然要請屋企人食放題放縱下，我們一家大約十二點到達已經人山人海大排長龍，由於餐廳環境比較大，所以好快就安排入座！這裏是掃QR code落單快捷方便，亦都沒有漏單情況👍！🍢食物未到，我們就出去外邊取小食，這裏有冷盤、熟食、前菜、沙律、甜品及飲品等等…..選擇都不少！🍱刺身拼盤～刺身都有八至十款選擇，我們點了三文魚、泰式生蝦、牡丹蝦、北寄貝及帶子，樣樣都色澤新鮮，三文魚鮮甜又肥美，帶子好清甜，北寄貝爽口，特別鍾意食佢哋嘅泰式生蝦配搭埋泰式醬汁，美味無窮！🐑燒紐西蘭香草羊鞍～基本上每一台都必點的食物，羊鞍肥瘦適中，咬落啖啖肉，簡單用香草調味已經好香口！🍘紫心香芋丸/榴槤炸彈～炸物方面這兩款都是食放題必點的，外皮炸至金黃色，外脆內軟，榴槤味道香濃，香芋清甜可口！🦪蒜蓉粉絲蒸扇貝～扇貝都好新鮮，放了炸蒜好香口，粉絲吸入了醬汁非常惹味！🐟比目魚～魚的肉質好滑，魚邊燒至微焦在配搭沙律醬一齊食，更加提升魚的味道！

疫情期間好少出外食飯，係時候放縱下食返個三小時放題，一想到食放題就會去到位於觀塘極尚大灜喜，這裏食物選擇多質素不錯，餐廳座位又坐得舒服😌可以慢慢享受美食！這店設有自助區，有熱葷，沙律，湯，日式涼拌，炸物和生果等…飲品有汽水啤酒茶水，款式齊全，基本上想飲的系列都一定會有👍刺身拼盤刺身可以按自己喜好用QR code落單，可以按照自己喜好件數落單，上枱嘅時候一大盤賣相不錯！三文魚件件厚切，新鮮甜美，北寄貝及帶子爽口鮮甜，最受歡迎的泰式生蝦刺身這裏任食非常吸引！蒜蓉粉絲蒸扇貝即叫即蒸上枱時仲熱辣辣香噴噴，蒜蓉味道香濃粉絲吸入鮮甜嘅汁，好食到停唔到口！醉鮑魚/蒲燒鰻魚鮑魚帶有酒香的味道，爽口清甜。鰻魚魚皮微脆，魚肉嫩滑，切到細細舊容易入口！瑤柱松葉蟹肉鮑肉粥粥底煮得軟綿綿，材料豐富有瑤柱，松葉蟹，鮑魚，粟米粒和蘿蔔絲，值得一讚是平時食開連埋蟹殼一齊煮，今次食是拆了蟹殼再煲，所以食物非常方便，亦都好鮮甜美味😋北海道黃金醬燒海虎蝦黃金醬酸酸甜甜面頭燒至微香，蝦肉大大隻又厚肉，食落味道不錯！最後食埋雪糕作結尾，這3小時食得非常滿足！

滿足的放題💕真心好正！！！第一時間記住掃描點單QR code🉐️將所有刺身都叫一次 三文魚，甜蝦，北寄貝必點😘新鮮之餘份量夠大 仲要係厚切無限叫 真係好抵食唔好忘記仲有炸物同埋中式小炒熱騰騰上到枱即食 夠晒滋味上菜速度比預期中快好多不斷食不斷收走碟 真係好有效率自助區都有啲熱食 炒菜 豬手 熱湯水果 沙律 最重要係唔同嘅甜品🙈一次過滿足所有顧客 另外飲品區選擇好多 汽水 綠茶 涼菜 酒精類甚至熱飲都有 夠晒貼心呀😘同家人朋友食返幾個鐘絕對係性價比高 而且質素又高😝