極尚大瀛喜日本料理

營業中

休息中

極尚大吉屋位於觀塘亞太中心，地鐵站觀塘行過去幾分鐘，位置非常之方便。3個鐘日式放題，由自助區到用QR code 落order 嘅野食種類超多。自助區沙律 - 各種蔬菜及多款沙律醬冷盤 - 大大隻凍蝦，無沙凍蜆，肥美青口，中華沙律，日式螺肉生果 - 橙，西瓜，蕃茄甜品雪糕 - 各式糕點都細細舊，可以試多幾款，雪糕超過十款，仲有2款軟雪糕。中式湯 - 花膠雞腳湯，超正飲品清酒，梅酒，啤酒，汽水，花茶，涼茶，咖啡串燒各種串燒燒得剛好，牛舌有肉汁，有機菠蘿多汁香甜，羊扒7成熟肉質非常柔軟一品料理醉鮑魚 - 肉質彈牙，好香酒味。吉品鮑汁扣花膠 - 花膠無花無假，好厚一塊，非常之骨膠原

幾個大雪櫃嘅野飲，啤酒，汽水，果汁，涼茶。凍野唔啱都有暖飲櫃，同常溫野飲，真貼心。⭐️甜品櫃 🍮蛋糕布甸梗有啱食🍨🍦雪糕櫃，十幾款雪糕雪條，仲有自助軟雪糕。⭐️湯 ：花膠湯好好味。⭐️糖水：椰汁鮮奶燕窩糖水，唔會超甜，奶味香濃。⭐️串燒 蒲燒鰻魚 - 肉厚肥美。🐑燒紐西蘭香草羊鞍 - 唔會過熟，肉質軟林，外皮焦香。🍍燒有機新鮮菠蘿 - 新鮮多汁。⭐️壽司🍣鹽燒左口魚邊壽司 - 經過燒烤，滿口魚油，非常之好食，份量小小一舊，剛剛好。鵝肝壽司 - 鵝肝同飯比例很好，加上芝麻香 👍🏻。⭐️煮物辣酒煮黃金螺 - 香辣野味，螺肉爽口彈牙。⭐️迷你手卷芝士蟹籽，海膽，三文魚籽 都非常非常好味。仲有好多野想食，可惜胃太細😆 唯有下次再試埋其他。

呢間食過幾次，食物質素係可以嘅但今次食真係覺得服務唔掂啲位又勁窄勁迫二人枱，根本擺唔到幾多嘢食仲要一個碟放一粒食物張枱叫幾樣嘢食就擺滿，一個牛乳卷又一碟，一粒紫芋丸又一碟，同樣都係炸嘢，唔明點解要一樣一碟？但有時又會放埋一齊，壽司亦係會無端端一件一碟為咗驚張枱唔夠位攞都唔敢多叫嘢食放滿枱，食完嘢嘅碟冇人收隔離枱又冇人，咪唯有放住隔離枱囉個女侍應行過問係咪我放喺隔離枱我話係呀！佢即刻警告我叫我唔好放喺隔離枱我都直言：冇位擺！唔通要我拎住啲碟食？又冇人嚟收嘢我唔明點解佢可以咁對客人刺身個樣都靚嘅，款式算多啲蝦色澤亮麗鰻魚熱熱地幾好食今次食多咗芝士蟹籽同飽魚手卷羊架幾淋，但騷味較重，唔係人人好泰式燒鯖魚，比較新穎味道都幾好櫻花蝦多士味道怪怪地燒蝦個樣好靚，熱辣辣幾好幾好牛柳粒估唔到咁大份，但太甜，牛又靭⋯⋯有一款自製冷泡茶，玫瑰茶，我就覺得麻麻地鮑魚有少少醉味！都幾好！肉質夠爽口！食得吓雪糕算有幾多選擇，但唔多好食$278加一呢個價錢算係咁上下，但服務同坐位真係差咗啲！同埋疫情其間擺出嚟俾人攞嘅食物全部冇蓋！有啲嚇人！我見到有個小朋友用手拎棉花糖逐粒黐落杯軟雪糕度，真係有欠衞生

又到一年一度慰勞母親既節日, 卜唔到自助餐, 改去食放題, 母親大人一樣咁開心! 仲不斷話依度抵食!依間係亞太中心既分店好大, 而且設有好多卡位, 地方闊落, 唔洗同隔離有搭枱feel!中意佢用手機落單, 簡單方便唔洗成日叫店員, 自己可以CHECK番單, 今次亦冇漏單既情況出現。刺身選擇都有成十幾款, 三文魚係肥美既, 赤貝, 牧丹蝦, 帆立貝等全部新鮮, 可能依度客人多, 流量快, 對於佢刺身既新鮮程度唔洗擔心~~壽司方面都係超多款, 亦有創意壽司同卷物, 另外特別中意依度既手卷, 一定係必嗌, 竟然有海膽, 三文魚籽同埋璣煮鮑魚! 三樣都係靚野, 仲可以任食, 夫復何求!!!熱食方面都多到試唔哂, 埋單先記得我地仲未食天婦羅呀!! 不過其他野都已經好豐富~辣酒煮螺好大隻螺, 辣汁惹味!牛柳粒牛柳粒腍身, 牛味仲幾香添!醉鮑魚估你唔到有醉鮑魚食, 仲要又整得好食, 鮑魚彈牙唔韌, 花雕入味清香, 一人兩隻基本啦!!汁燒鰻魚係厚身既鰻魚!加埋香甜燒汁, 基本上同出面叫個鰻魚飯食既鰻魚一樣咁好食~~燒菠蘿食到飽飽濟濟既時候, 一定要叫番個燒菠蘿, 燒完之後又香又甜又JUICY, 酸酸地

限聚令放寬咗之後，緊係第一時間出去食飯啦，我諗最多人選擇，一定係去食放題，因為可以一次過食好多種食物，滿足食嘢嘅慾望。今日我去咗觀塘食放題，朋友話呢間極上大瀛喜啲食物好好味，又多選擇，所以就去試吓。前菜都好多選擇，我最鍾意食果個蒜蓉蕃茄，入口涼涼的，有消暑的感覺。飲品選擇極多，有啤酒，日本清酒，氣水及茶類，應有盡有，亦都有我最鍾意的蘆薈汁，選擇飲品時真係會花多眼亂😍由放於好耐無食過日本嘢，所以我點了一個牛肉鍋，牛肉薄薄的，煮到剛剛好，配上濃湯，真係好好味，如果配上一碗白飯就好了，三文魚腩平時售價都比較貴，但竟然可以任食，我叫了4件，大滿足。三文魚的油份充滿口腔，果份魚油香，真係令人回味。燒羊肉，唔知大家鍾唔鍾意食羊肉，我就十分喜歡。佢哋啲羊很厚肉，食起來啖啖肉，已且羊肉的味道很濃，喜歡羊肉的朋友不要錯過。天婦羅都係必食推介，特別係大蝦天婦羅，全部即點即炸，上台時熱辣辣的，好新鮮。蝦肉鮮嫩，可以食出是品質較高的類別。食放題，刺身一定唔可以錯過，佢哋啲刺身都好新鮮，最吸引嘅，緊係牡丹蝦刺身啦， 牡丹蝦大大隻，又鮮味，蝦頭的蝦膏更是美味，比起食甜蝦，我更喜歡食牡丹蝦。一餐咁多嘢食嘅放題，都係

比起食酒店buffet，呢間放題CP值高好多～同爸爸媽咪老公黎，喺門口已經見到琳瑯滿目嘅各式食物！坐低，QR code落單，出面亦有自取item。超多種類：刺身、壽司、炸物、燒物、鍋類、甜品、雪糕、有汽飲品、果汁、熱茶、清酒啤酒、冷暖熱嘅都有，真正可以輕易做到飲飽食醉嘅一晚。刺身有冰墊底，擺盤好靚，所有都好新鮮！甜蝦、吞拿魚、帶子酒煮榮螺片超推介，尤其係吞拿魚嘅油香脂肪同酒帶出榮螺嘅鮮甜爽口。香草燒羊架又香又juicy；貴價比目魚都係任點，煎香帶日本醬汁甜味，肉質滑溜，閒閒地食呢兩樣加盤刺身都回左本！種類真係太多，燒有機菠蘿好食，魚湯浸菜苗又係無得輸，魚片魚湯浸住fresh到震菜苗，無渣嘅，我地一家都食得好滿意好開心！

同大胃王朋友去食咩最好？梗係食放題啦，乜都有得食，二百幾蚊可以食足2個鐘，其實真係好抵。一坐低，第一時間梗係掃code點嘢食啦，見到刺身諗都唔諗全部要啲先，之後再慢慢點其他嘢食☺️以放題嚟講，刺身都算唔錯，種類多又夠新鮮，擺盤都幾吸，尤其係帶子、蝦同三文魚，都幾鮮甜。之後就係各類壽司同手卷，不過擔心太飽，唔敢點太多，好彩啲飯都唔會太大舊，試咗幾款冇刺身嘅魚同海膽，都唔錯。仲有個好好味嘅鮑魚，一定要試。食完凍嘢就到熱嘢，試咗幾樣都幾好味，尤其係燒鰻魚、比目魚、沙律醬虎蝦、蒜蓉扇貝。。。佢嘅調味都做得幾好味，有啲甚至比普通居酒屋仲好味。最後又去返凍嘢，就係甜品啦，選擇都算多，推介一款抹茶芝士餅同普通嘅芝士蛋糕，都幾重芝士味。另外亦都有雪糕🍦機，朱古力味幾好味。一個價錢可以食到咁多嘢真係勁抵，不過張二人枱真係太細，好快就擺滿🤣

放題不嬲都好受歡迎, 坊間選擇咁多, 識揀一定要揀間CP值高既。 哩間既食物款式多到冇可能一次過得哂, 個肚皮一定裝唔哂!手機落單方便快捷, 等緊野食個陣就出去自助區拎D前菜盤同飲品啦! 仲有冷盤海鮮,連章魚小丸子都有, 飲品連酒類都有, 未正式食已經覺得好豐富!相信個個第一round都會叫個大大刺身盤先,款式多之餘亦新鮮, 牡丹蝦一定係必點, 大大隻又甜!壽司款又係多到食唔哂, 好多貴價食材佢都有, 好似鵝肝, 帆立貝, 和牛壽司依D, 超正, 真係食兩round都回本了! 熟食推介燒紐西蘭香草羊鞍好大隻又多肉, 肉香加埋少少香草, 好味~芝麻雞翼依個超好食, 唔好以為腫翼好普通, 佢整到外皮又薄又脆又香口, 但肉係勁嫩勁JUICY, 熱辣辣即整, 一定要食!蒜蓉粉絲蒸扇貝扇貝肉係大粒有咬口,粉絲索埋D蒜蓉汁, 基本上同酒樓食既差唔多, encore!!!芝士焗大蝦上枱時仲熱辣辣架,超濃厚芝士，蝦肉又大又厚，正!最尾點飽都好,一定要出去拎番枝甜筒同脆皮雪條收尾, 食完大滿足! CP值爆燈, 一定會encore♥️

襯住疫情緩和聚一聚是常識吧！老友要食好嘢又要多種類，最緊要book檯，但唔一定好貴。任食高級刺身同壽司係主打，老友話一定要有酒飲呢度都有，坐得唔會好迫，幾個男人大吃大喝吹水又一晚。挪威三文魚：魚味濃，脂肪ok，新鮮。赤蝦：好鬼大隻，個頭都好鮮味。蒜香牛肉火灸壽司：有少少過火，但香蒜惹味贏返。黃金海鮮船：特色壽司，有蟹子、三文魚粒、沙律醬、玉子、腐皮，一個字「豐富」！醉鮑魚：大隻、乾淨、香酒甜、彈牙非常。雪糕凍櫃都勁多款，食多幾款真係飽，但唔食就哂料。有埋軟雪糕兩種味玩下，正！

今次我同朋友去了食壽司自助餐。任食兩小時，想食幾多就食幾多，仲提供各種飲品和甜品。熟食方面，我特別鐘意章魚燒，雖然睇落冇乜特別，但原來好好味架，熱辣辣，而且包著唔少章魚🐙喺裡面。之後開始手機點餐，從刺身到壽司再到串燒，最後點咗成50幾個。😂 我有少少擔心我地可能食唔哂。😅 但最後都食得哂✅點咗嘅食物好快就黎啦！成張枱都鋪滿食物🍤🍣🍘🥘🍱餐廳用左好多冰去擺刺身盤，各種刺身放喺上面，非常吸引😍 我叫左虎蝦、赤蝦和甜蝦，甜蝦味道最好，最鮮甜美味，赤蝦味道都唔錯，而虎蝦就有點dry😂帶子刺身都好好食，我仲想再點，但已經太多啦！各種食物都很滿意，特別係香草燒羊架，肉質很淋，完全冇膻味。😋😋🍾🍷🥂🍻🍺🍸至於自助飲品區有清酒，梅酒，啤酒，啤酒種類都很多，我想飲唔同嘅啤酒，但最後只係飲左一罐Asahi 就夠啦！因為已經飲飽食醉啦！

🐳最近有不少的朋友也介紹這間餐廳，説很好吃，很值得來，於是我就和朋友來試一試。由於在附近工作，下班後順道來這裡。餐廳很大，但也座無虛席，看來十分受歡迎👏🏻👏🏻🐳自助區有熟食區，有冷凍區，有甜品區，也有飲品區。每個區域都整理得很好，很乾淨衛生。食物方面有不少的選擇，很吸引，很想每一款試一件，但是肚子不能吃那麼多🤣我特別喜歡花膠雞湯，真材實料，有很多花膠在裡面。🐳自助點食物方面，有非常多的種類，基本上，想得到的，就可以點到，我們一次過點了差不多六十款，很誇張吧！刺身很新鮮，很鮮甜。所有東西來得很快，但絕不是預先做好的，感覺是即叫即製作。😍😍😍🐳至於飲品方面，很值得稱讚的是酒類多元化，有清酒，梅酒和啤酒，啤酒有很多不同的牌子，不是一般cheap cheap 牌子👍👍另外還有很貼心地提供熱飲，有薑茶，維他奶，麥精等等，任君選擇。😌😌🐳非常滿意今次用餐，值得推薦給好朋友們👭👭👭

放題真係食唔厭，因為大把選擇，一定會有想食嘅嘢，今次成大班人去食，我終於食到啲平時人少唔會點嘅嘢以為觀塘店會少人啲，坐得舒服啲，點知完來同旺角店一樣咁旺🤣第一輪必定係刺身，最鮮甜依然係帶子，點食都唔厭☺️可能食嘅人多，甜蝦、赤蝦、希靈魚、三文魚都幾鮮甜，虎蝦加咗啲泰式醬，所以都幾惹味。熱盤亦都有好多選擇，鰻魚、鮑魚、比目魚、沙律醬虎蝦、蒜香扇貝、吉列大蝦、榴連炸彈、羊架。。。全部都幾惹味。另外仲叫咗啲壽司同手卷，細細件，唔會太頂胃。最後又食咗好多甜品，有款抹茶芝士餅同芝士蛋糕都幾好味，雪糕種類都幾多。相信在場所有人都食到勁飽🤣

今日係觀塘行完街，突然間咩都想食，就諗不會食放題啦，甘就見到有間極尚大瀛喜，甘大瀛喜既日式放題一向都係大件同價錢親民，咩都可以有得食，款式選擇又多。所以咩都唔諗就食佢啦。一坐底，咩都唔諗啦，就叫左盤刺身先，再出自助區行下，竟然發現依家連豉汁蒸白鱔都可以係自助區任拎，甘就更加正啦。其他基本既凍海鮮都有唔少選擇，飲品種類多不聲數基本既汽水固然不可小啦，連近年少有既清涼爽同馬蹄爽既童年回憶都有得任飲，日式放題必備既清酒同梅酒入口甘香。食物呢，就凍醉鮑魚，黄金蝦係必食，唔係間間都有既海膽手卷都任你食，最驚你食唔晒。串燒，天婦羅，保持一貫水準，上枱既時候仲係熱既，同坊間同類型既放題相對呢點已經瀛晒，所以下次飯聚都繼續嚟食先。

已經一段時間沒有出街食飯，今日決定同屋企人去食放題，食返餐好嘅。今日我哋選擇了觀塘APM格離的一間放題，極上大瀛喜日本料理。餐牌位置非常方便，觀塘地鐵站一出行5分鐘便到達。這間餐廳面積大，食物種類多，價錢都非常合理。餐廳方面，餐廳採用QR Code 自助落單，方便又衛生。頭盤方面，可以出去沙律吧沙律，又有生果可以選擇，非常新鮮。食完前菜，開胃了，可以食主菜。串燒牛舌，一啲都唔軔，牛味又濃，非常好食。燒羊架，無想到佢真係大大件羊架上枱。羊味非常濃，而且燒到剛剛好，咬落口肉汁流晒出嚟，鍾意食羊肉嘅朋友一定唔可以錯過。燒元貝，大大隻，而家去買一隻元貝都十幾蚊，呢到可以任食，真係好抵食👍🏻 佢哋放了很多蒜蓉上去燒，好香口。元貝肉質鮮嫩，好味道，我食咗4隻😍凍蝦及凍青口，會不停Refill，想食幾多都得。蝦肉爽口，青口鮮味，加上檸檬汁，越食越開胃。一口牛柳粒，一人一粒，份量剛剛好。牛肉加上特製嘅汁，甜甜哋，好好味。燒青魚，一啲都唔腥，好厚身。配合埋特製醬汁，酸酸的，口感一流👍🏻花雕醉鮑魚，酒嘅香味加上鮑魚嘅鮮味，味道非常夾。鮑魚做到爽口彈牙，應該煮熟後有過冷河，可以食出厨師的手工🥰辣味螺，佢個汁

以下非專業食評🙈#口味人人不同建議自己去試食魚生幾新鮮，小妹最鍾意嘅三文魚油脂分布平均，亦好大片👍🏻甜蝦名副其實，真係幾甜😆牛舌燒得幾香，重點係唔韌，好爽口，淋上檸檬汁更加惹味，解膩🤤海螺同鮑魚，小妹同媽咪一致認為唔啱我哋口味。鮑魚有非常濃烈嘅酒味，鍾意酒味嘅人應該會鍾意。甜品方面個人認為食雪糕比較好，佢自家製嘅甜品麻麻，可以唔使浪費quota食🙈另外，竟然有梅酒同白酒，差不多完結嘅時候，媽咪興奮地斟咗少少梅酒同白酒來品嘗，淺嚐過後小妹同媽咪都比較鍾意梅酒多啲，佢仲話我點解一開始唔同佢講有梅酒飲😅所以，想飲酒，但又唔想飲啤酒嘅人不妨一試啦總括而言，食物選擇較少，不過咁嘅價錢都正常嘅，都係為咗同屋企人食氣氛姐