極尚大喜屋 (鱷魚恤中心)

營業中

休息中

前兩個星期去過沙田食大喜屋，服務員都友善安排BB座卡位，而且食物都好好，諗住今次試極向大喜屋，等左半個鐘，有位時，個服務員先同我地講90cm以下BB都要收$88加一，仲拎張傳單黎話細字有…完全覺得係餐廳係唔歡迎一家大細。好過份…

💰出咗消費券就請屋企人食餐放題😋可以大食一餐，就訂咗觀塘《極尚大喜屋》，選擇多地方又寬敞坐得舒服可以慢慢食😌！🪑入座後用QR code點餐，趁食物未到之前就到自助區取食物，有熱食、湯類、冷盤、水果、甜品和飲品等等．．好多選擇！🐟刺身～選擇有八至十款，我們點了三文魚、帶子和象拔蚌，三文魚厚切肥美，帶子新鮮清甜，象拔蚌爽口鮮甜！🦀瑤柱鮮蟹粥～蟹粥熱辣辣粥底軟綿綿帶點鮮甜，蟹肉好結實，加入粟米粒口感更加豐富！🍤炸物～點了芝麻雞翼、炸鮮奶、蝦及蟹柳天婦羅，雞翼外皮炸至微脆，帶點芝麻香，炸鮮奶外脆內軟，甜甜地好香口！天婦羅亦炸得好出色，粉漿好薄所以食落啖啖肉！🍍燒菠蘿～每次食放題都是必點的，咬落多汁鮮甜，解膩一流！

上星期同屋企人食完銅鑼灣分店，今日終於放寬可以一枱四人就即刻相約同事到觀塘極尚大喜屋食返餐勁嘅，這裏的環境、食物及服務質素都不錯👍入到店舖店員為我們安排座位後即時到餐廳外邊自助區提取食物，有沙律吧、中西湯、熱葷、小食等….飲品有汽水、啤酒、果汁、清酒及冷熱飲品一定有一款啱自己飲的。食放題當然第一時間點刺身，刺身點了好肥美的三文魚，鮮甜爽口嘅牡丹蝦，色澤紅潤爽口的北寄貝，厚切清甜帶子樣樣都好新鮮😋燒物有燒菠蘿，燒牛舌和燒鰻魚等，樣樣都燒得好出色，牛舌薄薄地燒得好惹味！特別鍾意食燒菠蘿好Juice ！炸物有榴槤炸彈、蝦和蟹柳天婦羅，榴槤炸彈煙煙韌韌入邊包住流心嘅榴槤，熱辣辣香噴噴，天婦羅炸得好香口！海膽手卷細細件容易入口，海膽甘甜美味，入口好幼滑😋最後食返條黑糖珍珠奶茶雪條，這一餐超滿足！

久違了的日本風情香港人嘅家鄉當然就係日本啦，但已經超過兩年無返鄉下啦！每次喺香港食魚生都嚇可以止渴，默為喺香港食靚魚生真係唔容易🥲今日為咗一解鄉愁，專登去咗極尚大喜屋食！魚生壽司都好多嘢可以揀，但好特別嘅係，呢到有香港好少見嘅針魚魚生！！口感真係同其他甘香油脂多嘅魚生唔同，比較淡，但口感真係好爽，又有淡淡嘅魚味，非常不錯。而燒物方面，因為牛舌同燒鰻魚都幾香，焦香得嚟唔會太乾，鰻魚食落仲滿口油香，真係忍唔住食多舊😭😭😭😭自助吧嘅飲品超多，有成四塊牆咁大嘅雪櫃😱😱😱連冷熱梅酒同清酒都有🥰凍嘅小食都係沙律之類，但有個海蜇頭沙律非常唔錯，飽到上心口仲食多咗碟😂唯一可惜嘅地方就係自助雪糕機停咗，希望下次可以開返啦！

疫情下食放題嘅次數少咗好多，今日咁啱下晝經過觀塘即刻把握機會食返餐好嘅🤤假日黎食都唔係貴好多，二百幾蚊有咁多嘢食真係好抵🤤見到佢兩點後仲有個優惠，下次可以黎食下午茶當埋晚餐🤣呢間放題特別在於佢除咗點野食之外仲可以自己出去外面攞嘢食，係等野食既期間我哋當然就出左去覓食🤤佢出面自己攞嘅野食款式都好多，有海鮮甜品水果炸物熱食仲有湯🤩我哋攞咗啲蝦同埋泰式鳳爪做開頭菜。超級推薦佢嘅泰式鳳爪，鳳爪整得好入味同埋好脆好爽口，酸酸甜甜一隻接一隻encore左勁多次😂應該無人好似我咁放題食咁多鳳爪，不過真心推薦大家試下🤣之後當然到放題重點刺身🤩基本嘅刺身款式佢都有，必點嘅三文魚同海蝦仲有希靈魚🤤特別係香港人最愛嘅三文魚，每一件都勁厚身，一啖擺落口勁滿足，刺身新鮮無咩雪味🙆‍♀️之後到壽司，壽司魚飯比例唔錯唔會話好大舊飯食完都飽曬。推介軟殼蟹卷黑松露系列同埋蟹棒。另外仲有個蟹籽多士都幾特別，不過個麵包就硬硬地😂其他熟食款式都唔少。驚喜既有麻辣小龍蝦又係encore左勁多次🤣細細隻一隻好入味同滑身，而且都幾易脫殼幾易食，比酸菜魚好。芝麻雞翼比串燒雞翼好食。仲有個烤蝦上面加左青紅椒同芝士幾特別，有少少似食緊pi

放假同阿媽去食放題，先發現原來放題都可以食到好養生🤣一坐低就比阿媽叫話要飲碗熱湯先可以食生冷嘢😂平時自己食放題嘅話好少會攞湯，先發現原來真係飲少少熱野再食暖下個胃又好似真係感覺好啲🤣湯係椰子雞湯清清地唔錯。阿媽攞咗碗杞子龍眼肉桃膠，成碗嘢都幾足料等嘢食嘅時候攞咗啲熟食，蝦都幾大一隻任攞任食，味道幾鮮甜。豬手調味啱啱好唔會話太鹹平時久不久都會想食吓麻辣嘢，放題嘅好處就係可以一次過可以滿足你幾個願望🤩小龍蝦吸晒麻辣花椒嘅味勁香，細細隻一隻唔會話太Heavy，不知不覺都食左好多隻🤣養生嘅同時都要放肆下😆炸鮮奶同炸榴蓮上到嚟都仲係脆卜卜記得要趁熱食，但小心唔好辣親條脷因為入面d料足到瀉出黎🤤🤣另外竟然有花膠湯可以飲，花膠仲要好大一片，真係健康之選😂即刻覺得成餐無咁罪惡🙈仲要有菜可以食下💯刺身夠肥厚，最愛希靈魚同三文魚瘋狂翻兜！芝士青瓜軟蟹卷細細件一舊精緻又好食🤤話明養生之選飯後甜品緊係揀水果，夠甜夠爽脆👍一個放題養生同放縱飲食一次過滿足曬🤣

呢一間日式放題我都係第一次嚟，我覺得都算驚喜，同其他日式放題比，呢度啲嘢食真係有好多款擇。甜品都起碼有十款左右。我最欣賞係個紅豆香蕉糕。而講返日本嘢嘅主打-刺身，佢個象拔蚌同埋生蝦堅係新鮮，我諗我前後加埋嗌左五轉。而唯一失望嘅，只係雪糕機因為疫情所以冇開放。不過佢嘢飲種類都算繁多，仲有我最鍾意嘅走甜凍茶，總算彌補左我嘅失望。我覺得呢間嘢食lunch都幾抵，食完兩個鐘可以慢慢行吓APM消化下。都算係拍拖精選👍🏼

平時去觀塘都經過呢一間放題餐廳「極尚大喜屋」 @daikiyakt ，知道而家做緊2人同行減$100 優惠，即刻兩個人去試吓，侍應也友善地招呼我們進去坐好，而手機QR Code的點菜單也比我想像中種類繁多，所有熱門的日式美食都有供應，應有盡有食品選擇過關👍🏻 。「刺身拼盤」一上來，朋友們的相機立刻出動，因爲刺身擺得非常美，看上去也很新鮮吸引，影相「呃like 」一流。可見每一款刺身到肥美鮮甜，甜蝦刺身係我最愛，當然唔少得一口氣叫十多隻，這價錢來說絕對物超所值！👍🏻🤤熱食質素也不錯，芝麻和鹽燒雞翼都很香脆，還有非常值得一試的「特色壽司」，十分香的鵝肝帶子壽司、入口即溶嘅左口魚壽司以及特長嘅芝士蟹棒壽司，仲要係我最鍾意食嘅火炙系列，好滿足。👍🏻🤤黃金焗開邊蝦看起來十分吸引，還有三色椒粒粒混合再芝士一齊焗，難怪一來到那麼香，先吃一啖爽口嘅蝦肉及那麼濃郁的芝士味道，又香又有口感。同樣地炒得好有鑊氣的薑蔥爆鱔球，多肉少骨啖啖肉，而且每一件鱔球都連著魚皮，好有口感呢。此外，通常我吃放題很少會叫「蟹粥」，怕太飽，😝 但我看見很多枱客人都有叫，而且粥看上去質感軟綿綿，因此都叫了一鍋試試，結果令人驚喜，

今次又一齊二人過來吃放題啦，今次揀左呢間極尚大喜屋，價錢平民，而且款式多味道又不錯，很值得呢!飲品方面選擇都較多，有自家製冷泡茶、清熱飲等等，放在冷暖櫃供自取，而自取區有小食、冷盤、蔬菜、餐前小食及炸物。呢度嘅刺身值得一讚，三文魚、希靈魚、北海道帶子，三文魚有魚香味，希靈魚好夠爽口，魚籽飽滿。花雕醉鮑魚滲透酒香，爽口彈牙～有出面居酒屋嘅質素。壽司必點推薦，好好食！柚子胡椒左口魚邊燒一口食落去，溢滿著慢慢溶化的魚油香，柚子香溢。三文魚籽軍艦，魚籽粒粒飽滿！三文魚腩壽司好好食呀！黑松露油甘魚肥美，每一件壽司的刺身都用料超足，加上壽司醋飯中和，很出色！放題可以怒食海膽真心好幸福，一時忍唔到手，就叫左勁多round海膽手卷。串燒嘅種類都算多，我哋分別叫咗鹽燒牛舌同埋鹽燒雞翼，鹽燒雞翼味道都唔錯，雞肉夠嫩滑，值得一讚嘅係唔會太鹹。天婦羅味道正正常常，種類都多天婦羅蝦、蟹棒天婦羅、甜蕃薯天婦羅、芝士竹輪卷天婦羅，甜蕃薯天婦羅都係正常放題嗰啲味，芝士竹輪卷天婦羅最特別～炸物：吉列蠔、吉列牛乳炸鮮奶、榴蓮炸彈，特別係榴槤炸彈，我個人都幾推介！燒溫室甜菠蘿好好食！燒得幾好黃金焗開邊蝦燒得色香味俱全！西京

攞咗消費券，梗係要拿拿臨消費開心吓！極尚大喜屋Lunch都好抵食，食足3hrs $208，自助區都有幾十款美食，沙律小食甜品雪糕都有，連酒精飲品都有！10年前又係呢個價，而家都係呢個價，抵！食放題其實都係為咗可以試多啲唔同嘅款式，我就最鍾意佢我叫幾多份量佢就上幾多，當然影相分享就唔會靚（唔會一大碟或者一大盆），但係可以一次過試到幾十款嘢，咁先正。三文魚、希靈魚、北海道帶子三款都好鮮味，三文魚肥美。帶子都夠彈牙！天婦羅蝦、蟹棒天婦羅、甜蕃薯天婦羅、芝士竹輪卷天婦羅當中最得意就係芝士竹崙，裏面係熱辣辣咁爆咗啲芝士醬出嚟，好香。鹽燒牛舌、鹽燒雞翼燒溫室甜菠蘿、風味淋燒魚乾西京燒比目魚、黃金焗開邊蝦牛油燒翠肉瓜燒到少少乾身，鹹香十足，菠蘿就夠晒甜，比目魚呢啲細細舊，過下口癮又唔會好鞋。開邊蝦嘅醬好香！明太子牛肉卷、芝士蟹籽伴櫻花蝦多士餐前小食，比較精緻，值得一嘗唔會太飽肚。蟲草花煲花膠烏雞湯大大嚿花膠好補身，裏面仲有蟲草花同埋有啲排骨，亦都有烏雞嘅雞皮，足料味道濃郁。黑松露油甘魚、柚子胡椒左口魚邊燒、三文魚籽軍艦呢啲都好香，細細舊，三文魚子卜卜脆特別爽口㗎。海膽手卷本身諗住通常放題個海膽會唔好

今次要介紹既係位於觀塘鱷魚恤中心樓上既極尚大喜屋，日式放題應該都唔洗我點多介紹，呢間極尚大喜屋一直人氣高企，除左食物質素穩定之外，上菜速度亦都好快。餐廳華麗既裝修，舒適既環境，寬落既座位，都為佢加左唔少分。自助區方面，除左有一貫既凍海鮮之外，仲有各式各樣熟食，其中就推介大家試下佢既西米露，香滑得黎又唔會太甜。刺身方面，一貫地新鮮，而且每一塊都好厚，食落啖啖肉，無雪味。燒羊架每一支都半肥瘦，食到羊肉味之餘仲有少少肥膏獨有既香氣。蒜蓉粉絲帶子都encore左好多次，味道夠晒入味！

極上大喜屋放題以前經常幫襯尖沙咀分店，依家觀塘分店新裝修環境舒適又靚，午市食足三個鐘，慢慢嘆正啊~~首先自助區的冷盤有海鮮兩款同各種沙拉等，熟食有炸物同中式菜品，飲品選擇都一應俱全，有多種茶飲、果汁、碳酸飲品同埋啤酒，另外比較驚喜嘅就係仲有熱嘅奶類紙包飲品，同埋日式梅酒同清酒。刺身拼盤非常新鮮，魚生當然唔少得三文魚、北寄貝、象拔蚌同赤貝等都好爽口，虎蝦甜蝦刺身都好鮮美~ 炸物同天婦羅都基本嘅應有盡有，今次南瓜天婦羅炸得有點霖，天婦羅蝦就剛剛好唔會厚粉同油膩，炸雞翼皮脆肉嫩燒物方面我就最鍾意嘅牛舌，烤羊架，厚厚鰻魚，燒菠蘿等都好好味😋壽司都係一口精緻size，啱晒我哋可以試多啲唔同嘅特色口味一品料理除咗經常食嘅一口牛柳粒同黃金芝士開邊蝦，今期新出嘅蔥爆鱔球同麻辣小龍蝦都好惹味，值得一試！最後甜品自助區多達10款甜品例如泡芙、布丁同乳酪等。雪糕選擇都差不多。總括而言大喜屋的放題水準依然保持😁

好耐無出嚟堂食，忽然間想去食返餐放題咁岩係呢頭有呢間極尚大喜屋，上嚟去裝修環境都一流，全層座位都好多，坐得都幾舒服！嚟得食放題，第一個緊係要整返個刺身拼盤，呢到啲刺身種類都好齊，魚類貝煩同埋鮑片螺片戈啲都有供應，食得都好新鮮，鮑片螺片超爽口！之後就點咗唔同種類啲壽司，件件嘅size都岩岩好，唔會太大舊飯，最鐘意佢嘅卷物，同平時係日本餐廳食到嘅水準差唔多，呢個一定要試！我哋仲有叫咗啲燒物，牛舌當然唔好錯過，食落好有牛味同奶香，平出面食咁貴，呢度可以食返夠本先！ 另外佢啲燒鰻魚都好厚切，燒得好入味！呢到仲有羊架，好香孜然味，燒芝士蝦都不過不失！另外呢仲有啲炒物，我哋點咗佢哋嘅薑蔥炒鱔，炒得好入味，食落真係好有驚喜，另外個炒蝦球都睇得出好用心，蝦件十分之大件，食落啖啖用！炸物有天婦羅等等，炸得一啲都唔油，雞翼都好入味！仲有小龍蝦提供添。另外佢係出面自助吧有超過二十種飲品同梅酒提供，沙律吧同小食吧都有唔少食物提供，可以自己整返個沙律拼盤，當然最緊要仲有個飯後甜品，雪糕同甜品嘅品質都好唔錯！ 真係超抵食！

難得放假又口痕之際 又想N call日式放題 目標要食刺身食到滿足為止🤗依加既午市好抵食 大約200零蚊左右可以食足3個小時 慢慢食慢慢享受都值回票價 最緊要甜品雪糕飲品可以不斷拎不斷食 歎下享受下咁就一個午餐 最重要刺身質量都高 保證新鮮厚切 最推薦大家食玻璃蝦 嫩滑刺身口感值得一試再試 而且呢間仲有鮑魚仔任食 偏貴價既食材刺身都一應俱全熟食方面款式都愈黎愈創新 花膠、酸菜魚貼近潮流品味 吉列炸蠔、炸鮮奶、焗鱔都相當吸引 基本上冇一款係唔好食 所以選擇多又豐富我真係特別喜愛黎食大喜屋🤗📸 Credit to Instagram: @mroolong

好耐無食過放題了，可以一次過食唔同刺身同熱食，選擇又多，依家埋單每人都係200蚊度，唔算太貴。.刺身同壽司🍣每次一坐低都一定會叫刺身先，刺身必點有三文魚腩、帶子、油甘魚、吞拿魚🐟……每款都新鮮同埋厚切，大滿足。壽司方面比較特別嘅有黑松露油甘魚，加咗黑松露令到成件壽司生色不少，同埋香口咗好多。火炙三文魚腩都好正，每啖都有豐富油脂😈.熟食方面都好多選擇燒羊架必叫，唔會overcook，香口嘅羊架加上孜然粉，絕配。薑蔥爆鱔球都幾特別，真係有大排檔風味，鱔球有走過油，配搭薑蔥爆炒一絕。自助吧竟然會有酸菜魚，估唔到又ok喎，酸菜好足料，唔會辣，啱晒唔食得辣嘅人。.自助吧食物種類都好多飲品有汽水🥤茶🍵咖啡☕️應有盡有，比較特別係仲會有清酒🍶。雪糕🍦都有好多選擇，除咗haagen dazs仲有其他牌子揀。