影片
更多
2022-04-08
199 瀏覽
攞咗消費券，梗係要拿拿臨消費開心吓！極尚大喜屋Lunch都好抵食，食足3hrs $208，自助區都有幾十款美食，沙律小食甜品雪糕都有，連酒精飲品都有！10年前又係呢個價，而家都係呢個價，抵！食放題其實都係為咗可以試多啲唔同嘅款式，我就最鍾意佢我叫幾多份量佢就上幾多，當然影相分享就唔會靚（唔會一大碟或者一大盆），但係可以一次過試到幾十款嘢，咁先正。三文魚、希靈魚、北海道帶子三款都好鮮味，三文魚肥美。帶子都夠彈牙！天婦羅蝦、蟹棒天婦羅、甜蕃薯天婦羅、芝士竹輪卷天婦羅當中最得意就係芝士竹崙，裏面係熱辣辣咁爆咗啲芝士醬出嚟，好香。鹽燒牛舌、鹽燒雞翼燒溫室甜菠蘿、風味淋燒魚乾西京燒比目魚、黃金焗開邊蝦牛油燒翠肉瓜燒到少少乾身，鹹香十足，菠蘿就夠晒甜，比目魚呢啲細細舊，過下口癮又唔會好鞋。開邊蝦嘅醬好香！明太子牛肉卷、芝士蟹籽伴櫻花蝦多士餐前小食，比較精緻，值得一嘗唔會太飽肚。蟲草花煲花膠烏雞湯大大嚿花膠好補身，裏面仲有蟲草花同埋有啲排骨，亦都有烏雞嘅雞皮，足料味道濃郁。黑松露油甘魚、柚子胡椒左口魚邊燒、三文魚籽軍艦呢啲都好香，細細舊，三文魚子卜卜脆特別爽口㗎。海膽手卷本身諗住通常放題個海膽會唔好
攞咗消費券，梗係要拿拿臨消費開心吓！極尚大喜屋Lunch都好抵食，食足3hrs $208，自助區都有幾十款美食，沙律小食甜品雪糕都有，連酒精飲品都有！10年前又係呢個價，而家都係呢個價，抵！
食放題其實都係為咗可以試多啲唔同嘅款式，我就最鍾意佢我叫幾多份量佢就上幾多，當然影相分享就唔會靚（唔會一大碟或者一大盆），但係可以一次過試到幾十款嘢，咁先正。
三文魚、希靈魚、北海道帶子三款都好鮮味，三文魚肥美。帶子都夠彈牙！
天婦羅蝦、蟹棒天婦羅、甜蕃薯天婦羅、芝士竹輪卷天婦羅當中最得意就係芝士竹崙，裏面係熱辣辣咁爆咗啲芝士醬出嚟，好香。
鹽燒牛舌、鹽燒雞翼
燒溫室甜菠蘿、風味淋燒魚乾
西京燒比目魚、黃金焗開邊蝦
牛油燒翠肉瓜
燒到少少乾身，鹹香十足，菠蘿就夠晒甜，比目魚呢啲細細舊，過下口癮又唔會好鞋。開邊蝦嘅醬好香！
明太子牛肉卷、芝士蟹籽伴櫻花蝦多士餐前小食，比較精緻，值得一嘗唔會太飽肚。
蟲草花煲花膠烏雞湯大大嚿花膠好補身，裏面仲有蟲草花同埋有啲排骨，亦都有烏雞嘅雞皮，足料味道濃郁。
黑松露油甘魚、柚子胡椒左口魚邊燒、三文魚籽軍艦呢啲都好香，細細舊，三文魚子卜卜脆特別爽口㗎。
海膽手卷本身諗住通常放題個海膽會唔好食，點知質素比想像中好，唔腥唔臭，所以都encore左。
吉列蠔、吉列牛乳炸鮮奶、榴蓮炸彈熱辣辣吹波波但係唔會太大粒，外皮金黃，裏面真係充滿鮮奶及榴槤香。
花雕醉鮑魚細細粒好得意，但係彈性同埋入味。
我就飲咗佢哋自家製嘅花茶，無糖比較好飲。仲有見到有唔少高質素嘅雪糕同雪條，食咁多個鐘真係值回票價。
其他環境及Menu
張貼
