極尚大喜屋 (鱷魚恤中心)

營業中

休息中

朋友們話想食放題就由佢哋帶路去咗極尚大喜屋 (鱷魚恤中心分店)一上到去見到人頭湧湧不過唔使等好耐就有位全層好大夠闊落..手機落單每人都各自叫自己想食嘅嘢勁多侍應上菜上得好快放到成枱都係都冇漏單或錯單問題..生食 熟食 炸物 煮物 燒物 壽司 手卷 飲品 甜品 等等非常非常之多選擇我本身唔食生冷嘢同埋海鮮都完全冇問題因為熟食已經多選擇到食唔晒牛肉壽喜燒 燒羊鞍 我覺得係必食連燒乳鴿都有不過燒物落單之後要等耐啲先上菜記得早啲叫定..

環境方面幾寬敞，上菜都算快同準確，但味道方面真係有待改善。我地先叫左盤刺身，刺身望落容容爛爛咁，食落冇乜味。中後段再叫多次刺身，但結果都係一樣🥴🥴熟食方面就好少少，但呢間放題絕對唔會再去！

有一段時間好耐冇食過放題，突然間興之所至，同朋友訂咗位於觀塘嘅極尚大喜屋，極尚大喜屋有好多年前我哋已經開始幫襯，咁多年價錢都差唔多冇乜點加價，性價比超值，可以話係食放題嘅首選。揀食放題最重要就係款式選擇多，其次食物質素同埋環境，當然唔少得價錢都係考慮嘅重要因素，極尚大喜屋不但食物選擇非常豐富，刺身，炸物，鍋物，壽司，小食，連飲品的種類都非常多，可以滿足到唔同朋友口味上嘅要求。更重要嘅係食物質素長年都保持穩定有水準，食物新鮮，口碑不俗，所以每當食放題都會諗起佢。位於觀塘嘅極上大喜屋，位置十分便利，環境寬敞，係約朋友食飯嘅好聚點。對於一班大胃王嚟講，每日二百幾，可以食到咁多唔同款式而有質素嘅食物，真係十分超值，你鍾意飲啤酒既朋友，都可以唔使睇價錢任飲，酒錢都慳返唔少啦。

食得任食放題，除咗要考慮佢嘅食物質素之外，款式多與否都係非常重要而呢間位於觀塘鱷魚恤中心嘅極尚大喜屋就一次過滿足到晒我呢2個要求‼️環境同殿大喜屋一樣，觀塘呢間放題都非常大同企理乾淨，重有卡位坐，任食2個鐘都一定會坐得好舒服👍🏾食物極尚大喜屋嘅食物款式非常多♥️由冷盤、炸物、湯、刺身、壽司🍣、熱食、甜品、飲品到酒都有，大家應該會好似我咁，捧住個肚走刺身壽司作為日式放題，刺身同壽司一定唔少得🤩除咗一般嘅刺身壽司之外，餐廳有唔少特別嘅款式，倒如：花海蜇、海膽手卷、燒汁鮑魚仔軍艦、帶子吞拿魚壽司等等，全部都好高質，必叫冷盤喺出面嘅冷盤都有好多唔同嘅選擇，例如有泡菜、蜆、蝦同埋沙律，真係值回票價呀😋炸物不得不提嘅係呢度有為食貓最鍾意食嘅炸鮮奶🥛 呢個炸鮮奶，唔係出邊一般嘅炸鮮奶，佢個皮係好似春卷嘅皮，好得意😛重有重有，有個叫芝士蟹籽伴櫻花蝦多士，呢個我都好鍾意食❣️櫻花蝦配埋個蒜蓉多士仔個味道好夾💯甜品除咗一般嘅蛋糕布甸之外，餐廳嘅雪糕雪條都有好多，為食貓最鍾意食嗰隻made in hk嘅豆腐雪芭🍦🍨個豆腐味好重，好好食飲品以二百幾蚊嘅價錢可以任飲啤酒、清酒、梅酒，真係好抵依家天氣開始凍，餐廳仲有提

好耐無食放題，星期五喺觀塘返學，六點放學可以食下嘢，觀塘嘅放題好多都結業，見鱷魚恤中心呢間放題之前食過喺同區另一間都食過唔錯，呢間未食過試下都好。準時6:30分，訂咗枱唔使等，二人枱都唔算細，由三張枱合併，中間有防疫板隔住，分開一半即係有1.5張枱嘅闊度。食物質素真係麻麻，可以講有啲失望。有漏單情況，壽司，串燒，一品料理差唔多同一時間落單，最後用咗25分鐘到咗串燒類，我仲要驚太多，每款只有一件，即係25分鐘只嚟咗4件食物，眼見兩邊客人都擺滿食物，問職員先知原來無咗張單。最後8:00前落單我哋臨尾都係點咗三款刺身，每款6件，但係全部減半比我哋。刺身新鮮程度一般，order赤蝦，其中一半份量會轉咗第二款。壽司種類都多，飯唔好食。梅醬帶子，喺帶子上加酸嘅梅醬有啲怪。自取吧食物唔錯，蝦同蜆都新鮮，豬手都入味，辣花螺唔辣同埋煮得太耐，好淋。牛舌少少煙韌，菠蘿幾甜。天婦羅普通，不過獅子狗裏面有芝士，好味。炸蠔炸得太耐，好硬，雞翼都有少少乾。黑椒蜜汁一口牛同埋上湯露筍燴蝦球好味。薑蔥爆鱔球，泰式咖喱軟殼蟹，兩樣都係預早炸耐啲以保持脆啲口感， 軟殼蟹上咗好厚炸漿嚟炸，兩樣都炸到好硬，真係好難食。比目魚

香港食放題嘅話，多數都係食呢間㗎喇，我估我都冇乜朋友係未食過，佢就係大名鼎鼎嘅大喜屋。👍🏼👍🏼全港九新界好似都有佢嘅分店，所以每次我一想食日本野，多數都係會諗起佢。🤣🤣今次去到觀塘食放題，可能係平日嘅關係，人流都唔算話好多，我哋等咗10分鐘到，已經有位坐。門口右手邊有熱食吧同甜品吧，熱食都係小丸子餃子，鳳爪滷水野多，仲有麵豉湯添。甜品就幾吸引，有唔同嘅蛋糕仔，蛋撻，同埋雪糕。鍾意食甜品嘅女士，可能都要留返少少胃口☺️☺️講返放題先，芝麻雞翼係必要嘅，呢度嘅芝麻雞翼真係好好食，另外燒物都唔錯。不過我個人推介呢度啲壽司多過刺身，因為S口感豐富啲，試身size有啲細，同埋壽司嘅選擇都好似多少少。總括嚟講，係個好唔錯嘅用餐體驗

極尚大喜屋，位於觀塘鱷魚恤中心，尋於區內極少數高質日式放題，價錢合理$268/位，食物質素高而且款式種類非常多，可以就是性價比極高。餐廳現時主要用手機QR code 落單，上菜速度快，食放題慳時間好重要，而且出菜數量準確。刺身類食物新鮮，大蝦刺身鮮甜，最喜歡的是螺刺身，鮮甜得來有咬口。赤貝八爪魚刺身爽脆，好食。餐廳熟食選擇非常多，推介蟹粥鮮甜好食，飽肚之選。用燒烤菠蘿作為其中一樣甜品是正確選擇，菠蘿多汁酸酸甜甜，又可以再戰再食。

觀塘出名多人多野食, 今日放工一行2人去左鱷魚恤中心~極尚大喜屋食放題我地大約5:45到,我地坐迎近門口位置 拎野食好方便, 6點左右時間開始人多, 但職員都好快安排入座, 唔會一大堆人企係門口, 安排幾好!食放題第一ROUND一定係叫刺身先, 朋友好鍾意食蝦 好鮮甜; 我就鍾意三文魚, 厚身, 而且夠凍食完刺身, 到熟食~ 熟食都有好多選擇, 出面自助區有炸餃子, 章魚燒, 花螺, 蒸魚等等, 味道唔錯 而且熱辣辣~ 自助區重有生果, 甜品, 雪糕雪條, 同飲品, 重點係連清酒梅酒都有, 呢個價錢任飲清酒梅酒, 性價比好高!其他熟食就QR CODE下單, 十分方便易用。 款式總類好多, 我個人比較推薦牛舌串燒, 好爽口 唔係淋身個款, 好食! 另外羊架 焗蝦 焗扇貝味道都好好。 總結: 食物上菜速度快, 好齊 完全唔會漏單, 刺身新鮮 熟食味道好好, 2個小時好夠時間食! 不錯

有朋友要移民🥲,臨走前想食一次放題,可以咩都食下呢間放題好大間,感覺夠空曠,檯同檯之間唔會好逼...都係梳化卡位, 坐得舒服👍🏻食放題既環境真係幾重要, 一餐起碼要出去攞野食野飲幾次, 每次食起碼兩個鐘,有個舒服既環境慢慢食會好好多💁🏻‍♀️好多餐廳已經係自助下單,呢間都唔例外, 掃code落單,有圖有埋分量,非常方便食物種類方面好多,前菜,小食,沙律,熱食,炸物,刺身,壽司,粥粉麵飯,甜品,雪糕,雪條,冷熱飲品....都真係應有盡有🍽 刺身刺身種類都幾多,三文魚,油甘魚,赤貝,赤海蝦,帆立貝,希鯪魚……其實唸到既都有刺身最緊要新鮮, 呢到真係新鮮, 佢平日中午都坐滿甘濟,客如輪轉,自然唔差得去邊🍽壽司🍣刺身之外,當然仲有壽司……壽司種類都ok多, 但畢竟有飯,要留肚食其他,所以唔會叫太多...只係叫d想食同特別d既, 壽司唔錯, 精緻唔馬虎🍽熱食佢大部分野食都可以一件上,唔浪費又可以試多幾樣...熱食款式多,麵飯有齊仲有蟹粥,小炒,海鮮都有, 質素仲要唔錯窩,尤其係鱔同羊架....鱔係醬炒,入味彈口, 羊架表面燒得夠香,肉質夠焾,醃得好味😋 放題食到甘樣質素既羊架 真係要讚👍🏻 呢兩樣

極尚大喜屋的意思 ，應該是極高尚的大喜吧。 人一世物一世， 最值得喜的事情， 應該是隨心所欲， 一個人的時候， 總想放任 一下，放題就是最好的放任行為。 228 蚊的放題 ，竟然是清酒任飲， 十二點食到三點， 這麼放任的放題 ，絕對不能錯過。坐低掃碼點菜， 一口氣將喜歡的食物點個遍， 不放題也不知道自己原來好大食，🤫 可以將十幾二十種食物 ，一餐 放曬落肚 ，有啲仲要叫多一次， 確實有點驚人。 點完餐 ，就去到自助區斟一壺 熱嘅清酒 ，攞一啲小食 ，然之後返返座位 ，慢慢品酒 ，食餐前小吃 ，耐心等待我點嘅大餐。😋一杯暖暖嘅清酒， 令到一個人獨處嘅時候 ，都唔會孤獨 ，仲覺得好溫暖 ，加埋精緻嘅餐前小食， 酸薑蕎頭和枝豆， 令到我胃口大開 ，放題開始。🏃‍♀️營養學家教落 ，用餐要先食蔬果 ，然之後再到肉食 ，所以我先食燒菠蘿， 新鮮嘅菠蘿 ，香甜多汁 ，越食越開胃。跟住就到刺身系列， 有超大隻嘅帶子，赤蝦 ，肥美嘅油甘魚， 海膽， 帶子容壽司 ，軟殼蟹卷 ，龍蝦沙律 ，極盡海產之鮮味。 熟食方面 ，我就叫咗黑椒蜜汁一口牛， 燒青魚 ， 黃金局開邊蝦 ，脆爆鱔球，凍蝦和蛤，仲有極尚花膠盛

今日難得放大假，襯閒日中午同埋母親大人食個日式放題放縱下。今日係星期一，但係喺門口已經人山人海，可見依度嘅受歡迎程度。見到前邊除咗放題之外，都好多人嚟食定食，母親話下次可以試吓。坐低梗係叫咗刺身先，甜蝦是我的最愛加上赤貝、北寄貝、象拔蚌、三文魚、帶子、油甘魚、八爪魚，選擇非常多，味道同外觀都喺放題之上嘅水平，新鮮又美味。熟食方面，炸物有炸𧐢、炸鮮奶、炸整件的軟殼蟹（印象最深刻），上枱仲係熱辣辣非常香脆唔係整定先。外面自助區都好大好多選擇，涼菜方面推介泰國鳳爪和帶子裙邊，酸酸甜甜可以解一解油膩，成本比較高嘅食材依度都有提供個人推薦花膠、鰻魚，幾好味又即刻回本！嘢飲滿滿幾個雪櫃，凍同熱都照顧到，甜品、生果、雪糕都好多選擇，出邊自取。性價比高嘅觀塘放題！

出第二輪消費卷啦🤩即刻去刺激下經濟先😂係Apm睇完飯氣攻心，就過一步之隔既惡魚恤中心食題，日式放題黎講，相信大部分人都食過大喜屋，而且對佢既cp值都無質疑。數過佢淨係壽司，軍艦同卷物已經超過30款，仲未計刺身呀，個個第一輪一定會叫大大盤刺身先，佢d魚刺身都切得有一定厚度，無欺場。另外貝類都幾鮮味，首選赤貝👍🏻依度只係自助區既一小部分咋🙂手卷係細細個一口size，可以試多d款，三文魚籽飽滿，海膽依d都係回本必點啦！大喜屋既其中一個cp高既位係，唔食生野既人黎依度都不愁選擇，因為依度既燒物，熟食係好食又多款。 牛油清酒煮蜆蜆肉漲卜卜好新鮮👍🏻蔥爆膳球醬油味加蔥爆過好惹味。蒜蓉粉絲扇貝大大粒貝肉，蒜蓉蒸無得輸！仲有天婦羅🍤芝麻雞翼依d全部新鮮上枱，仲係脆卜卜的👍🏻菠蘿燒完之後仲更加香甜juicy😋豬軟骨拉麵細細碗唔怕食到飽哂，估唔到既係拉麵麵質彈牙，湯底又香濃😋甜品相信你都唔會食得哂，有蛋糕櫃，雪條櫃仲有軟雪糕機。飲品貼心到有咖啡機，暖櫃飲品，果汁，茶包等等無限供應，仲有放題少有既清酒添！食埋甜品個個飽到棒住個肚走，滿足😋

呢間放題位置超方便，而且地方好大，坐得幾舒服~呢冷盆區，自助飲品同甜品區劃分清晰又企理，爸媽表示滿意~爸媽少食刺身，但就鐘情花之戀，細細粒，食多d都唔怕！仲有呢個火炙魚背，燒出少少魚油夠香口！咖哩軟殼蟹係放題少有提供嘅，幾特別！炸物有好多種，榴槤炸彈一咬開就爆榴槤漿出嚟，真係齒甲留香~仲有多款天婦羅最開心呢度熟食夠多選擇，由飲品、前菜、甜品一應俱全而且選擇多多，真係好啱一家大細嚟，嘻嘻哈哈一齊食返餐！

久唔久都會約埋朋友去觀塘鱷魚裇中心3樓嘅極焗大喜屋食日式任食放題，12:00-3:00三小時任飲任食都係$228再加一，以環境同食物質素黎講，性價比高。餐廳門口擺放一係列自取食物區，有沙律bar、熟食區、仲有個海鮮冰盤；熟食區，忟豬手同雞翼係搶手之選，冰盤嘅蜆同熟蝦都非常搶手，行過些小有一排長長飲品櫃，汽水、支裝涼茶，仲有自家製嘅白桃烏龍茶，選擇好多。坐低即係掃掃QR code，第一round一定係刺身併盤，每樣先order幾件，再睇睇邊樣最新鮮就下一round主打order果幾款，第一round刺身全冇令我失望，非常新鮮，尤其油甘魚同生文魚，雖然不至於油花四淺，但油香仍在；赤蝦黏滑甘香，刀馬貝爽口甘甜。壽司🍣都order左好幾款，鍾意呢度壽司飯細細舊，唔會食幾件就飽晒咁，油甘魚同飽魚軍艦我最鍾意。熟食，露荀蝦球，上湯花膠最有睇頭，薑蔥爆白鱔非常香口爽彈；燒羊架亦係我最喜歡，燒得好林滑，帶燒烤味有些少羊羶，非常惹味。飲品我最推介白桃烏龍茶，冰冰凍凍，又消滯解渴，飲完休息一陣又再繼續作戰😂。總括黎講，呢個價錢都幾貼地抵食，而且全程上餐快而且全冇漏單，值得推介👍🏻。

最後一期消費卷到手啦，又係時候出去豪食刺激一下經濟🤣，講到豪食，觀塘鱷魚裇中心3樓嘅極尚大喜屋，簡直係我嘅飯堂，每逢想食刺身、壽司，我都索性黎呢度開餐，平日午市任飲任食3小時都係$228，真係食到抱住個肚走人都唔會肉赤。近門口有海鮮、熟食、沙律🥗、甜品等區域；海鮮盤有卓蝦同蜆，好受歡迎，真係手快有手慢冇架🤣不過都好快會refill；熟食有炆雞翼、炆豬手、娃娃魚同四季豆，樣樣味道都唔錯。不過當然主菜緊係食刺身啦😋。頭輪一定係我最愛嘅刺身😋三文魚、油甘魚厚切肥美，油花滿滿；象拔蚌、北寄貝鮮甜；赤蝦好大隻，蝦頭蝦身緊緊連接，非常新鮮，越𡁻越鮮甜黏口，希靈魚食落迫迫卜卜聲，好有快感😆⋯⋯刺身還節食左幾round，真係回晒本😆，每次都keep 到好質素👍🏻。壽司🍣都有order好幾款，飯底細細，略帶微溫，加晒分，細細件一口一件，可以試多幾款。炸物就最正蝦天婦羅，粉漿薄薄，炸得好乾身，蝦又夠彈牙；炸榴槤波，嘩，外層炸得軟糯，榴槤味非常出眾，encore必選👍🏻。牛舌同羊架都係必點，厚切牛舌好有質感，入口甘香，牛味重；羊架燒得好蕉香，些小羊羶味，唔會太over，肉質鮮嫩唔過火，極之推介。