極尚大喜屋 (鱷魚恤中心)

營業中

休息中

今天中午我們上了觀塘站極尚大喜屋日式放題，地點在觀塘鱷魚恤中心，從觀塘站過APM行過去很近，交通方便，因此12點開始的放題我們早15分鐘到達當時，已經人頭湧湧，果然大牌子餐廳在區內已經很多人已認識，這天不是假期亦有很多捧場客，中午時分放題和定食兩種價目，放題$228由12點到3點，內裏的規劃佈局很大，座位充足而員工的服務很勤快，客人中亦有小孩所以員工的服務很重要能做到多而不亂很專業，用凍蝦和蜆作前菜，其他用手機落單方便，食品出來到很快，刺身的質素很高三文魚油甘魚八爪魚甜蝦帶子又甜又脆這就是質素，炸蠔炸鮮奶天婦羅蝦，最特別就是炸軟殼蟹，外脆內嫩加上咖喱醬和脆麵包就10分完美的配合，記憶中就只有這裏有提供，刺身放題可以喝有酒精類的飲品但我有烏龍茶、解茶就夠，再加上甜品，為這個午餐畫上完美的句號了。

又係同朋友仔聚舊嘅時候，有人舉手話要食放題，其他人即時和議！一出電梯門己經聽到非常熱鬧，真係連平日都咁多人，好彩朋友有訂位~刺身款式多多，厚厚嘅三文魚，仲有赤貝，象拔蚌，仲有唔係度度有嘅花海哲，點完又點，食得滿足~真心鐘意迷你手卷，細細份可試唔同款又唔怕食滯～燒物有好多好嘢食，呢個薑蔥爆鱔球真係好好食，夠香口又惹味，個皮帶點脆！燒鰻魚一樣有質素，加埋甜甜地嘅醬汁好好味~呢個香草牛油煮蜆夠晒奶油香，蜆肉雖然係細細隻，但無沙带甜，食到咁上下叫返個鍋飮啖湯都唔錯！食放題最緊要盡情，120分鐘都真係好夠食，最後食碗拉麵有勁香蒜味湯底，唔錯唔錯！

呢間日式放題, 甜品嘅選擇係比一般放題多, 有朱古力布甸, 芒果布甸, 栗子蛋糕, 雪條和雪糕等等另外有軟雪糕機, 有綠茶味, 同埋朱古力味呢間日式放題食物嘅質素唔錯㗎, 三文魚刺身, 鰻魚, 蜆, 蝦都好食餐廳環境方面, 由於呢間餐廳新裝修, 所以有比較多卡位可以坐, 同埋呢間餐廳樓底比較高呀, 所以個環境係比較開揚, 冇咩壓迫感另外, 呢度有個好大玻璃窗, 望出去個景觀又係比較開揚食物上菜速度, 都比較快, 落咗單之後五分鐘左右啲食物就會陸陸續續嚟到, 呢度系用手機落單, 比較方便

今次我媽介紹黎，果然又唔錯喎！特式壽司刺身好多，三文魚親子軍艦一粒粒爆開嘅三文魚子最鮮甜，花之戀的的骰骰易入口，帶子吞拿魚塔好豐富嘅口感，魚子醬伴真鯛夠鮮美，大部份都好正！媽都喜愛呢度熱野食，極品麻辣牛魔王，裡面係牛肉同芽菜粉條香料之類，麻辣勁十足！西京燒比目魚同風味淋燒魚乾襯日本清酒最岩feel，一樣任飲！兩種都有日本醬油獨特嘅甜味，正！中式野都有好多好食嘅，蒜蓉粉絲蒸扇貝啦，上湯露荀燴蝦球，呢啲都似酒樓水準，個扇貝同蝦可能比中式菜館更新鮮添。甜品就…真係數唔哂，最有印象係班蘭布甸，真係整得比我老婆出色，好香班蘭味又唔會太粉，價錢正價都係2字頭，咁滿足阿媽個胃真係超級抵食！

官塘呢邊簡直係放題集中地，食過同集團嘅放題都幾好，今日就約朋友黎呢間未食過嘅品牌黎個dinner buffet～環境同其他極尚系列一貫光猛幾整潔，一入門口就見到前菜沙律區、飲品、甜品區等等。熟食同凍食都有頗多海鮮類，刺身壽司特別係池魚王壽司、油甘魚夠哂鮮味，象徵拔蚌夠哂爽，赤蝦非常大隻。熟食方面有啲驚喜，香草牛油煮蜆係無甩殼新鮮貨，無沙，好香奶油香。燒香草羊鞍係要encore item，大隻唔肥夠香羊肉味，熟度剛好易入口，好yummy~呢度有隻少見嘅北歐拉脫維亞雪糕，係比較低糖低脂嘅脆皮雪條，朱古力脆皮上仲有果仁，好好味～

我一向好鍾意食日式放題，曾經最癲可以一個星期食四次，連啲朋友都頂我唔順😂放題既好處係食物種類好多選擇，唔洗煩邊個朋友唔食邊樣，鍾意就可以無限encore添呀😎今次黎到觀塘極尚大喜屋，因為地點就腳，已經回頭過好多次。而且佢地既餐單仲會不時更新，包你有新鮮感🥳刺身有14樣選擇，我就最鍾意食三文魚，帶子，赤貝同赤蝦。赤蝦起碼食超過十隻都係基本野🦐今次黎到仲有咖喱軟貝殼蟹🦀出面普通叫一隻都要差唔多70蚊，絕對係回本位呀！！仲有爆炒鱔球又係好推介既，呢個我叫左三次🤭唔食刺身既朋友唔洗擔心，有熱食烏冬，拉麵，雪花肥牛鍋，瑤柱鮮蟹白粥多款熱食，仲有養顏花膠任你點🤗出面自助區有湯，炸物小食，沙律，凍海鮮，糖水，乳酪雪糕，雪條，甜品，冷熱梅酒，咖啡，各式汽水飲品任你即場食，仲有IF椰青水添呀🥥每人250蚊左右就任食咁多野，午市仲有三個鐘時間俾你食完坐低傾下計，真係朋友同家庭聚會既首選呀👫

同個大胃王朋友好耐無見面，專登揀放題餐廳慢慢傾，盡情食，又抵d。我地點左一系列刺身就出去拎前菜同飲品，返到位無耐食物就嚟到，完美時間。刺身選擇非常多，仲要用埋乾冰上，叫左包括甜蝦，赤蝦，帶子，螺，吞拿魚，淨係食刺身都豐富。除左刺身同出面嘅前菜同小食，飲品櫃嘅飲品都好多種類，我見到隔離飲緊啤酒，唔知包唔包埋呢。跟住就食壽司，欣賞依度嘅壽司同手卷份量剛剛好唔會太大舊，食左海膽，三文魚籽小手卷，滿足口癮又唔會太飽。再點左一輪創意菜式，煮物，炸物，串燒都有叫。炸天婦羅蝦，南瓜同蟹柳都係我鐘意嘅。朋友食左不下5枝羊架，再加牛舌，燒菠蘿，蜜味牛肉粒，樣樣佢都覺得好好食。估唔到佢仲點左個壽喜燒鍋，雖然係好食，牛肉都好味，但我已經飽到不得了。最後食埋雪條，都有唔少好味選擇，畫上完美句號。 呢到坐得舒服，絕對適合慢慢傾計邊嘆美食。

今日約咗個同事請佢食餐飯，揀左公司附近鱷魚恤中心呢間日式放題！餐廳都好大，午餐時間好多人，原來有定食可以揀，不過我地難得出嚟食就食放題。電子落單都好方便，等緊期間就輪流出去攞左啲熱食同前菜，炸雞，小丸子，雞翼，豬手等等，但估唔到仲有凍蝦同蜆，回本選擇之一！😜轉過頭刺身就嚟啦！👍🏻叫咗甜蝦，赤蝦，帶子, 夠鮮好味道。食左幾輪刺身就開始食啲創意菜式，鮑魚壽司，吞拿魚蓉帶子塔等等，一口大小，精緻又唔會太飽！接著食一輪炸物，天婦羅炸蝦，咖喱軟殼蟹，夠晒邪惡但好滿足！ 之後就食燒物，串燒例如羊架，牛舌同埋西京鱈魚！羊架，牛舌好嫩又香，鱈魚燒到香脆好食。👍🏻整體食物質素都令人滿意，食飽又繼續有動力工作。💪🏻💪🏻

極尚大喜屋之前介紹過，刺身選擇多而且質素不錯又鮮甜。所以今次想多點介紹壽司及其他熟食。壽司小卷都有好多選擇，鍾意佢細細件，唔會一大舊飯。鮑魚蟹膏雪崑崙山，海膽手卷，燒三文魚加州卷，鰻魚忌廉芝士卷，芝士軟殼蟹卷，柚子胡椒左口魚邊，和風黑松露吞拿魚，都係我每次必點推介。燒物方面，一定要試試西京燒比目魚及燒鰻魚。比目魚嫩滑，燒鰻魚香脆。另外燒牛舌都非常出色，牛味濃，配上鹽燒，一D都唔會肥膩。炸物必選芝麻雞翼，炸得香滑Juicy!! 金蒜蓉粉絲蒸扇貝都好正，仲黃金焗開邊蝦：美乃滋加芝士焗蝦，啖啖肉，又香噴噴熱辣辣。另外今次試咗泰式咖炸軟殼蟹，原隻軟殼蟹非常鬆脆，泰式咖喱汁椰香味十足，仲配上蒜蓉包。用QR code 點餐環保又方便，可以睇返自己叫咗啲咩食，唔會重複點食物而浪費。不得不提餐廳地方寬躺，也有自助熟食，小食， 飲品，甜品。最鍾意係有梅酒，冷熱清酒🍶，而且酒精類飲品不用額外收費，真係非常抵食。另外，飲品櫃有超過50種以上的飲品，選擇真係非常之多。

時不時都會想食放題，因為實在太多選擇，一次過可以食到好款，所以今日就嚟咗觀塘嘅極尚大喜屋！店內環境幾新淨，空間感好大，感覺舒服。每次放題第一樣食既當然係魚生，鮮甜味美。我最愛鮑片同螺肉，每次黎都叫好多轉。仲有各式各樣既食物…呢個冬陰功海鮮湯好濃，酸酸甜甜好開胃，仲有好幾樣海鮮係個煲入面。仲有勁大塊既花膠煲…呢個烤魚干口感感好特別，外脆內軟，煙煙靭靭，點埋個沙律醬真係食唔停口，送酒一流！甜品櫃有好多款選擇，細細件可以食曬甘多款。放題既好處就係每樣都拎啲，咩都食到曬。仲有呢個甜品好濃椰奶香味，一定要試！熱辣辣飲落肚好暖胃，入面仲啲一絲絲好似燕窩甘既物體，同個椰奶好夾，我飲左3碗😂最後既最後，梗係唔少得雪糕啦！同樣地，雪糕都有好多款。

中午12:00去到，已經好多人排緊隊，午市定食好多選擇，選左一個丼飯$88加一，還可以沙律熱食任食，無酒精飲品可以任飲，難怪會甘多人食。有一個熱雪耳糖水超好食😋

今日心血來潮想食日本嘢，於是去開觀塘嗰陣同朋友去咗食「極尚大喜屋」餐廳好大，落地玻璃都令到成嗰環境好光猛，衛生幾好～我哋一坐低就叫咗好多嘢食😋刺身、壽司、燒烤類、炸物、熟食、甜品飲品都應有盡有，任君選擇～必點：鹽燒三文魚腩：油份好充足☺️雖然細舊（但你可以無限order)，但係好滿足嘅一啖☺️燒過令到佢咬嗰陣更加juicy~黃金焗開半邊蝦：呢個好有驚喜！焗得好靚☺️表面係啱啱好嘅金黃色！蝦肉爽口😋😋雪花牛肉鍋：一鍋二人份～有兩塊好長好大嘅牛肉片、豆腐同雞蛋🥚食落係壽喜燒鍋嘅味道☺️牛肉雖然大塊但係好嫩😋食完有好滿足嘅感覺😋芝士軟殻蟹卷：芝士係入口即融嘅😋軟殻蟹炸得啱啱好脆😋炸皮都好薄～卷得好紮實😋鹽燒雞翼：用竹簽串住，好方便食～以為燒雞翼會油膩，但呢嗰冇～燒得啱啱好脆皮😋雞翼都好有肉😋😋燒温室甜菠蘿：呢嗰reorder咗幾次！菠蘿燒完之後好甜😋😋😋😋😋再有好少好少嘅菠蘿酸～食落好開胃☺️又清新！鐘意菠蘿就一定要試！鹽燒牛舌：！好食！牛舌油份充足！少少鹹味令到入口冇咁油膩但仍然滿足～

眼闊肚窄嘅我哋，樣樣都想試少少😂食放題就好適合我地喇今次揀咗 @daikiyakt 每位$288食物種類都幾多：刺身、壽司、燒物炸物、熱炒、冷盤前菜、生果、雪糕甜品等等⋯🔹刺身一共14款，帶子、油甘魚、赤蝦都肥美新鮮👍🏻🔹芝士鰻魚玉子燒好好食，encore 兩次✌🏻🔹創意壽司：帶子吞拿魚蓉塔、鮑魚蟹膏雪昆布山、千島吉列蠔卷，三款都好食🔹手卷好迷你，少飯就岩喇，五款口味，試咗海膽都唔錯🔹炸物好食😋唔會太油，脆卜卜，榴槤炸彈最驚喜，食咗兩次👍🏻好香榴槤味！吉列蠔都唔錯🔹串燒試咗牛舌同埋雞翼🔹黃金焗開邊蝦，錫紙兜上嘅蒸扇貝都唔錯，黑椒蜜汁一口牛好惹味！咖喱軟殼蟹脆卜卜🔹仲有牛肉鍋、烏冬、拉麵既主食提供🔹前菜水果日日唔同款式🔹仲有椰子雞湯同龍眼蜜糖水🔹是日仲有蒸魚、南乳豬手、炸餃子、章魚燒嘅自助熱葷🔹甜品有雪糕、甜筒、雪條及十幾款自家製甜品杯！🔹飲品種類都好多，罐裝樽裝汽水茶飲，驚喜位係有埋清酒任飲，熱嘅凍嘅都有齊，仲有sake杯，儀式感十足整體來講，服務唔錯，上菜速度好快，又冇漏單，難怪平日夜晚都咁多人食

位於觀塘核心區高質素放題及性價比極高的日式放題(極尚大喜屋)，喺港鐵觀塘站B3出口，交通超級方便。餐廳環境乾淨企理和座位舒適，店員好有禮貌介紹怎樣落單和到自助區取食物的流程。自助區內有熱食例如豬手，蒸魚，有冷盤，鮮蝦，無骨鳳爪和不同生果。自助飲品區內有超級多款飲品任君選擇，亦有熱飲和清酒供選擇，自助區內的食物種類豐富，供客人自由選擇。呢度落單全部都係用QR code非常方便，分類非常清楚，有刺身、壽司，不同種類的手卷，軍艦，卷物，一品料理，天婦羅，炸物和串燒，每個種類都有好多食物選擇。壽司和刺食方面我叫咗三文魚、赤蝦、帶子、北極貝和希靈魚，全部刺身都好大塊同新鮮，底層仲有冰保持新鮮，壽司方面有芝士炸蝦卷，花之戀，芝士鰻魚玉子燒，鰻魚壽司，芝士軟殼蟹卷，全部都係創作壽司，味道特別，壽司包住的紫菜還是脆卜卜，值得嘗試。燒物羊架燒得好入味和好大件又唔肥。燒菠蘿好香，又大件和超多菠蘿汁。燒翠玉瓜非常大件，又清甜燒牛舌一定係必食，厚度適中又大件，夠咬口和惹味燒芝麻雞翼，燒得好脆同入味，肉質嫩滑燒雞軟骨，燒得好香脆和有咬口一品料理有豬軟骨拉麵，拉麵湯非常濃郁，份量適中，豬軟骨非常入味；蒜蓉粉絲蒸帶

今日收工同朋友去咗食放題，呢間放題食物種類豐富，任食自助區有冷盤、不同的沙律，生果，熱盤和熱湯，還有好多甜品和雪糕選擇道自助飲品區內有好多不同的飲品選擇，例如清酒，梅酒，不同的汽水和熱飲，食物種類超級多元化。刺身- 我點咗三文魚、北極貝、赤背、甜蝦和帶子- 每款刺身都好肥美和新鮮- 三文魚好大件，油脂分布均勻- 北極貝食落好爽口- 帶子都好鮮甜熱食- 咖喱軟殼蟹：軟殼蟹炸得好鬆脆，非常熱辣辣，配上咖喱汁都幾惹味- 清酒煮蜆有10多隻，全部都好新鮮，沒有沙，煮得好入味- 豬軟骨拉麵，豬軟骨炆得好入味，拉麵湯底也不會好鹹，細細碗食左也不會很飽炸物- 炸天婦羅粉漿剛剛好，送上枱面是保持熱辣辣- 亦推薦炸鮮奶和芝士竹輪燒物- 燒菠蘿清甜多汁，燒得好焦香- 翠玉瓜非常爽脆- 燒鯖魚燒得外脆內軟，配上檸檬汁好開胃總結食物種類豐富，都沒有漏單，全部食物叫咗都會送到，全部食物都是高質，性價比很高，值得推薦一班朋友來聚餐。