棋哥燒鵝餐室

營業中

休息中

同朋友去銅鑼灣吃個快的，想起未試過開了不久的棋哥燒鵝餐室，即管一試。我們一點半左右去到，雖然坐滿人，但基本上不需要怎樣等，好快安排座，座位比較迫及細。我們點了一個叉燒飯 $53包一杯熱飲，叉燒的顏色不是好紅，看來也不是好靚，但食落好腍、算美味! 招牌燒鵝飯 $58 包一杯熱飲, 我嫌有幾件燒鵝比較肥，它的燒鵝有一點煙熏味，跟其他地方的燒鵝不一樣，幾好食！至於奶茶、咖啡， 都可以！總括來說，以它的知名度及質素，收這個價錢，算是抵食！就是座位比較迫，一定不能坐得久！

夜晚路過銅鑼灣，又要搵嘢食，行過棋哥餐廳，喺外面聞到好香，又唔使排隊，就即刻入嚟食。😋🍲燒鵝叉燒瀨粉 - $63👉🏾叉燒半肥瘦，有肉而且唔太肥，正🤤👉🏾燒鵝多肉，好入味，足料，配搭瀨粉好出色👉🏾碗湯湯渣多，味濃，新鮮熱辣！🍜乳豬燒腩仔米粉 - $68👉🏾燒腩仔暖上，皮脆，點芥辣一齊食好好味👉🏾乳豬雖然薄切，但有肉，點醫連埋米粉一齊食，掂！總括來講，棋哥燒鵝餐室價錢雖然比較貴少少，但食物質素相當高，環境亦都非常舒服，坐得闊落，侍應又有禮貌，值得回頭。👍🏾

好耐之前已經有食過棋哥係灣仔既分店，個日覺得正正常常，味道不俗。係銅鑼灣呢條甘多野食既街開左分店，就決定食多次！食完之後覺得呢間水準好過灣仔好多！2個人叫左個燒鵝叉燒飯，燒鵝燒煵飯，1個湯同1杯凍奶茶。之前係灣仔食既燒鵝冇做到脆皮，但呢間分店既鵝食落去d皮係脆卜卜，咬落d油爆哂出黎，真係超正！呢個口感就值得回頭了！叉飯係半肥瘦，並冇燒得過燶，雖然顏色偏淡，不過食落都好多肉汁，唔會太甜，肉又夠淋！燒腩肉既肥膏唔會過份多，分佈得幾平均，皮咬落香脆又唔會太硬，正！湯飲完唔會口渴，不過之前係灣仔分店既湯料會多d。凍奶茶正正常常😋埋單100幾蚊2個人，係銅鑼灣加上甘出色既燒鵝，算抵食，會回頭再食！

晚上系銅鑼灣交收完之後,系附近搵到呢間棋哥燒鵝餐室,坐低打開菜單,見到推介一張全幅乳豬五寶飯,加多3蚊有杯凍飲,於是就點左呢個,等左唔洗五分鐘成個餐奉上,先食件乳豬,只系得乳豬皮連少量肥膏,咬落去都有D油滲出黎,不過食得燒味就唔會怕肥,其餘四寶都系一般,以八十三蚊價價錢都算系咁.

今晚同朋友出開銅鑼灣，一向愛食燒鵝的我，就當然要找間食店可以食燒鵝啦，發現依間叫棋哥燒鵝餐室。晚飯時段，已坐滿约9成客人，好多支持者咁。就當然要入內食吓啦。店內環境清潔衛生，冷氣又充足，坐位都算舒服。店員很友善和有禮貌。看完餐牌，食物款式算多，賣相好吸引。最後叫咗個乳豬燒鹅飯。首先講乳豬，非常好食，又脆脆地，口感一流。好入味的。另外燒鹅買相好吸引，顏色好入味咁，食落去，果然別有一番風味，燒鹅又新鲜，而且非常入味。朋友則叫义燒燒鹅飯，义燒同樣好食及有水準。我個人認為燒鵝是必點的食物。飲品则叫咗凍奶茶，奶茶味好濃，而且好滑，口感非常好。而且叫多份介映多士。好脆，好好食。综合各方面，價錢，食物質素，環境和服務，絕對值得在此一讚。

新年前夕同朋友行花市，先去食個飯打底，見到呢間燒味好似幾吸引，就貢左入去。我點左個燒鵝拉义燒飯，當然再提點要薑蓉同多豉油(食燒味飯呢兩者真係少不得)。燒鵝肉好甘香，幾肥美(鵝少不免有肥油，鵝油咁先夠香)鵝肉很juicy，不覺得韌，肉呈淺淺啡色，聞到有鵝香味,連皮咬有爆汁效果，脆口一咬油就標出來，味道豐富，重點皮夠晒脆，仲要係熱熱地，肉都好入味。食連味燒配上熱騰騰既白飯，鵝油浸左落飯香到，啖啖滋味。叉燒，肉質鮮嫩多汁外層有蜜甜算幾厚切下，7分瘦帶d肥肉咁先鬆軟油潤叉燒配飯一齊食，肉汁同白飯味道真係好令人滿足，好有黯然銷魂飯既感覺重點: 我個人重口味，食燒味飯一定要淋汁多豉油+薑蓉，個味會出d正d朋友點既燒鵝拼燒乳豬，我分左兩舊食皮好脆，肥肉唔算多，好香油甘味，仲熱熱地，口感一流側邊d配菜都幾好食整體燒味飯油膩度剛好，色、香、味都幾配合，唔係平時燒味店貨色可媲美跟餐有餐飲，又點少得點飲品點左檸茶+奶茶家陣坊間閒閒地一個燒味飯都40-50蚊，比多10幾蚊就可以食到比較高質，如果鍾情食燒味的，真係要一試。

夜晚放工經過銅鑼灣見到棋哥有宵夜套餐 就入左去試吓 一個餐大約$40左右 價錢尚算合理 而且都會包一杯飲品我就試咗佢嘅 手撕鹽焗雞飯 好香麻油味 撈埋啲飯食真係一流 但係嘢飲要等好耐先黎整體來講都算OK平

到了這裏外賣了一些食物帶回家作晚餐, 為晚餐加點餸菜。堂食五點幾已經要排隊呢！看到燒味師傅把整隻雞和整隻燒鵝掛在窗旁, 看到肉上面的油份, 已經覺得很吸引人, 有令人肚餓的感覺。我點了半隻豉油雞和幾隻咸蛋。餐牌上還有很多款其他食物的, 如果下次有機會堂食, 我應該會試一試他們的燒味飯, 新鮮吃應該會更滋味的。豉油雞幾香, 很入味, 肉質幾嫩, 油雞還會配上蔥油以增添味道。我自己喜歡將蔥油撈白飯, 這樣會令我吃得更多飯和雞。鴨蛋大大隻的。

今日經過棋哥燒鵝餐室，買左燒味番屋企比媽媽加餸！主打燒味系列既餐廳，又以燒鵝最受歡迎，夜晚去到已經賣哂啦。見到下午茶menu，價錢好抵食，下次tea可以試下啦！我買左脆皮燒腩仔和佛山薰蹄。燒腩仔卜卜脆，外層燒得非常出色，燒腩仔皮最岩我口味！肉質好鬆化，入口香嫩鮮甜，唔會燒到好乾。媽媽食完都話味道好出色！佛山薰蹄，入口肉質爽口，伴上醋汁最香口！屋企人好快清哂大讚水準高！我下次經過想試下餐廳鎮店燒鵝！

今日落咗銅鑼灣，臨走嗰陣，見到銅鑼灣都開咗一間「棋哥燒鵝餐室」，見佢分店越開越多，證明有水準，有生意。記得上次幫襯過佢啲叉燒，好食！今次試吓燒腩仔。外賣返屋企當加餸。一入到店內，好多人，冇晒位，好彩我叫外賣，生意好好。雖然好多人，但係收銀姐姐好有禮貌，沒有忽略我依啲叫外賣嘅客人。「脆皮燒腩仔」名副其實，燒腩仔的確脆皮，食落脆卜卜，好味。而且肥瘦均勻，而且唔會有豬嘅「蘇」味。切嘅size都好適中，細細舊，一口size。下次再經過，一定會再幫襯。

其實銅鑼灣又唔一定係食貴野，都有好多平民價既選擇，老媽子一個電話打黎，想今晚加料，好，就斬燒味！餐廳內外門面好光鮮，大大LED燈寫住餐廳名，係食肆林立既「渣甸街」，餐廳環境都算大。食物選擇既然係專食燒鵝就不得不點燒鵝啦！外賣比堂食平成$5，呢點幾好，唔係只掛住收貴你外賣盒錢，反而惠顧返一班買走唔係餐廳食既人士，不過堂食其實包熱飲，外賣就唔包，睇你心態，如果唔一定要飲野就相對上一定抵左。棋哥燒鵝飯 $53 (堂食$58)燒鵝好有光澤，而且好厚肉，師傅件件斬得夠大舊，而且每件帶少許脂肪不至於過肥膩，有時燒鵝會成舊都係肥膏，放入口好唔舒服，呢舊唔會，肉質岩岩好，亦好夠味，我唔太中意好羶既鵝肉，呢到既燒鵝羶香唔算太重，易入口。棋哥叉燒飯 $48 (堂食$53)雖然佢係岀名燒鵝，但作為一間燒味店，又點少得叉燒？其實就咁睇廚房掛岀黎既叉燒色水唔算靚仔，好淺色，似醃得同烤得唔夠火喉，不過都想試下，因為都真係中意食叉燒。食落去比我預期中好，雖然確係烤得唔夠時間，食落少左份焦香，但叉燒肉味濃郁，食落有質感，雖然以瘦叉為主，唔算太韌，比平時食既叉燒少左份油膩感，不過我個人喜愛半肥參半同燶皮啲，對我而言，不

星期日的下午，購物後有點餓，想到渣甸街買黑糖珍珠鮮奶喝，但看到飲品店排隊的人很多，這時候察覺到飲品店對面新開了一家棋哥燒鵝餐室，走過去看看餐牌，竟然星期日有下午茶餐供應，而且價錢不貴，便嘗試一下。棋哥燒鵝餐室位於旺區，價錢又大眾化，接近下午14:30 仍然人頭湧湧。看到下午茶餐燒鵝瀨粉配飲品才$40，決定一試。點了棋哥燒鵝瀨粉及凍檸茶少冰少甜，雖然說是下午茶餐，但都有九件燒鵝，燒鵝色澤佳，配有少許茶心及蔥油。我急不及待品嚐一口燒鵝，燒鵝皮烤得香脆，鵝肉多汁，帶有淡淡的荔枝柴香，細味鵝肉，鵝油在口腔內蕩漾，太滿足了。👍🏻瀨粉晶瑩剔透，又爽又滑，湯底也非常清。我一口一口的吃，心裡有點覺得不夠喉，決定再外賣一客燒鵝下庄回家一同和家人分享......留意到餐牌有燒鵝脾飯及常餐供應，但下午茶時段吃不下這麼多，唯有下次再到店內品嚐。在等候外賣時欣賞店家的燒味架，架上掛滿一隻隻的肥鵝，十分吸睛。 外賣的燒鵝隨包附有酸梅醬及燒鵝汁。燒鵝脾買回家在晚飯加料，燒鵝皮仍然香脆，因為是脾位，肉質就更加嫰滑了，鵝肉帶的香料味及荔枝柴香更出。想不到一間茶餐廳的燒鵝都如此高水準，餐廳客人多，但出餐快，店員有禮，做事

燒鵝髀我自細中意食 荔枝柴香味燒鵝 皮脆肉嫩多汁【棋哥燒鵝餐室】‼️‼️.又入港島區覓食，見到又開咗新分店嘅【棋哥燒鵝】，真係食過返尋味。主打燒味，有飯又有麵。一如既往，有速度，order完轉頭就送到你面前👍🏻熱辣辣香噴噴！燒鵝脾飯（$108）原隻燒鵝脾上，份量充足大大隻，表面充滿光澤，整整齊齊，乾乾淨淨！棋哥嘅燒鵝好獨特，有好香嘅柴香味，燒鵝皮燒到脆卜卜，咬落好香口，肉亦好嫩又多汁😋汁係秘制，好入味！加上有少少肥膏勁正而又吾會覺得油膩👍🏻有誠意，必食～燒鵝乳豬雙拼飯試埋個乳豬，一樣好出色。皮同樣係好脆，好有咬口！仲有少少油香味😍乳豬肥瘦適中，肉夠嫩滑！配上乳豬醬食味道更佳。咸檸7味道都吾錯，夠咸味又夠冰，將咸檸檬篤碎曬飲最正每碟飯都會配上酸菜，提升開胃度，爽口又酸酸甜甜，送飯一流

話說最近又係cwb返工😂唔帶飯都有好多好西食了🤤見到呢個棋哥燒鵝餐室，都新新地，而且價錢可接受～就試試佢😋👉🏿✨全日常餐 Hkd 45 💸📌個名都響左燒鵝，又點可以唔試下佢🤨+多10蚊轉左燒鵝，成個餐係食得飽既！好似燒鵝配米粉係最搭😂打開見到佢俾燒鵝髀我，佢啲燒鵝肉肥廋適中，啲皮燒到好香，真係唔理佢有幾肥，連埋啲皮食真係超正！📌佢既多士會連埋牛油咁烘，就算叫外賣拎到返公司仲係脆既！同埋佢既蛋！真係滑到傻，好重蛋味，放上多士到食一流呀👍🏿

星期日行街日，銅羅灣行街街，肚餓搵野食。見到間燒鵝餐廳，門口玻璃櫃一排鵝頭，應該日賣很多隻。上開飯睇下評論先，好評都不少，而且有幾間分店，都在港島旺區，應該有些實力，即管試下。餐廳名都叫燒鵝，餐紙介紹佢地鵝有獨特嘅荔枝柴香。又話鵝油好健康，唔怕食，小弟才疏學淺，唔知真唔真，但最緊要好味就真。就叫個燒鵝乳豬飯，燒鵝皮下真係有層脂肪，吃入口又真係有D柴香，係唔係荔枝柴就唔知，但就覺得好香，雖然有油脂，但入口又唔覺得肥膩。乳豬皮亦香脆，不會覺得肥膩，燒味係一流。飲品就一般，接受到，但有進步空間。餐廳光猛乾淨，侍應人手都充足，上菜都快，燒味餐廳來講一流。