棋哥燒鵝餐室

營業中

休息中

行行吓街有啲肚餓，記得附近新開了棋哥燒鵝餐室，就行去睇吓，見到掛喺門口啲燒鵝幾靚，就咁決定，外賣一盒燒鵝髀飯返屋企慢慢食。雖然買過百，隻燒鵝髀真係好大隻，見到已經流晒口水，而且仲好香，燒臘的香及鵝肉的香味都有，汁都夠，盒飯幾大，都有兩碗飯。棋哥燒鵝髀飯 $103皮脆肉嫩，皮薄而旗下有少少脂肪，肉連骨，這些都是完美的肉件，的確唔錯幾滋味，有水準。但點都好多位，光猛乾浄，見佢仲有叉燒乳豬，下次再來試堂食。

工作令人沮喪，唯有以食減壓。對呢間鋪頭嘅背景冇乜認識，淨係知道灣仔銅鑼灣天后附近有幾間分店，好似話北角有間老店但唔同名叫新光。識得將舊式嘅燒臘茶餐廳重新包裝上市，應該都係有人入股搞搞新意思，或者係店二代後生仔嘅新主義，特別喜歡佢嘅招牌，好有一份將老店翻新但仍然保留本來味道嘅感覺。無論如何，乜嘢包裝都係假，最緊要係味道！有乜嘢可以刺激到一個人叫一碗成百蚊嘅燒鵝瀨粉，當然係工作壓力啦！而今次亦係小弟人生裏面第一次食燒鵝髀瀨（之前亦冇咁樣食過燒鵝髀飯），但以前如果係叫成隻燒鵝，就當然食過燒鵝髀啦。夾起一件一口咬落去，心裏面真係嘩一聲出咗嚟！脆！好脆！塊皮咬落去真係脆卜卜，口感唔算好熱，所以冇理由係啱啱出爐，但仍然維持到脆卜卜嘅口感，堅係正！！鵝肉非常鮮嫩多汁，但鵝肉味唔算太濃，而且醃料嘅味道亦屬於輕手，香料亦唔算多，如果喜歡濃味嘅人可能會覺得偏淡唔夠味，但我反而覺得ok，當細心再食真啲嘅時候，就食到有一份好特別嘅味道，諗完又諗，究竟係乜嘢味道呢？最後諗起係類似煙燻嘅味道，後來再睇返佢餐枱上嘅介紹，聲稱係自家嘅荔枝柴煙熏味道技術，嗱！佢話係「技術」，所以究竟係咪真係用荔枝柴嚟煙燻，就不得而知啦

燒味crossover@棋哥燒鵝餐室 網址: https://s.openrice.com/QrbS0DZ0900 地址: 銅鑼灣渣甸街45號人人商業大廈地下 銅鑼灣百里內已經有3間，太誇張了！今日又唔開火煮飯，去買燒味回家食，方便又美味。見到外賣優惠，斬料組合$98 便有+燒腩仔/ 蜜汁bbq pork ，晚上唔沾飯氣只食肉菜，買佢仲抵食。要了燒腩仔，剛燒好要享用，芝麻皮脆卜卜又香口，皮下就是薄薄的脂肪，豐腴肉質不會乾柴。蜜汁又燒,順便可以比小小狗仔食，因腩仔太鹹唔岩狗食。，色澤紅而蜜汁閃亮,而且夠甜有點肥肉不柴簡單好味。淨買都幾大盒，夠我同家人做晚餐。

每次外出見客經過棋哥燒臘店，都畀各式各樣嘅燒味吸引住， 隔住塊玻璃都幻想那香噴噴嘅味道， 簡直是流曬口水， 但次次都見店內勁多人，而我又趕時間，所以等唔到。今日收工經過銅鑼灣這間棋哥，又比其門口那陣容強大的燒味吸引住, 決定買啲返去自己一個人晚飯伴啤酒，正！最後買了叉燒、燒鵝，也是我必食的燒味之一，味道果然入味，叉燒肥瘦均勻,密汁味香濃，食落香甜惹味。而燒鵝也同樣出色, 皮脆肉嫩,好香酥的鵝味， 更食到炭燒嘅感覺，佐飯伴啤酒一流。難怪這年幾棋哥燒臘店咁出名， 除了櫥窗嘅燒味賣相吸引外，食落原來咁正。

喺銅鑼灣做嘢叫外賣是常識吧？很久沒有吃燒味飯，同事特登叫呢間嚟試吓！我就N年都未食過五寶飯、同事就話呢一間唔錯、啲燒味幾好！咁就一齊order左啦！點知，比我想像中燒味飯差咗好多喎！啲飯超級硬身、啲燒鵝完全得啲骨頭🦴、可以話用冇肉來形容、鹹蛋唔夠鹹、叉燒係咁多個選擇之中算最好、總之、希望越大失望越大呀！冇諗過燒味都可以整成咁，仲開咗咁多分店添。乜依家D香港人食嘢要求咁低咩？除咗喺呢度會成日外賣菠蘿油之外，我諗我都唔會再幫襯了

今天約了一個好朋友在銅鑼灣購物，當然時間過得太快又到中午了，於是就需要在附近找一間較為特色又好味嘅餐廳，便想到又快又好味的食物，就想到食天鵝肉，其實系燒鵝肉呵呵，這個燒鵝有着天鵝般的美麗，而佢最出名就是那個燒鵝撈麵，加一杯奶茶，上湯，雖然平凡的燒味肉，但是這個燒鵝撈麵，那個麵質地夠彈而且那杯奶茶夠香滑這個中午太完美了。

星期六下午 睇完套戲都三點梗係食過下午茶 平平地當個午餐係銅鑼灣 要搵間有下午茶食既餐廳都唔係易睇過時代廣場入面幾間西餐日本野全部都係擺午餐餐牌於是就決定行遠少少附近開左兩三間冰室 下午茶時段都坐滿人有普通常餐亦有炒粉麵突然行過 見到呢間出名賣燒味都有下午茶食下印象中 個廚師係當年某某著名餐廳大廚過檔一於趁下午茶 平平地試下係咪真係咁好食雖然下午茶餐單有燒咪飯 但個人特別鍾意食常餐 仲加10試埋燒鵝餐飲叫左茶走 牛油多士食落輕盈 多士鬆脆燒鵝米 米粉較碎 軟硬適中 燒鵝燒得有點燶 同埋可能浸住湯米 所以皮無想像中咁脆火腿 正常 不過唔熱茶走 通常加左煉奶 唔駛落糖都夠甜 但呢杯就唔係太甜 不過都飲到既 都算滑身炒蛋 夠滑有蛋汁 蛋色好靚香濃蛋味一個常餐要$55 唔算太抵食 不過係銅鑼灣 算係咁啦

有同事介紹華棋哥燒鵝餐廳好食，見嚟到銅鑼灣行街又有啲肚餓諗住試下啦 唔知係咪因為星期六人數都唔少， 雖然話呢個出名係燒鵝但下午茶唔想食咁油膩所以就叫咗個冇咁油嘅迷你燒楠仔飯而同行朋友就嗌咗叉燒公仔麵配炒蛋 呢到燒味飯有道特別係佢會配埋酸菜畀你，我個人就唔係好食酸菜所以就筆晒佢埋一邊冇食到燒楠仔肥瘦適中，皮詭肉嫩，好食佢d燒味汁同平時出面食到嘅唔同，好香鵝味,但又唔會太濃同太咸蓋過燒味本身嘅味道,個人認為好高質 試食朋友碟炒蛋, 幾香幾滑唔錯但朋友就話叉燒唔夠肥，而且味道只係一般。

好多人都來試這間棋哥燒味，我們都過來打卡啦燒鵝肶好多肉好好吃，加埋酸梅汁，更突出到燒鵝的香味不食飯可以轉撈麵牛柏葉整得好味，彈牙爽口，手撕雞有些不爽口而且偏辣每個午餐送一杯熱飲非常受歡迎，坐無虛席

這一天來到銅鑼灣，已是午飯時間，覓食途中，發現這間就在台灣人氣黑糖珍珠奶茶店「老虎堂」和「幸福堂」斜對面開業的「棋哥燒鵝餐室」分店，心想，棋哥的燒鵝一向風評不差，既然自己還未試過，就入內吃個燒鵝碟頭飯午餐吧！ 才剛十二時多，我只單身一人，不用等位，立刻可以入座。雖然前後左右都有其他顧客和我一同用餐，而且座位也較為逼狹，將就一點，也便是了。到得我埋單離去，店外巳有多人等候，不可即時入內呢！ 第一次幫襯棋哥，雖見餐牌上的「原隻燒鵝髀飯」（$108）最為吸引，始終未知棋哥的燒鵝是否真的出色，也不想吃得太過奢侈，所以只點了一碟「燒鵝腩仔雙併飯」（$63），加杯凍飲（+ $3），加碗例湯（原價 $15，跟碟頭飯 + $8），以 $74的價錢，試試這間棋哥分店的燒鵝與燒腩仔的水準。 「燒鵝腩仔雙拼飯」的燒鵝和燒腩仔份量合理，雖不太多，也不太少。燒鵝皮不算很脆，只是微脆，肉質緊緻，肉味尚可，倒些早已放在桌上供客人隨意倒在碟上蘸燒鵝吃的酸梅醬吃，味道尚佳。燒腩仔也不差，肥瘦分明，特別是那些脆皮，真的很脆，教人有意外驚喜。這「燒鵝腩仔雙拼飯」的飯十分夠熱，讓我甚感滿意，飯上除有主角的燒鵝和燒腩仔外，還

今天在銅鑼灣找晚餐，看到這間新開的店，環境明亮乾淨，也不用排隊等位就可以入座，那就試試吧。後來發現遊客都算多，一連幾桌都是遊客，就連外國人都有，是遊客餐廳嗎???還是我太井底之蛙??點了一份燒鵝撈粗：燒鵝外脆內嫩，表面有亮亮的光澤，一口咬下油香肉香都充滿整個口腔，而且還有荔枝柴燒的獨有香氣，非常好吃，唯一可惜是肉不多，下次可以點脾位應該會比較有肉感；撈粗麵條軟硬適中，彈牙不軟爛，煮得剛好，調味不會過鹹或過淡，加上有鵝油拌在裡面，又是香氣滿滿。

燒鵝叉燒飯全部肥膏，條友話叉燒係咁👎🏻👎🏻，從未試過咁差嘅全部肥膏叉燒又黑又瘀，肥膏多到咁真係第一次見，同啲員工講仲要話叉燒係有肥膏，大佬你收$63仲差過大家樂啲叉燒，無下次

路過這裡 又見有位置 又聽完這家的燒鵝 好好吃 所以便試試燒鵝粉 凍0茶 既下午茶餐十分鐘不到便上菜了 我覺得個粉吾夠熱 個湯冇味 燒鵝都可以 有好重荔枝柴既味道 都算特別 因為出面其他燒鵝係冇依隻味

今天收工時到達餐廳已經接近晚上十一點了,問問職員是否還接生意,雖然接近收工時間,但仍很願意招待我們,我們點了一碟燒鵝飯和乳豬切雞飯, 燒鵝有很濃的煙燻味,原來是用荔枝柴燒的,燒鵝皮非常香脆,肉很嫩滑多汁,而且加了咸酸菜在飯中,和燒鵝很配, 加上此餐廳毫不吝嗇,大大樽燒鵝酸甜醬任你享用,乳豬也不錯, 皮脆肉嫩,切雞就普通一般,略嫌雞肉鞋左啲,無嫩滑感覺,相對比較遜色,此餐廳的燒味質素整體上都很好,燒鵝最為出色,果然是燒鵝專門店😉

前夜22：00經過，點一份燒鵝叉燒雙拼飯，燒鵝一以貫之不肥膩，皮焦肉香。也許是夜晚的緣故，店家饗之以鵝腿。開心。叉燒也不錯。價格也相宜，加一杯熱檸水，60幾蚊埋單。未開時已經期待，此次經驗不錯，值得常去。