棋哥燒鵝餐室

營業中

休息中

冇下次😡行過見到掛窗的叉燒好似OK，我同收銀講要半斤半肥瘦燶燶哋的叉燒，阿姐話冇問題，好大聲同燒味師傅講。點知攞到返屋企真係好嬲，唔好肥啊，直頭好廋，好乾，係有少少燶燶哋！我打電話同收銀講，嘩正佢都記得我，叫我攞返去換錢，我喺將軍澳住，唔通為咗個叉燒攞返去啊？最唔鍾意呢啲舖頭，如果冇半肥瘦你話我知，我可以決定買唔買😡😡

原本一直幫襯開旁邊嗰間燒味舖，但今天突然行過覺得想試一下，雖然之前已經有不太好吃嘅經驗，但係都想俾多次機會呢間燒味舖結果仍然係失望而回叫了一個叉油雞飯冇影相，油雞係雞胸都不在講，嗰啲叉燒我從來未試過食到咁難食嘅叉燒，又乾又柴，一D水份水份都沒有，我懷疑佢用咗根本唔係做叉燒嘅部位做叉燒，所以有此效果，但價錢—D都唔平，連杯飲品盛惠71蚊絕對不會有下次，寧願幫襯番旁邊嗰間好過佢多多聲，反而服務我只覺得一般並沒有其他人說的這麼差😅😅

上週在棋哥燒味飯享用了一頓令人回味的燒味飯。叉燒肥瘦均勻，蜜而不膩，外層還有着微微的焦香。燒鴨皮脆肉嫩，搭配以特製醬汁，風味十足。油雞則嫩滑多汁，浸透了薑蔥的香氣。搭配的白飯軟硬適中，能完美吸收肉汁的滋味。配上蔬菜的清爽，更顯得豐富均衡。這種地道的港式風味，無疑是懷舊與美味的絕佳結合，值得一試！

We were told that this place was just as good in terms of food quality than the other well known places like Kam's, Yat Lok, Yung Kee. The experience was terrible. We went there at lunch time and ordered 2 plates of the mixed combo ( suckling pig and roast goose) with rice.My goose was all bones and fat, the suckling pig's skin was chewy and all fat too. My husband's plate was the same and it had shards of bones in his rice whenever he took a bite. Also the meat was cold. My friend's child even

今日做節，外賣買咗份「燒味組合A：祺哥叉燒 + 切雞」total $128，切雞還可以，但份叉燒瘦到條柴咁，好唔掂😣，老人家完全咬唔到🫣應該叫「柴哥叉燒」🤪🤪

一直都喜歡吃燒鵝的我，間中都會來這裡吃，為的就是吃燒鵝髀和乳豬🤣每次喺呢度食燒鵝或者買外賣嘅時候。我都叫師傅唔好斬，因為我鍾意成隻揸住嚟食🤣🤣而且這裏我喜歡吃的燒鵝有獨特的味道，皮脆肉嫩，有幾次試過想食乳豬都食唔到，今次去到竟然有乳豬食，實在太開心，佢哋嘅乳豬皮好似玻璃皮脆好新鮮好好食😋————————皮脆肉嫩燒鵝髀..乳豬皮脆又嫩滑👍其實開心🥳簡單就在我身邊😇食….拍…寫.. 已經成為我生活中的一部份鍾意食..鍾意拍.. 鍾意寫..留下美好回憶—————

平日中午同朋友搵地方食晏 朋友推薦棋哥好食得黎唔使等位叫咗個叉燒米粉冇特別選擇叉燒部位 但嚟到叉燒肥瘦適中 有少少燶邊叉燒份量都唔少 又好食加$7有凍飲 叫咗凍檸茶 正常發揮下次會再嚟試其他燒味👍🏻

成日喺銅鑼灣都會經過呢間燒味舖，呢一間燒味係最出名食燒鵝，今日終於有機會入去試吓，入邊唔算太多人，可能係下午茶關係，佢都有好多唔同嘅套餐選擇，我就直接揀咗佢嘅燒鵝髀，另外加多碗經典嘅瀬粉！個餐黎到嚟講覺得都正常，不過價錢我覺得佢有少少貴，佢嘅品質係唔錯嘅，鵝肉非常香，而且食到佢炭燒荔枝木味嘅味道，瀨粉就不過不失, 配搭上都還可以接受，不過份量有啲少，呢一個價錢嚟講性價比有啲低，如果餐廳可以考慮份量比較多嘅話會好啲，食完都唔係太飽.

外賣叉燒，同佢講要多汁 比得一小盒汁 問要多盒勁大聲講：無架wor 要多盒汁$20堂食比豉油係咪按匙羹計呀咁？個小盒汁堂食個飯都係度 依家係剩外賣燒味比多盒汁都要計住無下次唔會再幫襯學樓上話齋 未食都要寫個食評

想食個快啲早餐！就快11:00、所以就腳立即走左入去棋哥燒鵝，因為早前去過食下午茶，佢杯奶茶幾好飲，所以就衝入去食早餐。店員話早餐只得一款$58都啱食所以即刻坐低，避免過左早餐時段！熱奶茶吾多夠熱，但保持水準。义燒湯意粉-义燒太瘦，份量足夠。厚油多士正常，炒蛋火腿-炒得幾好，蛋都好涓，但再睇真啲，足足一匙油在碟底，真是太誇張🥹整體來說係可以，如果少D油會更理想，只係自己吾記得同店員講要肥义燒有點失策😵‍💫

經過渣甸街是但搵一間食啦，棋哥好似有啲名，咁入去試吓吧，地方都係比較迫夾，射燈太強而冷氣又唔夠，所以天氣熱嘅時候比較熱和焗⋯⋯衛生情況一般至麻麻啦，有兩隻蚊定什麼成日纏繞我哋嗰張卡枱，地下又幾油吓 😂😂😂😂香港茶餐廳係咁明白， 鬼叫佢個位置好唔優做⋯⋯佢好似得燒味為主⋯⋯叫咗個燒鵝瀨和燻蹄海蜇瀨粉….燒鵝又唔算太差嘅，係肥瘦適中，多油份嗰隻，燻蹄海蜇就正常發揮啦…粉係粗大型ok la … 埋單$155 ok la, Cwb 食嘢係咁上下⋯⋯

今日我去祺哥想食佢嘅燒鵝飯，全場大約得三成客人，有5 ，6張空枱。佢都要逼我搭枱，夾一張兩人枱。我禮貌問佢可唔可以坐隔籬枱，佢堅決拒絕，真係莫名其妙。我仲要係5點幾去，應該唔係什麼繁忙時間。

猶如被侮辱的一個外賣體驗店員服務態度十分之惡劣！直頭想趕客！叫外賣燒鵝瀨粉想分湯銅鑼灣分店女收銀員:冇分湯再問另加膠盒錢可否分湯該女收銀員：一係食飯啦你！都不特止。另一位負責執外賣的女侍應仲對住我，大大聲‘‘摺’’左一下，生怕我聽唔到。該位女侍應傳遞外賣比我之時，我特別說了聲”唔該“，可惜，換來既只有女侍應的黑面。真係野都未食就忍唔住要寫我係openrice既第一個食評，用左咁多年都冇寫評價既習慣，今次真係忍唔住！

同太太利銅鑼灣，有時可以說是行到天昏地暗架。我不得不大叫，可不可以放飯。辛苦地，終於在兩點鐘爭取到，而且是一個一人時間。身在渣甸街的我，就決定試一試《棋哥燒鵝》。來時，是下午茶時段，理所當然，會叫一個下午茶份量的餐。而我點既下午茶餐，就是燒腩飯一碗。第一次食這《棋哥燒鵝》，理應叫一個燒鵝餐，但奈何下午茶的飯餐就是沒有鵝，所以只叫燒肉。然而，這燒肉係令我感滿意的。因為皮夠晒脆，肉又夠香，不加芥辣醬也十分之好食，我非常開心。跟餐我要了一杯奶茶，這奶茶也可以說是有水準之作。夠香又夠滑的奶茶，沒有說不好的空間。第一次來，牛刀小試已經令我覺得好滿意，即係話，這一間《棋哥燒鵝》，有料到。

lunch 快快食個飯，見好耐無食過燒味就是旦揀左間附近既燒味餐廳。依間四四正正，環境裝修都比較新式，所以就行左入去😂叫左個燒鵝叉燒飯，識食一定食肥叉👍😉味道黎講肥叉油脂豐富，但味道唔夠，只有淡淡既鹹味，最後都要叫多個叉燒汁先夠。燒鵝不過不失，皮唔夠脆但好在肉質夠淋，味都一樣唔係好夠，可能整體係想清淡dd，但本人吃燒味真係預左重口味😂😂趣事，我同事叫雙拼變單拼😂凍飲變熱飲，被逼健康，笑到我😂😂