梁慶記

營業中

休息中

講真食得多鮑參翅肚，間中都想簡簡單單，就算一碗白粥，我都覺得好滿足。今晚就過黎北角試試呢間，已經營運過百年既澳門老字號「梁慶記」，亦受米芝蓮推介過，佢地既地道正宗風味，就係果份價值，果份堅持，並唔係單純可以用錢黎衡量！👇🏻📌招 牌 推 介 -▪️ 蛋 蓋 豬 扒 飯 - $59▫️ 我朋友嗌左個「蛋蓋豬扒飯」，豬扒外層帶微微香脆，食落肉質爽口彈牙，完全唔韌，面頭放上一大塊炒滑蛋，口感相當滑溜，加左4蚊仲有加底，夠哂飽肚；加左24蚊仲可以轉set，送一杯飲品同埋小食；佢就揀左杯「玫瑰桂圓花茶」同埋「炸雲吞」；花茶入口清幽解膩，而炸雲吞亦係新鮮即炸，夠哂脆口；套餐額外再加16蚊嗌左個「滷水豆腐」，吸收哂滿滿滷水汁，份外惹味。▪️ 蝦 籽 撈 麵 - $63▫️ 另外不得不試呢個地道「蝦籽撈麵」，先講撈麵，食落完全無鹼水，口感極為爽彈，面頭灑滿大量蝦籽，鹹鮮味豐富，同樣揀左主食係「豬扒」，加左10蚊雙拼要埋「辣金錢肚」，金錢肚極有咬口，煙韌無比，最緊要係多蔥，同樣24蚊轉埋套餐，嗌埋碟「腩汁生菜」同埋凍檸茶，今晚真係完美收貨啦！

早前有幾天都需要去城市花園附近某酒店，常常經過這間餐廳，見招牌標榜「全蛋米芝蓮竹昇麵食」，當時已記下要來試一試，今天終於有機會了。我和朋友叫了撈麵和喇沙，誰知原來最好吃的是澳門豬扒包。現在餐廳多用QRCode落單，我覺得這餐廳的系統清晰易明，雖然每樣都有眾多選項，但都操作容易。例如單是豬扒包個包，已有3種口感選擇；又可揀原個上還是切一刀或切兩刀。澳門豬扒包（$43）包的脆度有3個級別，我選了最脆，又選擇要多洋蔥，結果成品非常好味道。包香脆，不硬不韌；豬扒嫩滑；洋蔥炒到焦糖色，香甜好吃。豬扒切出來的骨頭也會隨碟附上，還備有膠手套，非常細心。五花腩蝦籽撈麵（$63）五花腩很好食，香口不肥膩。除了五花腩，還可選配豬扒、雞扒、牛肉、辣金錢肚、豬頸肉、雲吞等。另外每份撈麵還附送炸墨魚餅。麵條我選了粗麵和多汁，吃來不會覺得太乾。雲吞喇沙湯米粉（$65）和撈麵一樣，除了雲吞，還有很多選項。每碗還附送炸墨魚餅和雞蛋。雲吞個子小小，包得比較鬆軟，食到蝦的鮮味。加配生菜（+$12）葡式奶茶（+$12）葡式焦糖咖啡（+$12）熱奶茶和凍焦糖咖啡各有特色，葡式奶茶香滑，焦糖咖啡濃郁，焦糖味重，兩樣都好飲。

之前去澳門都會去「梁慶記」食佢地的蝦籽撈麵😋😋「梁慶記」係一間澳門老字號麵店，主打手打竹昇麵同豬扒包等澳門風味小食，亦獲米芝蓮推薦！！原來佢地喺北角都開咗間分店，咁唔洗過澳門都可以食到啦❤️❤️🍝各式蝦籽撈麵✨嚟到當然要試佢地的招牌蝦籽撈麵啦！賣相好吸引🤩🤩粗麵爽口彈牙，帶濃郁的蛋香，一啲鹼水味都冇！面層鋪滿蝦籽🦐，撈勻後鮮味十足！！配料就揀咗豬頸肉同辣金錢肚，豬頸肉鮮嫩脆口，油脂香豐富🔥🔥另外仲加($24)加配咗炸雲吞同葡式奶茶～～炸雲吞外皮酥脆，餡料有蝦仁同豬肉，味道鮮甜多汁！！葡式奶茶都唔錯，口感順滑，茶味同奶味都好香濃👍🏻👍🏻

梁慶記 (北角).朋友成日係港島流連又知我地喜歡食啲地道野，澳門🇲🇴出名嘅梁慶記原來香港都有！.唔想食飯/粗麵咁heavy嘅大家可以食米粉，呢到嘅葡式香辣喇沙米粉係比較清，個湯係清湯再加上香辣粉但佢跟嘅餸係炸雞翼，炸墨魚角等比較重口味，兩個夾埋就啱啱好.另外大推大家愛吃豬扒包嘅要食，佢嘅到嘅豬扒真係做得幾好，可惜今次我食呢個包唔夠汁略嫌乾身.飲品上有咖啡奶茶，但女士要養生嘅話仲有花茶叫咗個胎菊石蜂糖花茶，焗一陣好好飲！.梁慶記 (北角)北角炮台山電氣道233號城市花園3座地下4號舖

梁慶記 (北角).位於北角有一間澳門特色嘅餐廳，有撈粗有豬扒包！.▪️二人套餐▪️.呢度好貼心有個二人套餐，有晒我哋想食嘅招牌！我哋叫咗一個豬頸肉蝦籽撈粗，上枱就見到擺得靚靚，而且充滿着蝦籽唔想食豬頸肉嘅，你仲有其他肉類嘅選擇另外再叫咗個葡式豬仔蓋飯，呢個真係200分超好食！豬扒炸得酥香肉嫩，入邊中包住兩隻太陽蛋，另外佢仲配有咖喱汁同埋豉油俾你撈飯，豬扒再加上蛋汁，另外仲可以加入少少嘅咖喱汁，好好食！！.呢度嘅樽仔奶茶咖啡都好出名，樽仔入住就唔會有冰融令到佢淡咗！.📌 梁慶記 (北角)北角炮台山電氣道233號城市花園3座地下4號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今天和朋友約左了在北角食飯朋友推介了一間餐廳 😍 是曾經勇奪米芝蓮的梁慶記💕我哋點左佢哋嘅二人套餐！ 套餐包括佢哋最出名嘅撈蝦籽麵 ！ 可以自己揀唔同嘅面底 例如你自己鍾意粗麵或者幼面都可以揀超級多蝦籽！差唔多成個面都係 佢哋仲會配一碗湯汁驚你個麵乾咗之後會好硬你就可以自己根據你鍾意食嘅軟硬度再去落湯汁我覺得好貼心👍🏻 之後就係佢哋嘅葡式蓋仔豬扒飯！可以見到真係成個碗都係豬扒甚至有啲仲大過隻碗哈哈仲隱藏着一隻流心嘅雞蛋配埋米飯食真係一流啊🤣🤣🤣 佢哋嘅炸墨魚餅都好出色但係一定要讚嘅就係佢哋嘅燒烤全翼剛剛燒出嚟嘅時候真係好好食完全有一種去咗燒烤店嘅感覺外脆內軟雞肉燒得剛剛好我想比一百分 💯最後就要讚吓佢哋嘅奶茶身為一個奶茶控🧋我覺得佢哋嘅奶茶底好濃好好飲✔️✔️建議大家都一定要試吓！

今日去左北角試左一間小店 主要係經過個門口俾個招牌吸引住 ！目測小店真係位置唔多 勝在時間夠早唔使等位 一坐低唔夠20分鐘全場滿座 大部分都係附近嘅街坊 就覺得應該冇揀錯！招牌安格斯溫泉蛋蝦籽撈麵同埋葡式蓋仔豬扒飯 就呢2個 跟門口招牌食！個麵口感豐富，麵本身好有彈性，彈牙有嚼勁食落有滿足既咀嚼口加埋安格斯牛肉既鮮嫩 麵有蛋香味同蝦籽豐富層次 蝦籽有微妙的咸香和清爽的質地，加埋辣椒醬每一啖都充滿咸香味，爽脆，香辣！份量又夠大 對得住價錢！葡式蓋仔豬扒飯個份量好大 豬扒好大塊完全掩蓋咗個飯 仲要係厚切豬肉扒，嫩滑多汁 完全唔鞋口 豬扒下面有太陽蛋 個蛋黃混合豬扒米飯一齊食 蓋仔飯搭配口感嫩滑豬肉扒 外脆內軟 ，配搭蛋香和米飯的口感，呈現出豐富的層次感。仲有花茶可以消滯！見食客都係附近街坊，坐場滿座就知呢間性價比高相當不錯，質量對得住價錢！抵食！

放工喺附近搵吓有咩餐廳見到有間嚟自澳門嘅梁慶記😯好耐無食過蝦籽麵所以就去試下啦😆- 安格斯溫泉蛋蝦籽撈麵(+$4竹昇粗麵💕)見到有傳統竹昇粗麵 而且係手打嘅😝當然要試下啦食落口感同平時嘅粗麵唔同😚偏淋身啲仲有好香蝦籽味添安格斯牛肉亦都好滑身 配上蛋汁 兩者之間好夾🥰另外 仲會有炸墨魚丸爽口彈牙 唔會咬落得啲粉- 葡式蓋仔豬扒飯大大塊炸豬扒😍側邊仲會有兩種汁可以點個人就比較鍾意點咖哩😋咖哩好香 但係唔會好辣用嚟點個豬扒 好match啲飯入面仲會有啲汁添😝

澳門過百年歷史的麵店梁慶記在港開咗分店，餐廳地方闊落，以傳統手工竹昇麵馳名，同事約咗我今日去試吓。濠江地道雲吞麵：手打竹昇麵採用澳門傳統做法，堅持人手打製，全用鴨蛋，所以麵條煙韌彈牙，而且沒有鹼水味，雲吞餡用新鮮豬肉製，中間再加一隻蝦仁，食落油潤甘香，肉汁豐富。湯底改用自家煲的豬骨湯，味道濃郁，鮮甜清新。跟餐炸雲吞和飲品，雲吞炸至金黃色，香脆可口。凍檸茶不太甜。葡式咖喱雞扒飯：辣道揀咗小辣，葡式咖喱香濃，雞扒肉嫩，沾滿醬汁好惹味！跟餐腩汁生菜配飲品，生菜清綠爽脆，加腩汁味道更佳。葡式奶茶：用樽裝裝奶茶，原汁原味，飲落茶味香濃回甘，甜度相對較低，適合喜歡濃茶味又怕甜的朋友。招牌澳門豬扒包：麵包外脆內鬆軟，充滿牛油和洋蔥的香味，而且豬扒肉身軟腍又Juicy，真係一試難忘！食完先睇到米芝蓮推介蝦籽撈麵，下次再來試吓！

聽聞炮台山梁慶記雲吞麵舖拎過米芝蓮，所以約好咗朋友一齊嚟食。我地叫咗安格斯牛小排套餐($158)。套餐包括180克安格斯牛小排，牛尾湯，胡麻沙律，葡式咖喱汁。本身個餐仲包咗一碗白飯，但我就加咗$6將白飯轉做米芝蓮蝦籽撈粗。另外再加$24加配咗個炸雲吞同埋檸檬黑桑葚花茶。跟住我哋再單點咗一個玫瑰桂圓花茶tim.炸雲吞有四隻，係一口雲吞嘅size，入邊有蝦同豬肉。蝦肉爽口彈牙。蝦同豬肉都有鮮味，雲吞皮炸得脆卜卜。安格斯牛小排係已經燒好咁上枱。牛小排燒得帶點焦香。牛味濃郁。跟餐有燒汁同葡式咖喱汁，客人可以根據自己嘅喜好拌以牛小排一齊食。我自己就鍾意葡式咖喱汁，味道香濃，而且出面比較少見。沙律菜新鮮爽脆，配上胡麻醬，感覺清新，減少油膩感。米芝蓮蝦籽撈粗果然名不虛傳！係撈咗豬油嘅粗麵上面再灑上大量蝦籽，咬落每一啖都充滿濃濃嘅香味。粗麵亦冇鹼水味，軟硬度適中。檸檬黑桑葚花茶同埋玫瑰桂圓茶都帶有淡淡嘅果香，係養生之選。總括嚟講，呢間係一間比較新式嘅雲吞麵店，滿足到老一輩嘅同時亦都好岩我哋年青人口味。#香港美食 #香港探店 #香港必食餐厅 #梁庆记 #澳门梁庆记 #北角美食 #手工竹升面 #米芝莲推介

梁慶記 地址: 北角炮台山電氣道233號城市花園3座地下4號舖米芝蓮有個必比登推介，目的是以一個大眾化價錢，食到有水準美食的推薦榜。有人說是魔鬼之吻，上榜會比業主加租，或是一下子一堆人湧去食，影響服務及水準。$63 雞扒雲吞撈麵，這次來到梁慶記說是食蝦籽撈麵為主要目的。全蛋麵做撈麵，大方灑上超多蝦籽，食落卡卡爽口同有股鹹香味。$43 葡式豬扒包次次過澳門玩斬會食，人多排成個鐘，叫個回味一下。豬仔包香脆，豬扒入味軟腍加埋洋蔥，簡單美味。跟樽葡式焦糖咖啡$59 牛肉蛋蓋飯，美味滑蛋，熱乎乎米飯上淋上甜醬油，簡單好食！人均$80-$90就食到米芝蓮推薦，真是好味用心做，自然會吸引到人來光顧，晚上要排隊堅好食😋唔洗坐船過澳門，去北角食到#梁慶記 #澳門梁慶記 #北角美食 #手工竹昇麵 #米芝蓮推介 #蝦籽撈麵

復活節假期很多人都去旅行，但我和朋友選擇留在香港，去吃這家澳門過江龍，偽裝一下去了外地。🦐各式蝦籽撈麵自選1款配料，雙拼加$10我們選了豬頸肉、辣金錢肚，麵條選了幼麵，豬頸肉爽口，金錢肚彈牙、微辣，麵條用的是竹昇麵，口感彈牙，沒有鹼水味，將蝦籽、秘製醬汁與麵條充份混合，口感濃郁香滑。🐷招牌澳門豬扒包包身選了脆一點，要求切開2份，豬扒醃的很入味，洋蔥香甜，包真的很脆，好像吃薯片一樣，很久沒吃到這麼有水準的豬扒包，另外配有手套，很細心，不怕弄髒手。🐖葡式蓋仔豬扒飯豬扒份量很多，完全看不到底下的飯和蛋，豬扒炸的很香酥，不油，肉還是嫩嫩的，旁邊附2種醬料，個人喜歡配咖哩醬，豬扒下面是2顆太陽蛋，但也可以選炒蛋，弄破蛋液，與白飯混合一起吃，口感濕潤，別有一番風味。🎈後記：用QR code自助下單，沒有加一服務費。每桌都有酸蘿蔔，想吃多少都可以。

梁慶記是澳門梁慶記米芝蓮食店，為顧客帶來傳統與創新相結合的菜品。一直好想試，今晚去開呢度，所以好機會。3月14號晚市餐廳嘅女職員好好人，好好服務介紹餐牌，同教我地點食個葡式葐仔豬扒飯，有次序的，同配上兩個特製醬汁（豬扒汁同咖喱汁），鮮嫩多汁的豬扒覆蓋在香噴噴的米飯上，外層微焦而內裡保持著肉質的柔軟，非常值得一試；特色餐廳招牌主打蝦籽撈麵，所以叫咗個安格斯溫泉蛋蝦籽撈麵，麵條用的是傳統竹升面，口感彈牙，安格斯牛肉的口感恰到好處，鮮嫩的溫泉蛋讓這道主食味道更鮮美；小食，酸辣墨魚餅，墨魚餅濃濃的海鮮味道，輔以酸辣調料，讓人一口接一口，是和朋友分享的絕佳選擇；濠江炸雲吞，雲吞外皮炸至金黃酥脆，內藏鮮美肉餡，與雲吞內部的肉餡鮮嫩形成鮮明對比，一口一個十分滿足；飲品葡式奶茶，濃濃的係錫蘭茶葉味，介於傳統英式奶茶和香港奶茶之間，適合喜歡嘗試新口味的食客；檸檬黑桑葚花茶，這款花茶結合了檸檬的清新和黑桑葚的甜美，混合了花茶的香氣，喝起來既清爽又養生，特別適合餐後解膩。

朋友帶我去吃來自澳門🇲🇴的百年字號籽撈麵連續四年榮獲澳門米芝蓮街頭美食推介 -既《梁慶記》餐廳環境好舒適 價錢也很合理👍⋆_ᴛᴏᴛᴀʟ ᴏʀᴅᴇʀ__ ⋆🍝 各式蝦籽拼麵（雞扒）蝦籽麵是梁慶記的招牌菜式之一餐廳提供多款主菜配搭選擇了雞扒 澳門魚蛋滿滿的蝦籽 撒在麵上🦐味道豐富濃郁配傳統澳門手打竹昇麵 彈牙帶蛋味雞扒份量多 且肉嫩多汁魚蛋大粒彈牙 不錯！🥘葡式蓋仔豬扒飯豬扒飯以金黃色的炸豬扒鋪面炸豬扒尺寸很大 要另一個碗蓋承托炸粉夠薄 豬扒不會太乾中間有2片半生熟的荷包蛋底層是白飯要先將豬扒移到預先準備的碗蓋再撈蛋黃汁 每粒飯均勻沾上配秘制醬油+ 葡式醬🍥酸辣墨魚餅炸到金黃色墨魚餅 很彈牙 蘸酸辣汁 惹味👍🏻☕️飲品葡式奶茶樽裝 奶味香濃 胎菊石蜂糖花茶 即沖即焗 降火一流🧊提1提每桌都有一罐特製的酸甜蘿蔔酸甜度合適 解油膩一流邊吃麵 吃肉 再配酸甜蘿蔔 特別開胃

前排同朋友去澳門自由行, 錯過了澳門老店---梁慶記, 從網上一search, 原來呢間老店係北角城市花園都開咗分店, 唔洗去到澳門咁遠, 今晚放工即同同事去食返餐。餐廳裝修簡約, 自行scan QR code落單, 全日無加一服務費。多款主食供應, +$24仲可以升級套餐, 追加指定小食同埋飲品。去澳門其中必食一定係豬扒包, 簡單一個包都可以有自選項, 例如個包可以要求脆度、洋蔥份量。【招牌澳門豬扒包】HK$43豬扒包即叫即整, 個包剛剛焗起熱辣辣, 我揀咗超脆, 果然焗出黎個皮都係超脆卜卜, 而且仲好有炭香味, 夾住了豬扒, keep到些少肉汁, 配有索了鹹甜洋蔥汁嘅洋蔥絲, 美味又有肉香, 正!+HK$24(跟餐價)【濠江炸雲吞】(細份)   雲吞細細粒, size正好一啖一件, 炸皮有油光, 脆口, 入面蝦肉餡料幾鮮。另外追加咗支澳門奶茶,細細樽, 奶同茶比較平均, 口感好滑。【葡式蓋仔豬扒飯】HK$65大大件豬扒切件, 將整個飯完全覆蓋, 不過豬扒炸皮唔算香脆, 肉質偏林, 豬扒同飯之間有兩隻太陽蛋, 篤穿流出蛋黃汁, 飯底加了些少豉油, 撈埋雞汁食, 啖啖濕潤; 葡汁額外上